يەنە داۋاملىق ئوينامدۇق؟؟؟

guzaltarim

	ئۇ يەرنىڭ ئېگىللىرى ھەممىسى خەنزۇلار . بۇ يەرنى تاقاتماق ئاسان ئەمەس . بۇرۇن چوڭ ۋەقە چىققان بولسىمۇ ھازىر يەنلا ئېچۋاتىدۇ . ئۇلارنىڭ ئارقا تېرىكى كۈچلۈك .

esil521

	بۇنىڭغا ئامال يوق ..... ئۇنداق نەرسىلەرنى پەقەت ئىچكىرلەردىلا چەكلەمدىكىن دەيمەن ....

othor

	ئەسسالامۇ ئەلەيكۇم قىرىنداشلىرىم .  مەن ئۆزۈمنى مىسال قىلىپ ئۆتەي دەيمەن.    سىلەرگە دىسەم مەن بىر ئاينىڭ ئالدىدا بىر تورخۇمار ئىدىم .  تور ئويۇنلىرىغا بەنىد بولۇپ ئۆزۈمنىڭ يىراقتىكى سەھرادىن ئۈرۈمچىدەك بىر چوڭ شەھەرگە نىمە ئۈچۈن كەلگەنلىكىمنى ئۇنتۇپلا قالغانئىدىم . .... بەزى  ۋاقىتلاردا ئايلىق پۇلۇمنى يىتىشتۈرەلمەي دوسلاردىن قەرىز ئېلىپ خېلى قەرىزگە بوغۇلدۇم ، ھەم دوسىتلىرىمىنىڭ نەزىرىدىنمۇ چۈشۈپ كەتتىم.   ھەي......  مەن ھازىر ئاشۇ كۈنلىرىمگە پۇشايمان قىلىمەن .... ئۆزۈمنىڭ يەكۈنلىگەنلىرىمگە ئاساسەن  تۆۋەندىكىدەك بىر نەچچە مەسىلىنى ئوترىغا قويماقچىمەن .تور ئويۇنلىرىغا خۇمار بولۇشتىكى بىرىنچى سەۋەب يالغۇزلۇق  . سىزنىڭ يىقىن دوستىڭىز ، ئۇرۇق تۇغغقانلىرىڭىز تورغا خۇمار بۇپ قالسا ئۇلار چوقۇم بىر دوسىتقا مۇھتاج بولىدۇ-دە،ئۆزىنى مەۋھۇم دۇنيانىڭ قوينىغا ئاتىدۇ.    ئىككىنچى سەۋەب  ،  قىزىقىش .  يىڭى نەرسىلەرگە قىزىقىدىغانلار ئاسانلا  توردىكى يىڭى ئويۇنلارنى ئويناپ باققۇسى كىلىدىغان ناچار ئىللەتنى سىڭدۈرۋالىدۇ. بۇنداق ئادەملەرگە نەسىھەت قىلىڭ ، ئەگەر ئاڭلىمىسا مەيلىگە قويۇپ بىرىڭ . چۈنكى قىزىقىشتىن كۆڭلى سوۋۇمىغىچە سىزنىڭ نەسىھەتلىرىڭىز خۇددى ئېشەككە ناغرا چالغانچىلىك بولىدۇ.

bagu-bostan

	مەنمۇ مۇشۇ توغۇرلۇق نۇرغۇن گەپنى ئاڭلىدىم ھەم ئۆز كۈزۈم بىلەن كۆردۇم.بۇنداق ئەھۋال بەك ئېغىر ھازىر.

jassurman

	تېلېۋۇزۇرلاردا ئۇنداق بۇنداق ئويۇنچۇقلارنى بىر تەرەپ قىلدى يەي دەپ خەۋەر بىرىپ كىتىدۇ، يەنە نىمىشقا شۇنداق ئورۇنلارى ئېچىشقا ئىجازەت بىرىدۇ؟ بەلكىم بۇمۇ يۇقىرىنىڭ بىزلەرگە بولغان ئىلتىپاتىدۇ، خىزمەتنى تولا قىلىپ، ھېرىپ چارچاپ كەتتى، ئوينىۋالسۇن دەۋاتقاندۇ

zulfay

	ئويۇنچۇخانا ئېچىلغان بولسا بىزنىڭ ياشلىرىمىز كىرمىسە بولىدۇ، بىرسى چىللاپ ئەكىرمىگەنكىن. كۆپلىگەن ئۇيغۇرلار ھەقىقىي مۇسۇلمان بولمىسمۇ، نېمىنى قىلسا يامان بولىدىغانلىقىنى ئوندان بىلىدۇ. مېنىڭ ئۆيۈم تۇرمىنىڭ يېنىدا، ھەر دۈشەنبە كۈنى تۇرمىدىكى مەھبۇسلارنى ئۇرۇق-تۇققانلىرى بىلەن كۆرۈشتۈرگىلى قويىدىكەن، كەلگەنلەرنىڭ ھەممىسى ئۇيغۇرلار، ھەم دېھقانلار سۈپەت چوڭ داداش، چوڭ ئاپاشلار، ھەر دۈشەنبە كۆڭلۈم يېرىم ئۆتۈپ كېتىمەن يولدىن. يەنە بىر كۈنى بىر چوڭ داداشنىڭ تۈرمىنىڭ قارا دەرۋازىسىنىڭ ئالدىدا يەردە يېتىپ، پەستىكى يۇچۇقتىن قاراۋاتقانلىقىنى كۆرۈپ قالدىم، بىچارە ئاتا-ئانىلارغا نېمە كۈن بۇ.

kaLGundi

	ئىسىت ماۋۇ تېمىغا چۇشكەن ئىنكاسلارنىڭ ئازلىقىنى. بىرەر قىزنىڭ سۆڭگىچى ئېچىلىپ قاپتۇ دىسە ھەممىسى كىردۇ ھەقىچان.

izqel

	بۇنداق قىلمىشلارنى تۇسۇش،چەكلەش دىگەن پىكىر ياخشى ئۈنۈم بەرمەيدۇ.ياشلاردىكى بىكارچىلىق،ياخشى شارائىت،ئاتا-ئانىسىنىڭ تاپاۋىتى بىلەن باللىرىغا بولغان تەربىيەنى بۇشاشتۇرۇشتىن بولغان. ئوينىغانلار قىزىقچىلىقتا ئۇينايدۇ.ئۇتتۇرۋەتكەندە بولسا شۇ بىكارغىلا كەتكەن پۇلىغا قارنى ئاغىرىپ قايتۇرۋالارمەن دەپ ئۇيناپ ئۇتتۇرىۋىرىدۇ.مەدىنىيەت ،بازار باشقۇرۇش ئۇرۇنلىرى پات پات كىلىپ ئەسىۋاپلىرىنى ئىلىپ كەتسە ئۇيۇنچۇقخانىنىڭ خۇجايىنلىرى شۇ ھامان ئىچكىرىدىن بۇنداقتىن نەچچىنى ئىلىپ كىلىپ ئىچىۋىرىدۇ.بۇنداق جاينىڭ تاپاۋىتى ئەمگەكچان ئۇيغۇر ياشلىرىدىن كىلىۋەرگەچكە پايدىسىمۇ شۇنچىلىك كۆپ.شۇڭا بۇ جاينىڭ ئىجارىسىمۇ ئىنتايى يۇقىرى. بۇ ئۇيۇنچۇقخانىلار قارىماققا ئۇيۇنچۇقخانا،لىكىن قىمار شەكلى شەكىللىنىدۇ.جۇگۇنىڭ بىر دۆلەتتە ئىككى خىل تۈزۈم بولۇش سىياسىتىنىڭ تۈرۈتكىسىدە شىياڭگاڭ ۋە ئاۋمىنلار قىمارخانا قۇرۇشقا ئىجازەتكە ئىرىشكەن بىلەن باشقا جايلاردا قىمارخانا ئىچىشقا بولمايدۇ،بۇنى قانۇن چەكلەيدۇ.لىكىن بەزى پۇرسەتپەرەس خۇجايىنلار قىمار دىگەن گەپنى ئۇيۇنچۇققا ئۆزگەرتىپ ئىچىۋىرىدۇ.بۇ جايدا پۈتۈن مىھمانلار يەنىلا ئۇيغۇر.خەنزۇلار بۇنداق جايغا قاراپنۇ قۇيمايدۇ.چۈنكى ئۇلار ئىچكىرىدە بىر كۇۋادىرات مىتىرغا مانچە كىشى تۇغرا كىلىدىغان جايدىن شىنجاڭدەك بىر قايناق ماكانغا كىلىپ يەر ئىلىپ كىيىنلىكى ئۈچۈن مەبلەغ سالىدۇ،ئۇيۇنچۇقخانىلارنىڭ تىجارىتىنىڭ ئاساسەن ئالدامچىلىق ئىكەنلىكىنى بىلىدۇ.لىكىن گۆدەك دەي دىسە ھەر كادىر سۈپەت،زىيالى سۈپەت ياشلار،خىنىملار يۈرگەن لىكىن قىلىۋاتقىنى پۈتۈنلەي ئۆز ئۆزىنى تۈگەشتۈرۈش خالاس.ئەقلى بار ئادەم بۇنداق جايدا يۈرمەيدۇ.تورخانا بولسا مىنىڭچە مۇۋاپىق.ئادەم نىمىدىن قانداق پايدىلىنىشنى بىلسە شۇ ياخشى.شۇڭا مەن ئۇياخشى بۇ ئەسكى دىمەيمەن.كىرگۈڭىز كەلمىسە كىرمەڭ.ھىچكىم سىزنى سۆرەپ يۈرمەيدۇ.سىزنى سالا قىلغان ئاداشلىرىڭىزدىن ھەزەر ئەيلەڭ،ئۇنداقلار بىلەن ئاداش بولمىسىڭىزمۇ بولىدۇ.چۈنكى ئۇلار سىزنى زەھەرلەۋاتقانلاردۇر.

wahxi

	بىزنىڭ يۇرتتىمۇ بار، بۇنداق يەرنى قانۇنلۇق بولغان بىر تۈرلۈك كۆڭۈل ئېچىش سورۇنى دەيدىكەن تېخى. بىچارە دېھقان بالىلار كەچكىچە ئىشلەپ تاپقان پۇلىنى، بەزىلىرى 30--40 قويىنى ساتقان پۇلىنى، بەزىلىرى كۈزدە دېھقانچىلىقتىن قىلغان 30~40 مىڭ يۈەن پۇلىنى، تېخى بەزىلىرى ئەتىيازدا بانكىدىن ئەتىيازلىق تېرىلغۇ-دېھقانچىلىققا ئىشلىتىش ئۈچۈن قەرز قىلىپ ئالغان پۇلىنى بۇيەردە ئازراق ئاينىتىپ چىقاي دەپ بىر دەمدىلا  ئۇتتۇرۇپ ، قاقسەنەم بولۇپ سالپىيىپ چىقىپ، بەزىلىرىنىڭ دادىسى، يەنە بەزىلىرىنى قېرى ئانىسى كىلىپ بۇ يەرنىڭ خوجايىنى(خەنزۇ) بىلەن ئۇرۇشىۋاتقان، چىڭراق تۇرۇپ ئۇرۇشسا خوجايىن ئۇتتۇرىۋەتكەن پۇلنىڭ كىچىككىنە بىر قىسمىنى قايتۇرۇپ بېرىدۇ. بۇ يەرنىڭ خوجايىنى خىزمىتى بار خەنزۇ ئىدى. مۇشۇنداق يەر ئېچىپ خىزمىتىنىمۇ تاشلىۋەتتى. ئاڭلىشىمچە، ئۇ بىر ئۆمۈر ھۆكۈمەتكە ئىشلەپ تاپىدىغان پۇلنى ھازىر بىر -ئىككى ئايغا قالمايلا تاپىدىكەن. (ئەمدى 35 ياشلاردىن ئاشقان) ھەمدە بانكىدا نەچچە مىليون پۇلى، بىر قانچە يەردە ئۆي زېمىنى باركەن. بۇنداق ئويۇنچۇقخانىنى بىر قانچە يەردە ئېچىپ كىرىمى ناھايىتى ياخشىكەن. يەنە ھەرقايسى جايلاردا يەنە ئاچماقچى بولىۋېتىپتۇ. مۇشۇنى مۇشۇنچىۋالا باي قىلىۋەتكەنلەر 98% ئۇيغۇر. ھەممىنى ئۇيغۇرنىڭ قان تەرى ئىدى. ئاشۇنداق يەرگە كىرگەن نادان، ئەخمەقلەرنىڭ دۆتلۈكىدىن ئۇيغۇرنىڭ ھالال ئەمگەك قىلىپ تاپقان نۇرغۇن ئىقتىسادى بىر خەنزۇنىڭ بولۇپ كەتتى. مەسچىتتە ئىمام ئاخۇنۇممۇ ھەر ھېيت بايرام، جۈمە نامازلىرىدا جامائەتكە مۇشۇ توغرىسىدا تەربىيە قىلىپ تۇرىدۇ. ئەمما ھېچقانداق ئۈنۈمى بولمايۋاتىدۇ. ياشلارغا قارىغاندا يېشى چوڭلار كۆپ نىسبەتنى ئىگىلەيدۇ. ئادەمنى ناھايىتى ئەپسۇسلاندۇرىدۇ. ئىسىت مۇشۇ تۈپەيلىدىن يىغلاپ-قاقشاۋاتقان، ئازاپلىنىۋاتقان ئانىلار، دادىلار، ئىسىت ئاشۇنداقلارنىڭ بىچارە خوتۇن - بالىلىرى، مىڭ ئەپسۇس...