( 3 ) تەكشىلىكتىكى ئۆي لاھىيسى

kar0923

	مەنمۇ لاھىيە ئىزدەپ تۇراتتىم ..... بەك ياقتى جۇمۇ  رەھمەت !  يەنە بولسا يوللاپ تۇراسىز

menggutax

	لايىھەلەر خىلى ياخشى چىقىپتۇ، تېخىمۇ تىرىشىڭ... ئىمكان بولسا يەنە تېخنىكا ئىگەللەڭ!

مۇشتاق

	بەك چىرايلىق لاھىيلىنىپتۇ !!!

پةرصم

	ياخشىمۇسىز،بەك ئەتىراپلىق لاھىلەپسىز. ئاپىرىن سىزگە!

qiqakkiz

	ئىنتايىن ياخشى لاھىيەلەپسىز ، ماڭا شۇنداق يارىدى . ئىشلىرىڭىزغا ئۇتۇق تىلەيمەن .

Suchi

	ئىمكان بار كارىدورنىڭ ئىشلىتىلىش ئۈنۈمىنى ئاشۇرۇش كېرەك.يەر كىچىك بولغاندا كارىدورنى تەڭشەپ غىزالىنىش ئورنى قىلىشقا بولىدۇ.يەر چوڭ بولسا كارىدورنى ئايۋانغا ئۆزگەرتىپ،ئايۋان تورىسىغا شىپاڭ چىقىرىش كېرەك،بۇنداق بولغاندا ئۆي تولىمۇ ئازادە،يورۇق بولىدۇ. يەنە بىرى ئاشخانا ئۆي ئىمكان بار تەسكەي تەرەپكە ئورۇنلاشقىنى ياخشى،مۇنداق بولغاندا كۈننۇرىنىڭ ئاشخانىغا بىۋاستە چۈشۈپ ئۆي تېمپراتۇرىسىنى ئۆرلىتىۋېتىشتىن ساقلانغىلى بولىدۇ،ھەم ئاشخانا دەرىزە تەكچىسىنى سىېرتقا چىقىرىش ئارقىلىق،ۋاقىتلىق يېمەكلىكنى سالقىن ساقلاش مەقسىدىگە يەتكىلى بولىدۇ. ئۆي يۆنۈلۈشىنى خەرىتىدە بەلگىلەپ قويۇش لازىم،ھەممىمىزگە مەلۇم ئولتۇراق ئۆي ئادەتتە جەنۇپ-شىمال يۆنۈلۈشىدە سېلىنسا ئۆي يورۇق،شامال ئۆتۈشۈپ تۇرۇدىغان،قۇرغاق بولىدۇ،بولۇپمۇ  قىشتا ئىللىق بولىدۇ.شۇڭا ئىشىك دېرىزە ئورنىنى بېكىتكەندە تەبىئى يورۇقلۇقتىن پايدىلنىش ۋە شامال ئۆتۈشۈش مەسىلىسىنى ئوبدان ئويلىشىش كېرەك. شەخسى تۇرالغۇدا ئاشخانا،تازىلىق ئۆيلىرىنى سەل ئازادىرەك لايىھەلەش،ئامال قىلىپ تاشقى دەرىزە قويۇش،ھاۋا ئالمىشىشقا كاپالەتلىك قىلىش كېرەك.يەنە بىرى تەسكەي تەرەپكە كىچكرەك قازناق ئۆي چىقىرىپ قويۇشنىڭ زۆرۈرىيىتى بار،ئادەتتە يېمەك-ئىچمەك،ئۇن-ياغ،كۆكتات ساقلاشقا ئىشلىتىلىدۇ.ئەگەر مۇۋاپىق ئورۇن چىقمىسا ئۆي تېگىگە ئۆلچەملىك گەمە چىقىرىش،گەمىنى چوڭقۇرراق كولاپ خىشتا قوپۇرۇپ،ئاستىغا قۇرۇق قۇم تۆكۈش،ھاۋا ئۆتۈشۈش يولى ياكى رۇجەك قويۇش،زىيانداش ھاشارەت،قۇرت-قوڭغۇز ۋە چاشقان،مۈشۈك كىرىۋالماسلىغى ئۈچۈن پۇختا ھىم،قۇرغاق قىلىشقا ئامال قىلىش زۆرۈر. ھويلىغا ماشىنا ئىسكىلاتى سېلىش ئىمكانىيىتى بولسا چوقۇم ئويلىشىش لازىم.ھويلىدىكى تازىلىق ئۆيىنىڭ ئەۋرەز يولىنى ئۆي ئىچىدىكى بىلەن تۇتاشتۇرۇش بىرقەدەر ياخشى،مۇنداق بولغاندا ھويلىدىكى غەيرى پۇراقتىن ساقلانغىلى بولىدۇ(مۇنداق لايىھەنى بىرنەچچە دوستىمىزنىڭ تۇرالغۇسىدا ئىشلەتكەن ئىدۇق).

ark-ay

	بىنا  ئۆينىڭ لاھىيەسىدە ئىشىكتىىن كىرگەندىلا تازلىق ئۆيىنىڭ ئىشىكى مانا مەن دەپ كۆرىنىپ تۇرسا تازا ياخشى بولمامدۇ قانداق ؟ .ئۆزگەرتىپ باقامسىز ؟

ark-ay

	يەنە  بار ، تاماق يەيدىغانغا يەر يوقكەن ، تېخىمۇ ياخشى چىقىشىغا تىلەكداشمەن .

Suchi

	يەنە بىر مەسىلە،تۇرالغۇ ئۆي لايىھىلىگەندە چوقۇم ئېنېرگىيە تېجەش مەسىلىسىنى ئويلىىشىش كېرەك.يۇقۇردا دېگەندەك ئۆينىڭ يۆنۈلۈش مەسىلىسى،ھەر بىر ئۆينىڭ،بولۇپمۇ مېھمانخانا،ئاساسلىق ياتاق ئۆيلەرنىڭ كۈن نۇرى چۈشۈش مەسىلىسىنى ياخشى ئويلاشقاندىن سىرت،ئىشلەتكەن ماتېريالغا،تامنىڭ قېلىنلىغىغا،ئۆگزىنىڭ شەكلىگە ئەھمىيەت بېرىش لازىم.جەنۇبى شىنجداڭدا،تۇرپان،قۇمۇل رايونىدا ئۆگزىدىن پايدىلىنىش ئۈنۈمى بىرقەدەر يۇقۇرى،شۇڭا يامغۇر ئۆتۈش مەسىلىسىنى ھەل قىلغان شەرت ئاستىدا ئىمكان بار تۈز ياكى سەل يانتۇ ئۆگزە چىقىرىش كېرەك،شىمالدا قار-يامغۇر كۆپ بولغاچقا ئۆگزە چېدىر شەكلىدە(غۇلجىنىڭ ئۆيلىرى شۇنداق)چىقىرىلسا كۈن نۇرىنىڭ چۈشۈش بۇلىڭىنى يۇقۇرلىتىپ،ئۆگزىدىكى قارنىڭ ئاسان ئېرىپ،يامغۇر سۈيىنىڭ ئۆيگە بۇزغۇنچىلىق ئېلىپ كەلمەسلىكىگە كاپالەتلىك قىلغىلى بولىدۇ. تامنى ئادەتتىكىدىن قېلىن(پاخپاق چاپلاش ئارقىلىق قېلىنلىتىمىز)قىلغاندا،يازدا سالقىن،قىشتا ئىللىق بولىدۇ،ئۆگزە بەك نېپىز بولسا يازدا ئۆي بەك ئىسسىپ كېتىدۇ. پىشايۋان ياكى ئۆگزىگە 100-200ۋات ئەتراپىدىكى قۇياش ئېنېرگىيىسى تاختىسى ئورنىتىلسا،ئادەتتە ھويلا،ئۆيلەرنىڭ يورۇتۇشىنى(ئېنېرگىيە تېجەيدىغان7- 10ۋات ئەتراپىدىكى يورۇق يانىدىغان 10-15لامپنى سۆرەيدۇ ) كاپالەتكە ئىگە قىلغىلى بولىدۇ.ئۆگزىگە  كۈن نۇرىدا ئىسسىيدىغان سۇ ئسسىتقۇچ  ئورنىتىش كېرەك.