كېۋەز تېرىشتىكى بىر قانچە خاتا قاراش

Jim

	كېۋەز تېرىشتىكى بىر قانچە خاتا قاراش 1- شالاڭ تېرىش جەھەتتىكى خاتا قاراش. شالاڭ تېرىغاندا پاختىكار دېھقانلارنىڭ بىر قىسىم ئەمگەك كۈچى تېجىلىدۇ. لېكىن يەككە تۈپلەرنىڭ غوزا سانى ئاز بولغاچقا، پاختا مەھسۇلاتىنى چەكلەپ قويىدۇ. تەكشۈرۈشتىن قارىغاندا ھازىر دېھقانلارنىڭ كېۋەزلىكلىرىدە يەككە تۈپتە ئادەتتە 30-40 غوزا بولىدۇ، 50 غوزا چۈشكەنلىرى ئىنتايىن ئاز بولىدۇ، نەزىرىيىۋى سانلىق مەلۇماتلاردىن قارىغاندا، ھەر 100 دانە كېۋەز غوزىسىدىن بىر جىڭ چىگىتلىك پاختا چىقىدۇ، ھەر مودا 1000 تۈپ كېۋەز بولۇپ، ھەر بىر تۈپىدە 50 غوزا چۈشسە ، چىگىتلىك پاختا مەھسۇلاتى 500 جىڭ بولىدۇ. 2500 تۈپ كېۋەز بولسا ھەر بىر تۈپىدە 25 غوزا چۈشسە ، چىگىتلىك پاختا مەھسۇلاتى 625 جىڭ بولىدۇ. ئۇنىڭدىن كۆرگىلى بولىدۇكى، كېۋەزدىن يۇقۇرى ھوسۇل ئېلىشتا، زىچلىق- مۇھىم ھالقا، پەقەت مۇۋاپىق زىچ تېرىغاندىلا ئاندىن يۇقۇرى ھوسۇل ئالغىلى بولىدۇ. 　　2- ئوغۇتلاش جەھەتتىكى خاتا قاراش. يېقىنقى يىللاردىن بۇيان مەھەللىۋى ئوغۇت بېرىش ئازايغاچقا، تۇپراقنىڭ ئورگانىك ماددىلىرىمۇ ئازىيىپ كەتتى، ئۇنىڭ ئۈستىگە ئازۇتلۇق، فوسفورلۇق، ئانئورگانىك خىمىيىۋىي ئوغۇتلار بەك كۆپ بېرىلىپ، تۇپراق قۇرۇلمىسى ناچارلاشتى، تۇپراق قاتماللاشقاچقا كېۋەزدىكى كېسەللىك، زىيانداش ھاشارەتلەر زىيىنى ئېغىرلىشىپ، پاختا مەھسۇلاتىغا ئېغىر تەسىر يەتتى. مۇۋاپىق ئوغۇتلاش تېخنىكىسى - كېۋەزدىن يۇقۇرى ھوسۇل ئېلىشنىڭ زۆرۈر ۋاستىسى. 　　3- خىمىيىۋى ئۇسۇلدا تىزگىنلەشتىكى خاتا قاراش. نۇرغۇن دېھقانلار كېۋەزنىڭ ئۆسۈشنىڭ ئاخىرىقى مەزگىلىدە خىمىيىۋى ئۇسۇلدا تىزگىنلەش دورىلىرىنى پۈركۈيدۇ، بۇ خىل دورا ئاز ئىشلىتىلسە، رولى بولمايدۇ. كۆپ ئىشلىتىلسە ئۆسۈش نۇقتىلىرى چەكلىمىگە ئۇچراپ كېۋەزنىڭ غوزا سانى ئازىيىپ كېتىدۇ. شۇڭا، خىمىيىۋى ئۇسۇلدا تىزگىنلەش دورىلىرىنى ئاز- ئازدىن كۆپ قېتىم ئىشلىتىش كېرەك. كېيىنكى مەزگىلدىكى پەرۋىشتىكى خاتا قاراش. كېۋەزنىڭ كېيىنكى مەزگىلىدىكى پەرۋىشى ئىنتايىن مۇھىم. تەكشۈرۈشتىن قارىغاندا كېيىنكى مەزگىلىدە يوپۇرماق ئوغۇتىنى ۋاقتىدا بەرگەندە كېۋەزنىڭ بالدۇر زەئىپلىشىشىنىڭ ئالدىنى ئالغىلى ۋە كېسەلگە تاقابىلچانلىقىنى كۈچەيتكىلى بولىدۇ.        كەڭ كېۋەز تېرىغۇچى قېرىنداشلىمغا ئازراق بولسىمۇ پايدىسى بولسا ،مەن شۇنىڭغا خوش .ئاللا ئۇلارنىڭ ئىشلىرىنى ئاسان قىلسۇن .    مەنبە :يېزا ئىگىلىك تورى

sabinur

	تىمىنىڭ پايدىلىنىش قىممىتى يۇقىرىكەن

ئۆل

	دىھقان بولماقمۇ تەس ،دېھقانلارىنى بىلمسىز دەپ كېتىدۇ بەزى كالسىنىڭ سۈيى تۈگگەن ساراڭلار مانا مۇشۇلارىنى بۈلسە ھوسول ئالالايدىغان گەپ . دېھقان تورداشلار پايدىلانسا بولدىكەن .جەنۇپ تەرپىنىڭ

!UYGHURJAN

	ما جەنۇپتا ، قۇغۇن -تاۋۇز، لازا-شوخلا........... قاتارلىقلارنى بەك تېرتىدۇ! كىۋەز نى شۇنداق قىممەت ئېلېۋاتسا ،مەركەز ھە دەپ ئاشلىق تېرېش خىزمىتىنى ئېلگىرى سۇرۇش دەپ كۈچەپ تەشۋىق قىلۋاتسا ،بۇ يەرلىكتىكى ھۈكۈمەتلەر نېمېنى ئويلايدىغاندۇ چىقىم كۆپ كېتېدىغان، كىرىم ئاز بولدىغان زىرائەتلەرنى مەجبۇر تېرېتىپمەركەزنىڭ دېھقانلارنى باي قىلىش سىياسىتىنىڭ تەتۈرسىنى قىلىپ ،پارتىيەنىڭ يۈكسەك ئوبرازىغا دەخلى يەتكۈزمەكتە!

!UYGHURJAN

	يەرنى ئىجارىگە بەرگەندىكىن نىمە قىلدۇ توسقۇنلىق قىلىپ ، ھەييييييييي!

sargarda

	دۇنيادا  يەردەك  كۆيۈنگەننى  ،  پەرۋىش  قىلغاننى  بىلدىغان  باشقا نەرسە بارمىدۇ  ؟

ئۆل

	sargarda يوللىغان ۋاقتى  2012-5-17 10:19 PM دۇنيادا  يەردەك  كۆيۈنگەننى  ،  پەرۋىش  قىلغاننى  بىلدىغ ... بار ..مەن

harsan

	پايدىلىنىش قىممىتى بار تېما يوللاپ سىز  .

ئەلشاھ

	بىر مو يەردىكى مايسىدىن 12000 تۈپ ئەتراپىدا قالدۇرۇلسا مۇۋاپىق بۇلىدۇ، 7-ئايدىن بۇرۇن ئۇچىنى ئۈزۈپ بۇلىشى، مۇھىتقا قاراپ 8-15 دىن بۇرۇن سۇنى قۇيۇپ بۇلىشى، كۆك پىت،قوزا قۇرتى،  ئۆمۈچۈك كىسەللىكلىرىنىڭ ئالدىنى ئالىدىغان دۇرا چېچىشى، (كۆپىنچە يەرلەردە ئەتراپىغا قوناق تېرىلسا كۆك پىت بولمايدىكەن قىزىل ئۆمۈچۈك بولسا يۇقۇملىق كىسەللىك، شۇڭا بۇنىڭ دۇرىسىنى چۇقۇم چېچىش كىرەككەن) ئۇغۇتلىغاندا ھەر موسغا 100-130 كىلوگرامغىچە ئۇغۇت ئىشلىتىشى كىرەك. (مەھەللىۋى ئۇغۇتنى كۆپرەك ئىشلەتسە ياخشى) سۈپەتلىك ئۇرۇق تېرىلسا ساپ پاختا بىلەن چىگىت نىسبىتى 42 % بۇلىدۇ. ياخشى پەرۋىش قىلسا ھەر موسىدىن 400 كىلوگرامدىن ئارتۇق ھۇسۇل ئالغىلى بۇلىدىكەن. ( مەن تېرىپ سىناپ باقمىغان، باشقىلاردىن ئاڭلىغان )

YAZR

	بىر  ئاي بۇرۇن   يوللىغان بوسا  ما تېمىنى