|
|
|
|
ئالدانما ئەي قىزچاق
ئادانما ئەي قىزچاق يىگىت قەستىگە،
ھۇشيار بول ئشەنمە شىرىن سۆزىگە.
رەڭۋازلىق ھىلىسى بەك تولا ئىكەن،
ئالدىراپ باھا بەرمە تۇرقى بەستىگە.
ئۇ باشتا سىنىڭدىن سۆيگۈ تىلەيدۇ،
پاك نازۇك دىلىڭنى ئاستا ئوۋلايدۇ.
باغلاپلا سۆيگۈنىڭ كىشەنلىرىدە،
ئاخىرى ئاپىرىپ ئوتقا تاشلايدۇ.
سۆيسەڭ سۆيگىنكى ئۆزۈڭنىڭ ئىشى،
ۋەلىكىن ھەر كۈزنىڭ يېقىندۇر قىشى.
مىۋىسىگە ئالدىراپ كەتمە سۆيگىنىڭ،
مۇمكىنمۇ توڭ مىۋىنىڭ دىلغا يېقىشى.
غۇبارسىز بىر قىزسەن بەخىتلىك ياشا،
غورورىڭ ۋىجدانىڭ ئەقلىڭدە ياشنا.
سوغۇق قۇل تەگمىسۇن ساقلانسۇن پاكلىق،
بىئەقىل ئىستەكتىن مۇستەسنا ياشا.
پەسىل لىرىكىسى
تۈنۈگۇن قاقشاپلا يۈرگەن ئىسسىقتىن،
بۈگۈنمۇ سوغۇقتىن يەنە داتلىدىڭ،
پىجغىمدا سايىگە ئىنتىزار ئىدىڭ.
بۈگۈن شۇ كۈنلۈكنى چۆرۈپ تاشلىدىڭ.
پەسىللەر بوي بەرمەس سىنىڭ ئەركىڭگە،
ياقتۇرغىن ياقتۇرما ئۆزۈڭنىڭ ئىشى،
تۈمەنمىڭ خىسلەتكە ئىگىدۇر دۇنيا
ئالمىشىپ تۇرىدۇ باھار،ياز،قىشى...
ئاق قاردا قاپلانغان ئاپ- ئاق دالىلار،
شەپىسنى بىرىدۇ گۈزەل باھارنىڭ.
باھاردا ئېچىلغان ئۇماق چىچەكلەر،
ھىدىنى ئەپ كىلەر مول - ھۇسۇل كۈزنىڭ
پەسىللەر ئالمىشار ئۆزلۈكسىز شۇنداق،
رايىغا باقمايدۇ مەڭگۈ ئىنساننىڭ.
تەقدىرمۇ ئوخشاركەن پەسىلگە توۋا،
ئالمىشىپ تۇراركەن قايغۇ ۋە بەختىڭ...
ئۇيغۇر قىزى بىز
پەرىلەردىن ئەنداز ئالغان ئۇيغۇر قىزى بىز،
ئەدەپ - ئەخلاق ،ئىنساپ -غۇرۇر تاشار دىللاردا،
خاتا تۇيغۇ ، ئىستەكلەردىن يىراق بىز يىراق،
ئاجىز ئەمەس قەيسەر شۇنداق تۇمۇز -جۇدۇندا.
باش ئەگمەيمىز ئەلەم كەلسە نۇزۇگۇم ئوخشاش،
خانتەڭرىدەك قەددىمىز ئىگىلمەس- سۇلماس.
ۋىجدان -غورور قالقان بولغاچ بىزلەرگە ھەر چاغ،
شۇم نىيەتلىك شەيتانمۇ يولدىن ئازدۇرماس.
تەر تۆكىمىز ئېتىزغا ئاددى دېھقان بىز،
تۇھپە قۇشۇپ مەكتەپتە باغۋەن نەچچىمىز.
سېستىرا بىز ، بىز يەنە قولى شىپالىق،
ھەر كەسىپتە ، ھەر جايدا ئاقار مىھرىمىز.
ئەقىل - ئىدراك بابىدا يىگانە گۈل بىز،
ھەيران بولماڭ سۆزۈمگە گېلەمگە قاراڭ.
پەيدا بۇلۇر تۈمەنمىڭ خىل رەڭدار لالىلەر،
تۇقۇپ چققان قايسى پەرى ياخشىراق ئويلاڭ.
شايى - ئەتلەس ، چىمەن دوپپا پۈتەر قوللاردا،
ئۆزىمۇ گۈل ، قولىمۇ گۈل ئۇيغۇر قىزى بىز.
ئىشچان بولغاچ ئەل سۈيىنەر بىزلەردىن ھامان،
شۇ تارىخنىڭ بەتلىرىدە شانلىق ئىزىمىز
ئۇيغۇر دىسەم
ئۇيغۇر دىسەم شاتلىنار يۈرەك،
ئۇيغۇر دىسەم قاناتلىنار تىلەك.
ئۇيغۇر دىسەم شادلىققا تولۇپ،
بۇلەكچىلا سوقۇدۇ يۇرەك...
ئۇيغۇر دىسەم پەخرىم ئانا تىل،
گۇھەردەكلا جۇلالاپ كېتەر.
ئۇيغۇر دىسەم ئىجاتكار خەلقىم،
چۆللەرنىمۇ گۈل - بوستان ئېتەر.
ئۇيغۇر دىسەم گۈزەل قەلەم قاش،
كۆزئالدىمدا بولىدۇ زاھىر.
بىز ئۇيغۇرنىڭ نەسلى ئەمەسمۇ؟
تاغنى تالقان ئەيلىگەن تاھىر...
ئۇيغۇر دىسەم ھايا ۋە ئىپپەت،
مەناسىنى تاپقان ئۇنىڭدا،
نۇزۇگۇمنىڭ قانلىق تارىخى،
ئۇنتۇلمايدۇ ھامان دىلىمدا...
ئۇيغۇر دىسەم ئىنساپ - دىيانەت،
بارچە دىلغا جۇلا چاچىدۇ .
يوقسۇللارغا سۇنۇلغان قوللار،
يېپ-يېڭى بىر ھايات ئاچىدۇ...
ئۇيغۇر تۇرۇپ مىللەتنى سۆكۈپ،
بىھۇدىلا بولماڭ ئاۋارە.
بەش بارماقمۇ تەپ- تەڭ ئەمەسقۇ؟
باش قاتۇرۇپ قىلايلى چارە...
ئەي يىگىتلەر
ھاياسىزلىق سۇسلاشتۇردى ئىماننى،
ئۇيغۇر قىزى چورىۋەتتى رومالنى.
سەۋەبىنى ئويلاپ كورۇڭ يىگىتلەر،
كىملەر شۇنداق كويغا سالغان قىزلارنى.؟
مەتو دىدى ئۇزۇن كوينەك كەيگەننى ،
رومالىنى بېشىغا چىڭ چەگكەننى.
ئۇچۇق تۇرسا يوتا گۇناھ ئەمەسمۇ؟
كىملەر شۇنداق يولغا باشلار قىزلارنى؟
چىن ۋاپادار دوستى تۇرسا يېنىدا،
شەرمى -ھايا ئەدەپ نۇرى چېچىلغان.
ئىزدەپ كەتتى نەلەرگىدۇ مودا قىز،
يىگىت ئېيتىڭ بارمۇ سىزدە راس ئىمان؟
ھاياسىز دەپ قىزلارنىلا تىللايسىز،
ئىمانسىز دەپ كىملەرگىدۇ داتلايسىز.
كىم باشلىغان ئاشۇ يولغا ئەسلىدە؟
سەۋەبىنى سۇرۇشتۇرۇپ كورمەيسىز.
ئەسكى ئەمەس يىگىتلەرنىڭ ھەممىسى،
ئۇلارنىڭمۇياخشىسى بار ، خىلى بار.
ئەيىپلىمەي قىزلارنىلا يىگىتلەر،
ياخشى ئەمەل يوللىرىغا باشلاڭلار!!!
ئۇيغۇرۇم
ئويغانغىن ئۇيغۇرۇم مەنزىلىڭ قايان،
ئويلىنىش قەلبىڭدە ياسىسۇن قىيان.
سۈت ئۇيقۇم شىرىن دەپ ئۇخلاۋەرمىگىن،
نادانغا باقماس بۇ تەلەپچان جاھان.
ئۆزگەلەر ئەقىلنىڭ كۆكىدە ئۇچسا ،
ئات مىنىپ ئۇنىڭغا يىتىشەلەمسەن؟
باشقىلار تاغ يوتكەپ ئالتۇن دۇر قازسا،
سەن تېخى تاش ئىلغاپ يۇرىۋىرەمسەن؟
ئويغانغىن ئويغانغىن ياتما غەپلەتتە،
ئالغا باس ئىنتىلگىن ئىلىم ھىكمەتكە.
ئەۋلادىڭ سۈيۇنسۈن تۆككەن تەرىڭدىن،
ھۇرۇنلار يەتمىگەن ئەسلا مەخسەتكە.
دېڭىز ئاستىغا ئۆي سالسا ئۆزگە ،
سەن تېخى زىمىندا كەپە تىكلىدىڭ.
سۇنۇلمىغان بولسا شۇ سېخى قوللار،
تېخىچە كەپىدە يۇرىۋىرەرمىدىڭ.
تەر تۆككىن ئەجرىڭدىن رىسىقىڭ كىلۇر،
بىلىم ئال ئەقلىڭدىن جاھانغا تۇنۇل!
نامراتلىق ئىلكىدە قىسمىغىن بويۇن،
چېچىلما ئۇيغۇرۇم مەڭگۇ چىڭ ئۇيۇل!!!
ئىنسانلار مارىستا سالدى تۇرالغۇ،
ھەم تېخى كائىنات كەزگەنلەرمۇ بار.
ئويلانغىن ياخشىراق ئويلانغىن قېنى؟
ئۇلاردا بار ئەقىل سىنىڭدىمۇ بار...
ئارزۇيۇم ئۇيغۇرۇم كامالەت تاپسا!
ئىلىم -پەن كۆكىدە قاناتلار قاقسا!
بارچە ئەل ھەۋەستە زوقلىنىپ باقسا!
ئەجدادىم قەبرىدە تىچ ئامان ياتسا!!!
بۇ يازمىنى ئاخىرىدا barnakiz886 تەھرىرلىگەن. ۋاقتى 2012-11-9 07:19 PM
|
|
|
|
|
|