ھەر كىم قىلسا ئۆزىگە قىلىدۇ ( چۆچەك)

kixlak

	ھەر كىم قىلسا ئۆزىگە قىلىدۇ بۇرۇننىڭ بۇرۇنىسىدا، بىپايان زىمىننىڭ ئۇ يىردىمۇ ئەمەس، بۇ يىردىمۇ ئەمەس دەل ئوتتۇرىسىدا تۆت ئەتىراپى بۈك- باراقسان ئورمان ۋە ياپيېشىل ئوت- چۆپلەر بىلەن پۈركەنگەن بىر مەملىكەتتە بىر توپ ھايۋانلار شىر پادىشاھنىڭ باشقۇرۇشى ئاستىدا، خوشال- خورام، باياشاتچىلىق ئىچىدە ياشايدىكەن. يولۋاس ئوڭ قول ۋەزىر، بۆرە سول قول ۋەزىر، تۈلكە پايلاقچى، مايمۇن چېقىمچى، ئېيىق لەشكەر بېشى ئىكەن. يۇمران دەرەخ شاخلىرى ۋە ئوت- چۆپلەر ئوتخۇر ھايۋانلارنىڭ ئەڭ ياخشى ئوزۇقى ئىكەن. ئوتخۇر ھايۋانلارنىڭ ئىسسىق قېنى ۋە تەملىك گۆشى گۆشخۇر ھايۋانلارنىڭ ئەڭ ياخشى ئوزۇقى ئىكەن. ئوتخۇر ھايۋانلار بىلەن گۆشخۇر ھايۋانلار قارشىلىقسىز ھالدا ئۆم- ئىناق ئۆتىدىكەن. پادىشاھمۇ خاتىرجەم تەختتە ئولتۇرۇپ، يۇرت سورايدىكەن. پادىشاھنىڭ ئالدىدىن ئوزۇق زىنھار كەم بولمايدىكەن. يولۋاس ۋە بۆرە پادىشاھدىن ئاشقىنىنى يەيدىكەن. تۈلكە تاپالىسا يەيدىكەن بولمىسا، ئوردا ئالدىدا قۇيرۇق شىپاڭشىتىپ ئولتۇرىدىكەن. ئېيىق ئۆزى خالىخانچە يەيدىكەن. نەچچە يىللار باياشاتچىلىق ۋە توقلۇق ئىچىدە ئۆتۈپتۇ. بىرەر ۋابا ياكى بىرەر ئورۇش - تالاش بولماپتۇ. بېشىغا بىرەر بالايى- ئاپەت كەلمەي، تىنچ ، خاتىرجەم ياشاۋاتقان خەلق  ئۆزىنىڭ كۆڭۈللۈك تۇرمۇشىدىن تولىمۇ رازى ئىكەن. كۈنلەر شۇ تەرىقىدە داۋاملىشىپتۇ، داۋاملىشىپتۇ. ئوردا ئەمەلدارلىرى يەپ- يېتىۋىرىپ زىرىكىشكە باشلاپتۇ. پادىشاھمۇ كۆڭۈل ئېچىپ، ئۆز كۆڭلىنى خوش ئىتىشنى ئويلاپتۇ. لىكىن، كۆڭلىدىكىنى  قول ئاستىدىكىلەرگە قانداق بىلدۈرۈشنى بىلمەپتۇ. سەزگۈر ھەم ھۇشيار سول قول ۋەزىر پادىشاھنىڭ كۆڭلىدىكىنى بىلىپ قاپتۇ. سول قول ۋەزىرنىڭ ئورۇنلاشتۇرۇشى، پايلاقچىنىڭ تېپىپ ئەكىلىشى بىلەن پادىشاھ ئەيشى - ئىشرەت، كەيپى - ساپاغا بىرىلىپتۇ. سول قول ۋەزىرنىڭ ئۆزى ئۈچۈن قىلغان ئىشىدىن مەمنۇن بولۇپ، ئۇنى تارتۇقلاپتۇ. شۇندىن كىين سول قول ۋەزىر پادىشاھنىڭ ئىشەنچىسىگە ئىرىشىپ، پادىشاھنىڭ ئەڭ يېقىن ئادىمى بولۇپ قاپتۇ. پادىشاھ ئوردىغا چىقماي، كۈنلىرىنى ھەرەمخاندىلا ئۆتكۈزدىغان ، ئوردا ئىشلىرىنىمۇ شۇ يەردىلا بېجىرىدىغان ياكى بولمىسا سول قول ۋەزىرنىڭ بىر تەرەپ قىلىشىغا تاپشۇرىدىغان بولۇپتۇ. سول قول ۋەزىر ۋە پايلاقچى بۇنىڭىدىن ناھايتى ئۈنۈملۈك پايدىلىنىپتۇ. پادىشاھنىڭ بۇيرۇقى دىگەننى دەستەك قىلىپ، كىچىكىنە مەنسىپى بارلىكى ئەمەلدارلار  يۇرت خەلىقنى خالىخانچە ئاياق- ئاستى قىلىپتۇ. ئوردا ئىچى ۋە سىرتىدا بولىۋاتقان ئىشلاردىن كۆڭلى قاتتىق ئاغىرغان ئوڭ قول ۋەزىر بولىۋاتقان ئىشلاردىن پادىشاھنى خەۋەردار قىلىش ئۈچۈن، مەلۇمات يوللاپتۇ. مەلۇماتلار پادىشاھنىڭ قولىغا بارماي، سول قول ۋەزىر تەرپىدىن  باستۇرلۇپ قۇيۇلۇپتۇ. مەلۇمات توختىماي يوللىنىپتۇ، يوللانغان مەلۇماتلار جاۋابسىز قېلىۋىرىپتۇ. يۇرتتا خاتىرجەملىك بوزۇلۇپ، خەلقنىڭ تۇرمۇش كەچۈرمىكى تەسلىشىپتۇ. بۇنىڭغا چىداپ تۇرالمىغان خەلق ئۆز ئىچىدىن ئابرويلۇق كىشلەرنى ئەلچى قىلىپ ئوردىغا كىرگۈزۈپتۇ. لىكىن، پادىشاھنىڭ قوبۇل قىلىشغا نائىل بولالماپتۇ. خەلق دەردىنى ئىچىگە يۈتۈپ ئۆتۈپتۇ. ئوڭ قول ۋەزىر قاتتىق ئىزتىراپ چىكىپ، ئاچچىقتىن ئورۇن تۇتۇپ يېتىپ قاپتۇ. ئوت- چۆپلەر تۈگەپ، دەل- دەرەخلەر قۇرۇشقا باشلاپتۇ. ئوتخۇر ھايۋانلار كۈندىن- كۈنگە ئورۇقلاپ كىتىپتۇ. ئۇلارنىڭ كۆپىيىش سۈرئىتىمۇ ئازلاپ بېرىپتۇ. گۆشخۇر ھايۋانلارنىڭ ئوزۇقى كەمچىل بولغاچقا، ئورنىدىن تۇرالمايدىغان بولۇپ قاپتۇ. يۇرت يوقىلىش گىردابىغا بېرىپ قاپتۇ. خەلىقنىڭ ئاھۇ- زارى كۈنسىرى كۈچىيىپتۇ. ئوڭ قول ۋەزىر ۋە لەشكەر بېشى يۇرت چوڭلىرى بىلەن مەسلىھەتلىشىپ، پادىشاھغا يەنە بىر قېتىم شۇنداقلا ئەڭ ئاخرقى قېتىم مەلۇمات يوللاپتۇ. پادىشاھنىڭ جاۋابىنى كۈتۈپتۇ، كۈتۈپتۇ. مەلۇمات يەنىلا جاۋابسىز قېلىپتۇ. ئوڭ قول ۋەزىر قۇبۇلخانىسدا، بىر قىسىم ئەمەلدارلار ۋە يۇرت چوڭلىرىنى يىغىپ نۆۋەتتىكى ئىشلارنى ئوڭشاش ئۈچۈن، كېڭەش يىغىنى ئېچىپتۇ. ھەممە بىردەك ئوردا ئىچىنى ئوڭشاپ، تەرتىپكە سېلىشتىن ئىبارەت قاراىشىنى ماقۇللاپتۇ. ئەتىراپلىق ئورۇنلاشتۇرۇش ئارقىلىق، خىللانغان قۇشۇن ئوردا ئىچىگە باستۇرۇپ كىرىپتۇ. ھەرەمخانىنى تىرە- پىرەن قىلىپ، پادىشاھنى رېجىم ئاستىغا ئېلىپ، رىياكار سول قول ۋەزىر ۋە پايلاقچى ھەم بۇلارغا ئەگەشكۈچىلەرنىڭ كاللىسى ئېلىپتۇ. پادىشاھ ئۇزۇن مەزگىل ئەيشى- ئىشرەت، كەيپى- ساپا ئىچىدە كۈن ئۆتكۈزگەچكە، ھالى خارابلىشىپ، نىمجان بولۇپ قاپتۇ. ئەمچىلەرنىڭ كۆڭۈل قۇيۇپ داۋالىشىمۇ ئۈنۈم بەرمەپتۇ. ئاخىر جېنى تەندىن ۋاقتسىز چىقىپ، روھى ئۇ دۇنياغا سەپەر قىلىپتۇ.  تەخىت بوش قاپتۇ. خەلق بىردەك ئوڭ قول ۋەزىرنى تەخىتتە ئولتۇرۇشقا ئەڭ مۇۋاپىق دەپ قاراپتۇ. ئوڭ قول ۋەزىر خەلقنىڭ قوللىشى بىلەن پادىشاھلىق تەختىگە ئولتۇرۇپتۇ.ئوردا ئەمەلدارلىرىنى قايتىدىن تەيىنلەپتۇ.  ئوڭ قول ۋەزىر پادىشاھ بولغاننىڭ ئەتىسى پۈتۈن يۇرتقا پەرمان چىقىرىپتۇ. جاكارچى يولمۇ - يول يۈرۈپ، پادىشاھنىڭ پەرمانىنى يۇرت خەلقىگە يەتكۈزۈپتۇ.   ئاڭلىمىدىم دېمەڭلار پادىشاھىيىمىز شۇنى دەيدۇلەركى: بۈگۈندىن باشلاپ ھەر قانداق بىر گۆشخۇر ھايۋانلارنىڭ خالىخانچە ئوۋ ئوۋلىشىغا رۇخسەت قىلىنمايدۇ. ئوتخۇر ھايۋانلارنىڭمۇ خالىخانچە ئوت- چۆپلەرنى ۋە دەل- دەرەخلەرنى يىيىشىگە بولمايدۇ. ئوزۇقلارنى ئوردا بىر تۇتاش تارقىتىدۇ. پۈتۈن يۇرت خەلىقى ئەتىدىن باشلاپ يۇرتنى تۈزەش، ئوڭشاش ھەركىتىگە قاتنىشىدۇ. كىمكى پەرمانغا خىلاپلق قىلسا كاللىسى ئېلىنىدۇ. پادىشاھ ئۆزى باشلامچى بولۇپ، بۇ قېتىملىق ھەركەتكە قاتنىشىپتۇ. ئوت- چۆپلەر تېرىلىپتۇ. دەل- دەرەخلەر تىكىلىپتۇ. ئېرىق- ئۆستەڭلەر رىمنۇت قىلىنىپتۇ. بۇ جەرياندا ھايۋانلارنىڭ ئايىقى ئىتتىكلەپ، چاققان ، چىۋەر بولۇپ كىتىپتۇ. مۇسكۇللىرى تەرەققى قىلىپتۇ. يۇرت تۈزەش ئىشلىرى شۇنچىلىك ئۇزاق داۋاملشىپتۇ، بىرمۇ پۇقرا پەرمانغا خىلاپلىق قىلماپتۇ. يۇرت بۇرۇنقىدىنمۇ بەك يېشىللىقا پۈركىنىپتۇ. پادىشاھ يەنە پەرمان چۈشۈرۈپتۇ. جاكارچىلار يول بويلاپ، پەرمان يەتكۈزۈپتۇ. ئاڭلىمىدىم دېمەڭلار، بۇندىن كىيىن ھەر قانداق بىر گۆشخۇر ھايۋان ئوتخۇر ھايۋاننى ئۆزى ئەجىر قىلىپ يەيدۇ. قوغلاپ تۇتالىسا يەيدۇ. ھەركىم ئۆز رىزقىنى يەيدۇ. ھەر كىمنىڭ پەرمانغا خىلاپلىق قىلىشىغا بولمايدۇ.  شۇندىن كىيىن گۆشخۇر ھايۋانلار ئوتخۇر ھايۋانلارنى قوغلاپ تۇتالىسا يەيدىغان بولمىسا، پەيىت كۈتۈپ ياتىدىغان بوپتۇ. يولۋاس تەخىتكە چىققاندىن كىيىن، يۇرت خەلىقى خاتىرجەملىك ۋە خوشال - خوراملىق ئىچىدە كۈن كەچۈرۈپتۇ. مەنبە: ئۆز قەلىمىم

BABY

	ئۇزۇن بوپتىكەن چۆچەك ئوقىمىغىلى ...  [s:160]  [s:160]

xiren0997

	تېمىڭىزغا تەشەككۈر،ناھايتى ياخشى چۆچەككەن بۇ.

图玛热斯

	قولڭىزغا دەت كەلمىسۇن !!   ياخشى يېزىپسىز  [s:154]  [s:154]  [s:154]  [s:154]

dengizkizi

	گۆشخور ھايۋانلار ئوتخور ھايۋانلارنى تۇتالىسا يەيدۇ، دەپ پەرمان چىقىرىشتىن بۇرۇن ئوتخور ھايۋانلار گۆشخور ھايۋانلارنىڭ ئالدىغا مىنى يە دەپ ئۆزى كېلەتتىمكەن؟..... [s:159]

yalpuz0997

	شۇ ناملىق چۆچەكنىڭ يەنە بىر خىل ۋاريانتى ئىكەندە؟ خېلى ئەجىر قىپسىز.خەلىق ئېغىز ئەدەبىياتىنىڭ تۈرلۈك ژانىرلىرنى قۇتقۇزۇش ئۈچۈن كۈچ سەرىپ قىلىش ،بىر خىل ئەھمىيەتلىك ئەمگەك.

QIQAK0903

	ھەر كىم قىلار ئۆزىگە ، توپا تىقار كۆزىگە .      ئىبرەتلىك چۆچەككەن .

NADERJAN

	شۇنىڭدىن كىيىن يولۋاسنىڭ بىشىغا 王خېتى ئورنىتىلىپتۇ دەپ قويماي  ئاخىرىغا ....ياخشى يېزىلىپتۇ، يامان يولۋاس يولدا يېتىپ شىرغا يول بەرمەس  دىگەن مىسرالارنى ئىسىمگە سېلىپ قويدى ~!

502huxhui

	ھەر قانداق بىر چۆچەك ئاڭلىسام ئوڭ قول ۋەزىر ياخشى سول قول ۋەزىر ئەسكى چىقىدىكەن . كىچىكىمدىن تا ھازىر غىچە شۇنداق .              تىمىڭىزغا رەھمەت

BULAK118

	ھەركىم ئۆزى كولىغان ئورىغا ئۆزى چۈشەر

man.1

	مېنېڭ  ېنكاس  قايتۇرغۇم  كەلمېدې   ،توۋا  ەر  كېشېمۇ  كەشكېچە  كوزېنېڭ   يۇندېسېنې   اقۇزېدېكەن  دېسە.ھەر  بېر  قەدەمنې   ويلۇشۇپ  باسمېسا،اشۇنداق،كېشېلەر  تەرېپېدېن  غۇرۇرې  دەپسەندە   بولېدېغان گەپ،

ELyar719

	تەربىيۋى ئەھمىيىتى چوڭقۇر كەن.

1305525824