شىنجاڭدا پۇتبولىدىن باشقا نەرسىمۇ بار مەدەت بىرىدىغانغا

urkesh

	ياخشى بىر تېما لېكىن ئوتتۇرىغا چىقىدىغان پەيتىنى خاتا تاللاپتۇ. يېقىندىن بېرى غۇلجا ئۆسمۇرلىرى مەملىكەتلىك مۇسابىقىدە ئۇدا ئىككىنچى قېتىم چىمپىيونلۇقنى ئالدى. يەنە بىر گۇرۇپپا ئۇيغۇر بالىلىرى ياۋروپادا توپ تېپىپ بىزدە خېلى چوڭقۇر ھاياجان قوزغىدى. بۇلار دېيارىمىز تەنتەربىيە ئىشلىرى جۈملىدىن پۇتپۇلچىلىغىمىز ئۈچۈن كىچىك ئىش ئەمەس ئەلۋەتتە. ھەر بىر ئۇيغۇرنىڭ ، جۈملىدىن مەزكۇر يازمىدا تونۇشتۇرۇلغان كالتەك توپچىلارنىڭمۇ بۇ بالىلىرىمىزغا ئۆز پەيتىدە مەدەتتە بولۇش مەجبۇرىيىتى شۇنداقلا ئۇلارنىڭ نەتىجىسىدىن پەخىرلىنىش ھوقۇقى بار. سىلەر كالتەكتوپنىڭ ئۇيغۇرلاردا ئومۇملىشىشىغا توھپە قوشالىساڭلار ھەم شۇنداقلا شۇ پۇتپۇلچى شاكىچىكلىرىمىزچىلىك بولسىمۇ نەتىجە قازىنىپ داغدۇغا قوزغىيالىساڭلار تەبىكى دېققىتىمىز سىلەردە بولىدۇ..

alma423

	urkesh يوللىغان ۋاقتى  2012-7-20 01:28 AM ياخشى بىر تېما لېكىن ئوتتۇرىغا چىقىدىغان پەيتىنى خاتا  ... بۇرادەر، پەيتنى قانداققىسىگە خاتا تاللىغان بولاي؟ مۇسابىقە ھازىر تۇرسا، بۇنى ھازىر يوللىماي، بىرەر ئايدىن كېيىن يوللىسام مۇسابىقىلەر تۈگەپ ھەممە ئىشلار ئاخىرلاشسا،  كالتەكتوپ كوماندىسىدىكى ئەزىمەتلەرگە كىم دىققەت قىلىدۇ؟

alma423

	بۈگۈنكى يېڭى خەۋەر: بۈگۈن چۈش 12يېرىمدىن 2يېرىمغىچە بولغان مۇسابىقىدە ئەزىمەتلىرىمىز زور شىجائەت بىلەن مۇسابىقە مەيدانىدا ئۆزلىرىنىڭ چېكىگە جەڭ ئېلان قىلدى، ئەڭ زور تىرىشچانلىق كۆرسىتىپ شيامىن ئونۋېرستىتى كوماندىسى بىلەن تىركەشتى. بىراق ئەھۋال يىگىت قىزلىرىمىزنى تەمتىرەتتى. چۈنكى قارشى تەرەپتە ئىككى نەپەر دەرىجىدىن تاشقىرى ماھىر پۈتۈن مۇسابىقىنى كونتىرول قىلىۋالغىلى تۇراتتى. ئۇ ئىككىسىنىڭ توپ ئېتىش، ئۇرۇش ۋە يۈگۈرۈش سۈرئىتى ماھىرلىرىمىزنى ھاڭ تاڭ قالدۇردى. قارشى تەرەپنىڭ ھەممە نۇمۇرىنى شۇ ئىككەيلەن ئالغانىدى. مۇسابىقە داۋاملىشىپ ئاخىرقى يېرىم سائەتكە كىرگەندە، كوماندىمىز خىزمەتچىسى（新疆大学棒球部经理）دىلنىگار تېرىنىرغا ئەھۋال مەلۇم قىلدى. ھېلىقى ئىككى نەپەر دەرىجىدىن تاشقىرى ماھىر مۇسابىقىگە تىزىملاتقان خاتىرىدىكى سۈرەتتىكى ئىككى ماھىرغا ئوخشىمايۋاتاتتى. تېرىنىر لېتىپجان دەرھال زاپاس ئەزالارنى بۇيرۇپ قارشى تەرەپ ماھىرلىرىنى بىر-بىرلەپ سۆرەتكە تارتىپ ئىسپات ئالدۇردى ۋە دەرھال مۇسابىقە تەشكىلىي كومىتىتىغا مەلۇم قىلدى. گەرچە مەيداندىكى مۇسابىقە نەتىجىسى كوماندىمىزنىڭ ئۇتتۇرۇشى بىلەن ئاياقلاشقان بولسمۇ، بىراق تەشكىلىي كومىتىتنىڭ تەكشۈرۈشى ئارقىلىق ئەھۋال ئايان بولدى. ھېلىقى ئىككى دەرىجىدىن تاشقىرى ماھىر ئەسلىدە تەيۋەندىكى مەلۇم بىر كەسپىي كوماندىنىڭ غوللۇق ئەزالىرى بۇلۇپ، شيامىن ئونۋېرستىتى كوماندىسى ئەزاسى سىياقىدا مۇسابىقىگە قاتناشقان ئىكەن. ئۇلار ھازىرقى خەلقئارا ئالدىنقى قاتاردىكى سەۋىيىدە بولۇپ، بۇ قېتىمقى مۇسابىقىدە مۇتلەق ئۈستۈنلۈكنى ئېگەللىگەن ئىدى. ئۇيۇشتۇرغۇچى تەشكىلىي كومىتىت ئاخىرىدا شيامىن ئونۋېرستىتى كوماندىسىنىڭ نەتىجىسىنى بىكار قىلدى، كوماندىمىزنىڭ نەتىجىسى ھېساب قىلىندى. بۇنىڭ بىلەن بۈگۈن ئەزىمەتلىرىمىز 0گە قارشى يەتتە نەتىجە بىلەن يەنە بىر قېتىم غەلبە قىلدى. كوماندا ئەزالىرىنىڭ دىيىشىچە، ئىلگىرىكى مۇسابىقىلەردە، ھەر قېتىملىق تۇنجى مەيدان مۇسابىقىدە ئۇلار ئۇتتۇرۇپ كەلگەن بولۇپ، تۆنۈگۈنكى مۇسابىقىدە 5كە قارشى 11 نەتىجە بىلەن جوڭشەن ئونۋېرستىتى كوماندىسىنى يەڭدى. ئۆتكەن يىلى ھەل قىلغۇچ مۇسابىقىدە كوماندىمىزنى يېڭىپ چىمپىيون بولغان گۇيلىن كوماندىسى بۇ يىل ئەھۋالى تازا ياخشى ئەمەسكەن. خېبىي يېزا-ئېگىلىك ئونۋېرستىتى كوماندىسى، فۇدەن ئونۋېرستىتى كوماندىسى قاتارلىقلارنىڭ سەۋىيىسىدە زور ئىلگىرلەش بار بولسىمۇ، ئەزىمەتلىرىمىزنىڭ بۇ قېتىممۇ ياخشى نەتىجىگە ئېرىشىپ يۇرتىمىزغا شەرەپ كەلتۈرۈشىگە ئىشەنچى كامىل. 2012-يىل 7-ئاينىڭ 19-كۈنى كەچ خەۋىرى بۇ ئىككى كۈندىكى بىر قىسىم سۈرەتلەر

alma423

	urkesh يوللىغان ۋاقتى  2012-7-20 01:28 AM ياخشى بىر تېما لېكىن ئوتتۇرىغا چىقىدىغان پەيتىنى خاتا  ... شۇ پۇتپۇلچى شاكىچىكلىرىمىزچىلىك بولسىمۇ نەتىجە قازىنىپ داغدۇغا قوزغىيالىساڭلار تەبىكى دېققىتىمىز سىلەردە بولىدۇ؟ ئەگەر كالتەك توپ كوماندىسىمۇ ئاز دىگەندە ئىككى قېتىم چىمپىيون بولالمىسا، بۇلارغا قاراپمۇ قويمايسىز دەڭە؟   سېلىشتۇرۇشمۇ ئازراق ئىلمىي ئاساسى بولۇش كېرەك.  كالتەك توپ بىلەن پۇتبول، ۋاسكىتبول قاتارلىق تەنھەرىكەت تۈرلىرى ئىچكىرى بىلەن شىنجاڭدا بولۇپمۇ ئۇيغۇرلاردا ئومۇملىشىش دەرىجىسى ۋە قىزغىنلىق دەرىجىسى  ئاساسەن تەتۈر تاناسىپ، بۇنى سان-سىپىر بىلەن ئىسپاتلىمىساممۇ بۇلار؟ شۇنداق تۇرسا سىز يەنە بۇنداق دېسىڭىز، ئادىل بولمايدۇغۇ دەيمەن.  سۆزۈمنى خاتا دېسىڭىز ئىختىيارىڭىز.

urkesh

	alma423 يوللىغان ۋاقتى  2012-7-20 01:37 AM بۇرادەر، پەيتنى قانداققىسىگە خاتا تاللىغان بولاي؟ مۇ ... كېيىملىرىڭلار بەك يارىشىپتۇ، سىلەرگە غەلبە تىلەيمەن!!

alma423

	urkesh يوللىغان ۋاقتى  2012-7-20 01:57 AM كېيىملىرىڭلار بەك يارىشىپتۇ، سىلەرگە غەلبە تىلەيمەن! ... رەھمەت جۇمۇ، ئۇلارغا ۋاكالىتەن مەن بۇلارنىڭ ئارىسىدا يوق. كوماندا ئەزاسى ئەمەس. بېجىڭدا ئوقۇيدىغان ئوقۇغۇچى، تەتىلدە كەتمىگەن، بېرىپ بۇلارغا ھە ھۇ دىيىشىپ، سۈرەتكە تارتىپ يۈرىمەن.

urkesh

	alma423 يوللىغان ۋاقتى  2012-7-20 01:53 AM شۇ پۇتپۇلچى شاكىچىكلىرىمىزچىلىك بولسىمۇ نەتىجە قازى ... كەچۈرۈڭ تورداش !!  سېزىپ-سەزمەي خاتا سۆزلەپ زىتىڭىزغا تېگىپ قويغان بولسام ئۆزۈر تىلەيمەن.. مەن تەنتەربىيەنىڭ ھەممە تۈرىنى چوڭ بىلىمەن، پۇتپولنى ياخشى كۆرىمەن. تەنتەربىيە سېپىمىزدە سىلەردەك جاسارەتلىك، غايىلىك بىر كوللىكتىپنىڭ بار بولغانلىقىدىن ئوخشاشلا سۆيىنىمەن ، پەخىرلىنىمەن. بۇنى كېچىكىپ تۇيغۇنۇمدىن ئەپسۇسلىنىمەن. خەلقىمىزنىڭ ساغلاملىغى ، غورۇرى ئۈچۈن ئاتلانغان سىلەردەك ئەزمەتلەرگە خەيرىلىك دۇئا-تىلەكلىرىم ، مەدەتلىرىمنى ئايىمايمەن. دېققىتىم سىلەردە ، رىقابىتىڭلارغا نەتىجە-ئۇتۇق تىلەيمەن...

zufri

	ئوغلانلىرمىزنىڭ كۆزلىرىدىكى جەسۇرلۇق ، قەتئىيلىك،تىز پۈكمەسلىك مەندە ئۇلارغا چەكسىز ھۆرمەت قوزغىدى .        ھۇررا !! ھۇررا !!!      مىسرانىمدىكى 100مىڭ تورداش نامىدىن سىلەرگە چەكسىز مەدەت تىلەيمەن !   غەلبە سىلەرگە يار بولسۇن!

janankoqa

	زولاپ قىزقىدىكەنمىز دە بادىر توپقا..........پۇتپۇل دەك ھاياجانلىق ئەمەس تە ....

yvgan

	بايا بىر تورداش ئېيتقاندەك بۇ بىرنەچچە يىل ئۇيغۇرنىڭ مول-ھوسۇللۇق يىلى بولدى..اللە ھىمدىن ئۆتىنىمەن بىزگە تېخىمۇ كۆپلەپ بەرىكەت، ئۇتۇق بەرگەي!..ھەق يولدا ئاداشمايدىغان مۆئمىن قەۋىملەردىن قىلغاي!..