يەنە مۇشائىرە يېزىشايلى

chalkush

	arkajan يوللىغان ۋاقتى  2012-6-13 07:16 PM شۇ ئاچماي دىگەن بولمىسا ، ئاۋۇ مىسرالا يامان قاملىشىپ ... ئۇنداقتا ئاۋۇ بىر ئېغىز سىزنىڭ، يەنە بىرسى باشقىلارنىڭ ئىكەندە.

angar

	مەڭگۈلۈك بولمايدۇ بۇ ئۈمۈر ھەرگىز، بۇ قىسقا ھاياتتا قالدۇر ياخشى ئىز. ياشلىقىڭ ئۈمرۈڭنىڭ ئالتۇندەك پەسلى، ياشلىقتا ئۆگەنسەڭ بولماسسەن ئارسىز. ********************************** خوشاللىق ئىزلىسەڭ قىلغىن ياخشى ئىش، ياخشىلىق يوقسۇلغا بېرەر ئاسايىش. نامىڭ ئەل قەلبىدە يادلىنار مەڭگۈ، بىر ياخشى قەلبكە مىڭلارچە ئالقىش . ******************************** يامانلىق ئىزلىگەن زەھەرلىك چايان، يامانلىق بىر ئوتتۇر كۆيدۈرەر ھامان. قەدىرسىز ،ئاتاقسىز  ياشاپ بىر ئۆمۈر، دۇنيادىن نىشانسىز كەتمەك بەك يامان. ******************************** ئۇلۇغسەن ئېلىڭنىڭ ئوتىدا كۆيسەڭ، شېھىتسەن خەلقىم  دەپ ۋاقىتسىز ئۆلسەڭ. يىلتىز تارت ئېلىڭنىڭ تۇپراقلىرىدا، ئەمەس ئۇ ھەرگىزمۇ قۇنالغۇ -ئۆتەڭ. ******************************* تۈزەتمىسەڭ ئىللەتلىرىڭنى، تۈزەلەمسەن مىللەتلىرىڭنى. مىللىتىڭدىن يۈزلەر ئۆرىسەڭ، كىملەر بېرەر نىممەتلىرىڭنى. ****************************** ماختىنىپ كەتمىگىن بايلىقلىرىڭدىن، گەر ئالتۇن چىقسىمۇ سايلىقلىرىڭدىن. كەمتەربوپ،ساخاۋەت يولىنى تۇتقىن، ئايرىلما ئادەملىك خىسلەتلىرىڭدىن. ****************************** ئاتاڭنى تاغ دەيسەن،ئاناڭنى بىر باغ، ئاتا-ئاناڭ دۇئاسى شۇدۇر خوشال چاغ. پەرزەنتلىك بۇرچۇڭنى قىلغىن سەن ئادا، ئۇلارنىڭ  قەلبىگە قالدۈرمىغىن داغ. ***************************** مىڭ قېتىم كۆيگەندىن گۈزەل جانانغا، بىر قېتىم كۆيۈپ باق ۋەتەن –ئېلىڭغا. يارنى دەپ ئۇنۇتساڭ ئانا يۇرتىڭنى، كۈلپەت  ھەم ئازاپلار كېلەر بېشىڭغا. ***************************** "قالساڭمۇ خاتادىن،قاتاردىن قالما"، راھەتنى قوغلۇشۇپ،جاپادىن قاچما. زەررىچە مەنپەتچۇن ۋىجداننى سېتىپ، ياخشىلار كۆزىگە تۇپىلار چاچما. **************************** ئاجىزلار ئالدىدا بولىمىغىن شىردەك، كۆرسەتمە تۈگمىنى گۇياكى پىلدەك، تۈگۈدەك بولسىمۇ سۆلەتلىك بەستىڭ، بىلىمسىز ئاتالساڭ،سەن يەنە قىلدەك. **************************** بۇلبۇلنىڭ كۆيىگە،گۈللەر سەۋەپتۇر، ئادەملىك سىياقىڭ، ئىمان -ساۋاپتۇر. ئىمانسىز،بىلىمسىز ئۆتكەن شۇ ھايات، قەدىرسىز ئوتىدا كۆيگەن كاۋاپتۇر.

palwankari

	«قىمما» دەپ بوۋىلار قويۇپتىكەن ئات، «قىلغىن» دەپ قويسا گەر ئوينايتىڭ قانچە. پۇل ئۇتساق قاقاقلاپ كۇلگەنتىڭ بىر چاغ، ئۇتتۇردۇڭ، تۇتۇلدۇڭ ئۆكسىمە بۇنچە. قايدارىقا، بىزمۇ يازىتمىز مۇندا، قاسىم قوشۇققا تەربىيە بولسۇن دىدىمغۇ

ARZUY

	قىمار ئويناپ - ھاراق ئىچىپ ئۆمرۈڭ ئۆتتى مالامەتتە . ئۆيگە كەلسەڭ بالاڭ ئاچ -زار  روھىڭ چۈشكۈن جاھالەتتە . ئادەم بولساڭ  ئادەمدەك ياشا سىلكىپ بېشىڭنى غەيرەتتە ، ئىلىم ئۈگەن ناماز ئۇقۇ . ئۆمرۈڭ ئۈتەر پاراغەتتە .

yoluchimen

	ئېسىل ساراي ئۆيىمىز ماختىنىمىز كۈلىمىز ئىشىكى يوق، تۇنۇكسىز ئۆيگە بىر كۈن كىرىمىز.... ئېسىل تونلەر كىيىمىمىز، گىدىيىشىپ يۈرىمىز، ياقىسى يوق، يېڭى يوق، تونلەر بىر كۈن كىيىمىز..... ئاتلار مىنىپ، مەن مەن دەپ، ھەر يان چېپىپ يۈرىمىز، يەتمىش يەردە سوراقچى، ئالدىمىزدا كۆرىمىز.... ئۆلۈپ كېتىمىز ئەمدى، تۈگەپ كېتىمىز ئەمدى، ھالال بىلەن ھارامدىن خۇدايا، قانداق ئۆتىمىز ئەمدى؟؟؟؟؟؟ ئېسىل ئېسىل ئايۋانلار قولىمىزدا سايمانلار پىلسىراتى كۆۋرۈكتىن قانداق ئۆتىمىز ئەمدى؟؟؟؟ قۇرئان ئاللاھ كالامى، ئوتتۇز پارە تامامى، سۇئال سوراق جاۋابى، شۇنداق كىلۇر بۇ قۇرئان... قۇرئان ئاللاھ كالامى، ئوتتۇز پارە تامامى، سەككىز جەننەت ئاچقۇچى، شۇنداق كىلۇر بۇ قۇرئان... ياپراقلىرى رەيھاندىن، يىلتىزلىرى ئىماندىن، قاراڭغۇ دىل چىراغى، شۇنداق كىلۇر بۇ قۇرئان....

aptuwa

	ئۇتتۇردۇڭ، تۇتۇلدۇڭ ئۆكسىمە بۇنچە. ئۆكسۈسەڭ پۇلۇڭنى ئۇتتۇرىسەن شۇنچە ، ئويلاپ باق بۇيىل سىنىڭ يېشىڭ قانچە ؟ بىرگە بىرنى قوشساق جاۋابى نەچچە ؟ ئوينىساڭمۇ ئوينا ئانچە مۇنچە ، خۇتۇنۇڭدىن تاياق يەپ ئولتۇرارسەن بىر كۈنى ئاھ ئۇرۇپ ....... خې خې .......

kakkuk11

	مەن كۆرمۈدۈم بۇ يەردە مۇشائىرە  قائىدىسىنى بىلەمسىلەر يا.....

ardamay

	بىلىم ئۇ ئىنساننىڭ كۆركى زىننىتى، بىلىمدۇر مەڭگۈلۈك روھنىڭ ئوزۇقى. بىلىمسىز يۇرۇماس ھايات چىرىغىڭ، بىلىمسىز نەدىدۇر ھايات قىممىتى!