ئەرۋاھلارغا ئاتاپ ياغ پۇرۇتۇش بىدئەتمۇ؟

sapgen

	«رەسۇلۇللاھ»بۇيرىمىغان ، ئىشنى دىن ئىچىگە سۆرەپ كىرىپ ئۇنى قىلىش ، قىسقىسى دىندا يوق ئىشنى قىلىش بىدئەت ،  «بىدئەتنىڭ ھەممىسى زالالەت›زالالەتنىڭ ھەممىسى ئازغۇنلۇق ،ئازغۇنلۇقنىڭ ھەممىسى دوۋزىخى.» مانا بۇ سەھىھ ھەدىس..... نەزىر چىراق ، ئۈچى ،يەتتىسى ، قىرىقى،يىلى،قەبرىستاندا قۇرئان ئوقۇش ،مىيىتقا ئاتاپ قۇرئان ئوقۇش، ياقا يىرتىپ يىغلاش،ھەممىسى «رەسۇلۇللاھ» قىلمىغان ھەتتا توسقان ئىشلا. دىمەك بۇلارنىڭ ھەممىسى چوڭ بىدئەت .

نۇربىيە

	sapgen يوللىغان ۋاقتى  2012-2-4 01:21 AM قىرىندىشىم ماۋۇ ئوينىشىدىغان ئىش ئەمەس، چوڭ گۇۋاھلىق ... مەن ئويناشمىدىم  ، ھەم مۇنبەر يۈزىگە  ئوينىشىدىغان گەپ قىلمايمەن

janpolat007

	بىدئەتلىك ئەمەس ، بۇمۇ بىزنىڭ بىر ئۆرپ-ئادىتمىز بولۇپ كىلىۋاتقان

aykarim

	مېيىت چىققان ئۆيلەردە ئۆتكۈزۈلىدىغان نەزىرلەرنىڭ دىنىمىزدا ھېچقانداق ئاساسى يوق. كۈن توختىتىپ «بۇ كۈندە ياغ پۇرىتىلمىسا مېيتنىڭ روھى خاپا بولۇپ قالىدۇ» دېگەن ئېتىقادلار ئىنايىن خەتەرلىكتۇر، ھەتتا شېرىككە يېقىندۇر. ئۇيغۇر مۇسۇلمانلارنىڭ ئارىسىدا مېيىتنىڭ ئارقىسىدىن «بامدىتى»، «ئۈچى»، «يەتتىسى»، «يىگىرمىسى»، «قىرىقى» ۋە «يىلى» دەپ ئۆتكۈزۈلىدىغان نەزىرلەر بار. بۇلار نەزىر دەپ ئاتالغان بولسىمۇ ئەمەلىيەتتە دىنىمىزدا كۆرسىتىلگەن نەزىرلەردىن ھېساپلانمايدۇ. بۇنىڭدىن قاتتىق ساقلىنىش لازىم.

aykarim

	ئەسسلامۇ ئەلەيكۇم .بۇ تېما ھەقىقەتەن ياخشى قويۇلۇپتۇ تېما قويغۇچىغا ئاللا رەھمەت قىلسۇن يېقىندا ئائىلىمىزدا مۇسىبەت بولۇپ قالدى.مەن مۇسىبەت بولغاندىن بۇيان ئائىلىدە قۇرئان ئوقۇش«قۇرئان كەرىم» تەرجىمىسى بىلەن «قۇرئان-كەرىمۋە ھەدىسلەردىن تاللانما» دىگەن كىتاپ ۋا باشقا دىنى كىتاپلارنى ئوقۇدۇم ھەم شۇنداقلا مۇسۇلمانلار تورى ۋا باشقا ئىسلامى تور بىكەتلەرنى كورۇپ ئۆتتۈم .مەن كۆرگەن كىتاپ ۋە تور بىكەتلەردىن ئوخشاشلا   ۋاپات بولغۇچىغا ھازا تۇتۇش نەزىر بېرىش ۋە پاي پۇرۇتۇشقا ئائىت ھىچقانداق سورە ۋە ھەدىس كورمىدىم .مەيلى كىتاپتا بولسۇن ۋە ياكى تور بىكەتلەردە بولسۇن ئوخشاشلا  ۋاپات بولغۇچىغا 3كۈندىن ئارتۇق ھازا تۇتۇشقا بولمايدىغانلىغىنى بىلدىم «ىاللاھ بىزگە سەۋر بەرسۇن» شۇڭا بىز مۇسۇلمان دەيدىكەنمىز ئەلۋەتتە قۇرئان كەرىمنىڭ ۋە شەرئەتنىڭ يولى بىلەن مېڭىشىمىز پەيغەمبىرىمىز مۇھەممەد سەللەللاھۇ ئەلەيھى ۋەسسەلەمنىڭ بىزگە قالدۇرۇپ كەتكەن ئىسلامى يولىمىزدا مېڭىشىمىز كېرەك ئىسلام دىنىمىز بىلەن بىز ئۇيغۇرلارنىڭ ئۆرۈپ-ئادىتىمىزنىڭ ھىچقانداق ئالاقىسى يوق شۇڭا روىلارغا ياغ پۇرۇتۇش بۇ ئۆرۈپ-ئادىتىمىز بولسا شەرىئەت بىلەن مۇناسىۋەتسىز .

خوراز

	ئەرۋاھلارغا ماي پۇرۇتۇش ئوز ۋاختىدىكى جان باقار پوشكال موللىلىرىنىڭ تاپقان گېپىمىكىن دەيمەن. نەزىر- چىراققا كەلسەك ئەل جامائەتكە شۇ ئائىلىدىكى مۇسبەتنى باشقىلارغا بىلدۇرۇش شۇنداقلا يېتىم -يېسىرلارنىڭ بىرە ۋاق تاماق ئېھتىياجىنى قاندۇرۇش ئارقىلىق ساۋاپلىق قىلىش ئۇچۇنمىكىن  دەپ ئويلايمەن. بىر ئادەمنىڭ قەدىر قىمىتىنىڭ يۇقۇرى توۋەن بولىشى شۇ ئادەمنىڭ ئاخىرەتلىك ئىشلىرىنىڭ قانداق ئورۇنلاشتۇرىشى بىلەن مۇناسىۋەتسىز ، بەلكى شۇ ئادەمنىڭ قىلغان بۇ دۇنيالىقتىكى ئەمەللىرىگە قىلغان ياخشىلىقلىرىغا مۇناسىۋەتلىك. شۇنداق بولغان ئىكەن شۇ ئادەمنىڭ ئۇلىمىنىڭ ئەھمىيەتلىك بولۇش بولماسلىغىنى شەكىل ئەمەس بەلكى ئەقىل بەلگىلەيدۇ.

elijan

	ۋاپات بولغىچى ئۈچۈن بېرىلىدىغان ‹‹ئۈچ نەزىر››،‹‹ يەتتە نەزىر››،‹‹قىرىق نەزىر››،‹‹يىل نەزىر›› يەنە تېخى بەزى جايلاردا ‹‹سىپارە››،‹‹يۈزكۈنلىك نەزىر››، ‹‹يىگىرمە كۈنلىك نەزىر›› لەرمۇ ساقلىنىپ قالغان.  يۇقىرقىلار ئازلىق قىلىپ يەنە تېخى مېيىتنىڭ ھەر بىر پەرزەنتىلىرى ئۆز ئالدىغا ئايرىم بىرىدىغان نەزىرلەرمۇ بار . ھازىر كۆپىنچە جايلاردا بۇ نەزىرلەر (ئەمەلىيەتتە كۆپىنچە  نەزىرنى قورسىقى توق بايلارنى شەكىلگە چاقىرىپ زىياپەت بىرىشكە ئوخشىشىپ كېتىدۇ)  تەدرىجى ئازلاۋاتىدۇ. شۇ نەزىرگە كەتكەن ئارتۇق چىقىمنى ھەقىقى ئىھتىياجى بار كىشىلەرگە،  تۇل خۇتۇن، يېتىم ئۇغۇل، قارىغۇچىسى يوق كىشىلەرگە بىرىۋەتسىمۇ ئوخشاشلا ساۋاب ئالاتتى ئەسلى . ياغ پۇرىتىشقا كەلسەك   بىلىشىمچە ھەر پەيشەنبە كۈنى ‹‹ئەرۋاھلار››غا ئاتاپ ياغ پۇرىتىدىغان ئەھۋال ھازىرغىچە بار. بۇخىل ئادەتنى ياقىلايدىغانلارنىڭ قارىشىچە؛‹‹ ھەممە ئەرۋاھلار جۈمە كۈنى مەككىگە توپلىنىپ ناماز ئوقۇيدىكەن، مەككىگە بېرىش ئۈچۈن تېتىك بۇلۇش لازىم ئىكەن. ھەر پەيشەنبە كۈنى ياغ پۇرىتىلسا ئەرۋاھلار تېتىك بۇلۇپ مەككىگە بالدۇرلا بارىدىكەن...››  بۇ گەپلەرنى ئاڭلاپ توۋا دەپ قالدىم ...

elijan

	aykarim يوللىغان ۋاقتى  2012-2-4 02:25 AM ئەسسلامۇ ئەلەيكۇم .بۇ تېما ھەقىقەتەن ياخشى قويۇلۇپتۇ ت ... شۇنداق بۇ دىققەت قىلىشقا تىگىشلىك مۇھىم نۇقتا . ئىسلام دىنى كىرىشتىن ئىلگىركى تۇتىم، شامان، زەردۇشىت، مانىي، خرستىئان،بۇددا قاتارلىق  دىننىڭ بەزى ئادەتلىرى ئىسلام ئەقىدىلىرى بىلەن بىرلىشىپ، ئوخشىمىغان دەرىجىدە ساقلىنىپ كېلىۋاتىدۇ.

erpan0928

	بىدئەت دېگەنلىك دىندا بولمىغان ئىشنى قىلىش دېگەنلىك. دىندا يوق ئىشنى ئۆرۈپ ئادەت دەپ قىلسا ئوخشاش بىدئەت

erpan0928

	نۇربىيە يوللىغان ۋاقتى  2012-2-4 01:09 AM بىدئەتلىك ئەمەس ، بىزنىڭ ئۆرىپ ئاددىتىمىز ، بىدئەت دېگەنلىك دىندا بولمىغان ئىشنى قىلىش دېگەنلىك. دىندا بولمىغان ئىشنى ئۆرۈپ ئادەت دەپ قىلسىمۇ ئوخشاش بىدئەت. بىز ئاتا بوۋىلىرىمىز قىلغاننى ئەمەس قۇرئان ھەدىس كۆرسەتكەننى قىلىشىمىز كېرەك. باشقا ئىشتا قانداق ئىنكاس يازسىڭىز مەيلى دىن ئىشىدا دىققەت قىلىڭ بىلمىسىڭىز يازمىسىڭىزمۇ بولىدۇ ھېچكىم بىرنەسە دېمەيدۇ.