تاققا-تۇققا پاراڭلار(1)

noshirwan

	▲«قىزىق نۇقتا ھەققىدە سۆھبەت»نى كۆرگەندە ئۇلارنىڭ دادىللىقى ۋە غەيرىتىگە ئاپىرىن ئوقۇيمەن. «قايناقسۇ ئىچ، كۆڭلۈڭ تېنچ» قېلىپىغا چۈشىۋالغان مۇخبىرلىرىمىزدىن ئەپسۇسلىنىمەن. «قورساقنىڭ ئاغرىقى بولمىسا، تاۋۇز يېيىشتىن قورقما»، «ئاغرىقنى يوشۇرساڭ، ئۆلۈم ئاشكارا» دېگەن گەپ بار. ئۆزىمىزنى ئېتىراپ قىلىشىمىز، «پال-پال» تەرەپلەرنىلا كۆرمەي، «غال-غال» تەرەپلەرنىمۇ كۆرۈشىمىز كېرەك. ئىللەتلەرنى، چىرىكلىكنى كۆرۈپ تۇرۇپ كۆرمەسكە سېلىش، ياغلىما-تەلپەك گەپلەرگە ھېرس بولۇش يارىمايدۇ.13

nazila998

	noshirwan يوللىغان ۋاقتى  2012-3-19 05:26 PM ▲موشۇ ئاي، موشۇ كۈنلەردە مەنسەپدار بولۇشقا خۇشتار ئاد ... توغرا دەيسىز ،  ھازىر جەمىيەتتە كىشىلەر « ئادەمنىڭ يا پۇلى بولۇش كىرەك ، يا ھوقۇقى بولۇش كىرەك »  دەپ ئويلايدىكەن ، شۇڭا كۆپ كىشىلەر  مەنسەپ خۇمارى بولۇپ قالدى ، بۇنى توغۇر چۈشۈنۈشكە بولىدۇ .

noshirwan

	▲مەتبۇئات ۋە تور دۇنياسىغا نەزەر ئاغدۇرۇپ شۇنى بايقىدىمكى، گەرچە ئاغزىدا ۋەتىنىم، خەلقىم دەپ داۋراڭ سېلىۋاتقان زىيالىيلار خېلى كۆپ بولسىمۇ، لېكىن ئەمەلىيىتىدە ئەلنىڭ ئوتىدا كۆيۈپ، ئەلنىڭ سۈيىدە ئېقىۋاتقان زىيالىي بارماق بىلەن سانىغىدەكلا ئازكەن. بۇنى ھېس قىلغان ۋاقتىمدا چۆچۈدۈم، ئېچىندىم، يەنىلا ئۆزۈمگە تەسەللى بەردىم، نېمىلا بولمىسۇن، يۈرىكى خەلقى ئۈچۈن سوقىدىغان پىكرى ئويغاق زىيالىيلىرىمىز ئاز بولسىمۇ بارىكەن، تۈگەپ كەتمەپتۇ.14

noshirwan

	▲بەزى قېرىنداشلىرىمىز قانۇن ئىجراسىدىكى مەسىلىلەرنى مىسال قىلىپ تۇرۇپ، ھازىر قانۇن ئۆگەنگەننىڭ ھېچبىر پايدىسى يوق، دېيىشىۋاتىدۇ. قانۇننىڭ ئىجراسى ئەمەلىيلەشكەندە ئاندىن ئۈگىنىمىز دەپ ئولتۇرساق، قانۇن ئۆزلىكىدىن ئەمەلىيلىشىپ قالمايدۇ. پۇقرانىڭ ھوقۇقلىرى قانۇندا بەلگىلەنگەن، سىز شۇ قانۇندىن پايدىلىنىپ ئۆزىڭىزنى قوغدىمىسڭىز، ئۇ بىر قۇرۇق قەغەز. قانۇندىن ياخشى پايدىلانسىڭىز ، قانۇن ئۆزىڭىزنى قوغدايدىغان خەنجەر، قۇرال بولىدۇ.15

noshirwan

	▲«ئات جۇۋازدا، كالا مەپىدە» بولىدىغان ئەھۋاللار ھازىرقى تۈزۈلمە شارائىتىدا مۇقەررەر پەيدا بولىدىغان ئەھۋاللار. تۈزۈلمە ئىسلاھ قىلىنمىسا، بۇنداق ئىشلار تۈزۈلۈش ئۇياقتا تۇرسۇن، تېخىمۇ ئەدەپ كېتىدۇ. بۇنداق مىساللار ئاز ئەمەس. شۇنداقكەن دەپ، زامانغا بېقىپ، بىر كۆزنى قىسىۋېلىپ ، چۈپرەندە پاسىق-پىسەندە غالچا بولۇپ، يۈندە كۆلچىكىدە تەڭ بۇلغىنىپ ياشاش كېرەكمۇ؟ ئۇنداق قىلىش ھەقىقىي زىيالىيغا مۇناسىپ ئەمەس، ھەقىقىي زىيالىي ھەم ئۇنداق قىلمايدۇ، ھەق سۆزلىگەن گۇناھ ئەمەس.16

noshirwan

	▲ھەممە ئەل ساغلام، دېدۇق، بازارنى ساختا دورا قاپلاپ كەتتى؛ ئىختىساسلىقلارنى يېتىشتۈردۇق دېدۇق، يالغان دېپلوم كۆپىيىپ كەتتى؛ خىيانەتچىگە زەربە بېرىۋاتىمىز، پارىخور كۆپىيىپ كەتتى؛ ساپا مائارىپى دېدۇق، ئوقۇغۇچىلار مۈكچىيىپ كەتتى؛ باي بولدۇق دېدۇق، يالغان پۇل كۆپىيىپ كەتتى؛ پاراۋانلىق دېدۇق، تىلەمچى-گاداي كۆپىيىپ كەتتى؛ مەدەنىيەت دېدۇق، ساراڭ كۆپىيىپ كەتتى. توۋا، تەتۈرلۈك نىمىشقا كۆپىيىپ كېتىدىغاندۇ؟...17 ▲مەمۇرلار قوشۇنىدا ھەقىقەتەن ئاينىغان بىر قىسىم ناكەسلەر بار، پارا ئالىدۇ، خىيانەت قىلىدۇ، ئەمەل ساتىدۇ، پاھىشىۋازلىق قىلىدۇ، پۇقرانى بوزەك قىلىدۇ، ھوقۇقنى سۈيئىستىمال قىلىپ، جىمى ئەسكىلىكنى قىلىدۇ. بەزىلەر ئۇلارنى ئىت، ئېشەك دەپ تىللايدىكەن. ناكەسلەرنى قوينى بۆرىگە ئالدۇرمايدىغان ئىتلارغا، ھارغىنىنى، تالغىنىنى بىلمەي ئىشلەيدىغان ئىشەككە  ئوخشاتسا، بىچارە ئىت-ئىشەككە ئۇۋال بولماسمۇ؟18

ｕｙｇｕｒ

	راس راس   بۇلار ھەقىقەت

bayhenim

noshirwan

	▲ئامېرىكىدا بىر ئادەم قاتىل دېيىلىپ، مۇددەتسىز قاماق جازاسى بېرىلىپتۇ.20 يىلدىن كېيىن گۇناھسىز، دەپ قويۇپ بېرىلىپتۇ. ئۇ سوتقا ئەرز سۇنۇپ، يەتتە مىليۇن دوللار تۆلەم ئاپتۇ. ئېلىمىزدىمۇ بىر دېھقان ئالتە كالىنى ئوغرىلىدى دېگەن گۇناھ بىلەن ئۈچ يىللىق قاماق جازاسىغا مەھكۇم بوپتۇ. ئىككى يىلدىن كېيىن، ھېلىقى دېھقان گۇناھسىز دەپ قويۇۋېتىلىپتۇ. ئۇ دېھقانمۇ سوتقا بېرىپتۇ. تۆلەم ئۈچۈن ئەمەس، بەلكى، «پۇقرانىڭ باشپاناھى» دېگەن سۆزلەر چۈشۈرۈلگەن بىر پارچە تاۋار لەۋھەنى سۇنۇپ، بىر مۇنچە ئادەمنىڭ ئالدىدا تېزلىنىپ مىننەتدارلىق بىلدۈرۈپتۇ.19 ▲بىر نەچچە مايمۇن ئوخشاش بىر ئويۇننى ئاخىرلاشتۇرغاندىن كېيىن، مايمۇن ئويناتقۇچى ئۇلارغا ئوخشىمىغان يىمەكلىكلەرنى بېرىپتۇ: بىرىگە تەرخەمەك، بىرىگە بانان، يەنە بىرسىگە ئۈزۈم بېرىپتۇ. قىزىقارلىق بولغىنى، تەرخەمەك بېرىلگەن مايمۇن بانان ۋە ئۈزۈم يەۋاتقان شېرىكلىرىگە قاراپ، قولىدىكى تەرخەمەكنى يېمەيلا قالماستىن، ئەكسىچە تەرخەمەكنى ئىگىسىگە قارىتىپ ئېتىپتۇ. دوكتۇر بۇنىڭدىن باراۋەرلىك قارىشى مەدەنىيەتنىڭ تەسىرى بولماستىن، تەدرىجى تەرەققىياتنىڭ مەھسۇلى ئىكەن، دەپ يەكۈن چىقىرىپتۇ.20