باشلىق سىزگە پىكرىم بار

gulbaxikar

	uzumtal يوللىغان ۋاقتى  2012-9-29 01:58 AM ئۇزۇن بوپتكەن گۈلبەشكەر بىزلەر ئەسرارلاشمىغىلى ، بۈ ... ئۈزۈمتال تىمىنىڭ ھەقىقى مەقسىتىنى چۈشۈنۈپ قىممەتلىك پىكىر بېرىپسىز ، ئەسلى يوللاپ بولغاندىن كىيىن ئۆيگە كىتىپ ئۈچ كۈن ئارام ئېلىش جەريانىدا قايتا قايتا ئويلىنىپ مەن بەك ئاشۇرىۋەتتىممۇ يا باشلىقنىڭ يۈزىنى تۆككەندەك قىلدىممۇ يا دەپ ئۆز ئۆزەممگە سۇئالمۇ قۇيۇپ باققانتىم، مانا بۈگۈن ئىشقا كىلىپ چۈشكەن ئىنكاسلارنى ئۇقۇپ خېلى خاتىرجەم بولدۇم،   پىكىر بېرىش ئۇسۇلۇم خاتا بولسىمۇ مەيلى بىر قېتىم ئاڭلاپ قالسا، مەن داۋاملىق ئىشلەۋىرەي ياكى تۇختاپ قالاي مەندىن كىيىنكىلەرگە مۇئامىلە قىلىشتا بولسىمۇ ، ياكى باشقا شىركەتلەرنىڭ مەسئوللىرى كۆرۈپ ئۆزلىرىنىڭ خادىملارغا بولغان مۇئامىلىسى ئۈستىدە ئويلىنىش ھاسىل قىلسىمۇ، خادىملارنىڭ ئۇلاردىن نىمىلەرنى كۈتىدىغانلىقىنى ھىس قىلسىمۇ كۇپايە، سىزنىڭ ئىنكاسىڭىزدىن  مەن ئويلىنىشقا تىگىشلىك يەنە بىر  مۇھىم مەسىلىنى ھىس قىلدىم ، رەھمەت سىزگە ،  ئاچچىقىمنى چىقىرۋىلىپ ھازىر خېلى يېنىكلەپ قالدىم! راستىنى دىسەم تۇرپاندا ئۇيغۇر كارخانىچىلىرى بەك ئاز ،مەن كۆپلەپ قۇرۇلۇشىنى ھەم بېخەتەر ھالدا داۋاملىق راۋاجلىنىشىنى ئۆمۈت قىلىمەن! شۇڭا ۋاقىت چىقىرىپ باشلىقىم بىلەن سۆزلىشىپ باقىمەن، گەرچە سەۋىيىسى يوق، ساپاسىز بولسىمۇ 20 -30 دەك  ئادەمنى ئىش ئورنى بىلەن تەمىنلەپ خىزمەت ئىھتىياجىنى قاندۇرۇپ، جەمئىيەتكە پايدا يەتكۈزىۋاتىدۇ . بۇ تەرىپىنى قوللاشقا بولىدۇ! ئۆزەم ئۈستىدە ئىدىيەمنى ئىسلاھ قىلىش تۇغۇرلۇق يەنە بىر قېتىم ئويلىنىمەن!

Uyghuran

	ھازىر ياشلاردا مۇقىم بىر ئورۇندا ئۇزۇن مۇددەت ئىشلەپ، تەجرىبە توپلايدىغان، شىركەت ئۈچۈن جان كۆيدۈرۈپ ئىشلەيدىغان روھ كەمچىل. سىڭلىم، سىز ئۇ شىركەتتە بەش يىل ئىشلەپسىز، گەرچە ئازغىنە مۇئاشقا قانائەت قىلىپ ئىشلىگەن بولسىڭىزمۇ، بىراق مەن سىزنىڭ شۇ شىركەتكە قوشقان تۆھپىڭىزنىڭ ۋە شۇ شىركەتتىكى قىممىتىڭىزنىڭ (بۇ يەردىكى قىممەت پۇلغا قارىتىلغان) ئېرىشكىنىڭىزدىن كۆپ باراۋەر ئېشىپ كەتكەنلىكىنى ھىس قىلدىم. ئەلۋەتتە، مەنىۋى قىممىتىڭىز بۇنىڭدىنمۇ ئۈستۈن. روھىڭىزغا ئاپىرىن ئېيتىمەن. سىز نۇرغۇن تەجرىبىلەرگە ئىگە بولۇپسىز، شۇ جەرياندا ئۆز قىممىتىڭىزنى ئەڭ زور دەرىجىدە نامايان قىلىپسىز. ئەلۋەتتە بۇنىڭ ئۈچۈن سىز تىگىشلىك جاۋاب قايتۇرۇشقا ئېرىشىشىڭىز كېرەك. بۇ خىل جاۋاب بىر تەرەپتىن ئىقتىساد بىلەن ئۆلچەنسە، يەنە بىر تەرەپتىن خاتىرجەم خىزمەت كەيپىياتى بىلەن ئىپادىلىنىدۇ. مۇئاشىڭىز 1700 يۈەنگە چىقىپتۇ. راست گەپنى قىلغاندا بۇنچىلىك پۇل شۇ شىركەتتە بەش يىل ئىشلىگەن سىزگە نىسبەتەن ئېيتقاندا ئۇۋال پۇلدىن ۋە تەسەللىي پۇلىدىن باشقا نەرسە ئەمەس. بۇ پۇل تۇرمۇش پايانىغا ئەمدىلەتىن قەدەم قويۇۋاتقان سىزگە نىسبەتەن ئېيتقاندا، تۇرمۇشنى قامداشتىن باشقىغا يەتمەيدۇ. مال باھاسى تۆت ياشلىق قىزنىڭ بويىدەك ھەدەپ ئۆسۈۋاتقان مۇشۇ كۈنلەردە ، مۇئاش خۇددى ئاللىقاچان رەسىدە بولغان گۈلبەشىكەرنىڭ بويىدەك تولىمۇ ئاستا ئۆسۈۋاتىدۇ (چاخچاق ھە، بويىڭىزنىڭ قانچىلىكلىكىنى بىلمەيمەن، لېكىن يەنە ئۆسمەيسىزغۇ دەيمەن). مۇشۇنداق شارائىتتا سىزنىڭ ئەقەللىي تۇرمۇش شارائىتىڭىزنىڭ كاپالەتكە ئىگە بولۇشى كېرەك ئىدى. تېخىمۇ ياخشى ياشىشىڭىز كېرەك ئىدى. ئاكىڭىز سىزگە تۆۋەندىكىدەك تەۋسىيەلەرنى قىلماقچى، ئەگەر كۆڭلىڭىز مەقبۇل كۆرسە، كۆڭۈل ئەينىكىڭىزدە كۆرۈپ تەھلىل، مۇھاكىمە قىلىپ باقارسىز.1. مېنىڭچە خۇجايىن بىلەن سۆزلىشىپ باقاي دېگىنىڭىز توغرا بوپتۇ. خاتالىقنى ئۆز ئۈستىڭىزگە ئالغىنىڭىزدىن سۆيۈندۈم. 2. ئالدىراپ خىزمەتتىن ۋاز كەچمەڭ، بىراق ھەقىقەتەن ئۇ يەردە قىممىتىڭىزنى تاپالمىغۇدەك قىلسىڭىز، باشقا يەردە رولىڭىزنى تېخىمۇ ياخشى جارى قىلدۇرالىسىڭىز، مېنىڭچە ۋاز كېچىڭ. چۈنكى سىزگە تۇرمۇش كېرەك، ياخشى تۇرمۇش كەچۈرۈش ئۈچۈن خەلق بىلەن بىرگە ئوخشاشلا خەلق پۇلىمۇ زۆرۆر بولىدۇ. سىز تۇرمۇش قۇرىسىز، ئائىلىلىك بولىسىز، يەنە تېخى كېيىن دەم ئېلىشقا چىقىسىز، ئەلۋەتتە خۇجايىن سىزگە پىنسىيە پۇلى بېرەلمەيدۇ. ھەممە ئۈچۈن ئوخشاشلا داھىلارنىڭ سۈرىتى چۈشۈرۈلگەن شۇ قەغەز لازىم بولىدۇ. 3. خۇجايىننىڭ سىزنى شەنبە - يەكشەنبىلەردە دەم ئالىسىز دېگەنلىرىدىن ئۇيالدىم. دەم ئالماي قانداق قىلىدۇ؟ قانۇنلۇق دەم ئېلىش كۈنى تۇرسا، ئۇنداق دەيدىغان ئادەم قېنى چىداپ تۇرۇپ «ئەمگەك قانۇنى» بويىچە خىزمەتچىلىرىگە ئۈچ ھەسسە ئىش ھەققى قوشۇپ بەرسۇن. ئەڭ ئاخىرقى قارارنى ئۆزىڭىز چىقىرىسىز. خىزمەت سىزنىڭ، تۇرمۇش سىزنىڭ، ياخشىراق ئويلىنىپ مۇۋاپىق قارار چىقىرارسىز. سىزگە ئامەت ۋە نۇسرەت تىلەپ ئاكىڭىز ئۇيغۇراندىن دەپ بىلۇرسىز.

gulbaxikar

	Uyghuran يوللىغان ۋاقتى  2012-11-1 10:29 PM ھازىر ياشلاردا مۇقىم بىر ئورۇندا ئۇزۇن مۇددەت ئىشلەپ،  ... ئەتىگەندە كىلىپ ئاۋال ئاچچىق ئىنكاسىڭىزنى كەينىدىن تاتلىق يېزىلغان ئىنكاسىڭىزنى كۆرۈپ ھەر ئىككىسىدىن خوش بولدۇم  ،ئاچچىق ئىنكاسىڭىزغا شۇ تىمىغا ئىنكاس قالدۇراي، بۇ تېمىغا يېزىلغان ئىنكاسىڭىزدىنلا سىزنىڭ سالماق، كۆپنى كۆرگەن، ئىلغار پىكىرلىك ئادەملىكىڭىزنى بىلىۋالغىلى بولىدىكەن، مەن ئىنكاسىڭىزدا دىگەندەك باشلىقىم بىلەن سۆزلەشمىدىم،  بەلكى ئۆزەمدىن خاتالىق ئىزدەپ ئىشقا تېخىمۇ بالدۇر كىلىپ تېخىمۇ ئەستايىدىل بولدۇم، چۈنكى مەن ياقتۇرغان ئورنىمدىن ئايرىلىشنى، ئازراق دىشۋارچىلىققا ئۇچرىساملا بەل قۇيىۋىتىپ باشقا ئورۇن تىپىشنى خالىمايمەن، يەنە كىلىپ بورۇن شۇنچە تۆۋەن مائاش  بىلەن دەم ئىلىشلارنىمۇ قۇربان  قىلىپ نۇرغۇن ئىشلارنى قىلغان، ئەمدى سەل راھەت ئىشلەيدىغان بىسىممۇ ئۇنچە چوڭ ئەمەس ۋاقىتتا نىمىشقا چىقىپ كىتەتتىم؟ شۇڭا ئاۋال بۇ يىل ئاخىرىغىچە غەيرەت قىلىپ، ئۆزەمنى تېخىمۇ نامايان قىلىپ، باشلىقنىڭ ھەقىقى ماختىشىغا ئېرىشىپ،  ئۆزى خالاپ مائاشنى قۇشۇپ بېرىشىنى قولغا كەلتۈرۈي دەپ مائاش تۇغۇرلۇق قايتا ئېغىز ئاچمىغان  ئىدىم ، بىراق دەسلەپ كەلگەن خانىم مۇشۇ ئايدىلا  مەن ئۈچۈن ئادالەت ياقىلاپ ئىككى ئېغىز ياخشى گىپىمنى قىلىپتىكەن باشلىق تەسىرلەندىمۇ ياكى خىجىل بولۇپ ھەقىقى قۇشۇشقا تىگىشلىك دەپ ئويلىدىمۇ يەنە 300 يۈەن قۇشۇپ مىنىڭكىنىمۇ 2000 يۈەنگە چىقىرىپتۇ، تېخى ھېيتلىق ھەممىمىزگە 1000 يۈەندىن تارقاتتى، بۇنۇڭدىن بىز تېخىمۇ خوش بولدۇق، ئەمدى گەپ قىلىشىمنىڭمۇ ھاجىتى يوق دەپ ئويلۇدۇم، ئادەم شۇڭا خاتالىق ئۆتكۈزگەندە قورۇقماي بوينىغا ئالسا ھەم ۋاقتىدا تۈزەتسە ئۈنۈمى بولىدىكەن، مەن پىكىر قىلىش ئۇسۇلۇمنى ھازىر ئىسلاھ قىلىۋاتىمەن، مۇشۇ قىتىمقى ئىش ماڭا چوڭ ساۋاق بەردى. خوش خىزمىتىڭىزگە ئۇتۇق تىلەيمەن!