مۇسۇلمانچە يېمەكلىكلەر ھەقىقەتەن مۇسۇلمانچەمۇ

ehrami

	36# تىكى نەقىل: بىر مۇسۇلمان 100 كاپىرنى ئىشلىتىپ ئاشخانا ئاچسا ئۇنىڭ تامىقى ھالال . بىر كاپىر 1000 مۇسۇلماننى ئىشلىتىپ تاماقخانا ئاچسا ، ئۇنىڭ تامىقى ھارام دەپ ئاڭلىغان . ئەمما بۇ گەپ جۇڭگۇ چىلىقتا ئاقماس ، بىر قۇرۇق گەپ بولۇپ قالدى. دېمىسىمۇ راست شۇنداق. ئاشخانىغا كىرگەندە ۋىۋىسكىدىكى مۇسۇلمانچە دېگەن خەتكە ئەمەس بەلكى ئاشخانا خوجايىنىغا دىققەت قىلىش كېرەك. ئۇنىڭ ئۈستىگە يەنە بىر مەسىلە: ھەزىر خەنلەرمۇ :«تاماق پاكىز ھەم ئىچىگە ھارام نەرسىنىڭ گۆشى سېلىنمىسىلا مۇسۇلمانچە بولۇۋېرىدۇ» دەپ ئويلاپ، ئۆزى ئېتىپلا ئۈستەلگە ئاچىقىدۇ. شۇ تاماقنى ئەتكەن قولىدا نېمىلەرنى تۇتقان، بۇنىسى ئاللاھقا ئامانەت. جۇڭگودا 92% نوپۇس يەنى بىر مىليارد 160 مىليون ئەتراپىدىكى نوپۇس مۇشۇ قېرىنداش مىللەت. بۇ ئەھۋالدا بۇلارنىڭ زاۋۇتلىرىدا ئىشلەنگەن مەھسۇلاتلار قانچىلىك ئىشەنچىلىك بولماقچىدى؟! «مۆلدۈر يېغىۋاتقان شەھەرگە كىرسەڭ، سېنىڭ بېشىڭغىمۇ چۈشىدۇ» ئەمەسمۇ! ئۇنىڭ ئۈستىگە «مۇسۇلمانچە» دېگەن بۇ سۆزنىڭمۇ ھازىر ۋەزنى قالمىدى. پاكىز بولسىلا ئاشخانا ۋىۋىسكىسىغا ئېسىۋالىدۇ؛ ئىسلام دىنىي جەمئىيەتلىرىگە پارا بېرىپلا «مۇسۇلمانچە» ئىجازەتنامىسىغا ئېرىشىپ زاۋۇتلىرىدا مەھسۇلاتنى ئىشلەۋېرىدۇ. مەسىلەن: مۇنبەردە «كاڭ ئۇستام تەييار چۆپ زاۋۇتىدا كۆرگەنلىرىم» ناملىق تېما چىقتى. شۇنىڭدەك، «پالانى شەھەرلىك ئىسلام دىنىي جەمئىيىتىنىڭ تەستىقلىشىدىن ئۆتكەن» دەپ يېزىلغان زاۋۇتنىڭ ئەمەلىي ئەھۋالى شۇ تۇرسا باشقا زاۋۇتلار قانداق بولماقچىدى؟! خۇددى تورداشلار دېگەندەك، «ئۆيدە ئاپىمىز ئەتكەن لەغمەن» دىن ئىشەنچىلىك نەرسە قالمىغىلى تۇرۇپتۇ. يا ئۆزى يەيدىغاننى ئۆزى تېرىپ ئۆزى بېقىپ ھايات كەچۈرگىلى بولمىسا... ھەي... كەڭ دوستلارغا تەۋسىيە قىلىدىغىنىم: بۇ  ياخشى يوللانغان تېمىنى يەنىمۇ ئىچكىرىلەپ مۇلاھىزە قىلىپ، ئىسپات پاكىتلارنى توپلايلى؛ قېرىنداشلىرىمىزغا تەۋسىيە قىلايلى؛ ئىشنى ئۆزىمىزدىن باشلايلى. بەلكىم بۇ تېمىنى كۆرۈپ چىقىپمۇ يەنە 比巴卜، 大大، 绿箭 سېغىزلارنى چاينايدىغان، 阿尔比斯唐، 喔喔奶糖، 大白兔 كەمپۈتلەرنى يەيدىغانلار، بەش موچەنلىك ئاچچىقلارنى يەيدىغانلار يەنە چىقىشى مۇمكىن. ھەممىسى مۇسۇلمانچە ئەمەس! ئۇنىڭغا قارىغاندا تۈركىيە، سەئۇدى ئەرەبىستانلارنىڭ سېغىزلىرى ۋە «ئارمان»، «ئىخلاس» نىڭ كەمپۈتلىرى ياخشىراق. بۇ تېمىغا ئىنكاس يوللانمىغىلىمۇ بىر ھەپتە بولۇپ قاپتۇ. بولسا ھەممىمىز ئىنكاس يازايلى، كەڭ تەشۋىق قىلايلى!!!