مۇنبەردىكى باشقۇرغۇچىلار زادى نىمىش قىلىدۇ؟

كارۋان

	foormat يوللىغان ۋاقتى  2012-4-25 10:10 PM بىر چاغلاردا مىسرانىمنىڭ 10نەچچە باشقۇرغۇچىسى بار دېگە ... يەنە ئارقا سەپتە ئۈن-تىنسىز  ئىشلەۋەتقانلار بار.مەسىلەن كەپتەر، ئەزىزىم دىگەندەك،ئۇلار ئادەتتە جىق ئىنكاس يازمىغىنى بىلەن خېلى كۆپ تېما ئىنكاسلارنى بىر قوللۇق  تەھرىرلەپ تەستىقلاپ مۇنبەر يۈزىگە چىقىرۋاتىدۇ.گەپ مۇنبەردە ئىنكاس تېمىللىرىنى كۆرۈشلا ئەمەس قانچىلىك ئەجىر قىلىۋاتقانلىقىدا.

bayhenim

	ئۆل يوللىغان ۋاقتى  2012-4-25 09:36 PM ھەئە

guzelim

	izqel يوللىغان ۋاقتى  2012-4-25 06:27 PM مىنىڭچە مىنىڭمۇ بۇ تۇغۇرسىدا پىكىر قىلىش ھۇقۇقۇم بار د ... ماندا قاراپ باقسام،مۇشۇ ئادەم باشقۇرغۇچى بولۇشقا لايىقتەك تۇرىدۇ! گەپ سۆزلىرى ئورۇنلۇق ئىكەن! بىكەت باشلىقى ۋە باشقۇرغۇچىلار ئويلىشىپ باقساڭلار بولغۇدەك!! ئەلۋەتتە «ئىزچىل» ئەپەندى بۇنىڭغا قوشىلامدىكىن؟

guzal~yurtum

	ئەسسالامۇ ئەلەيكۇم! تىما ئىگىسى ، سىزنىڭ ‹‹با شقۇر غۇچىلار مەسئۇلىيەتسىزلىك قىلىۋاتىدۇ›› دىگەن قارىشىڭىزنى ئادەم نى  ئويلاندۇرىدۇ، سىز نىڭچە، تورداشلارنىڭچە بارلىق مەسئۇلىيەت باشقۇرغۇچىلاردا بولۇپ كىتىدىكەن ھە! بىز دە ،ئەزالاردا، سىز دە  يوق ئىكەندە مەسئولىيەت يوقكەندە! ئۇلىنىپ باقايلى، كاللىمىز نى سىلكىۋىتىپ ئويلىنىپ باقايلى! بىز نى بىقىپ چوڭ قىلغان، ئاتا-ئانىمىز 3 بالىنى  تەربىيە قىلىپ بولالماي، تەبەسسۇم جىلۋىلىنىپ تۇرغان يۇزىدەجاپا - تارىتقاننىڭ  ئىز نالىرى قىلىپ قالدى! ئوزىمىز تەرنىيەنى ياخشى ئاڭلىماي، ياخشى بولماي ، يامان كىرىپ كىتىپ قالساق، يەنىلا بىز نى يىمەي،ئىچمەي بىقىپ چوڭ قىلغان ئاتا-ئانىمىزغا‹‹ بىز نى ئاتا -ئانىمىز ياخشى تەربىيە قىلمىغاشقا، بىز ياخشى بالا بولالمىدۇق، ›› دەپ گۇناھنى قويساق توغرا بولامدۇ! بىز ھزىر قى يىڭى زاماننىڭ باللىرى كونلارنىڭ ئىشىنى ئوگەنگىنىمىز يوق دەپ ئوز بىشىمچىلق قىلغىنىز نى ھەجەپ ئۇنتۇپ قالىمىز كەن ھە! مۇ شۇ مىسال ئارقىلىق شۇنى دىمەكچىمەنكى! بىز ئويلىنىپ باقايلى، بىز مۇنبەرگە ئەزا بولۇش  تىزىملىتىكى، بوش ئورۇنغا ئوزىڭىزنىڭئوزىڭىز نىڭ نامىنى، مەىپى نۇمۇر قاتارلىق  كورسەتمىلەرنى تىزىملىتىپ بولۇپ ئەڭ ئاخىردا،مۇن بەرنىڭ  جائىدە تۇزۇملىرىگە قوشۇلامسىز دىگەن خەت چىقىدۇ،، سىسز ئەزا بولۇش نى ئويلاش قاندىكىن چوقۇم قوشۇلۇپ مۇنبەرگە ئەزا بولىسىز! سىز نى مۇنبىرىمىز خوشاللىق بىلەن قارشى ئالىدۇ،سىزگە ھەمدەمدە بولىدۇ! ئەزا بولىۋىلىپلا، مىنى كىم كورۇپتۇ، نىمە كارىم مۇنبەر بىلەن دەپ قالايمىقان ئەخلەت ئىنكاسلارنى يازىۋەرسىڭىز، مۇنبەر  ئۇچۇن جان دىلى بىلەن خىز مەت قىلۋاتقان، تىما يوللا ۋاتقان ئەزالانى كورەلمەسلىك ئورۇقىنى چىچىپ ئوچۇقتىن- ئوچۇق ئوسەك سوز لەرنى يازسىڭىز، يازساڭلار، يازساق، ئەجىبا، بۇ ئىشنىڭ مەسئولىيىتى مۇنبەر باشقۇرغۇچىسىدا بولامدۇ! تىمىدىكى ئىنكاسلانىڭ تاقىلىش تاقالماسلىق ئەھېالىنى ، تاقىلىپ كەتسە، ئوسەك سوزلەر بولمايتى دىگەن قاراشتا بولىپتىمىز! مەن بۇ   تۇغرىلىق ئوز پىكرىمنى ئوتتۇرىغا قويۇپ باقاي!   مۇنبىرىمىز يىڭىدىن قورۇلغان مەز گىللەردە،بەزىبىر سەزگۇ تىمىلار تاقالدى، قولۇپلاندى، بەقەت ئوقۇشقا بولىدىكىن يىزىشقا بولمايدۇ دىگەن ئاساستا بولدى، بۇنى ھەمىمىز بىلىمىز!پەقەت مۇنبەر باشقۇرغۇچىلىرىنىڭ ئويلىغىنى ؛مۇنبەر ئەمدىلا قۇرۇلدى، مۇنبىرىمىز رەتلەنسۇن،  ئىسىل ئەزالىرىمىز قايتىپ كىلىپ مۇنبىرىمىزنى تەرەققى قىلدۇرسۇن دىگەن ئاساستا، مۇن بەرلەردىكى بەزبىر تىمىلار تاقالدى، ئەگەر ئاشۇنداق تىمىلا تاقالمىغان بولسا، قاايمىقان سۆزلەنىڭ دەستىدىن ، مۇن بىرىمىز نىڭ تەرەققىيەتىدىن سۆز ئاچقىلى بولمايتى! ئەمدىلكتە، باشقۇرغۇچىىلىرىمىز نىڭ جاپالىق تىرىشچانلىقدىن، بىز نىڭ قوللاپ قۇۋەتلىشىمىز نىڭ، ياردەمدە، ھەم سوھبەتتە بولىشىمىزدىن  مۇنبىرىمىز نىڭ تەرىققىياتى زور دەرىجدە ياخشىلىنىۋاتىدۇ، تەرەققى قىلۋاتىدۇ، بۇنىڭدىن كىيىن تىخىمۇ تەرەققى قىلغۇسى! يىغىپ ئىيىتقاندا، بەزىبىر سەۋنلىكلەر مۇنبەرباشقۇرغۇچىلىرىمىزدا بار، ئۇلارمۇ كۆز يۇممايدۇ! بىز نىڭ مۇشۇنداق دادىللىق بىلەن تىما يوللاش ئارقىلىق مۇن بەر باشقۇرغۇچىلىرىمىزنىڭ يىتەرسىزلىكىنى تىپىپ چىقىپ،ئوچۇڭ ئاشكادە كورسەتمە بەرسەك،  يىقىندىن ياردەمدە بولساق،ھەممە مەسئۇلىيەتنى باشقۇرغۇچىلارغا ئارتىپ قويۇش ئەمەس،بەلكى ئۇلانىڭ خىز مىتىنى قوللاپ قۇۋۋەتلسەك، ياردەمدە بولساق  نىمە بولار! مۇنبەر دىگەن  بايام دەپ ئوتكەندەك سۆز چۆچەكنىڭ، سۇخەنچىلكنىڭ ماكا نى ئەمەس! مۇن بىرىمىز ئۇقۇمۇشلۇق كىشىلىرىمىز،  زىيالىرىمىز، ئاتا-ئانىمىز،  ئىنى سىڭىللىرىمىز، ئاكا ھەدىمىز ، ھەرمىللەت قىرىداشلىرىمىز يىغىلغان پىكىر ئاملاشتۇرىدىغان سورۇن! باشقىلار بىز نىڭ  يىزىقىمىز نى بىلسە ئۇلار ئەزا بولۇپ كىرسە،بىز نىڭ  بىر قىسم تۇترۇقسىز ئىنكاسلىرىمىز ئوقۇسا ، بىز غۇ، مەسئولىيەتنى مۇن بەر باشقۇرغۇچىغىلا ئارتىپ قويدۇق ،ئۇلا بىز نى نىمە دەپ قالار، نىمىدىگەن سەتچىلىك ھە! مۇشۇ ئىشلانى، قالايمىقان سۆز چوچەكنى، قالايمىقان ئىنكاسنى يىزىۋاتقانلا، ناھايىتى ئاز بىر قىسىم  ناچار ئەزالار! مۇنبىرىمىز دە ئىسىل ئەزالىرىمىز نۇرغۇن! بىر قىسىم ئسىل ئەزالرىمىز، بەزىبىر ناچار ئەزالار دەستىدىن، مۇنبەرگەكىرمەيۋاتىدۇ، سۆز چۆچەكنىڭ قۇربانى بولاۋاتىدۇ،، بىز ئاشۇنداق ياز ما ئىقتىدارى يوقىرى بولغان،  بۇرۇنقى ئەزلىرىمىز نىڭ مۇن بىرىمىزگە قايتىدىن جەم بولىشىنى ئۇمۇد قىلمىىز! بەزبىر يىتەرسىز لىكلەردە، ھەممە مەسئولىيەتنى مۇنبەر باشقۇرغۇچىسىغا قۇيۋالماي، ئوزىمىز دىنمۇ ئىزدىنىپ بىشىمىززورۇرلىكنى ئويلىنىپ باقايلى دىگەن ئومۇددىمەن!@

atlan028

	Ahsayigit يوللىغان ۋاقتى  2012-4-25 06:34 PM مەن بۇ  تىز تىز توربېتنىڭ ئادىرسىنى مۇنبەردىكى بىر ئە ... تور بەتنى قالقان قىلىپ باشقىلارنى ئالدايغان ئالدامچى ئىكەن ئۇ ناكەس. ئاز قالدى ئەدىبىنى يىگىلى، لىكىنزە  شۇ ئىچكىردە بىر تەرەپ قىلىدىغان بولدى بۇ ئشىنى ،  ئىچكىردىكى ساقچىلار  ئۇيغۇرلار ئارىسىدىكى دىلولارنى بىر تەرەپ قىلسا ئەجەپ بىر قىسما تۇرىدىكەن،   باشقا قىرىنداشلار دىققەت قىلىڭلار،

RAHEME

	بەزى بىرقىسىم تورداشلىمىز بار ئىكەنكى ئۇلارنىڭ ‹‹ قابىليىتى ›› ناھايىتى بار ئىكەن باشقىلارنى ساقلىتىشقا ، باشقىلارنى ئەخمەق قىلىشقا ، شۇنداقلا ھەممەيلەن تاپالماي يۇرگەن نەرسىنى ( ئەمىليەتتە يوق ) مەندە بار دەپ داۋراق سىلىشقا بەك ئامراق ئىكەن . مەن بۇھەقتە تىمىمۇ يازغان ئىدىم لىكىن مۇنبەرگە يوللىمىدىم . چۇنكى بىرىنجى قىتىملىق كورىشىم ئىكەن . شۇنداق قالايمىقان ئىنكاسلارنى يوللىغۇچىلار دىققەت قىلىڭ . مۇنبەرنىڭ پاكىزلىقى ئوزىمىز ئۇچۇن .بىز يازغان ئىنكاسلارنى باشقۇرغۇچىلار كورۇپ ئاندىن يوللامدۇ ياكى بىۋاستە چىقامدۇ بۇ ماڭا نامەلۇم . مۇمكىن بولسا باشقۇرغۇچىلارمۇ مۇنداق ئىنكاسچىلارنى يەنى قالايمىقانچىلارنى سەگىتىپ قويساق بولىدۇ .

hokumran

	ئەسلى جاۋاپ قايتۇرۇش خىيالىم يوق ئىدى. ئەمما تېمىڭىزنىڭ كەينىدىكى قىزىل رەڭدە يوغان قىلىپ يېزىلغان ‹‹ ئىنىقكى، باشقۇرغۇچىلار مەسئۇليەتسىزلىك قىلىۋاتىدۇ. ›› دېگەن سۆزنى كۆرۈپ سىزگە ئىككى ئېغىز سۆزلەشنى نىيەت قىلدىم. 1. ئالدى بىلەن بۇ تېمىنى تەستىقلىغان مارشال ئەپەندىنى ئەيىپلەيمەن. چۈنكى تېمىڭىزدا باشقۇرغۇچىلارنىڭ مەسئۇليەتسىزلىكى توغرىسىدا سۆزلەنگەن بايانلارنىڭ قايسى تەرىپى ئورۇنلۇق؟ مەسئۇلىيەت دېگەن زادى نېمە؟ بۇ ھەقتە مارشال ئەپەندى ئويلىنىپ كۆرۈشى كېرەك. بەلكىم مارشال ئەپەندى سىزنىڭ پىكرىڭىزگە ھۆرمەت قىلىش يۈزىسىدىنلا تەستىقلىغان بولسا كېرەك. 2.  سىزنىڭ باشقۇرغۇچىلارنى مەسئۇليەتسىزلىك قىلدى دەيدىغان سالاھىيىتىڭىز يوق. چۈنكى تېمىڭىزدىكى تۇترۇقسىز بايانلاردىن مەسئۇليەتسىزلىككە ئائىت ھېچنىمىنى تاپقىلى بولمايدۇ. بۇ ھەرگىزمۇ ئەزالارنىڭ باشقۇرغۇچىلارغا پىكىر قىلىش ھوقۇقى يوق دېگەنلىكىم ئەمەس بەلكى ئوتتۇرىغا قويغان پىكرىنىڭ ئەمەلىيەتكە ئۇيغۇن ياكى ئەمەسلىكىگە قارىتىلغان. ئەزالار پىكىر تەلەپلىرىنى ئوتتۇرىغا قويغاندا جانلىق، ئەمەلىيەتكە ئۇيغۇن، مۇنبەرگە پايدىلىق بولغان پىكىرلەرنى ئوتتۇرىغا قويۇش كېرەك. مۇنبەر ئۈچۈن پايدىلىق بولغان ھەرقانداق پىكىر-تەكلىپلەرگە قارىتا بارلىق باشقۇرغۇچىلار يۈكسەك مەسئۇلىيەتچانلىق بىلەن مۇئامىلە قىلىپ ھەل قىلىشقا تېگىشلىك بولغان زۈرۈر مەسىلىلەرنى چوقۇم ۋاقتىدا ھەل قىلىشقا تىرىشىمىز. ئەمما زورىغا كىيدۈرۈلگەن << مەسئۇليەتسىزلىك>> تىن ئىبارەت بېشىمىزغا ماس كەلمەيدىغان قالپاقنى يىرتىپ تاشلىۋېتىشكە ھەمدە شۇ قالپاقنى كىيدۈرمەكچى بولغانلارغا لايىقىدا رەددىيە بېرىشكىمۇ ھوقۇقلۇقمىز. ئاۋال سىزگە مۇنبەر ھەققىدە كىچىككىنە توختىلىپ ئۆتەي. مۇنبەر _ ئادەملەر توپى توپلاشقان،بىلىم ئالىدىغان، بەس مۇنازىرە ئارقىلىق ھەل قىلالمىغان مەسىلىلەرنى ھەل قىلىدىغان، جاھاندىكى يېڭىلىقلاردىن خەۋەردار بولىدىغان، ھەر خىل مەسىلىلەرگە قارىتا ھەركىم ئۆز پىكرىنى ئەركىن-ئازادە ئوتتۇرىغا قويىدىغان، تۇرمۇشىدىكى قىيىنچىلىق مەسىلىلىرىگە ياردەم ئارقىلىق جاۋاپ تاپىدىغان مۇنازىرە سورۇنى. مۇنبەرگە نەزەر سالساق سەرخىل تېمىلارمۇ ، ئادەتتىكى تېمىلارمۇ شۇنداقلا ئۆتكۈر مۇلاھىزە تەلەپ قىلىدىغان تېمىلارمۇ بار . بىراق تېمىنى ئاۋات قىلىش ياكى ئىنكاس ئارقىلىق ئورۇنسىز تالاش-تارتىشقا ئېلىپ كىرىش ھەرگىزمۇ باشقۇرغۇچىلارنىڭ سەۋەنلىكى ئەمەس. چۈنكى ئىنكاس يېزىش ئەزالارنىڭ ئەركىنلىكى، بۇ ئەركىنلىكنى سىزنىڭ، مېنىڭ ۋە ياكى باشقىلارنىڭ چەكلەش ھوقۇقى يوق (پەقەت ئىنكاسلاردا قانۇنغا خىلاپ گەپ سۆزلەر بولمىسىلا) 3. مىسرانىم باشقۇرغۇچىلىرى ھېچقاچان ئۆز مەسئۇليىتىنى ئۇنتۇپ قالغىنى يوق. مۇشۇ تاپتا ھەممە شىرىن ئۇيقىغا كەتكەن، يېرىم كېچە بولۇپ قالغىنىغا قارىماي ( كېچە سائەت شىنجاڭ ۋاقتى 2:00 بولدى) بىر نەچچە باشقۇرغۇچى تېما تەستىقلاش ۋە ئىنكاسلاردىكى قالايمىقان سۆزلەشنى بىر تەرەپ قىلىش بىلەن بولۇۋاتىدۇ . شۇ سەمىڭىزدە بولسۇن: ھېچبىر باشقۇرغۇچى ئەزالارنى ئىنكاس يېزىشقا زورلايدىغان ئەھۋال مەۋجۇت ئەمەس. مۇنبەردە يېزىلغان ئىنكاسلاردا قانۇنغا خىلاپ بىرلا سۆز كۆرۈلسە پۈتۈن مۇنبەرگە ئېغىر خەۋىپ ئەكىلىدۇ، شۇنداقلا بۇ مەسئۇليەتنىڭ چوڭى مىسرانىم ئەپەندى شۇنداقلا بارلىق باشقۇرغۇچىلارنىڭ زىممىسىگە ئارتىلىدۇ . شۇڭا باشقۇرغۇچىلار يۈكسەك مەسئۇلىيەتچانلىق بىلەن ئىش بېجىرىۋاتىدۇ. مۇنبەرنىڭ ساغلام تەرەققىي قىلىشى، خەلق ئاممىسىنىڭ بىلىم ئېلىش پۇرسىتىدىن مەھرۇم قالماسلىقى ئۈچۈن باشقۇرغۇچىلار ئائىلە، خىزمەت ۋە تۇرمۇشتىكى تۈرلۈك ئىشلارنى بېجىرىشتىن سىرت مۇنبەر ئۈچۈن جان كۆيدۈرۈۋاتىدۇ. شۇڭا باشقۇرغۇچىلارغا مەسئۇليەتسىزلىك قالپىقىنى كىيگۈزۈشىڭىز بەكمۇ ئارتۇقچە. بۇنىڭغا مۇناسىۋەتلىك بەزى گەپلەرنى ئەركزات ئەپەندى ئېنىق ئوتتۇرىغا قۇيۇپتۇ، قايتا تەكرارلاپ ئولتۇرمايمەن.   4. سەرخىل تېمىلارنىڭ ئاسانلا چۈشۈپ كېتىشى، ئادەتتىكى تېمىلارنىڭ ئاۋات بولۇپ كېتىشىدىكى ئاساسلىق مەسئۇلىيەت يەنىلا سىز ۋە سىز قاتارلىق شۇ تېمىلارنىڭ ئاۋات بولۇشى ئۈچۈن ئىنكاس يېزىپ ئورۇنسىز تالاش - تارتىش كەلتۈرۈپ چىقىرىۋاتقان ئەزالاردا. ئاۋات تېما قاتارىدىكى تېمىلارنىڭ مۇنبەرگە چىقىشى يوللۇق. ئەزالارنىڭ ۋە سىرتتىن كۆرىدىغانلارنىڭ ئەتراپىمىزدىكى ئىشلاردىن خەۋەردار بولۇش ھوقۇقى بار. بەزى تېمىلارنى كۆرۈپ قۇيۇشقا بولىدۇ ، ئەمما ئۇنچە كۆپ تالاش تارتىش قىلىشنىڭ قىلچىمۇ ئورنى يوق ئىدى، ئەمما يەنىلا بەزى ئەزالار ....... قانۇنغا خىلاپ بولمىغان ۋە باشقىلارغا ئورۇنسىز ھاقارەت كەلتۈرمىگەن ھەرقانداق ئىنكاسنى ئۈچۈرمەيمىز . تورداشلاردىن سەمىمىيەتلىك بىلەن شۇنى ئۈمىد قىلىمىز: يازغان ئىنكاسىمىز پەقەت تېما مەزمۇنىنى ئاساس قىلغان ھالدا يېزىلسا شۇنداقلا يازغان ئىنكاسىمىزدىن باشقىلار ھەقىقىي مەنپەئەت ئالالىسا.   مەسىلىلەر ئۈستىدە تەپەككۈر قىلىش، كەڭ دائىرىدە تەھلىل ئېلىپ بېرىش ئادەمنىڭ زېھنىنى ئاچىدۇ، بۇ بىزنىڭ كېيىنكى تۇرمۇش مۇساپىمىزدە يولۇققان تۈرلۈك مەسىلىلەرنى ياخشى ھەل قىلىشىمىز  ۋە تۇرمۇشىمىزنى تەرتىپلىك ئورۇنلاشتۇرىشىمىزدا تولىمۇ مۇھىم رول ئوينايدۇ . شۇڭا ئەزالارنىڭ ھەر بىر تېمىغا ئىنكاس قايتۇرغاندا ئەستايىدىل مۇئامىلە قىلىشنى ئۈمىد قىلىمەن.       ئاخىرىدا تېما ۋە ئىنكاسىنىڭ ئۆچۈشى سەۋەبلىك ئېنىق چۈشەنچە ھاسىل قىلالمىغان تورداشلارغا جاۋاپ بولسۇن ئۈچۈن مۇشۇ ھەقتە يېزىلغان بۇ تېمىنى ئەستايىدىل ئوقۇپ كۆرۈشىنى تەۋىسىيە قىلىمەن. تېما ئادرىسى: https://uyghur-archive.com/misranim/thread-72161-1-1.html

shoruq

	مەنمۇ ئىككى ئېغىز گەپ قىلىپ قۇياي، باشقۇرغۇچىلارنىڭ زىممىسىدىكى يۈك ھەقىقەتەن ئېغىر. ئۇلارمۇ بىزگە ئوخشاشلا تۇرمۇش بېسىمى، خىزمەت بېسىمى ئۈچۈن ھەركۈنى تىنماستىن ھەركەت قىلىدۇ، بىز مۇنبەرلەرنى ئايلىنىپ. ئىسىل تېمىلاردىن بەھىرلىنىۋاتقان چېغىمىزدا ئۇلار ئۆزنىڭ چارچاپ كەتكەنلىكىگە قارىماي، مۇنبەرنىڭ ئارقا بېتىدە بىز ئۈچۈن، مۇنبەرنىڭ تەرەققىياتى ئۈچۈن جاپالىق ئىشلەۋاتقان بولىدۇ.    بۇ مۇنبەرگە بىر كۈندە ئۈچ-تۆت مىڭ ئىنكاس چۈشىدۇ، ئۇلارنىڭ ئاشۇ ئىنكاسلارنىڭ ھەممىسىنى كۆرۈپ، بىر تەرەپ قىلىپ بولۇشى مۇمكىن ئەمەس، بۇ ئىش يەنىلا ئەزالارنىڭ ساپاسىغا ۋە ئاڭلىقلىقىغا بېرىپ تاقىلىدۇ. ئەگەر باشقۇرغۇچىلار تېمىغا مۇناسىۋىتسىز، ئىتتىپاقلىققا تەسىر يەتكۈزىدىغان ئىنكاسلارنى بايقىماي قالسا، ئەقلى سەگەك ئەزالار پاش قىلىش ئۇسۇلى ئارقىلىق باشقۇرغۇچىلارغا مەلۇم قىلسا، مەسىلە ھەل بولۇشى مۇمكىن.    باشقۇرغۇچىلارنىمۇ نازارەت قىلىپ تۇرايلى، شۇنىڭ بىلەن بىرگە ھەربىر ئەزا، ئاڭلىق ئىنسان بولۇش سۈپىتىمىز بىلەن ئۆزىمىزنىڭ قىلغان ئىشىمىزغا مەسئۇل بولايلى.

xiwas1-

	بۇھەقتە پىكىرقىلىشقا مەن ئۆزۈمنى تېخىمۇ ھەقلىق دەپ ئويلايمەن ،چۈنكى مەنمۇ باشقۇرغۇچىلىق تىن ئىبارەت بۇ شەرەپلىك ۋەزىپىنى بىرمەزگىل قىلىپ مىسرانىم ئۈچۈن نەچچە ئاخشام ئۇيقۇمدىن كەچكەن كىيىن ئۆزۈمنىڭ تۈز  گەپ سۆزپىكىرلەردە كەسكىن لىكىمدىن مىكىن ياكى سەۋەبسىز مىكىن بۇخىزمەتتىن ھەيدەلدىم . يۇقۇردا تەنقىد بىلەن خوشىيوق ھۆكۈمران ئەپەندى ،بىرپاتمان قېلىپلىشىپ كونىراپ ئەبجىقى چىققان    كوناگەپلەرنى مارجاندە ك تىزىۋىتىپتۇ ،بۇنىڭدىن ئابلىكىم كەلكۈن زىيارىتىدىكى ئابلىكىم كەلكۈننىڭ راس گەپ ئادەمنى بەك چىچاڭشىۋىتىدۇ دىگەن سۆزى يادىمغايىتىپ قالدى .شۇنداق ھەقىقەتەن باشقۇرغۇچىلارنىڭ مۇ مەسئۇلىيەتسىزلىرىبار  ھەممىسى ئەمەس بىرقىسىم مەسئۇلىيەتسىزلىرىبار ئۇلار بىركۈن كەچ بولغۇچە  چ چ  دا بولسا باركى ئارقا سەپتەيوق لىكىن مەسئۇلىياتچان باشقۇرغۇچىدىن بىرسى ھېرىپ چارچاپ شۇنداق بىرئىشنى خاتا قىلدى دەيلى شۇھامان پەيداابولۇدۇدە شۇخاتانى تۈزەپ قويۇش نى ئەسلا ئويلىمايدۇ ، ئۇلارغا نىسبەتەن بۇ شۇ باشقۇرغۇچىغا ئۆزىنى كۆرسىتىدىغان بىر پۇرسەت بولىدۇ ، شۇخاتانى بايقىغىنىدىن پەخىرلەنگەن ھالدا ئۆزىنى قالتىس چاغلاپ ئۆزىنى ھەممىدىن بىلىملىك ھەممىدىن دانا كۆرسىتىشكە ئورۇنۇپ بىرمۇنچە ۋاقىتنى ئىسراپ قىلىدۇ ، ئۇلار شۇنىڭدىن خوشكى باششەكلى ئاستىدىكى باشقۇرغۇچى دىگەن خەت ئۆچۈپ كەتمىسىلا بولىدۇ ، باشقۇرغۇچى سايلىمىدىن بورۇن باشقۇرغۇچىلىققا تاللىنىدىغان لارنىڭ مەلۇم ئەدەبىي ۋەدىنى بىلىملىرىگە تەلەپ چەكلەر قويىلىدۇ ،شۇنداق لا تورغاچىقىش ۋاقتى بىرقەدەر كۆپ بولىدىغان ئۆيىدە كومپىيوتۇر بولغان لاردىگەندەك مەلۇم تەلەپلەرمۇ قويىلىدۇ ، مانا ئەمدى تىرىكچىلىك تۇرمۇش ئىشى چىقىپ قالغان شۇ باشقۇرغۇچىلار باشتىلا ئۆزىنى چاغلىيالمايدۇ ، بۇپەقەت سېپى ئۆزىدىن قۇرۇق بىربانا سەۋەپ ئۇلار شۇنداق دىيىش ئارقىلىق ئاممىنىڭ ھىسداشلىقىغا ئىرىشمەكچى بولىدۇ دە بۇمەسئۇلىيەتتىن قېچىش مەخسىدىگە يىتىدۇ ،، مانا بۇ مىسرانىم مەھھۇم دۇنياسىدىكى باشقۇرغۇچىلار ئارقا سېپىدىكى بىر ئويۇن   ،، ئەلۋەتتە ھەممىسى ئەمەس  ئازبىرقىسمى خالاس ........دىگۈم يوق بولغان نۇرغۇن راس گەپلەر دىيىلىپ كىتىپ قالدا ئەلۋەتتە مەن باشتىن ئاخىرى مانا شۇنداق چىنلىق ۋەراسلىق بىلەن پىكىرقىلغانمەن !!

seven

	ھۆكۈمران ئەپەندى،  تۇترۇقسىز بايان دەپ قاپسىز، بەلكىم شۇنداقتۇ. مەسئۇليەت دېگەن نېمە دەپ سوئال قۇيۇپسىز،ئېسىڭىزدە بولسۇن مەسئۇليەت دېگەننى خاتىرجەم، ھەممە ھە-ھە ياخشى قىلدىڭىز دەپ ماختاۋاتقاندىلا ئەمەس مۇشۇنداق «تۇترۇقسىز »بايانلارغا يولۇققاندىمۇ ئۆزىنى تۇتىۋالالايدىغان، ئۆزى ئۈستىدە پىكىر يۈرگىزەلەيدىغان، ئاندىن راستىنلا مەسئۇليەتسىزلىك قىلغان بولسا كىچىكلىك بىلەن تۈزىتەلەيدىغان كىشىلەر ئۈستىگە ئالالايدۇ. مەسئۇليەت مەجبۇريەت دېگەنلىك ئەمەس. ئۇنى خالاپ ئۆز ئۈستىگە ئالىدۇ. دېمەك مەسئۇليەتنى ئۈستىگە ئالغان كىشىلەر باشقىلارغا قارىغاندا دادىل ھەم جۈرئەتلىك. شۇڭا مەسئۇليەتنى ئۈستىگە ئالغان باشقۇرغۇچىلارنى، مەسئۇليەتچان كىشىلەرنى ھەممىمىز سۆيىمىز، ئۇلاردىن سۆيىنىمىز. قايسى تەرەپ ئۇرۇنلۇق دەپسىز. ئورۇنسىز بولسا، تورداشلانىڭ ئىنكاسلىرىغا نەزەر ئاغدۇرۇپ كۆرۈڭ. ئازراق بولسىمۇ ئورۇنلۇق تەرەپلىرىنى بايقاپ قالارسىز. ئەسكەرتىمىسەممۇ بىلىسىز، مۇنبەرگە ھەر خىل كىشلەر ( ئۇيغۇرچە ئوقۇيالايدىغان)  تور بولغانلىكى جايدا تۇرۇپ كىرەلەيدۇ. مۇنبەردە ئىدىيە تارقىلىدۇ، ئىدىيە قۇبۇل قىلىنىلىدۇ، مەنىۋىي زوق ئالىدۇ، باشقىلارغا مەنىۋىي زوق بېغىشلايدۇ...... باشقۇرغۇچىلار ئەنە شۇ ئىشلارنىڭ يۆلىنىشنى بۇراپ ماڭىدىغان رول. شۇڭا ئۇلارنىڭ مەسئۇلىيتى بىزگە ئوخشاش ئادەتتىكى ئەزالارنىڭكىدىن ئېغىر. ئۇلار مۇنبەر ئەھلىنىڭ بېخەتەرلىكى، ئامانلىقى، تىنىچلىقى، ئىدىيە دۇرۇسلىقى.... قاتارلىقلارغا مەسئۇل بولىشى كېرەك. سىزلەرگە قارىتىپ ئېيتىلغان « مەسئۇليەتسىزلىك قىلىۋاتىدۇ» دېگەن بۇ سۆز قانداقتۇ قالپاق ئەمەس، بەلكى بۇ سىزلەردىن كۈتىلىۋاتقان ئۈمىد. شۇڭا خاتا سۆزلەپ قويغان بولسام ئەپۇ قىلىپ، توغرا تەرەپلىرىنى قۇبۇل قىلغايسىزلەر.