تۆمۈر پۇتتىن يېڭى خەۋەر

zarapshan

	ئەخەت يۈسۈپتەك ئىرادىلىك كىشىلىرنىڭ يەنىمۇ كۆپلەپ چىقىشىنى ئۆمىد قىلىمىز.

boran331

	يېقىندا شىنجاڭ 5- قانىلىدا قويۇلىدۇ .

boran331

	دوستىمىز ئەخەت يۈسۈپ توغرىسىدىكى ئۇيغۇرچە خەۋەر شىنجاڭ 5- قانىلىدا 12-ئاينىڭ باشلىرىدا قويۇلىدىكەن ، شۇنداقلا يەنە نۇرغۇنلىغان گېزىت ، تور .... قاتارلىق ئاخبارات ۋاستىلىرى بۇ دوستىمىزنى توختىماي زىيارەت قىلىۋاتىدۇ . قىسقىسى ؛ مىسرانىم تورىمۇ ئەخەت يۈسۈپ توغرىسىدىكى ھەر  خىل  يېڭى ئۇچۇرلارنى ۋاقتىدا مۇنبەرگە يوللاپ بىزنى خەۋەردار قىلىپ تۇردى . مەن كۆپچىلىككە ۋاكالىتەن مىسرانىم تورىغا ھەمدە مۇشۇ دوستىمىزدەك پەخىرىلىك ئوغلانلىرىمىزنى تور ساھەسىدە تەشۋىق قىلىپ كېلىۋاتقان بارلىق تور بەتلەرگە كۆپتىن - كۆپ رەھمىتىمنى ئېيتىمەن .

boran331

	ئەمدى ئەخەت يۈسۈپنىڭ سالامەتلىكى توغرىسىدا ئازراق توختىلىپ ئۆتەي : ئەخەت يولغا چىقىشتىن ئىلگىرى سول پۇتىنىڭ ئىككى يېرىدە كونا زەخمە بار بولۇپ ، دوختۇر بۇنى چوقۇم ئوپىراتسىيە قىلىمىز دىگەن ، لېكىن  بۇ دوستىمىز  ئۆزىنىڭ ئارزۇسىنى تېزراق ئەمەلگە ئاشۇرۇش ئۈچۈن ، خەتەرگە تەۋەككۇل قىلىپ يولغا چىقتى . سەپەر جەريانىدا بۇ كونا زەخمە ئەخەتنى ئاز بولمىغان قىيىنچىلىقلارغا دۇچار قىلدى . لېكىن ، ئۇ بۇنىڭلىق بىلەن توختاپ قالمىدى .

boran331

	بۇ دوستىمىز پۈتۈن سەپەر جەريانىدا ئىككى يەردە يىقىلىپ چۈشكەن .  بىرىنچى قېتىمى ، قورغاس ناھىيىسىنىڭ لوسۇگۇڭ بازىرىدا يۈگرەپ كېتىپ بارغاندا تاشيولغا چاپلىشىپ كەتكەن قىزىلچىغا (ماشىنىلار بېسىپ ) تېيىلىپ كېتىپ يىقىلىپ چۈشكەن ، شۇنىڭ بىلەن ئۈچ - تۆت كۈنگىچە ئىككى تىزى بىلەن ئالقىنى ئېغىر دەرىجىدە يارىلانغان ، بىراق ئۇ يەنە سەپىرىنى داۋاملاشتۇردى.

boran331

	ئىككىنچى قېتىم : ئەخەت جىڭ ناھىيىسىدىن چىقىپ 50كىلومىتىر يىراقلىغاندا ئالدىدىن قاتتىق بوران چىقىپ ئىككى سائەتتىن كېيىن يامغۇر يېغىشقا باشلىغان لېكىن ئۇ يەنىلا  توختاپ قالماي ماڭغان .      ئۇ ( تو تو ) دېگەن ھەق ئېلىش پونكىتىگە كەلگەندە 2 - قېتىم يەنە يىقىلغان ، بۇ قېتىم ئۇنىڭ سول يانپىشى خېلى ئېغىر يارىلانغان . سەۋەپ : ھەق ئېلىش ئورنىغا ئاز قالغاندىكى ئارلىق سىلىق سىمۇنتتا ياسالغان يول بۆلىكى بولغانلىغى ئۈچۈن ئەخەت بۇنىڭغا دىققەت قىلمىغان . ئۇنىڭ ئۈستىگە يامغۇرمۇ بارغانسېرى قاتتىق ياغقان ، ئۇنىڭ ئۈستىباشلىرىمۇ چىلىق - چىلىق ھۆل بولۇپ كەتكەن ، تەلىيىگە ھەق ئېلىش ئورنىدا ئىشلەۋاتقان ئۇيغۇر بالىلار ئۇلارنىڭ ئالدىغا چىقىپ ئەخەت بىلەن دىلشاتلارنى ئىسسىق ياتاقلىرىغا ئورۇنلاشتۇرغان .

boran331

	ئەخەت جىڭدىن ئۆتكەندىن كېيىن توختىماي ئىككى پۇتىنىڭ پەيلىرى تارتىشقا باشلىغان . بۇ ئىش تاكى ئۈرۈمچىگە يېتىپ كېلىپ سەپەر تۈگەپ يەنە 10 كۈنگىچە داۋاملاشقان . سەۋەبى ئىككى پۇتىغا تاقىۋالغان تۆمۈر پۇتى بەك ئېغىر بولغانلىغى ( تۆمۈر پۇتنىڭ ئىككىسى 8 كىلوگىرام ) توختىماي يۈگۈرگەنلىكى ئۈچۈنمۇ بۇ تەرىپى بىزگە نامەلۇم .

boran331

	ھەرھالدا قىلغان ئەجىرىگە لايىق ئىش بۇلۇپ قالغۇدەك.  ئۆتكەندە دىلشاتنى بىرەر ھۆكۈمەت ئاخبارات ئورۇنلىرىنىڭ خەۋەر قىلغىننى بىلمدىم !

boran331

	ئەخەت ئۆزىنىڭ ئۇچۇرلا تور بېتىنى تەشۋىق قىلغاندىن سىرت ، www.uqurla.com  داڭلىق پۇتبول چولپانلىرىمىزدىن بارى بىلەن مىرئەخمەتنىڭ سۈرىتىنى ماشىنىسىنىڭ بىر تەرىپىگە چاپلاپ بىللە تەشۋىق قىلىپ ماڭغان .

55sam

	بەك ياخشى بولۇپتۇ،تورداشلار توردىن كۆرگىلى بولامدۇ؟