ئۇيغۇر ئالىملىرى

uyghur05

	ئېسىللىقتا ئېسل چىقىپتۇ بۇ شىئىر ، رەھمەت سىزگە

bzkm

	ياخشى چىقىپتۇ

tax1

	ئۇيغۇر ئالىملىرى ئەكرەم ئابدۇمېجىت ئىلمۇ – ئىرپان ئاسمىنىدىن بالقىغان ئالىملىرىم ، ئۈشبۇ ئىقلىم سىرلىرىنى بايقىغان ئالىملىرىم. پىكرى قانچە قەرنىلەردىن ھالقىغان ئالىملىرىم ، قانچە دەۋران دولقۇنىنى چايقىغان ئالىملىرىم . ھەر تەرەپكە نام – نىشانە تارقىغان ئالىملىرىم . بىزمۇ تۆت زاتنى ئاۋۋال بىلگەن ئېقىلنىڭ شامىدا ، سۇ، ھاۋا، ئوت، يەرنى جەم قىلغان تەپەككۇر جامىدا ، قانچە مىڭ مۆجىزىلەر تۇرماقتا ئۇيغۇر نامىدا ، گاھى بۇددا نوملىرى ، گاھى شامان گۇلخانىدا ، بار گۈزەل سەنئەتكە رىشتىن باغلىغان ئالىملىرىم . تۇنيۇقۇق يوللۇق تېكىندەك ئەزىمەتلەر بىر زامان ، چىقتى بىزدىن تارىخىن تاشلارغا ئويغانلار ھامان ، بىزدىكى مىڭ ئۆي بىلەن كارىزنى كۆرسە گەر جاھان ، ‹قانچە دانىش ئەجرى بۇ›دەپ داڭقېتىپ قالغان شۇئان، ۋەلىكىن ھەرگىز ئاتاق ، نام ئالمىغان ئالىملىرىم . تۇغۇلۇپ كۆسەندە ئەسلى يول ئېلىپ چاڭئەن ئارا ، نەچچە مىڭ تالىپنى جۇپ تىز ئەيلىگەن كومراجىۋا ، ئەركە چىڭگىزخانغا ئۇستاز بولغىنى تاتاتۇڭا ، يەرنى يۇپيۇمىلاق قىلىپ بەرگەن سىزىپ مەھمۇت بوۋا ، شۇ ئۇزاق تارىخ بىتىدە چاقنىغان ئالىملىرىم . ئەل فارابى قانچە يىل يەشمەككە ئالەم سىرلىرىن ، شۇنچە تەنھا ئۆتكۈزۈپ كەلگەن كېچە – كۈندۈزلىرىن ، بىر ئۆمۈر ھىكمەت بىلەن ئايرىپ ئىلىمنىڭ تۈرلىرىن ، ئۈشبۇ ئالەم لەززىتىگە سالمىغان كۆزنىڭ قىرىن ، رۇم ، بەدەخشان ، مەككە ، شامدا قاتنىغان ئالىملىرىم . شۆھرىتىنى قايسى ئەل بىلمەيدۇ خاس ھاجىپ دېسەك ، ئۇ يېزىپ چىققان ‹بىلىك› بەرگەچ جېمى پەندىن دېرەك ، قانچە سۇلتانلار ئۇنى بىلگەن ئۇلۇق دەستۈرىدەك ، ئالمىغان كىملەر ئۇنىڭدىن مەنىۋىي لەززەت دېمەك ، يازمىلاردا نامى كۈندەك پارلىغان ئالىملىرىم . قانچە ئەل- يۇرتنى كېزىپ ئېرپان ئۈچۈن قىلغان سەپەر ، شۇ ئۇلۇق زاتلار ئارا بار ھەم تەجەللى مۆتىۋەر ، ئەل جامائەت ساقلىغىچۈن ئەجرى قىپ شامۇ ـ سەھەر ، خېمىيە ، مېدىتسىنانىڭ كانىدىن قازغان گۈھەر ، بولسىمۇ دىندار ، ئىلىمدىن تايمىغان ئالىملىرىم . بىر زامان تەتۈر قۇيۇنلار توختىماي چىققاندىمۇ ، نەسلى ئالۋاستى خاقانلار ئەلنى چىڭ سىققاندىمۇ ، قانچە دەستۈر يازمىلارنى ئۆيمۇ – ئۆي يىققاندىمۇ ، شۇ مىراسلارنى پۈتۈنلەي كۆيدۈرۈپ ، چاققاندىمۇ ، ئىلىم – ھېكمەت مەنزىلىدىن يانمىغان ئالىملىرىم . قانچە تارىخ بەتلىرىنى ئەجرىدە كەلگەن يۈدۈپ ، ئا . مۇھەممەت ھەمدە ئۆتكۈر ئاكىلار كەتتى ئۆتۈپ ، مۇندا ھېكمەت ئىزلىرى قالغان ئەمەس ھەرگىز ئۆچۈپ ، دەۋرىمىزدە خالمۇرات ھەمدە زەپەركاملارمۇ كۆپ ، ئۈزۈلۈپ ھېچ بىر زاماندا قالمىغان ئالىملىرىم .       تۈركىيە ، ئىستانبۇل 2012.2.19

soygualqise

	يەنە بىر قىتىم ماختاي چۇ ! راسلا قەلىمىڭىز ئۆتكۈركەن!

xaxyax

	ئۇيغۇرچە بىر رەپ ناخشىدا ئىشلىتىلگەن بۇ تېكىستلەر، ھەقىقەتەن جانلىق يېزىلغانكەن!ئاپتورى توغرىسىدا ئۇچۇر بىلگىلى بولارمۇ؟

dawranim

muhammadtayir

	بۇ شېئىر مەزمون جەھەتتە ئالى.بىز ئويلىشىمىز لازىمكى ھازىر نىمىشقا چىقمايدۇ؟ مۇشۇنداق ئوقيالار..............

assadulla

	ئۇيغۇر ئالىملىرىنى ئۇنتۇپ قالماسلىقىمىز كىرەك.

sabira11

	خەلق قەلبىدە ئۆچمەس ئۇرۇن ئالغان،ئۇيغۇر ئالىملىرىمىزغا ھەر ۋاقىت ھۆرمەت بۈلدۈرۈپ، تەشەككۇر ئىيتىمىز،ئالامچە مەدىھيە ئۇقۇشقا ئەرزىيدۇ،بۇ تىمىنى يوللىغىنىڭىزغا رەخمەت .

sabira11

	خەلق قەلبىدە ئۆچمەس ئۇرۇن ئالغان،ئۇيغۇر ئالىملىرىمىزغا ھەر ۋاقىت ھۆرمەت بۈلدۈرۈپ، تەشەككۇر ئىيتىمىز،ئالامچە مەدىھيە ئۇقۇشقا ئەرزىيدۇ،بۇ تىمىنى يوللىغىنىڭىزغا رەخمەت .