ئۆكۈنۈش

uqkuni

	سەرسان روھ (ئۇچقۇنى) كۆرۈنمەيدۇ كەلگۈسى ئۇچۇق، كىم ئاچىدۇ تۇماندىن يۇچۇق. ئاچ يالىڭاچ يۈرۈيدۇ روھلار، ئارمانلىرى قالغاندەك پۇچۇق. مەۋجۇتلىقى ئۇنتۇلغان ھالدا، گاھ قۇلىنى قىلىدۇ دالدا. كۆرۈنگەندەك ئېچىلغان پالدا، ئۇپۇقلارغا سوزۇلغان يۇرۇق. گاھ سورايدۇ ئۆزىدىن قايتا، كىم سەن ئۆزۈڭ نە سەۋدا باشتا. گاھ داجىيدۇ كەينىگە ئاستا، بىلىنگەندەك يوللىرى تۇيۇق. گاھ ئۈمىدتتە يۈگۈرگەن بولۇپ، گاھ غەپلەتتە ئۇيقۇغا تولۇپ. سىلىنغاندەك قىسمەتكە قۇلۇپ، ئىزدەيدۇ ھەريان ئاچقۇچى يوق. گاھ بىلىدۇ ئۆزىنى غالىپ، گاھ سىزىدۇ ئۆزىنى غايىپ. ئوڭ چۈشىنى بولالماي ئايرىپ، ئوي -خىيالى قالغاندەك قورۇق. گاھ كۆرۈنۈپ مەنزىل ئەينەكتىن، گاھ قۇيۇلۇپ ئۆتمۈش چەينەكتىن. گاھ كەلگەندەك ۋەھىي پەلەكتىن، ئۆز تىنىگە ياپىدۇ يۇپۇق. ئابلىكىم ئەركىن ئۇچقۇنى 2012.9.15

rahmansaykin

	مەن تېخى ئەخەت تۇردىنىڭ سەرسان روھ دىگەن رومانى ئوخشايدۇ دەپ يۈگۈرۈپ كىرىپتىكەنمەن .   بىكا كىرمەپتىمەن . بۇ شېئىر مۇ    ناھايتى ياخشى يىزىلىپتۇ ، ئاپىرىن .

nadanlik

	كۆرۈنمەيدۇ كەلگۈسى ئۇچۇق، كىم ئاچىدۇ تۇماندىن يۇچۇق. ئاچ يالىڭاچ يۈرۈيدۇ روھلار، ئارمانلىرى قالغاندەك پۇچۇق. ماۋۇ كۇبلىت ماڭا بەك ياقتى،  ئويلانسا تىگى -تىگىدىن چوڭقۇر مەنىسى بار شېئىركەن.

tuntaxvixi

	قەلىمىڭز ئۆتكۈركەن.

arkenkaxka

	rahmansaykin يوللىغان ۋاقتى  2012-9-15 11:10 AM مەن تېخى ئەخەت تۇردىنىڭ سەرسان روھ دىگەن رومانى ئوخشاي ... مەنمۇ شۇنداق دەپ كىرىپتىمەن دەيمىنا

cholpan

	ئۆتكەندە يىگانە ئارال دەپ يازسام ھەممە ئادەم كىرىپ قاقشاپ كېتىپتىكەن،بۈگۈن ئۇلارنىڭ  ھىسياتىنى چۈشەندىم

kawa

	شېئرنى ياخشى يىزىپسىز.

uqkuni

	بىز ئۇيغۇر (ئۇچقۇنى) يۈرەك قان يىلتىز غولىمىز بىر، قىشۇ-ياز قىسمەت يولىمىز بىر. باي-نامرات ئۇز-سەت بولغىن نەلىك، بىز ئۇيغۇر رىشتە قولىمىز بىر. تەڭرىتاغ تارىم تەكلىماكان، ئۇزاق ئۆتمۈش تەگ ئۇلىمىز بىر. توي-نەزىرمۇقام خاس بىزگىلا، شاھى تون دوپپا گۈلىمىز بىر. خاڭ تۇنۇر كارىز قەدىم مىڭ ئۆي، جۇت باھاربوستان چۆلىمىزبىر . يۇرۇڭقاش بوغدا ئىلى سايرام، يىراق-يېقىن ئوڭ- سولىمىز بىر. بوغداي ئۆڭ قاڭشار،قۇڭۈر چاچلىق، قاراقاش مۆرە -دۇلىمىز بىر. ،ھالال مىھنەت ساپ نىيەت ئىقبال، ئەل- يۇرت ۋەتەن جان كۆڭلىمىز بىر. قۇياشلىق تاڭ قارا تۈن ئاخشام، قۇم-بۇران قۇرغاق ھۆلىمىز بىر. نەگىلا بار قايغۇ غەم شادلىق، شان-شەرەپ ئاردا بولىمىز بىر. ئابلىكىم ئەركىن ئۇچقۇنى 2012.9.14

زاغرا

	ھەممە ئوخشاشلىقنى دەپسىز يۇ   بەك مۇھىم ئوخشاشلىقتىن بىرسى چۈشۈپ قاپتۇ.  بۇ شىئىرنىڭ بىرەر مىسراسىدىمۇ (تىلىمىز بىر)   دىگەن ئىبارىنى كۆرمىدىم، بولمىسا  تىلىمىز بىر   دىگەن ئىبارە قاپىيەگىمۇ خىلى ماس كىلىۋىرەتتى. قۇسۇر تاپقانلىق ئەمەس ھەم قۇسۇر تاپقۇدەك سەۋىيەممۇ يوق بولمىسا(قۇسۇر تىپىشقىمۇ سەۋىيە كىتىدۇ). راسلام شۇ گەپنى چوقۇم چىقىدۇ دەپ خاتىرجەم ئوقىۋەرسەم (چوقۇم) دىگىنىمگە قارشى چىقماي قويۇپ، غەيرى بوپ قالدىم.(خۇددى بەك ياقتۇرۇپ تاللىغان ئاياغ ماڭا كىچىك كەپ قالغاندەكلام بىر قىسما بوپ قالدىم) مىللەت ئۈچۈن مۇھىم نەرسىمۇ تىل ئەمەسمىدى؟ ناۋادا تىمىڭىزغا شۇ بىر مىسرا قىتلىپ تەھرىلىنىپ قالسا ماۋۇ ئىنكاسىم ئۆچۈپ كەتسۇن.چۈنكى ئۇ چاغدا بۇ ئىنكاسىمنى رولى قالمايدۇ.

jawzaa

	قايىلمەن