دوختۇرخانا باشلىغىنىڭ تېلېۋىزۇر رېمۇنىت ق

تۇران

	دوختۇرلارنى چۈشىنىدىغانلار راس ئازكەن. دوختۇرخانىدا ئادەتتە بەزى تەكشۈرۈشلەرنى قىلمايمەن دېسە، ئىمزا قويۇپ بەرسىلا تەكشۈرتمىسىمۇ بولىدۇ. (ئۆزىگە بەك ئىشەنگەنلەر)،  خىزمەت ئورنى بارلار قورقماي تەكشۈرتىۋېرىدۇ. خىزمەت ئورنى يوقلار تەكشۈرتكۈسى باريۇ، پۇلغا چىدىمايدۇ. كىممۇ ئۆزىنىڭ بەدىنىدە كېسەل بار يوقلۇقىنى بىلىشنى خالىمايدۇ. تېخى ئۆتكەندە بىرسى «دوختۇرخانىغا يىلدا مانچىلىك ئادەم ئۆلسۈن دەپ بەلگىلەپ بېرىدىكەن ھە» دەيدۇ. قانداق گەپ ئۇ، بىر ئادەم ئۆلسە مىڭ پاتمان باش ئاغرىقى، ئېغىر كېسەللەرنى چىقىرىۋېتىشكە ئالدىرايدۇ تېخى، دوختۇرلۇقنىڭ بېسىمى بەك چوڭ قېرىنداشلار، ئادەم بىلەن ھايۋان ۋە سايمانلار ئوخشىمايدۇ. قىلدىن قىژىق كەتسە، ئۆيىدىكىلەر پىچاق كۆتۈرۈپ كېلىپ چاناۋاتقان...

Ruin

	ۋاي ئەجەپ جاجىسنى يەپتىغۇ ....

j@h@ng!r

	ئۇزىنىڭ ئۇسۇلى بىلەن ئۇزىنى ھەجەپ جايلاپتا

mamatabla

	قىرىنداشلار ئەڭ ياخشىسى مۇشۇ  دوختۇرلارنى ئۇنداق -مۇنداق دەپ ئەيىپلەشتىن ئاۋۋال سىلەرمۇ بىر يىل ئەمەس بىرئايمۇ ئەمەس ئاران بىر ھەپتە دوختۇر -سىستىرا بولۇپ بىقىپ ئاندىن سۆزىلىشىڭلارنى تەۋسىيە قىلىمەن. ئويلاپ بىقىڭ دوختۇر خانىغا سىزنىڭ بىر تۇغقىنىڭىز كىرىپ قالسا دوختۇر تەكشۇرمەي داۋالاپ دىئاگۇنۇز خاتا بوپقالسا سىز ھەرگىز «ماۋۇ دوختۇر تۇققۇنۇمنىڭ پۇلىنى ئاياپتۇ دىمەيسىزغۇ»ھە!  سىز شوپۇر بوپقالسىڭىز يولدا دانلاۋاتقان  بىر توخۇنىڭ چۈجىسىنى باستۇرۇپ ئۆتۇشكە كۆڭلىڭىز قىيامدۇ؟ دوختۇرمۇ ئادەمغۇ!  بەزىلەر پۇل بولمىسا دوختۇرنىڭ كارى يوق دەپ دوختۇردىن ئاغرىنىدۇ ،سىزنىڭچە دوختۇرنىڭ داۋالىغۇسى يوقمىدۇ  ؟ ئاشۇنداق پۇلى يوق كىسەلدىن بىرنى داۋالاپ ساقايىتسىڭىز شۇئۆلمەسنىڭ دورىسىنى  2-3ئاي  قەرىزگە تۆلەيسىز،ئەگەر ئىنسابى بولسا بىرەر يىلدىن كىيىن بىرەر بولمىسا سىسىق گەپ تىل-دەشنام بىرەر تىخى بەزىسى داۋالانغان دوختۇرغا شەپقىتىنى بىلدۇرۇپ دوختۇرخانىنىڭ يوتقان كورپىلىرىنى ئوغۇرلايدىغانلار بار.ئەگەر سىز دوختۇر بولۇپ مۇشۇ ئەھۋاللارغا يولۇقسىڭىز قانداق قىلاتتىڭىز؟ بۇنداق ئىشلارنى دىھقان ياكى ساۋاتسىزلا ئەمەس بەلكى خىلى مەلۇماتلىق كىشىلەردىمۇ  كۆرلىدىكەن

tewelgha

	مەن بۇ تېمىنى تەرجىمە قىلىپ يوللاش ئارقىلىق دوختۇر ،سېستىرالار ناچار كىشىلەر دېمەكچى ئەمەسمەن .ئەكسىنچە ،دەل شۇ كىشىلىرىمىز بولغاچقىلا ئاللا ئاتا قىلغان مۇبارەك تەنلىرىمىز ،تەرەپبال كەلگەن ئاغرىقلاردىن ۋاقتىدا ساقىت بولۇپ ،ئەسلى ھالىتىگە قايتىپ ،ھاياتنىڭ پەيزىنى سۈرىۋاتىمىز .ئەمدى بۇ مەسىلىنى ئوتتۇرىغا قويۇشىمدىن مەخسەت، قانداق قىلغاندا ھازىرقى جەمىيىتىمىزدىكى  داۋالىنىش قىيىن بولۇش(قىيىن بولۇشنىڭ سەۋەبى داۋالىتىشقا قۇربى يەتمەسلىك ) مەسىلىسىنى تۈپتىن ھەل قىلغىلى بولىدۇ ؛قانداق قىلغاندا ھازىر يولغا قويۇلىۋاتقان داۋالىنىش تۈزۈمى ۋە دوختۇرخانىلارنىڭ ئىچكى باشقۇرۇش تۈزۈمىدىكى بەزى نوقسانلارنى تۈزەتكىلى بولىدۇ ؟قانداق قىلغاندا بەزى دوختۇر،سېستىرالارنىڭ  كەسپىي ئەخلاقىدا مەۋجۈت بولۇپ تۇرىۋاتقان نەپسىيانەتچىلىك ،ئاچكۆزلۇك ۋە ھۆكۈمەتنىڭ بەرگەن نىسىۋىسىگە شۇكرى قىلماسلىقتەك نورمال بولمىغان قىلمىشلارنى تۈزەتكىلى بولىدۇ؟ دېگەندەك سۇئاللارغا جاۋاپ ئىزدەش . تورداشلارنىڭ ئىلمىي نوقتىدىن چىقىپ  پىكىر بايان  قىلىشىڭلارنى ئۆتىنىمەن.

jilwinaz

كۈلكەم

wida

	داۋالىنىش قىيىن بولۇش يەنى قىممەت بولۇش مەسلىسىنى ھازىرچە ھەل قىلغىلى بولمايدۇ.يېڭى سەھىيە ئىسلاھاتى يولغا قويۇلا-قويۇلمايلا 医闹 دىگەن زەھەرلىك ئۆسمە پەيدا بولۇپ بۇ سېستىمىنى قالايمىقان قىلىۋەتتى. 医闹نىڭ تېخى ئۆلچەملىك ئۇيغۇرچە ئاتالغۇسى بولمىغاچقا مۇشۇنداقلا ئاتاي. كەينى-كەينىدىن چىقىرىلغان قانۇنلار مۇشۇ ساھەدىكىلەرنىڭ ئەسلىدىمۇ خېلىلا ئېغىر بولغان خىزمەت بېسىمىنى ئېغىرلاشتۇرۋەتتى. بۇرۇن زۇكام بولۇپ قالسىڭىز،تەكشۈرۈش قىلمايلا زۇكام بولۇپ قاپسىز دەپ دورىلا يېزىپ بېرەتتى.ھازىر بېرىپ قىزىدىم دېسىڭىز قىزىتمىغا مۇناسىۋەتلىك قان تەكشۈرۈشلەردىن بىر يۈرۈش يېزىپ بېرىدۇ.بېشىم ئاغرىدى دېسىڭىز بېشىڭىزنى س ت دا تەكشۈرۈش قەغىزى يېزىپ بېرىشى مۈمكىن.يۆتىلىمەن دېسىڭىز رېنتىگىن تەكشۈرۈشى يېزىپ بېرىدۇ.سىزنىڭ ئۆپكە ياللۇغى،تىبىركىلوز،بەزى يۇقۇملۇق كېسەللىكلەر دىگەندەك بىر قاتار كۆپ ئۇچرايدىغان كېسەللىكلەرنىڭ يوقلىقىنى جەزىملەشتۈرگەندىن كېيىن سىزگە زۇكام دەپ دىئاگىنور قويىدۇ ۋە نەچچە يۈەنلىك دورا يېزىپ بېرىدۇ.قانچە يۇقىرى دەرىجىدىكى دوختۇرخانىغا بارسىڭىز شۇنچە كۆپ ۋە قىممەت تەكشۈرۈشلەرنى قىلدۇرىسىز.بۇنى كىم كەلتۈرۈپ چىقاردى؟دەل بېمارلار ئۆزى. سىزلەرگە بىر قانچە مىسال ئېلىپ سۆزلەي.بىر كۈنى بىر ياش ئاتا-ئانا ئۈچ ياشقا كىرگەن ئوغلىنى كۆتۈرۈپ كېسەل كۆرسەتكىلى كەپتۇ.كېسەلنى مۇتەخەسىسىمىز كۆردى.بالىنىڭ ئەھۋالىنى سوراپ ۋە كۆرگەندىن كېيىن تەجىربىسىگە ئاساسەن بالىغا 脑瘫 دەپ دېئاگىنوز قويىۋىدى ئەر-خوتۇن ئىككىسى دوختۇرنىڭ ياقىسىغىلا ئېسىلدى ئېغىزىڭغا كەلگەننى جۆيلۈدۈڭ،نېمە دەپ ساپ-ساق بالامنى پالەچ دەيسەن دەپ.دوختۇر دىدى بالا ساپ-ساق بولسا دوختۇرخانىغا نېمە دەپ ئېلىپ كەلدىڭ دېسە پەقەتلا شۇ ئۈچ ياشقا كىرگۈچە دەسسىيەلمىگەن،گەپ قىلالمىغان يېرىلا بار دەيدۇ.توۋا دەپ قاپتىمەن.بالا خۇددى لاتا قونچاقتەكلا ياتاتتى،ئىنكاسمۇ قايتۇرمايتى.ئۈچ ياشلىق بالىدا بولۇشقا تىگىشلىك ئەقلى ئىقتىدارمۇ يوق.ئاشۇنداق تۇرۇپ ساپ-ساق بالامنى پالەچ دېدىڭ،نېمىگە ئاساسەن شۇنداق دەيتىڭ دەپ دوختۇرخانىنى كۆتۈرۋەتكىچە سوقۇشتى.شۇنىڭ بىلەن باشقا بىر ياش دوختۇرىمىز كېلىپ كېسەلنىڭ ئۆيىدىكىلەرگە تەسەللىي ئېيتىپ،بالىڭىزنى مەن تەكشۈرۈپ باقاي دەپ ئېلىپ چىقىپ كېتىپ بىر قۇچاق تەكشۈرۈشنى يېزىپ قولىغا تۇتقۇزدى.پۈتۈن تەكشۈرۈشكە نەق ئىككى كۈن كەتتى.پۈتۈن تەكشۈرۈش تۈگىگەندىن كېيىن بالىغا يەنە شۇ 脑瘫 دەپ دىئاگىنوز قويدى ۋە بۇ يەردە داۋالىيالمايمىز شاڭخەي بېيجىڭغا ئاپىرىپ باق دىدى.ئەمەلىيەتتە بالىنىڭ ئەھۋالىغا قارىغاندا قەيەرگىلا ئاپارمىسۇن ئالاھىدە داۋالاش ئۇسۇلى يوق ئىدى.ئۇلار ئاشۇنداق ئۇشۇق بولغاچقا مۇتەخەسىسىمىز داۋالىتىمەن دەپ ئاۋارە بولماڭ دىيىشكە تەييار بولغان ئېغىزىنى يۇمۇۋېلىشقا مەجبۇر بولدى.ئۇنداق دېسە يەنە بىر نەرسە دەپ ياقا سىقىدىغان چىراي.شۇ كۈندىن بۇيان بۇ مۇتەخەسىمىزمۇ تەجىربىسىگىلا تايانمايدىغان،تەكشۈرۈشلەرنى تۇلۇق قىلىپ دىئاگىنوز قويۇپ،بۇنداق كېسەل دەيدىغان نېمە ئىسپاتىڭ بار دېسە تەكشۈرۈش قەغەزلىرىنى كۆرسىتىپ قويىدىغان بولدى. ھەممە بىمار بۇنداق ئۇشۇق ئەمەس ئەلۋەتتە.لېكىن يىلاندىن قورققان كىشى ئارغامچىدىنمۇ چۆچۈيدۇ-دە. كېسىلىنى يۇشۇرىدىغان بىمارلارمۇ بار،ئەھۋالىنى ئەينەن ئېيىتمايدىغانلارمۇ بار.كېلىنكىدا ئىشلەپ باقمىغانلارغا مىڭ چۈشەندۈرسىمۇ چۈشەنمەيدۇ بۇ ئىشلارنى. كېلىنكىدا ئىشلەيدىغان دوختۇر-سېستىرالارنىڭ جاپاسىنى ھېچكىم چۈشەنمەيدۇ.يا دەم ئېلىش يوق.بەزەنلەر ئېيىتقاندەك شۈكرى قىلىپ كەتكۈدەك مائاشىمىزمۇ يوق.ھۆكۈمەت بېرىدىغان مائاشىمىز ئوقۇتقۇچىلارنىڭكىدىنمۇ تۆۋەن.خىزمەت ۋاقتىمىز قانۇندا بەلگىلەنگەن ۋاقىتتىن ھەسسىلەپ ئېشىپ كېتىدۇ.ھېيىت-بايرامدا ئىشلىسە ئۈچ ھەسسە مائاش بېرىدۇ دىگەننى ئاڭلىدۇق لېكىن كۆرۈپمۇ باقمىدۇق. مىجەزىمىز زىيادە چارچاش ۋە ئېغىر خىزمەت بېسىمىدىن ئۆزگىرىپ كېتىدۇ.تىلگىراف شېركەتلىرىدەك ئېسىل مۇلازىمەت قىلالمايمىز بۇنىڭغا ئىقرارمەن.سىز تېلىفۇنىڭىزنى سائىتىگە بىر قېتىم جىرىڭلايدىغان قىلىپ تەڭشەپ قويۇپ بېقىڭ.جېق دىمىدىم.ئۈچ كۈنلا سىناپ بېقىڭ.ئۈچ كۈندىن كېيىن ئىت مىجەز بولامدىكەنسىز يوق كۆرەي.بىر ۋاق تاماقنى خاتىرجەم يىيەلمەيمىز،بىرەر ئاخشام خاتىرجەم ئۇخلىيالمايمىز.ئۇبۇرنىغا كىرىپ يېرىمىنى چىقىرىپ بولغىچىمۇ كېسەل ئۆزگىرىپ قالدى ياكى كېسەل كەلدى دەپ توۋلاۋاتقان.پۈتۈن ئاچچىقىمزنى قاتتىق بېسىۋېلىپ تۇرۇپ كەيپىياتىمىزنى كونتىرول قىلىپ كېسەللەرگە يۈزلىنىمىز.ئاشۇنداق ئاران تۇرغان چاغدا پىلتىگە ئوتنى يېقىپ قويدىڭىزمۇ ئىش چاتاق بەزىدە پارتىلاپ كېتىپمۇ قالىمىز. خىزمەتتى چۈشۈپ ئۆيگە كەلگەندە ئۆيدىكىلەرگە گەپ قىلىشمۇ خۇشياقمايدۇ.ئۆيگە قايتىپ كەلسەم ئۆيدىكىلەرگە بىر كۈن ئىچىدە قىلىدىغان سۆزۈم دوختۇرخانىدا بىمارلارغا قىلىدىغان سۆزۈمنىڭ مىڭدىن بىرىگە توغرا كەلمەيدۇ.ئۆيدىكىلەر مېنىڭ كەمسۆز بولۇپ كېتىشىمدىن ۋە ئاسان ئاچچىقلىندىغان بولۇپ قالغىنىمدىن رەنجىشتى.بولۇپمۇ ئاپام.ئاپامنىڭ ئاپىسى قاتتىق ئاغرىپ قالدى.ئاپامدىن باشقا قارايدىغان ئادەم بولمىغاچقا،ئۇنىڭ ئۈستىگە ئۇيان-بۇيان ئۆرۈپ قويىدىغانغىمۇ كېچىنى كېچە كۈندۈزنى كۈندۈر دېمەي سائىتىدە بىر تولا چاقىرپ كېچىلەردە ئۇخلاتمىغاچقا ،ئاپام قاتتىق چارچاپ مىجەزى مەندىن ئۆتە بوپ كەتتى.ھەپتە بولغاندا ئولتۇرۇپ خىيالغا چۆكۈپ كېتىپتۇ.نېمە ئويلاتىسىز دېسەم سىزنىڭ قانچىلىك جاپا تارتىۋاتقانلىقىڭىزنى ئەمدى چۈشەندىم.شۇنچە يىلدىن بۇيان قانداق چىداۋاتىسىز.مەن سىزنى خاتا كەسىپتە ئوقۇتۇپ قويۇپتىمەن دەپ كۆزىگە ياش ئالدى.كېچىلىك ئۇيقۇنىڭ قانچىلىك شىرىنلىكىنى بىلىسىلەر.سىلەر شىرىن ئۇيقۇدا ياتقاندا مىدىرلاپ ئىشلەپ يۈرگەن ئاشۇ ئادەملەرنىڭ نېمىلەردىن ۋاز كېچىۋاتقانلىقىنى ئويلاپ قويۇڭلار. بىزنىڭ دوختۇرخانىدا دىيەلمەيمەن،لېكىن بىزنىڭ بۆلۈمدە مەندىن باشقا مۇنبەر كۆرىدىغان ئادەم يوق. چۈنكى ئۇلارنىڭ ۋاقتى يوق.ئۇلارغا ئازراق ئارام ۋاقتى چىقسا ئۇخلاپ كۆزىنىڭ ئاچچىقىنى چىقىرىشىدۇ.مېنىڭ ئۇيقۇم ئاز.ئۇقۇۋاتقان چاغلاردىلا دەرىسلەرنىڭ قىيىنلىقىدىن ئۆگىنىش ۋاقتىم يېتىشمەي ئاز ئۇخلاشقا كۆنۈپ كەتكەن.ئۇزۇن دىگەندىمۇ 5 سائەتتىن ئارتۇق ئۇخلىمايمەن.ئوتتۇرىچە ئۇخلاش ۋاقتىم 3-4 سائەت ئەتراپىدا.24 سائەت ئۇخلىماي ئىشلەش مەن ئۈچۈن ھېچكەپ ئەمەس.3 كۈن ئۇخلىماي توختىماي خىزمەت قىلغان رىكورتىم بار.80 نەچچە سائەتتىن ئاشىدۇ.مېنىڭ خىزمەتداشلىرىمدىن باشقا يەنە قانچە ئادەم شۇنداق قىلالايدۇ؟چوڭ ئوپراتسيە بولۇپ قالسا نەچچە سائەت ئۆرە تۇرۇپ،كۆزنى بۈركۈتتەك ساق تۇتۇپ تۇرىدىغان گەپ.چۈش بوپتۇ قورساق ئاچتى.تاماق يەپ بولۇپ ئاندىن قىلايلى دەپ بىمارنىڭ قورسىقىغا لاتا يېپىپ قويۇپ چىقىپ كەتكىلى بولمايدۇ.ئۇيقۇ كەلدى،بىر مىنۇت ئۈگدىۋالاي دىگىلى بولمايدۇ.چوڭ-كىچىك تەرەپ قىستاپ كەتسىمۇ چىڭ قىسىپ تۇرىدىغان گەپ.سۆزلەپ كەلسەم گەپ بەك جېق.بىز شۇنداق ئالدىراش يۈرگەچكە جاپادىن غىڭشىيدىغان ۋاقتىمىزمۇ يوق.شۇڭا دوختۇر بولماق تەس،سېستىرا بولماق تەس دەپ شېئر يازىدىغان بىكار ئادەممۇ يوق.ئۇلار ئۆزلىرىنى چۈشەندۈرمەيدۇ،ۋاقتى يوق ھەم چۈشەنمەيسىلەر.شۇڭا ئارىمىزدا باشتىن-ئاخىر چۈشىنىش كەمچىل. قالايمىقان ھەق ئېلىش مەسلىسىنى دەي.ھۆكۈمەت قارمىقىدىكى دوختۇرخانىلاردا بۇنداق ئىش مەۋجۇت ئەمەس،چۈنكى بىزنى نازارەت قىلىدىغان ئاپاراتلار بار.مەخسۇس ھېسابات تەكشۈرىدۇ.بىر موچەن ئۇيان-بۇيان بولۇپ كەتسىمۇ بولمايدۇ.ئارتۇق ئېلىنغان ھەق بايقىلىپ قالسا نەچچە ئون ھەسسىلەپ جەرىمانە قويىۋېتىدۇ.شۇڭا بۇنىڭدىن خاتىرجەم بولۇڭلار.ئارتۇق ھەق ئېلىنغان بولسا ۋاقتىدا مۇناسىۋەتلىك كىشىگە مەلۇم قىلىڭ.شۇنداق قىلسىڭىز بىزنى جەرىمانىدىن قۇتقۇزۇپ قالغان بولىسىز.شەخسىي دوختۇرخانىلاردا قانداق بىلمەيمەن.ھەق ئېلىش ئۆلچىمىنى دۆلەت بېكىتىپ بەرگەن بويىچە بولىدۇ.دوختۇرخانىنىڭ دەرىجىسى قانچە يۇقىرى بولغانچە ھەق ئېلىش ئۆلچىمىمۇ شۇنچە يۇقىرى بولىدۇ.بۇنى دۆلەت بېكىتىدۇ.دوختۇرخانىلارنىڭ ئۆز ئالدىغا ئۆلچەم بېكىتىش ھوقۇقى يوق.

ئىمكان

	ئۇنداق بولسا سىز دىگەن ئاشۇ دوختۇرخانا قويمىچى ئىكەن، بىزدە مۇنداق بىر گەپ بار، بىر قوتاندا بىر كالا شاخىنىچى بولسا ئەللىك كالىنى شاخىنا قىلىپتۇ دەيدىغان شۇنىڭغا ئوخشاش ئىش، ئەمما سىلى دىگەن ئاشۇ گەپمۇ مىنىڭچە كوچىدىكى ئاقما پاراڭ، ئەگەر راستىنلا شۇنداق بولىدىغان بولسا بولدى ھېچقايسىڭلار دوختۇرخانىغا كىرمەيلا قويۇڭلار. ئۇزۇن گەپنىڭ قىسقىسى مۇنداق، مىنىڭ بىرەر بىرنىمەم دوختۇرخانا باشلىقى ئەمەس، مەن بىر دوختۇرخانا خىزمەتچىسى. ئۆزۈم بىر دوختۇرخانا خىزمەتچىسى بولۇش سۈپىتىم بىلەن شۇنداق دىيەلەيمەن. دوختۇرخانىلاردا ئېلىپ بېرىلىدىغان تەكشۈرۈشنىڭ ئاساسى بار. ئەڭ ئاددىيسى مىنىڭ ئالدىمغا بىر بىمار ئادەتتىكى بىر زۇكام بىلەن كىردى. ئەمما ئۇدا قىززىۋاتقىلى بىر نەچچە ئاي بولغان ئىكەن، ھەم تۇراقسىز قىززىيدىكەن، شۇڭا مەن بىمارغا چۈشەندۈرۈش ئارقىلىق قان تەكشۈرتۈشكە بۇيرۇدۇم قان تەكشۈرۈش نەتىجىسى قانداق چىقتى بىلەمسىز؟ ئۇ بىمار A تىپلىق جىگەر ياللۇغى بىلەن يۇقۇملانغان ئىكەن. مەن شۇنداق دىسەم ئىشەنمەي ۋىلايەتلىك دوختۇخانىغا بارىمەن، ئۈستۈڭدىن ئەرز قىلىمەن، ماڭا قالايمىقان دىئاگىنوز قويۇپ مىنىڭدىن كۆپ پۇل ئالماقچى بولىشىۋاتىسەن، دەپ بىرمۇنچە كايىپ چىقىپ كەتتى. ئەلۋەتتە مەنمۇ بار ئاساسىمنى ئوتتۇرغا قويدۇم، ئارلىقتا سەت گەپ بىلەن ئۇرۇشۇپمۇ قالدۇق. ئۇ بىمار ئۇدۇللا بېرىپ ناھىيلىك سەھىيە ئىدارىسىگە ئەرز قىلىپتۇ. ناھىيلىك سەھىيە ئىدارىسىدىكىلەر ئۇنى قايىل قىلالماي ئاخىرى ناھىيلىك دوختۇرخانىدا تەكشۈرتۈشكە ئېلىپ بېرىپتۇ، ئۇ يەردىمۇ ئوخشاش تەكشۈرۈش نەتىجىسىنى كۆرۈپ كۇسسىيىپ قېلىپ كېيىن مىنىڭ ئالدىمغا ئەپۇ سوراپ كەلدى، مەن دوختۇرخانىمىزدا بۇ كېسەلنى داۋالىغىلى بولمايدىغانلىقىنى چۈشەندۈرۈپ يۈرۈپ ئۇ بىمارنى ۋىلايەتلىك 1- خەلق دوختۇرخانىسىغا يوللاپ بەردىم. بۇ دىگەن شۇنداقلا بىر مىسال، بۇنداق ئىشلار دىگەن ئالدىمىزغا كۆپ ئۇچىرايدۇ. ئەگەر مەن ئاشۇ بىمارنىڭ دىگىنى بويىچە تەكشۈرۈش ئېلىپ بارمايلا زۇكامنىڭ دورىسىنى يېزىپ بەرگەن بولسام سىزنىڭچە توغرا بولامدىكەن؟ A تىپلىق جىگەر كېسىلى دىگەن يۇقۇملۇق كېسەل. ئۇ ئادەم ئېغىرلىشىپ كېسىلىنى تەكشۈرتۈپ بايقىغىچە بولغان ئارلىقتا قانچىلىك ئادەمگە شۇ كېسەلنى يۇقتۇرۇپ بولار؟ بوپتۇ ئۇ كېسەل تارقالمىسۇنمۇ دەيلى، سىزنىڭچە مەن زۇكامغا بەرگەن ئاشۇ دورىلارنىڭ ئارىسىدىن بىرەرى شۇ بىمارنىڭ جىگەا كېسىلىنى ئېغىرلاشتۇرىۋەتسىچۇ؟ ئۇ چاغدا ماسئۇلىيەت ماڭا كېلىدۇ، نىمشقا دەمسىز؟ چۈنكى يۇقىرىدىن ماڭا سەن نىمىشقا ئاشۇ كېسەلنى ئەتىراپلىق تەكشۈرمەي تۇرۇپ دورا يېزىپ بەردىڭ؟ سەن قانداق دوختۇر؟ دەپ سىز ئەمدى دەپ بېقىڭە دوختۇرخانىلاردا ئېلىپ بېرىلىدىغان ئاسۇ تەكشۈرۈشلەرنىڭ ئىلمىي ئاساسى بارمىكەن؟ ئەمدى رىمۇنتچىلىق بىلەن دوختۇرلۇقنىڭئەڭ ئاددىي بىر ئوخشىماسلىقىنى چۈشەندۈرۈپ ئۆتەي. ئەگەر مەلۇم ئەسۋاپنىڭ مەلۇم قىسىمىدىن چاتاق چىقىپ كۈيۈپ كەتسە شۇ سايمان ئىشلىمەسلىكى مۇمكىن، ياكى نورمال ئىشلىمەسلىكى مۇمكىن ئەگەر نورمال ئىشلىمىگەن ئەھۋال ئاستىدىمۇ ئۇنى زورلاپ ئىشلەتسىڭىز تېخىمۇ چوڭ چاتاق چىقىدۇ. چوقۇم سەل چوڭراق چىقىم كېتىدۇ. ئادەم بەدىنىمۇ ئوخشاش. ئادەمنىڭ مەلۇم ئەزاسىدا كېسەل بولسا ئادەمنىڭ بەدىنى ئاغىرىيدۇ. ساقىيىپ قالىمەنغۇ دەپ يۈرىۋەرسىڭىز ئاز ساندىكىلىرى ساقىيىپ قالغان بىلەن كۆپ ساندىكىلىرى ئېغىرلاپ ماڭىدۇ. بۇ كېسەل تەرەققىي قىلىش بىلەن بىرگە يەنە بىر ئەزانى زائىپلەشتۈرۈپ يەنە بىر ئەزانىڭ كېسەل بولىشىنى كەلتۈرۈپ چىقىرىدۇ. ئەگەر ئۇزاق مەزگىل داۋالانماي تاشلىۋەتسىڭىز ئۆلۈپ قالىسىز. ئەڭ ئاددىيسى ئەيدىز كېسىلى دىگەننى ھەممىمىز بىلىمىز، ئەمما بۇ كېسەلنىڭ ئادەم بەدىنىدە قانچىلىك ۋاقىت يۇشۇرۇن ھالەتتە تۇرىدىغانلىقىنى دىسەم چۈچۈپ كېتىسىز. بۇ كېسەل ئادەم بەدىنىدە ئاز دىگەندە 7 يىل بولمىسا 15 يىل يۇشۇرۇن ھالەتتە مەۋجۇت بولۇپ تۇرىدۇ. بۇ يۇشۇرۇن دەۋر دىگىنىمىز. كېسەللىك باكتىرىيىسى ئادەم بەدىنىگە كىرىپ بولغان ئەمما ئادەم بەدىنىدە شۇ كېسەلگە نىسبەتەن مەلۇم بىر ئالامەت بولمىغان ۋاقىتنى كۆرسىتىدۇ. 7 يىل دىگەن ئاز ۋاقىتمۇ؟ ئەگەر بىر ئەيدىز كېسىلى بىلەن يۇقۇملانغۇچى 7 يىل ھېچنىمىنى بىلمەي نورمال تۇرمۇش ئۆتكۈزۈپ يۈرىۋەرسە سىزنىڭچە دۇنيادا ئەيدىز كېسىلىنى ئازايتقىلى بولامدىكەن؟ يەنە قانچىلىك ئادەمنى مۇشۇ ئەيدىز كېسىلى بىلەن يۇقتۇرىشى مۇمكىن ئىكەن؟ قېنى ئەمدى دەپ بېقىڭە دوختۇرخانىلاردا قۇشۇمچە تەكشۈرۈش ئېلىپ بېرىشنىڭ ئىلمى ئاساسى بارمىكەن؟

wida

	دوختۇرخانىغا بىر كۈن كېسەل كەلمىسە قانچىلىك خۇشال بولۇپ كېتىدىغىنمنى خۇدايىم ئۆزى بىلىدۇ. پۇل،پۇل دەپ قېلىپسىلەر،مۇشۇ دوختۇرخانىدا ئۆتۈپ كەتكەن ياشلىق باھارىمىز ۋە سالامەتلىكىمىزنى باشقا ھەر قانداق كەسىپكە سەرپ قىلسام ھازىرقىدىن كۆپ پۇل تاپالايمەن. يوغان كەسىپنى قويۇپ،ئاددىيسى بىر كىچىك تاللا بازىرى ئېچىپ،ھازىرقىدەك ئەستايىدىل،مەسئۇلىيەتچان،جاپاغا چىداپ،دوختۇرخانا ئاچقاندەك 24 سائەت ئاچىدىغان بولسام قانچلىك پۇل تاپالايدىغانلىقىمنى تەسەۋۋۇر قىلالايمەن. 40تىن ئاشا-ئاشمايلا ھەر خىل كېسەللەرگە گىرىپتار بولۇپ قالغان خىزمەتداشلىرىمغا قارىسام،ئۆزۈمنى 50تىن ئاشالمايدىغاندەك ھېس قىلىمەن. مۇشۇ قېتىم دوختۇرغا ھۇجۇم قىلىش ۋەقەسى بولغاندا بېيجىڭ توڭرېن دوختۇرخانىسى ئامبىلاتورىيەسىدە بىر سائەت كېسەل كۆرسىتىشنى توختاتقاندا نېمە ئىشلار بولۇپ كەتمىدى؟ئەگەر پۈتۈن دوختۇرخانىدا ئىش تاشلىسا نېمە ئىش بولۇپ كېتىدۇ.بىر بىمارنىڭ ئۇرىۋالغىنى،تىللىۋالغىنى ياكى چانىۋالغىنى قالىدۇ شۇ.قالغان نەچچە مىڭلىغان بىمارلارچۇ؟ئۇلار دوختۇرغا،دوختۇرخانىغا،داۋالىنىشقا موھتاج.دۇكاندارنىڭ چىشىغا تىگىپ قويسىڭىز خالىسا دۇكىنىنى تاقاپ قويۇپ كەتسە بولىۋېرىدۇ.لېكىن دوختۇرخانا ئۇنداق قىلالمايدۇ.دوختۇرخانا بىر كۈن تاقالسا قانداق ئىشلار يۈز بېرەر تەسەۋۋۇر قىلىڭ. مۇشۇ خىزمەتنىڭ بېسىمىدىن،قايسىلا دوختۇرخانىغا بارسىڭىز ئادەم يېتىشمەيدۇ.مەكتەپلەرنى پۈتتۈرگەن شۇنچە ئادەم قەيەرگە كەتتى؟ ئىچكىرىدە سارىس تارقالغاندىن بۇيان كەسىپ ئالماشتۇرغان دوختۇر ياكى سېستىرالار شىددەت بىلەن كۆپەيگەن.سارىس تارقالغاندا ئۆلۈپ كەتكەنلەرنىڭ كۆپۈنچىسى دوختۇر-سېستىرا. مۇشۇ قېتىم ئۆي تازىلايدىغانغا سائەتلىك ئىشچى تەكلىپ قىلدۇق.بىر كۈن تازىلىق قىلدى.تەخمىنەن سائىتى 15يۈەنگە توختاپتۇ.بىر ئوتتۇرا دەرىجىدىكى دوختۇرخانىدا بىر ئوپراتسىيەگە قاتناشقان دوختۇر ئالالايدىغان ھەقمۇ مۇشۇ ئەتراپتا.تېخى سائىتى يوق،قېتىم سانىلا بار.ئەمدى ئويلاپ بېقىڭ،ئۆي تازىلاش قانچىلىك ئىش،ئوپراتسىيە قانچىلىك ئىش؟نېمىشقا كىرىمى ئوخشاش بولىدۇ.ئوپراتسىيە جەريانىدا قانچلىك خىيىم خەتەرنى زىمىمىزگە ئالىمىز،قانچىلىك بېسىم بار بىزگە؟شۇنچىلىك تېخىنىكا-سەۋىيەگە ئېرىشىش ئۈچۈن ئوقۇش جەريانىدا قانچلىك مەبلەغ كېتىدۇ بىزگە؟شۇنچە يىل ئوقۇغان دوختۇر بىلەن بىر بىلىم ئېلىشقا مەبلەغمۇ سېلىپ باقمىغان،ئىسمىنى ئوڭشاپمۇ يازالمايدىغان بىر سائەتلىك ئىشچى ياراتقان قىممەتنى يارىتالمايدۇ. كونا ھېساباتنى قوياي،2011-يىل ئىچىدە بىزنىڭ بۆلۈمدىنلا 4 دوختۇرىمىز كەسىپ ئالماشتۇردى ياكى خىزمەت تاشلىدى.يېتەلەيدۇ؟ھەتتا بىرسى تاكسى ھەيدەپ يۈرۈيدۇ.ھەممىسىنىڭ خىزمەت تەجىربىسى بار ئىدى.ھازىر شۇنداق ئادەم يېتىشمەيدۇ.يېڭى ئوقۇش پۈتتۈرگەنلەر كەلدى،لېكىن ئۇلار قانچە يىلدا ئۆز ئالدىغا كېسەل كۆرەلىگۈدەك سەۋىيەگە ھەممىزنىڭ مۇشۇ ئاق خالاتنى چۆرۈپ تاشلىۋېتىپ كېتىپ قالغۇمىز بار،پەقەت شۇ شۇنچە يىل جاپا تارتىپ مۇشۇ كەسىپنى ئۆگەنگىنىمىزگە ئىچىمىز ئېچىشىدۇ.ئايرىلغانغا ئۆلمەيمەن،ئەقىدەمگە يېغلايمەن.يەنە قانچىمىز قانچىلىك چىدايمىزكىن.