安利 Amway ئەمۋاي

chvmvle

	تېما ئىگىسى، ئۆتكەندە ئەمۋاي توغۇرلۇق ئىزدىنىش مۇنبىرىگە بىر تېما يوللانغان ئىدى . بەلكىم كۆرگەنسىز، بەلكىم كۆرمىگەنسىز. بولسا شۇ تېمىغا ئىنكاس شەكلىدە ياكى ئايرىم تېما قىلىپ يوللىغان بولسىڭىز ياخشى بولغان بىر مۇنازىرىنىڭ قوزغىلىشىغا سەۋەپچى بولغان بۇلاتتىڭىز. تېمىڭىزنى كۆچۈرۈپ يوللاپ قويۇشنى ئەپسىز كۆردۈم . بولسا ئۆزىڭىز بىر قوللۇق تېما ئاچسىڭىز ياخشى بۇلاتتى.   http://bbs.izdinix.com/showpost. ... hreadID=46868#Inkas    مۇشۇنداق قىلىشقا بۇلارمۇ ؟ ئىنكاس قالدۇرسىڭىز ...

sarsan1117

	ئىزدىنىشتا بىزدەك تىللاپ تىللاپلا قويىدىغانلار ئاساسەن يوق ،  ئىزدىنىشلىقلارنىڭ ئالدىدا يۈرىكىنى تۇتۇپ مۇنازىرە قىلالايدىغان ئامۋايچىلارنىڭ چىقىدىغىنىغا ئىشەنمەيمەن ~~!

nasmi

	ئەمۋاي يەھۇدىيلارنىڭ ماركىسىمۇ؟  ئەمۋاينىڭ چىش پاستىسى، ئېغىز ئەتىرى، بەدەن يۇيۇش سۇيۇقلىقى ھەقىقەتەن ياخشى.....  ئەمما مەن شۇنىڭغا ھەيران، ئەمۋاينى ساتقۇچىلار ئۇنى بەكلا يۈكسەكلىككە كۆتۈرۋىتىدۇ دىسە..... ئۇلار راستىنلا ئەمۋايغا ئىچ-ئىچىدىن قايىلمىدۇ ياكى ئۆز مەنپەئەتى ئۈچۈن بۇ مەھسۇلاتنى شۇنچە كۈچەپ ماختامدىغاندۇ؟؟؟

elham315

	ئاخىرنى تولۇق تەرجىمە قىلىپ بولالمىغان ئىدىم. شۇنداقتىمۇ ھازىرغىچە پۈتكەنلىرىنى يوللاپ تۇراي. تورداشلارنىڭ سوغۇققان بولۇپ، شەيئىلەرگە بىرنىڭ ئىككىگە بۆلىنىشى بويىچە قاراپ، ئوبىكتىپ باھا بىرىشىنى  ئۈمىد قىلىمەن. ئۆزىمۇ تولۇق چۈشەنمەيدىغان ئەمۋاي كەسپىگە نىسبەتەن ئىقىمغا ئەگىشىپ سەلبى ئىنكاسلارنى جار سىلىپ توۋلىشىنىڭ ھاجىتى يوق. مۇنبەردىكى نەچچە ئادەمنىڭ قارشى پىكىردە بولغىنى بىلەن بۇ كەسىپ توختاپ قالمايدۇ. شىنجاڭدا توختاپ قالغىنى بىلەن ئىچكىرى ئۆلكىلەردە، دۇنيادا 80دىن ئارتۇق دۆلەت ۋە رايۇنلاردا تىجارىتى ئوتتەك يۈرىشىۋاتىدۇ. ئەگەر توي قىلىشنى ئويلاپ توي خىتى ئىلىش ئورنىغا بارسىڭىز ، نۇرغۇنلىغان كىشىلەرنىڭ ئاجرىشىش ئۈچۈن كەلگەنلىكىنى كۆرىسىز. بۇنىڭلىق بىلەن توي قىلسا بولمايدىكەن، دىگەن ئويغا ھەرگىز كەلمەيسىز. خۇددى ئەمۋايغىمۇ شۇنىڭغا ئوخشاش نۇرغۇنلىغان كىشىلەر قىززىقىپ كىرىپ باقىدۇ، يەنە نۇرغۇنلىرى ئۆزىدىن ھالقىپ ئۆتەلمەي چۈشۈپ قالىدۇ. چۈشۈپ قالغانلىرى بولسا ‹‹قولى يەتمىگەن ئۈزۈم ئاچچىق›› دىگەندەك، ھەرخىل سەپسەتىلەر ئارقىلىق يامان گىپىنى قىلىدۇ. بۇكەسىپتە زىيان تارتىش نىسبىتى <<نۆل>>. زىيان تارتتىم دىگۈچىلەر ئوبدان ئويلىنىپ باقسا سەۋەبى پۈتۈنلەي ئۆزىدىن چىقىدۇ. بىر ئۆيدە چوڭ بولۇپ، بىر ئانىنىڭ سۈتىنى ئەمگەن بالىلارنىڭمۇ ھەرخىل خۇي، مىجەزى، ھەرخىل ئادىتى بولىدۇ. بەزىلىرى ئەخلاقلىق، تىرىشچان، مەسئۇلىيەتچان بولسا، بەزىلىرى ھەرخىل يامان ئىشلار بىلەن شۇغۇللىندىغان، يامان خۇيلۇق بولۇپ يىتىشىپ چىقىدۇ. ئەمۋاينى قىىلۋاتقانلارمۇ ھەر خىل قاتلام، ھەرخىل ياشتىكىلەر بولغاچقا بەزى ئەمۋايچىلار سىلەر دەپ ئۆتكەندەك <<زىرىكىش>>كەيپىياتى پەيدا قىلىپ قويغان بولىشى مومكىن. لىكىن ئەمۋايدا مەسىلە يوق. مەن بۇ يەردە سىلەرگە <<زورلاپ ئەمۋاينى چۈشەن، زادى شۇنى قىل>> دىمىدىم. پەقەت ئەمۋاي توغۇرلۇق يىزىلغان <<ئەمۋاي ئامەتمۇ  ياكى ئاپەتمۇ>> دىگەن تىمىغا چۈشكەن سەلبى ئىنكاسلارنى كۆرۈپ، ئاددى بىر ئىككى ئىغىز گەپ بىلەن چۈشەندۈرۈپ بولالمايدىغانلىقىمنى ھىس قىلىپ، شىركەت توغۇرلۇق يىزىلغان بۇ ماتىريالنى بەيدۇ تورىدىن）百度百科（ تەرجىمە قىلىپ يوللاپ قويدۇم. تەرجىمە سەۋىيەمىنڭ يىتەرلىك بولماسلىقى سەۋەبىدىن ئازدۇر-كۆپتۇر خاتالىقلارنىڭ بولىشى تەبئى.  خەنزۇچىنى ئوبدان بىلىدىغان تورداشلارنىڭ ئۆزلىرى بىۋاستە كۆرۈپ بىقىشىنى تەۋىسسىيە قىلىمەن. ئىنكاس يىزىش مەجبۇرىيەت بولمىغاندىكىن، تەتۈر ئىقىم پەيدا قىلماي كۆرۈپ چىقىپ كەتسەڭلارمۇ بولاتتى. بۇمۇ ياخشى بوپتۇ. بۇندىن كىيىن تېخىمۇ ياخشى مۇلازىمەت قىلىشىمىزغا پايدىسى بولۇپ قالار. رەھمەت!

赛乃木江

	مېنىڭ بىر ئوغۇل بىر قىز ساۋاقدىشىم تولۇقسىزنى پۇتتۈرۈپ ئىنىستىتوتقا كىرىپ ئوقۇش پۈتتۈرۈپلا ئوقۇتقۇچى بولغان ئېدى،ئوغۇل ساۋاقدىشىمنى بەك چۈشىنىپ كەتمىسەممۇ ئەمما قىز ساۋاقدىشىم مېنىڭ ساۋاقدىشىملا ئەمەس مېنىڭ ئوڭ قولۇم ،ئوڭ كۆزۈمدەك شۇنداق ياخشى دوستلاردىن ئېدۇق.بىر -ئىككى يىل بولدى بۇ ئىككىسى ئەمۋاي بىلەن تونۇشۇپ قىلىپ دوست-ئاداش بولۇپ قالغىلى،دوستۇم بىلەن كۆپ پاراڭلىشىش ئارقىلىق ئۇنى يولىدىن قايتۇرماقچى بولدۇم ئۇممۇ ماڭا ماسلاشقان،ئەمما ئەمۋاي ئۇنىڭ قولىنى شۇ بىر تۇتقانچە قويۇپ بەرگىلى ئۇنىمىدى.ئوغۇل ساۋاقدىشىم ئوقۇتقۇچىلىقتىن ئىبارەت بۇ كەسىپتىن پۈتۈنلەي قول ئۈزۈپ ،ئىستىپا سوراپ گالىستۇك دىگەننى چىڭ چىگىپ ،شىم كاستىيۇمنى قاتۇرۇپ كېيىپ ،سەكسەن يانچۇقلۇق شۇشىيەن كىيىملىرىنى تاشلاپ،ئۆزىنىڭ ئاددىي مەقسىتىنىمۇ مىڭ تەستە چۈشەندۈرىدىغان بۇ موئەللىمىمىز ھازىر ناتىق گىتلىرنىڭ ئۆزى بوپتۇ،ئۆزىگىمۇ دەپ قويىمەن،(قىز بالىغا شۇنچە ئامراق ئىدىڭ ئەمما ئەمۋايغا كۆيگەنچىلىك كۆيمىگەنسەن ھە)كۈلۈپ كېتىپ بىر ھازا تەسىرلىك ئەمۋاي ھىكايىلىرىنى باشلايدۇ.بولدى بۇ غۇ كېتىۋەرسۇن ئىچىم ئاچچىق بولىدىغىنى مېنىڭ ئامراق ئادىشىممىنىڭ گېپى بولدى،ئۇممۇ بۇ يىل خىزمىتىنى تاشلىۋەتمەكچى ،مەكتەپكە خوش ياقسا چىقىدۇ بولمىسا باھانە -سەۋەپ بىلەن 98 پىرسەنت كاللىسى ئەمۋايدابولغاچقا مەكتەپ رەھبەرلىكىنىڭ گېپى تەسىرمۇ قىلماسلا بولدى،مەنمۇ ئەمدى ئۇنىڭغا قايتا گەپ قىلىشنىڭ ئورنى قالمىغانلىقىنى ھىس قىلىپ بوپتۇ نەتىجە قازىنىشقا كۆزۈڭ يەتسە خالىغىنىڭنى قىل ،ئەمما بۇ يولدا مەلۇم مەزگىلدىن كېيىن ئاپلا دەپ ،ياكى يۈركىڭنىڭ ساداسىدىن پۇشايماننىڭ سايىسىنى كۆرۈپ قالىدىغان بولسام ئۆچۈرگۈچى يوق قىرىنداش بىلەن قەلبىمدىكى سىنىڭ ئىسمىڭنى مەڭگۈلۈك كۆپەيتىش بەلگىسى بىلەن سىزىۋىتمەن دەپ گەپنى كەستىم. ئۇ ماڭا تەۋرەنمەي مېىڭىپ غەلبە قىلىدىغانلىقىنى تەنتەنە بىلەن جاكارلاپ مەغرۇر قەددى بىلەن دەرىسخانىسىغا كىرىپ كەتتى. بۇ يەردىكى ئەمۋايچىلارنىڭ خىزمەت قىزغىنلىقى ئەگەر باشقا ساھەدە بولغان بولسا شۇ ساھە شەمشاتتەك كۆكلەپ كەتكەن بولاتتى،ئاللاھتىن شۇ قىزغىنلىق بىلەن تۇغماس ئايالغا بالا تىلىسە ئاللاھىم ئۇنىڭ شۇ ئىتىقادى ،شۇ تىلىكى ئۈچۈن پەرزەنت ئاتا قىلغانمۇ بولاتتى .ئەمما  ،،،،،،يوق. ئەمۋاي سېتىش ۋە سېتىۋىلىش بىز بىلەن بولىۋاتىدۇ.بۇ ئىچكى مەبلەغنىڭ كەڭ كۆلەمدە سىرىتنىڭ يانچۇقىغا ئېقىپ كىرىشى بولۇپ ،بىزنىڭ نامراتلىق قالپىقىنى ئەمەس ،چىرايلىق قالپاقنى نامرات كاللىمىزغا تەنتەنە بىلەن كىيىۋاتقانلىقىمىزنىڭ ئەمەلى ئىپادىسىدۇر . بىز نوچى بولساق،ياكى بولغۇمىز ،باي بولغۇمىز كەلسە ئۆزيانچۇقىمىزدىكى پۇلنى ئۆزىمىزگە خەجلىسەك،ئۆز نەرسىمىزنى باشقىلارغا ئەمۋاي قىزغىنلىقى بىلەن ساتالىساق،باشقىلارنىڭ يانچۇقىدىكى بىزنىڭ خەزىنىگە كىرسە ئاندىن باي بولىمىز نوچى بولىمىز،ئەمما ئۇنداق روھ يوق. ئېچىنىپ تۇرۇپ ھاممامنىڭ ‹دادامنىڭ سىڭلىسى›نىڭ بىر گېپى ئىسىمگە كەپ قالدى(نېمە مېنى يېڭى بازاردىن بىر نەرسە سېتىۋالىدىغان كۆرۈپ قالدىڭمۇ؟)قەشقەر يېڭى بازارنى دىمەكچى،ئەمما بۇ بازاردا تىجارەت قىلىدىغانلارنىڭ  100 پىرسەنتى ئۇيغۇر لار،بۇ خۇەنجاڭ تەرەپتىكى بازارلار بىلەن روشەن سېلىشتۇرما بولۇپ بۇ تەرەپتە ئاساسەن يولداشلار تىجارەت قىلىدۇ.ھاممامنىڭ دىگىنى دەل خۇەنجاڭ ئەتراپىدىكى بازارلار ئىدى،يېڭى بازاردا ئوخشاش ماركىدىكى ئوپئوخشاش كىيىملەر خۇەنجاڭ بازارلىرىدا 500 يۈەنگە سېتىۋالساق يېڭى بازاردىن كۆپ بولغاندىمۇ 350 يۈەنگە سېتىۋالغىلى بولىدۇ. مانا بۇ بىزدىكى ھەقىقى نامراتلىقنىڭ ھەم مۇشۇنداق كۈن كۆرۈشكە ھەقلىق ئېكەنلىكىمىزنىڭ پاكىتى. ئىشقىلىپ ھەممەيلەن ئويلىنىپ باقساق يۈرەكنى تۇتۇپ باقساق يۈرەكنىڭ دىگىنى خاتا ئەمەس .يۈرەك بىلەن ئۆزىمىزنىڭ ئارلىقى يىراقلاپ كەتكەچكە مۇساپە ئارلىقىدا يۈرەكنىڭ ساداسىنى توغرا ئاڭلىيالماي ،يات يەنىڭ ئىشىكىدەك يۈرىۋاتىمىز .ئازغان يولىمىزدىن يېنىشقا پۇرسەت بار ئاڭ بولىسلا .

chvmvle

	مىنىڭ ئىنكاسىمنى كۆرمەي ئۈتۈپ كەتتىڭىزمۇ ياكى جاۋاپ بەرگىڭىز كەلمىدىمۇ بىلمىدىم ، بىلىشىمچە سىز دەۋاتقان ئۇ تېما تەڭرىتاغ مۇنبىرى بىلەن ئىزدىنىشتا بەكرەك تەسىر قوزغىغان . مىسرانىمغا يوللانغانمۇ يوللانمىغانمۇ بىلمىدىم . لېكىن مۇشۇ تېمىڭىزنى بولسىمۇ ئىنكاس شەكلىدە قىلىپ شۇ تېمىغا قالدۇرغان بولسىڭىز كۆڭۈلدىكىدەك بىر مۇنازىرە بولغان بۇلاتتى . سىزمۇ نۇرغۇن بىلىمىڭىزنى باشقىلارغا يەتكۈزۈۋالاتتىڭىز شۇنداقلا نۇرغۇن بىلىمگە ئېرىشكەن بۇلاتتىڭىز . تېما ئادىرسىنى ئۈستىدە قالدۇرۇپ قويدۇم . بولسا مۇشۇ تېمىڭىزنى ئىنكاس شەكلىدە قالدۇرغان بولسىڭىز مۇ بۇلاتتى . بەزى ئىنكاسلىرىڭىزمۇ ( گەرچە مەن قوشۇلمىساممۇ) شۇنداق ئەستايىدىل يېزىلىپتۇ. دېمەك سىزمۇ ئىلمى بىر ئادەم دېگەن گەپ ، ماقالە توغۇرلۇق مۇنازىرىنى ئۆزىنىڭ جايىدا ئېلىپ بارسىڭىز كۆڭۈل ئاغرىقىمۇ بولمايدۇ ...

akbar0997

	ئەمۋايچىلار تىپىك ئالدامچىلار .ئۇلارنىڭ ھېلە مىكىرىگە بىز خەق بەك ئىشىنىپ كىتىمىز.

elham315

	chvmvle يوللىغان ۋاقتى  2012-5-4 12:34 PM مىنىڭ ئىنكاسىمنى كۆرمەي ئۈتۈپ كەتتىڭىزمۇ ياكى جاۋاپ ب ... كەچۈرۈڭ. كۆردۈم، تەكلىپىڭىز بويىچە ھازىر تىخى ئىزدىنىشقا تىما يوللىدىم.

kizzik99

	elham315 يوللىغان ۋاقتى  2012-5-4 12:12 PM ئاخىرنى تولۇق تەرجىمە قىلىپ بولالمىغان ئىدىم. شۇنداقت ...   باشتا ئىنكاسلىرىڭىزنى كۆرۈپ سىزگە خېلى قايىل بولغان ئىدىم، توغرا يوسۇندا ئەمۋاي مۇھىيتىنى باشقا ئېپ چىقالايدۇ دەپ ئويلاپ قاپتىكەنمەن. تولىمۇ ئەپسۇس، بۇ ئىنكاسىڭىزدىن سىزنىڭمۇ باشتىكى ئەمۋايچىلارنىڭ يولىنى تۇتقانلىقىڭىزنى بىلىۋالماق تەس ئەمەس ئىكەن. مەنمۇ قىلىپ بولۇپ، چۈشۈپ قالغانلارنىڭ بىرى. ئەمما قولى يەتمىگەن ئۈزۈمنى  ئۆزەلمىگەنلىكىم ئۈچۈن، چىدىماسلىق قىلىپ، ئەمۋايچىلارنىڭ يامان گېپىنى قىلىۋاتقىنىم يوق ھەم باشقا تىللاۋاتقانلارمۇ چىدىماسلىقى تۈپەيلىدىن ئەمەس بەلكى باشتىكى ئەمۋايچلارنىڭ تۇتقان يولىغا بولغان كۆز قارىشىنىڭ زىيادە ئېشىپ كەتكەنلىكىدىن بولغان. مەيلى ئەمۋايچى ياكى چۈشۈپ قالغانچى ۋە ياكى ئىستىمالچى بولسۇن بۇ يەردە بولىنىۋاتقان گەپلەر ھەمىمىز ئورتاق پايدىلنىش ئۈچۈن دېيىلىۋاتقان گەپلەر، سىز ئېيىتقاندەك چىدىماسلىق قىلغانلىق ئەمەس.  ئەمۋايدا ئىشلىمىسىمۇ باشقا ئىش قىلىش ئارقىلىق قولى يەتمىگەن ئۈزۈمنى ئۈزۈپ يەپ، تاتلىقىلىقىنى ھېس قىلغىلى بولىدۇ. تولا تۇتامىغا چىقمايدىغان باھانىلەر بىلەن ئۆزىڭىزنىڭ نا توغرا يولىڭىزغا  تەسەللى تاپماڭ. ئەگەر سىز توغرا يوسۇندا ئەمۋاينى باشقا ئېپ چىققۇچى بولسىڭىز ئۇلارنىڭ تىللاشلىرىدىن ساۋاق ئېلىپ،  باشتىكى نا توغرا يولدا ماڭغان ئەمۋايچىلارنىڭ يولىدىكى ساۋاقلارنى يەكۈنلەپ، ئالدىڭىزغا قاراپ ئىلگىرلىسىڭىز بولىدۇ. ئەمما يەنە شۇ كونا بۇرۇنقى ئەمۋايچىلارنىڭ يولىنى تۇتىمەن دېسىڭىز مېڭىپ بېقىڭ، بىر كۈنلەردە سىزگىمۇ  قولى يەتمەيدىغان ئۈزۈم ئاچچىق دېگەندەك باھانە باشقا بىر ئەمۋايچى ئېغىزىن ئۆزىڭىزگە يانىدۇ.   ئالغان نەقىللىرىڭىزنىڭ چىرايلىقىقىنى نېمە دەي. ئەمەلىيەتتە ئۆزلىكىدىن قىزىقىپ سىزلەرنى ئىزدەيدىغانلار يوق، بار دېسىڭىز يالغان ئېيىتقان بولىسىز. ئەمۋايغا قىزىققۇچىلارنىڭ تولىسى سىلەرنىڭ ئەللىي گۇڭسىنىڭ مائاش تەرتىپىسىنى سۆزلەپ، ئازدۇرشىڭلاردىن قىزىقىدىغۇ دەيمەن؟  يەنە كېلىپ ئەمۋاينى قىلىش ئۈچۈن بىلىم، تەسىر دائىرسى كەڭ، گەپتان كىشلەرنىڭ قىلىشىغا ماس كەلسە، لېكىن سىلەرنىڭ ھەممە كىشلەرنى قىلالايسىز دەپ  قىزىقتۇرۇپ، ئۇلارنى ئەزا قىلىش ئارقىلىق قولىغا مال تۇتقۇزۇپ، ئۆزەڭلارنىڭ يېنىنى توملايسىلەر. ئۇلار بىلىپ-بىلمەي  ئېزىپ قېلىپ، سىلەرنىڭ دېپىڭلارغا بىر مەزگىل ئۇسۇل ئويناپ، ئاخىرى چىدىيالماي چۈشۈپ قالىدۇ. ئەجەبا شۇلارنى كۈچى يەتمەيدىغان ئىشقا تەكلىپ قىلىپ، قىزىقتۇرغانلارنىڭ  مەسئۇلىيتى يوق، پەقەت چىدىماسلىقى، يارامسىزلىقى تۈپەيلىدىن چۈشۈپ قېلىپ، بۇ يەردە سىزلەرنىڭ تېىپىپ كەتكەن پۇلۇڭلارغا چىدىماسلىق قىلىپ  سۆزلەۋاتقان ئوخشامدۇ؟

SUGHUZ

	مەن ئەمۋاينىڭ ئاز بىر قىسىم مەھسۇلاتلىرىنىڭ ياخشىلىقنى ئىتىراپ قىلىمەن، لىكىن مۇشۇ بىزەڭ،ئالدامچى،باشقىلارنى قاقتى-سوقتى قىلىپ بېيىشتىن باشقىنى ئويلىمايدىغان،نۇمۇسنى قايرىپ قويۇشنى شەرەپ بىلىدىغان مىتە قۇرت ساتقۇچىلار بىلەن پەقەت خوشۇم يوق،ئەمۋايچى دېسە قۇلۇقىمغا مۇشت ئۇرغاندەك ئاڭلىنىدۇ،چۈنكى ئەتىراپىمدىكى بىر قىسىم ئەمۋايچىلار قويغىلى ئادەم تاپالمىسا ئۆزىنىڭ ئۇرۇق-تۇققانلىرى،دوست-بۇرادەرلىرىنى يۈزىنى داپتەك قىلىپ،بىر تالاي يالغان-ياۋىداقلار بىلەن قويىدۇ. شۇڭا سەگەك قىرىنداشلىرىمىز دىققەت قىلىڭلار، بولسا ئۆزىمىزنىڭ ئېسىل مەھسۇلاتلىرىنى شۇنداق تونۇشتۇرۇپ سېتىڭلار،بىر تىيىن بولسىمۇ ئۆز قىرىنداشلىرىمىزنىڭ چۆنتىكىدە قالسۇن...