ئالتە مەشھۇر ئۇيغۇر ئايال

sultan

	ئۇيغۇرلار تارىخىدىكى6مەشھۇر ئايال 1.ئاماننىساخان- (1533-1567) مەشھۇر مۇقامشۇناس، شائىرە ، خانىش ئاماننىساخان سەئىدىيە خانلىقى ئوردىسىدا پادىشاھ ئابدۇرىشىتخاننىڭ شارائىت يارىتىپ بېرىشى، قوللاپ قۇۋۋەتلىشى بىلەن ئون يىلدىن ئارتۇق ۋاقىت سەرپ قىلىپ ،مۇقاملارنى قېلىپلاشتۇرۇش ئۈچۈن ئەجىر سىڭدۈردى. ئۇ ناھايىتى قىسقا ئۆمۇر كۆرگەن بولسىمۇ ، ئەمما ئۇيغۇر سەنئىتىنىڭ ، مەدەنىيىتىنىڭ گۈللىنىش ئۈچۈن قىلغان ئۆچمەس ئىش-ئىزلىرى ئۇيغۇر خەلقى ئېغىزىدا ۋە تارىخلاردا داستان بولۇپ داۋاملىق يادلانغۇسى. 2.ئىپارخان - (1733-1788) ئۆز ۋاقتىدىكى ئۇيغۇر قىزلىرىنىڭ گۈلى بولغان ئىپارخان چىڭ سۇلالىسى خانى چيەنلۇڭ خان تەرىپىدىن ئوردىغا ئېلىپ كېلىنگەن بولۇپ، چيەنلۈڭ خان ئۇنىڭغا ئاتاپ مەخسۇس ئۇيغۇرچە بارغ، قەسىر، مەھەللە بىنا قىلىپ بەرگەن بولسىمۇ ، ئەمما ئىپارخان بۇنداق ئالىي ھىممەتلەرنى ئانا يۇرتىغا بولغان مۇھاببەت ئالدىدا بىر تىيىنگە تەڭ قىلمىغان. ئۇ چيەن لۈڭ خاننىڭ ئۆزىگە يېقىنلىشىشىنى قەتئىي رەت قىلىپ ئۆز يۇرتىغا قايتىپ كېلەلمەي ئالەمدىن ئۆتكەن. 3.ئايخان ئانا- ( 1888-1942) 1933-1934-يىللىرى ئۆزى مەبلەغ چىقىرىپ غۇلجا شەھرىدە مەخسۇس يېتىم بالىلار ئۈچۈن " غۇلجا خەيرىيە مەكتىپى " سالغان. كېيىنچە بۈ مەكتەپ " ئايخان مەكتىپى " دەپ ئاتالغان. بۇ مەكتەپنىڭ تەسىرى ئىلى تەۋەسىدە ناھايىتى چوڭ بولغان. بۈ مەكتەپ ئاتمىش يىلغا يېقىن ۋاقىتتىن بېرى ىۆزىنىڭ رولىنى ئۈنۈملۈك جارى قىلدۇرۇپ كەلمەكتە. ئايخان ئانىمۇ ئەۋلادلىرى قەلبىدە چوڭقۇر يادلانماقتا. 4. گۈلەندەم ئاۋۇستەي-(1889-1973) ئۇيغۇر ۋە باشقا ئاز سانلىق مىللەتلەر يېڭى مائارىپىنىڭ ئايال مەنىۋى ئىنژېنېرى دەپ نام ئالغان گۈلەندەم ئاۋۇستەي ئىسمى-جىسىمىغا لايىق ھەقىقىي مەرىپەت باغۋىنى ئىدى. ئۇ ئۇيغۇر مائارىپى ئۈچۈن پۈتۈن ھاياتىنى بېغىشلاپ، بۇ يولدا ئۆچمەس سەھىپە ياراتقان. شۇڭا ئۇ ئۇيغۇر يېڭى مائارىپىنىڭ " سۆيۈملۈك ئانىسى" دەپ تىلغا ئېلىنىشقا ئەرزىيدۇ ھەمدە خەلقىمىز قەلبىدە ئۇنىڭ ئوبرازى مەڭگۈ پارلاق نۇر چاچىدۇ. 5.نىساخان-(1903-1987) ئون ياشقا كىرگەندە دادىسىدىن ئايرىلىپ قالغان نىساخان ئانىسىغا ئەگىشىپ سەرگەردانلىق ھاياتىنى باشلىغان. ئانىسى بىلەن دۇتتار ، تەمبۇر چېلىپ " كاككۇك ناخشىسى " ، " يۈرىكىم چاك -چاك بولدى" دېگەن ناخشىلارنى خەلىق ئىچىگە تارقاتقان. ئۇ يەنە " جوزا ئۇسۇلى " بىلەن داڭ قازانغان. 200يىللىق ئەنئىەنىگە ئىگە بولغان " مەرەمخان " داستانى ئۇنىڭ دۇتارىدا تېخىمۇ كامالەتكە يەتكەن. تونۇلغان غەزەلخان ،خەلق سەنئىەتكارى نىساخان سەنئىەت ئۈچۈن بىر ئۆمۈر يۈرەك قېىنىنى سەرپ قىلغان. 6.رىزۋانگۈل- (1925-1945) ئۇيغۇر خەلقىنىڭ قەھرىمان قىزى، شەپقەت ھەمشىرىسى رىزۋانگۈل قازاقسىتاننىڭ ئالمائاتا ئوبلاستى چېلەك رايونىدا تۇغۇلغان. 1932-يىلى غۇلجىغا كۆچۈپ كەلگەندىن كېيىن، ئىلغار ئىدىيىدىكىلەرنىڭ تەسىرىدە ئۈچ ۋىلايەت ئىنقىلابىغا قاتنىشىپ، كۆپلىگەن كوماندىر-جەڭچىلەرنى قۇتقۇزغان. 1945-يىلى 1-ئاينىڭ 13-كۈنى بولغان ھەرەمباغ ئۇرۇشىدا يامغۇردەك چۈشۈۋاتقان ئوقلار ئارىسىدا يارىدار جەڭچىلەرنى قۇتقۇزۇۋاتقاندا بېشىغا ئوق تېگىپ قەھرىمانلارچە قۇربان بولغان.مەنبە: مىسرانىم مۇنبىرى

bahram

	بۇنداق ئىسىل سۈپەت ئاياللار ھەم ئانىلار داۋاملىق پەيدا بولىۋاتىدۇ ھەم پەزىلىتى خىسلىتى بىلەن ياشىماقتا ...............

hokumran

	ھازىرمۇ رىئال تۇرمۇشتا ياشاۋاتقان نۇرغۇن مەشھۇر ئاياللىرىمىز بار . ئەمما ئۇلارغا ھىچكىم مەشھۇر دىگەن نامنى بەرمىگەن بولسىمۇ .

turalp

	ئانىلار... يۈرىكىنىڭ پارىسى... بالىلار.... يېتىلسە ئەگەر... يېتىلىشىدە... ئۇلۇق ئانىلار روھ كۆزنىكىدە، چىقۇر ئاخىرى، ئەڭ سۈيۈملۈك ، ئىنسانلار، تۈگۈمەس تېخى، چىقۇر ئۇلۇغى، مەڭگۈ ئانىلار........

polatalamdar

	ھاياتلادىن  مەشھۇر ئاياللار خېلى بار.مەن ئۇلارنى ئانامدەك ياخشى كۇرىمەن .

دېھقان

	مەشھۇر ئۇيغۇر قىز-ئاياللىرىنىڭ تارىخىنى كۈرۈپ بەكمۇ تەسىرلەندىم. لېكىن ھازىر{ئۇنداق قىزلارنى چىراق يېقىپمۇ تاپقىلى بولمايدۇ } ئەمەس ھازىرمۇ ئالتۇنغا تەڭداش نى نى ئېسىل سۈپەت قىزلىرىمىز بار ھېلىقى سىلەر تەسۋىرلەپ ئۆتكىنى پەقەت جەمىيەتنىڭ مەلۇم بىر تەرىپى خالاس ئۇنداق دەپلا ھەممىنى ئەسكىگە چىقىرىۋەتسەك كېيىنكى ئۇغۇللىرىمىز بويتاق قالمىسۇن يەنە!

hapilik927

	رەھمەت سىزگە ئۆزىمىزنىڭ مەشھۇر ئانىلىرىنى تونۇتتىڭىز

yawagul

	<جاللات خىنىم>دىگەن تارىخى روماندا ئۇئايالنىڭ سەلبى ئوبرزى يارىتىلغانغۇ دەيمەن؟

DILNAZUK

	ھازىرمۇ بۇنداق قىزلار چىقىۋاتىدۇ ھەم چىقماقتا ،چىراق ياقمىساقمۇ كۆزىمىزنى يوغان ئېچىپ قارىساق ھەر تارىخ بەتلىرىگە پۈتكۈدك باتۇر،ئىپپەتلىك قىزلارنى بايقايمىز، ئۇلارنى ھەممە مىللەتتە بار بولغان ج..لار بىلەن سېلىشتۇرۇپ زامانىمىزئۇيغۇر قىزلىرىنىڭ نامىنى سېسىتشقا بىر كىشلىك ھەسسىىمىزنى قوشمىساقمۇ بولىدۇ.ھېلىمۇ ....... چىڭ سۇلالىسى جوڭگو فىئوداللىق تارىخىدا ئەڭ ئۇزۇن ھۆكۈم سۈرگەن ئەڭ ئاخىرقى سۇلالە،چىيەنلۇڭ بولسا چىڭ سۇلالسى گۈلەنگەن دەۋردىكى (1700-يىللىرى)دىكى پادىشاھ،سشى بولساچىڭ سۇلالىسى زاۋاللىقا يۈزلەنگەن (1900-ئالدى كەينى)دەۋردىكى ئوردا ھوقۇقىنى قولغا ئېلىۋالغان شاھنىڭ خوتۇنى،ئىپارخاننى سشى ئۆلتۈرگەن دېيىش خاتا

SULGANGUL613

	تۇنۇشتۇرغىنىڭىزغا رەھمەت ..