ناتۇنۇش سۆيگۈ

ablat45

	داۋامىنى كۆرۈي ئاندىن

d@tman

	ياخشى چىقىپتۇ .................

OM@H

	ياخشىكەن

ئۇچارى

	داۋامىنى ئىنكاس شەكىلدە يوللىغىنىڭىزنى قانداق بىلىمەن ئەمدى ؟

赛乃木江

	ئۇچارى يوللىغان ۋاقتى  2012-6-18 02:59 PM داۋامىنى ئىنكاس شەكىلدە يوللىغىنىڭىزنى قانداق بىلىمە ... يارىسا ماراپ تۇرۇپ ئىزدەپ ئوقۇيسىز شۇ

esyankar75

	ياخشى ھىكايىكەن ، ئاخىرىنى ئوقۇيمەن . كىچىكىنە پىكىر بىرەي دىئالوگلارنى ئامىمىي تىلدا ئالسىڭىز تىخىمۇ چىنلىق تۇيغۇسى بىرىدۇ .

mahatjan

	ياخشى يېزىپسىز. رەخمەت سىزگە.

rizwangul0995

	ھىكايىڭىز ياخشى چىقۋاتدۇ ،رەھمەت ئەجرىڭىزگە ، ئاخىرىنى تىزراق يوللاسىز .

赛乃木江

	3-قىسىم دىلى سۇنغان ،ساداقىتى خورلانغان سابا شۇ ياتقانچە يېتىپ قالدى،بىچارە لەيلىخان ئانا ئۇنىڭ ئەتراپىدا پەرۋانە ئېدى،نېمە بولغانلىقىنى سورىسا ئازراق بېشىم ئاغرىۋاتىدۇ،،،دىگەندىن باشقا گەپ چىقمايتى،ئۇ يېقىن ئەتراپتىكى بىر مەكتەپتە ۋاقىتلىق ئوقۇتقۇچى بولۇپ ئىشلەۋاتقان بولۇپ،مەكتەپ مودىراىغا تېلېفۇن ئۇرۇپ روخسەت سوراپ مەكتەپكىمۇ بارمىدى. ئۇنىڭ كۆز ئالدىغا بۇرۇنقى شېرىن مىنۇتلاردىكى ھەقىقى ئەركەك سانايدىغان دولقۇن بىلەن ھازىرقى دولقۇننى كەلتۈرمەكتە. - بولدى ئىمتىھان بەرسەڭ ئاتا - ئاناڭ قىزىمنىڭ خىزمىتى بۇ يەردە ،ئاۋال يۆتكىلىۋالسۇن ئاندىن توي قىلىپ بېرەمىز دەپ سېنى ماڭا بەرمەيدۇ،ئۇنىڭ ئۈستىگە سەن يالغۇز ئارزۇلۇق قىز ئاتا - ئاناڭنىڭ بوپتۇ دەپلا تويىمىزغا قوشۇلۇشىغا ئىشەنمەيمەن سابا ،ئەڭ ياخشىسى ئىمتىھان بەرمە.ئارمىزدىكى پۇتلىشىدىغان توساقلارنى ئازايتىشقا كۈچ چىقىرايلى، بۇ گەپلەردىن كېيىن سابا ئاپىسىدىن ئانچە مۇنچە گەپمۇ ئېلىپ باققان بولدى، بىر كۈنى كەچتە ئانا بىلەن قىز ئۆيدە يالغۇز قالغان بولۇپ ،ئاپىسنىڭ ئەتكەن لەڭمىنىنى ماختىغاچ گەپ كوچىلاپ ئاپىسىنىڭ يۈرىكىنى تېڭشاپ باقتى -مېنىڭ ئاپام لەڭمەنگە بەك ئۇستا جۇمۇ،مەندەك بىر ئۇماق قىز لەڭمىنىڭ ئوخشاپتۇ ئاپا دەپ ئاغزىنى تامىشتىپ تۇرۇپ يېسە ئاپا بولغۇچى قانچىلىك خۇش بولار دەيمەن. - راست دەيسەن قوزام،مەن سېنىڭ موشۇ قىلىقلىرىڭغا بەك ئامراق مېنى ئالداپ تۇرۇپ تاماق ئەتكۈزىسەنغۇ سەن،سەنمۇ چوڭ بولىۋاتىسەن ،مەھەللىمىزگە يارىشىپ كېتىۋاتىسەن قىزىم،سەنمۇ ئانچە - مۇنچە تاماق ئېتىشنى بىلمىسەڭ بولمايدۇ.ئەتە ئۆگۈن باشقىلارنىڭ ئۆيىگە كىلىن بولۇپ كىرسەڭ،سېنى تاماق ئېتىشنى بىلمەيدىكەن دېمەي،لەيلىخاننڭ  ئۈگەتمىگىنى قارا دەپ مېنى ئەيىپلىشىدۇ. - ۋاي ۋۇي ئاپا مەن قائىدىنى جېنىدىنمۇ ئەلا بىلىدىغان يۇرتۇم قەشقەرنىڭ كېلىنى بولمايمەن،ئەنسىرەپ كەتمىسىلە،مەن كىم بىلەن توي قىلسام ئاپىسى قىلچە ئېغىر ئالماي بىر- بىرلەپ ئۈگۈتۈپ قويىدىغان ،قائىدىگە بەك ئىسلىۋالمايدىغان باشقا شەھەرلىكلەر بىلەن توي قىلىمەن. ئاپىسىنىڭ بوينىغا ئېسىلىپ ،مەڭزىگە سۆيۈپ تۇرۇپ ئەركىلەپ دىيىلگەن بۇ گەپلەر لەيلىخان ئاننىڭ ئاغزىنى ئاچتى. - كىم دەيدۇ ساڭا!قائىدىلىك چوڭ بولغانغا نېمە يېتىدۇ؟ سەن جېنتەكنىڭ مەن بىلمەيدىغان گەپلىرىڭمۇ بارمۇ نېمە ؟مەن سېنى يالغۇز قىز دەپ كۆزۈڭگە قاراپ چوڭ قىلدىم ،ئەمدى بولغاندا يالغۇز ئاپاڭنى تاشلاپ قويىمەن دەۋاتىسەنغۇ؟چاقچاق قىلما جۇمۇ قىزىم.سېنى تېزىرەك خىزمەتكە چىقىرىۋالسام ئاللا خالىسا ،ماڭساڭ يولۇڭغا،تۇرساڭ بويۇڭغا يارىشىدىغان بىرى بىلەن جۈپلەپ ،نەۋرىلىرىمنى ئۆز قولۇم بىلەن بېقىپ قاتارغا قوشسام دەيدىغان ئارزۇيۇم بار .كۆڭلۈمدىمۇ سان بار قىزىم. - ئاللا ئاپا نېمىلەرنى ئويلاپ كەتتىلە مەن مۇنداقلا گەپكە سەپ قويسام قاراڭلار ماۋۇ ئاپامنى .قېرىلىق يەتكلى تۇرۇپتۇ جۇمۇ ئاپا.ھى ھى ھى ھى!ھاھاھاھاھا! - ما جېنتەكنى !!!!   يوق كەپلەرگە ئاپىسىنىڭ مۇنچە ئەزۋەيلەپ كەتكىنىدىن مەلۇم نەرسىلەرنى ھىس قىلغان سابا دولقۇننىڭ دىگىنىدەك ئىمتىھان بەرسىلا ئۆتىدۇ،چۈنكى ئۇ مەكتەپنىڭ ئۈچتە ياخشى ئۈلگىلىك ئوقۇغۇچىسى،چېچەن ھەم ئەقىللىق. ئەمما ئمتىھاندىن ئۆتكەندىن كېيىن ئىشلار ئۆزىنىڭ ئارزۇسىدىن ھالقىپ كېتىدىغاندەكمۇ قىلىدۇ.شۇڭا ئۇ ئىمتىھان بېرىشكە كۈچىمىدى، بىر تەرەپتىن دولقۇننىڭ ئاغزىغا قارىسا بىر تەرەپتىن ئاتا-ئانىسىغا ئىمتىھانلار بەك قىيىن چىقىپتۇ يەي،ئۇ يەر بەك يېراق شارائىتى بەك ناچاركەن،،،،دېگەندەك باھانە سەۋەپلەرنى كۆرسىتىپ ئىمتىھانلارنى ياخشى بەرمەي ،ئۆتكەن يەرنى ياراتىمىغان بولۇپ 2 يىلنى ئۆتكۈزدى، ئەمما دولقۇننىڭ بۇ بىر نەچچە ئاي جەريانىدا توي قىلسام ئانداق قىلىمەن،سېنى ئالسام مانداق قىلىمىز،،،،دىگەندەك گەپلىرى ئازلاپ ،توي توغرىسىدا ھىچنىمە دىمەس بولدى،. سابا بىر قېتىم سەن خىزمەتكىمۇ چىقتىڭ،ئاتا -ئاناڭ سېنى ئويلىمامدىكەن ؟دېگەن سۇئالىغا بەرگەن سوغۇقلا جاۋابى ئۇنى ئارامسىزلاندۇرغان بولسىمۇ شۇندىن كېيىن بۇ ھەقتە ئېغىز ئىچىشقا پىتىنالمىدى، ئۆز-ئۆزىگە ئۇنىڭمۇ قىينىلىدىغان يېرى باردۇ،مەن قىز بالا تۇرۇپ بۇ گەپلەرنى قىلىپ يۈرسەم ئۇنىڭ يىگىتلىك غورورىغا تەگمىسۇن بەرىبىر ئاللا  رىقىمىزنى بىر داسىتىخاندىن قىلسا ھەممە ئىش ئوڭشىلىپ كېتىدۇ دەپ ئۆزىنى بەزلەيتى.

tatlek~626

	ئاخىرغا تەشنامەن...........