مېيىپ قىز

tang-xamili

	ئەسسالامۇئەلەيكۇم، مىسرانىم مۇنبىرىدىكى ئېسىل ئاڭلىرى بىلەن دۇردانە سۆزلىرىنى مۇنبەرگە يوللاۋاتقان ئاكا-ھەدە، ئىنى سىڭىللار: جەمئىيەتتە نۇرغۇنلىغان جىسمى ساغلام كىشىلىرىمىزنىڭ روھى ساغلام بولمىغان ھالدا قىلىۋاتقان ئۆزىگە، ئۆزگىگە زىيان يەتكۈزىدىغان قىلمىشىلىرىنى سۆكۈپ كېلىۋاتىمىز. شۇنىڭ بىلەن بىرگە گەرچە جىسمىدا كەمتۈكلۈك بولسىمۇ ، لېكىن ئېسىل روھى، ئۈمىدۋار ئىرادىسى، ئېسىل ئادىمىيلىكى بىلەن ياشاۋاتقان ئاجىزلىرىمىزنىمۇ مەدىھىيلەپ كېلىۋاتىمىز ھەم كۆرىۋاتىمىز. ئەنە شۇنداق جىسمى مېيىپ، روھى ساغلام كىشىلىرىمىزمۇ ھەقىقى مېھىر-مۇھەببەتكە، چۈشىنىشكە، كۆڭۈل بۆلۈشكە ۋە سۆيۈلۈشكە تېگىشىلىك. چىن مۇھەببەت دۆلەت، مىللەت، ئېرىق ئايرىمايدۇ دەيدىكەن مۇھەببەت پىشۋالىرى. مەن بۇ ناخشىدىكى بايان قىلىنغان ۋەقەلىكنى كۆرۈپ، ناخشىدىكى ئاشىق-مەشۇقلارغا ئىنتايىن زوقىم كەلدى. يىگىتكە بولسا چەكسىز ھۆرمەتتە قارىدىم. شۇڭا ، مۇنبەردىكى بارلىق دوستلار بىلەن بۇ فىلىمدىن تەڭ بەھرى ئالغاچ، ئەتراپىمىزدىكى مېھىر-مۇھەببەتكە مۇھتاج كىشىلىرىمىزنى ئەسلەپ قويۇشىمىزنى تەۋسىيە قىلىمەن.  دۇنيا ، مېھىر - مۇھەببەت بىلەن گۈزەلدۇر! چىغىر يولدا ئاۋايلاپ ئاستا ، بىر مېيىپ قىز كېلىدۇ غەمكىن . ئېغىر روھى بېسىم ئاستىدا ، بىلى ئۇنىڭ تاپالماس تەسكىن . بىر جۈپ قونچاق كۆزلىرىدە ياش ، قىسمەتلەردىن تۆرەلگەن سوئال . يېلىنجىغان سۆيگۈسى ئەمما ، قايسى يولدىن ئىزدەيدۇ ۋىسال . ئۈنسىز يىغلار دەرتلىك يۈرىگى ، غەرىق بولۇپ تۈمەن تەشۋىشكە . ئۇمۇ ئىنسان ئۆتمىسۇن تەنھا ، ئۈمىدىنى بۆلەك كەچمىشكە . يىگىت بولساڭ ۋاپا قىل ئاڭلا ، ئاشۇ نازۇك دىلنى ئاياپ قال . شاد ياشاشقا ئۈندىگىن ئۇنى ، مۇھەببەتتىن بېرىپ شېرىن بال . مۇزىكىسى : ئابلەتجان مۇھەممەتنىڭ شىئېرى : خالىدە ئىسرائىلنىڭ مەنبە: تاڭ شامىلى ،    56 تورى

Eltekin

	بۇ قىسقا فىلىمدە(ناخشىدا) گەرچە ئاددىيلا بىر ۋەقەلىك بايان قىلىنغان بولسىمۇ، لېكىن، كىشىنى تەسىرلەندۈرىدىغىنى، جەمئىيىتىمىزدە، ھەتتا تور دۇنياسىدا دائىم سۆكىلىۋاتقان كىشىلەردىكى مېھىر - مۇھەببەت ، ۋاپانىڭ قالمىغانلىقىدەك ئىللەتلىرىمىزنىڭ مەۋجۇد بولۇپ تۇرىشى بىلەن تەڭ ئېسىل ئەخلاق، ئادىمىيىلىككە ئىگە كىشىلىرىمىزنىڭمۇ كۆپ ئىكەنلىكىدىن، مەدىھىيلەشكە تېگىشلىك نۇرغۇن ئېسىل تەرەپلىرىمىزنىڭ بارلىقىنى بىلگىلى بولىدۇ.     باشقىنى ئويلىمىساقمۇ، بەش ئەزايىمىز ساق بولغان ھەر قايسىمىزنىڭ ، ئۆزىمىز قىلىۋاتقان ئىشلار، دەۋاتقان سۆزلىرىمىزدىكى ناچارلىق، كۇپۇرلۇقلارنى ئويلىنىپ، ھازىرىمىزغا شۈكرى قىلىپ، قولىمىزدىن كېلىشىچە ياخشى "تىنىق"لار بىلەن ياشايلى !     گېپىمىزنىڭ قۇرۇق شوئار بولۇپ قالماسلىقى ئۈچۈن، ھىچ بولمىغاندا مۇنبەردە بولىسمۇ ھەر بىر سۆز ھەرىكىتىمىزدە ئويلىشىپ، ياخشى تەرەپنى ئويلاپ قىلىشايلى! بىر - بىرىمىزنى توغرا چۈشىنەيلى ! يول قويىشايلى !    تېما ئىگىسى دېگەندەك،  دۇنيا مېھىر-مۇھەببەت بىلەن گۈزەل، جۈملىدىن مۇنبەرمۇ ھەم . تېما ئىگىسىنىڭ ئەجرىگە كۆپ رەھمەت ! ئاللاھ ، سىزگە ئاسانلىق بەرسۇن، تېنىڭىز سالامەت ، كۈنلىرىڭىز بەختلىك بولسۇن !

OZTURK02

	ۋەئەلەيكۇم ئەسسالام ، مىھىر- مۇھەببەت چەكسىزدۇر . دۇنيادا  مىھىر -مۇھەببەت ئارقىلىق  كىشلەر ئىللىقلىق ھىس قىلالايدۇ .

azizgul

	ئەسسالامۇ  -  ئەلەيكۇم  ،   شۇ  جىسمانىيى جەھەتتىكى ئاجىز مىيىپ  قېرىنداشلىرىمىزغا مىھىر - مۇھەببەت يەتكۈزەيلى !

xahseyatqe

	مەن بۇفىلىمنى كۆرۇپ ئىنتايىن تەسىر لەندىم ھەم بەكلا ئويغا چۆكتۇم رەخمەت سىزگە

bodak010

	ياراتقان ئاللاھ ھەممىمىزنى سالامەت قىلغاي ، بۇ يىگىت ھەقىقەتەن ۋاپادار ئىكەن ، ھەممىمىزمۇ مۇشۇ يىگىتتەك بۇلايلى . [s:179]

0998.erpane

	دۇنيا مىھىر-مۇھەببەت بىلەن گۈزەل   بۇ تىما مىسېرانىمنىڭ مۇنبەر تىمىسى بولۇپ قالسۇن.

yvgan

	ئەسسالامۇ ئەلەيكۇم ئەزىز قېرىنداش، يوللانمىڭىزغا كۆپ تەشەككۇر!..