سۆيۈملۈك ئايال بۇلاي دېسىڭىز

bugaltir

	ئازاپ قايغۇ بەختتىكى 111مەسلىھەت 1. كەمتەر بولۇپ، ئاز كۆرەڭلەپ كوپ ئىش قىلىڭ. قىيىنچىلىققا باتۇرلۇق بىلەن يۈزلىنىڭ. 2. ئۆزىڭىزگە ئىشىنىڭ. ئۆزىڭىزنى ئۆزىڭىز قۇرقۇتماڭ، ئۆزىڭىزنى باشقىلارغا سېلىشتۇرماڭ. 3. ئەڭ قۇرقۇنۇشلىغى ئۈمىتنىڭ ئۈزلىشى، ئۈمىتۋار ياشاڭ. 4. غايىڭىزدىن ۋاز كەچمەڭ. داۋاملاشتۇرۇشنىڭ ئۆزى غەلبە دىمەكتۇر. 5. مەغلۇبىيەت _ مۇھاپپىقيەتنىڭ ئانىسى. سىز ئورنىڭىزدىن تۇرالايدىغىنىڭىزغا ئىشىنىڭ. 6. ئوڭۇشسىزلىققا باش ئەگمەڭ. خاتالىغىڭىزنى شىرىن مىۋىگە ئايلاندۇرۇڭ. 7. تەقدىرىڭىزنىڭ يەنىلا ئۆز قولىڭىزدا ئىكەنلىگىگە ئىشىنىڭ. يىقىلىپ چۈشۈشتىن قۇرقماڭ. 8. تۇرمۇشنى قىزغىن سۆيۇپ، خۇشال ياشاڭ. پاسىپ ئويلاردىن تىزرەك قۇتۇلۇڭ. 9. قىيىنچىلىق چەكلىكتۇر. ئۇسۇلىڭىزنى ئۆزگەرتىڭ. قورقۇپ كەتمەڭ، سالماق بولۇڭ. 10. ئىقتىسادىي مەسىلە ئۈچۈن قايغۇرماڭ. قىيىنچىلىقنى دادىللىق بىلەن قارشى ئېلىڭ. 11. كەڭ قوساق بولۇڭ. تەنقىتنى توغرا قوبۇل قىلىڭ. مەسىلىلەرگە ئەتراپلىق قاراڭ. 12. ئۆز خاتالىغىڭىزنى ئۆزىڭىز تۇزىتىڭ. بىر قەدەم يول قۇيۇشنى ئۇگىنىڭ. 13. تىرىشچانلىقتىن قەتئىي ۋاز كەچمەڭ. يىراقلارغا نەزەر سىلىڭ. 14. قولىڭىزدىكى نەرسىنى قەدىرلەڭ. ئەتىكى ئۈمىد بىزگە بۈگۈنكى ئازابنى ئۇنتۇلدۇرىدۇ. 15. دۇنيادا ئازاپ- ئوقۇبىتى يوق ئادەم يوقلىغىنى بىلىڭ. پۇشايمانسىز ھايات ئىزلەڭ. 16. ئۈمىتۋار پوزىتسىيەنى يىتىلدۇرۇڭ. ھەر بىر كۈننى ئىللىق چىراي كۈتىۋىلىڭ. 17. ئاچچىقلىنىش ئەخمەقلىقتۇر. ھەقىقى خۇشاللىق نەدىن كىلىدۇ بۇنى بىلىڭ. 18. ئەستايىدىل ئويلىشىپ، جۈرئەتلىك بولۇپ، ئۆتمۈشنى ئۇنتۇپ كىتىڭ. 19. ئارتۇقچىلىغىنى كۆرۈڭ، كەمچىلىگىگە ئېسلىۋالماڭ. 20. روھىي ھالەتنى تەڭپۇڭ تۇتۇش ئازاپنى يىڭىشتىكى ئاچقۇچ. 21. ئەتراپىڭىزدىكىلەرنىڭ قۇللاپ قۇۋەتلىشى، ئىززەت- ھورمىتى  سىزنىڭ ئازاپنى يىڭىشىڭىزدىكى كۆۋرۈك. 22. ۋاقىت ئازاپنى يىڭىشتىكى _ ئەڭ ياخشى دورا. 23. ناچار كەيپىيات _ ئازاپنىڭ بۇلىغى. 24. ئۆزىنى ئالداش _بەختنى رەت قىلغان بىلەن باراۋەر. 25. ئەپۇ قىلىش_ئازاپتىن قۇتۇلۇشنىڭ ئۈنۈملۈك ئۇسۇلى. 26. مۇستەھكەم ئىرادە_نەتىجىنىڭ كاپالىتى. جاسارەتنى يوقىتىش_ھەممىنى يوقاتقانغا باراۋەر. 27. ئۆزىگە ئىشىنىش _ يىرىم مۇۋاپىقيەت بىلەن تەڭ. ئۇمىتسىزلىك _ يىرىم ئۆلگەن بىلەن باراۋەر. 28. ئاخىرغىچە داۋاملاشتۇرۇش _ غەلبە قىلغانلىقتۇر. 29. قانائەتچانلىق _ بەختنى ھىس قىلىشنىڭ بىردىن بىر يولى. 30. جىددىلىك ۋە ئۆزىنى كەمسىتىش_ئىشەنچنى تۆۋەنلىتىۋىتىدۇ. 31. ئازاپلىنىشنى بىلمىگەن قەلب _ ھەقىقى مۇھاببەتنىڭ قىممىتىنى چۈشەنمەيدىغان قەلب. 32. ساداقەتلىك قەلب _ مۇھاببەتنىڭ بىخەتەر مەنزىلى. 33. ئەخلاق _ مۇھاببەتنىڭ ئىپادىسى، مۇھاببەت ئەخلاقنىڭ كاپالىتى. 34. ۋاپادارلىق _ مۇھاببەتنىڭ دائىملىق ئارزۇسى. 35. ئەڭ كۈچلۇك نەپرەت _ ئەڭ كۈچلۈك مۇھاببەتنىڭ مەھسۇلىدۇر. 36. چۈشىنىش ۋە ئىشىنىش _ مۇھاببەتنىڭ ئۇل تىشى. 37. ۋاپاسىز قىزدىن _ تىزگىنسىز ئايال چىقىدۇ. 38. كۈنلەش _ مۇھاببەتكە قارىغاندا ئاداۋەتكە يىقىن. 39. كۈنلەش _ ئاشىق ئۈچۈن ئازاپ- ئوقۇبەت، مەشۇق ئۈچۈن _ رەنجىش ۋە ئەلەم مەنبەسى. 40. كۈنلەش _ دىتسىز ئەقىلنىڭ ئىللىتىدۇر. 41. مۇھاببەت _ ئازاپ چىكىدىغان بىھىش. گۇمان _ مۇھاببەت گۈلىگە چۈشكەن قۇرۇت. 42. ياسالمىلىق _ مۇھاببەت دەرياسىدىكى توسالغۇ. 43. مۇھاببەت _ يالقۇنى كۆرۈلمەس گۇلخان، مۇھاببەت _ ئاغرىغى بىلىنمەس يارا. 44. مۇھاببەت _ ئازاپقا تولغان خوشاللىق. 45. مۇھاببەت _ بارلىق ياخشىلىق، يۈكسەكلىك، قۇدرەتلىك، يېقىملىق ۋە يارقىن پەزىلەتلەرنىڭ ئجاتچىسىدۇر. 46. ئەرلەرنىڭ قىسمىتى _ ئاياللار ئۈچۈن توزاق. 47. ھەر كىم ئۆز تەقدىرىنىڭ _ياراتقۇچىسى. 48. ئەخلاق _ھاياتنىڭ ئەڭگۈشتەرى. 49. قۇش پەرۋاز ئۇچۇن، ئادەم بەخت ئۇچۇن يارالغان. 50. ئېسىڭىزدە بولسۇن، ھەربىر كۈن ھاياتىڭىزدىكى ئەڭ گۈزەل كۈندۇر. 51. ھەر كۈنى ئۆزىڭىزگە بىر قېتىم «مەن يارايمەن!» دەڭ. 52. قۇياشقا يۈزلىنىڭ، شۇندىلا ئۈمىدسىزلىكنىڭ سايىسى كۆز ئالدىڭىزدىن يوقىلىدۇ. 53. ئوي - پىكىرىڭىز ھەرىكىتىڭىزنى بەلگىلەيدۇ، ھەرىكىتىڭىز ئادىتىڭىزنى بەلگىلەيدۇ، ئادىتىڭىز مىجەز - خاراكتېرىڭىزنى بەلگىلەيدۇ، مىجەز - خاراكتېرىڭىز تەقدىرىڭىزنى بەلگىلەيدۇ. 54. ئىلكىڭىزدە بارىدا قەدىرلەڭ، ئايرىلىپ قالغاندا پۇشايمان قىلماڭ. 55. ھەر ۋاقىت كەينىڭىزدىكى ئىشىكنى يېپىپ مېڭىڭ. (يەنى بۇرۇنقى نەتىجە ۋە سەۋەنلىكلىرىڭىز ئۆتمۈشكە مەنسۇپ، ئۇلارنى ئۇنتۇپ كېتىڭ). 56. ئۈمىد قانچە چوڭ بولسا، ئۈمىدسىزلىكمۇ شۇنچە چوڭ بولىدۇ. 57. ئەگەر ئايدىن ئايرىلىپ قالغىنىڭىزغا يىغلاپ ئۆزىڭىزنى يوقىتىپ قويسىڭىز، ئۇنداقتا يۇلتۇزلاردىنمۇ قۇرۇق قالىسىز. 58. تىرىشىپ ئۆگىنىڭ، بىلىملىك بولىسىز. تەنقىدتىن قورقماڭ، غەيرەتلىك بولىسىز. ئويلاپ سۆزلەڭ، ئىناۋەتلىك بولىسىز. بىرسىنى تاللاڭ، خاتىرجەم بولىسىز. 59. دوستىڭىزنى توغرا تاللاڭ، بىر ئۆمۈر خۇشال ئۆتىسىز. جۆرىڭىزنى توغرا تاللاڭ، بىر ئۆمۈر بەختلىك ئۆتىسىز. كەسپىڭىزنى توغرا تاللاڭ، بىر ئۆمۈر مۇۋەپپەقىيەت ئىچىدە ئۆتىسىز. 60. خۇشاللىق بىر خىل پوزىتسىيە، بىر كىشى خۇشال يۈرۈشنى چىن دىلىدىن نىيەت قىلسىلا چوقۇم خۇشال يۈرەلەيدۇ. 61. خۇشال ئۆتۈشنىڭ سىرى: ئۆزىڭىزنىڭ سەۋەنلىكى ئۈچۈن ئۆزىڭىزنى جازالىماڭ. باشقىلارنىڭ سەۋەنلىكى ئۈچۈن ئۆزىڭىزنى جازالىماڭ. ئۆزىڭىزنىڭ سەۋەنلىكى ئۈچۈن باشقىلارنى جازالىماڭ.  . 62. بىزنىڭ نۇرغۇن كۆڭۈلسىزلىكلىرىمىزنىڭ مەنبەسى: ئۆزىمىزنى باشقىلار بىلەن سېلىشتۇرۇشتىن، يەنى سېلىشتۇرغاندا قولدىن بىرىپ قۇيغان نەرسىگىلە ئىسىلىۋىلىپ، ئېرىشكەنلىرىمىزگە سەل قارىغانلىقىمىزدىن كېلىدۇ . 63. ئۇنچىۋالا قايغۇرۇپ كەتمەڭ، ھاياتىڭىزدا مەلۇم نەرسىلەرنى يوقىتىپ قويۇش ــــ بەلكىم ئۇنىڭدىن قۇتۇلۇشتۇر. ئېزىپ قېلىش ــــ بەلكىم يېڭى يول ئىزلەشتۇر. 64. ئاچچىقلىنىش ــــ باشقىلارنىڭ خاتالىقى ئۈچۈن ئۆزىنى جازالاشتۇر. 65. بەختكە ئېرىشىشنىڭ چارىسى ــــ ئىلكىدە بارىنى قەدىرلەش، ئىلكىدە بولمىغانلارنى ئۇنتۇپ كېتىش. 66. سىز مۇھەببەت ئارقىلىق پۈتۈن دۇنياغا ئېرىشەلەيسىز، شۇنداقلا ئۆچمەنلىك ئارقىلىق پۈتۈن دۇنيادىن ئايرىلىپ قالىسىز. 67. ئاچكۆزلۈك ــــ ئەڭ ھەقىقىي نامراتلىق. قانائەت بولسا ئەڭ ھەقىقىي بايلىق. 68. خوشاللىق ئېرىشكەنلىرىڭىزنىڭ كۆپلىكىدىن ئەمەس، بەلكى ھېسابلاشقانلىرىڭىزنىڭ ئازلىقىدىندۇر. 69. ئادەمنىڭ ھەقىقىي قىممىتى ئېزىقتۇرۇشقا ئۇچرىغان ئاشۇ قىسقىغىنە مىنۇتلاردا بەلگىلىنىدۇ. 70. بېشىڭغا ھەر بالا كەلسە ئۆزۈڭنىڭ خۇي - پەيلىدىن كۆر. 71. مەيلى قايسى ۋاقىتتا باشلاڭ، ئەڭ مۇھىمى باشلىغاندىن كېيىن توختاتماي داۋاملاشتۇرۇڭ. 72. مەيلى قايسى ۋاقىتتا ئاخىرلاشتۇرۇڭ، ئەڭ مۇھىمى ئاخىرلاشتۇرغاندىن كېيىن پۇشايمان قىلماڭ. 73. ئادەم ئەگەر قورقۇنچاق بولسا ئۆزىنىڭ ئەڭ چوڭ دۈشمىنى بولىدۇ. ئادەم ئەگەر باتۇر بولسا ئۆزىنىڭ ئەڭ ياخشى دوستى بولالايدۇ. 74. ئەڭ زور ئۈمىد ۋە بارلىق كۈچىڭىز بىلەن تىرىشىڭ، ئەمما ئەڭ يامان ئاقىۋەتكىمۇ تەييارلىق قىلىپ قويۇڭ. 75. ھەربىر ئىشنى ئوخشىمىغان تەرەپلەردىن كۆزىتىش ۋە تەھلىل قىلىش، شۇنداقلا ھەر ۋاقىت ئۆزىنى باشقىلارنىڭ ئورنىدا قويۇپ ئويلىنىپ بېقىش كېرەك. 76. ئۈمىدلىك ئادەم ئازابنى خۇشاللىققا، «دوزاخ» نى «جەننەت» كە ئايلاندۇرالايدۇ. 77. بارلىق غەلىبىلەر ئۆزىنى بويسۇندۇرۇشتىن ئىبارەت بۇ چوڭ غەلىبىنىڭ ئالدىدا ھېچنېمىگە ئەرزىمەيدۇ. بارلىق مەغلۇبىيەتلەر ئۆزىنى يوقىتىپ قويۇشتىن ئىبارەت بۇ چوڭ مەغلۇبىيەتنىڭ ئالدىدا ھېچنېمىگە ئەرزىمەيدۇ. 78. خۇدا كىشلەرنىڭ ئەخمەقلىقىدىن ئەسلا ئاغرىنمايدۇ، ئەمما كىشىلەر دائىم خۇدانىڭ تەڭسىزلىكىدىن ئاغرىنىدۇ. 79.  ئادەم ئۆزىنىڭ نىشانىنى يوقىتىپ قويمىسىلا ئۆزىنى يوقىتىپ قويمايدۇ. 80 . ئۇچالايدىغان ۋاقتىڭىزدا ئۇچۇشتىن ۋاز كەچمەڭ، سۆيەلەيدىغان ۋاقتىڭىزدا سۆيگۈدىن ۋاز كەچمەڭ. 81. بىز ئادەملەر بەك ئەخمەق، دائىم ئېرىشكەنلىرىمىزنى قەدىرلىمەي، ئەكسىچە ئېرىشەلمىگەنلىرىمىز ئۈچۈن ھەسىرەت چېكىپ يۈرىمىز. 82. ئاۋۋال ئۆزىڭىزنى ئۆزىڭىز كۆزگە ئىلغاندىلا، ئاندىن باشقىلار سىزنى كۆزگە ئىلىدۇ. 83. ئۈمىدلىكلەر ئاپەت ئىچىدىكى پۇرسەتنى كۆرەلەيدۇ، ئۈمىدسىزلەر پۇرسەت ئىچىدىكى ئاپەتنى كۆرىدۇ. 84. باتۇرلۇق قورقۇنچنىڭ يوقلىقىدىن دېرەك بەرمەيدۇ، بەلكى قورقۇنچقا توغرا مۇئامىلە قىلالىغانلىق ۋە قورقۇنچنى يېڭەلىگەنلىكتىن دېرەك بېرىدۇ. 85. خاتالىقىنى تونۇغانلىق ــــ خاتالىقنى يېرىم تۈزەتكەنلىك. 86. بارلىق ئالداشلارنىڭ ئىچىدىكى ئەڭ ئېغىرى ــــ ئۆزىنى ئالداش. بارلىق خاتالىقلارنىڭ ئىچىدىكى ئەڭ ئېغىرى ــــ توختىماستىن ئۆزىنىڭ خاتالىق ئۆتكۈزۈشىدىن ئەنسىرەش. 87. غايىنىڭ يولى ئىشەنچكە تولغانلارغا تەييارلاقلىق. مەغلۇب بولۇشتىن قورقۇپ قول سېلىپ ئىشلەپ كۆرمىسىڭىز مەڭگۈ غەلىبە قازىنالمايسىز. مەڭگۈ پۇرسەتكە ئىگە بولالمايسىز. 88. ئەگەر كەم - كۈتىسىز دوست ئىزدىسىڭىز مەڭگۈ دوست تاپالمايسىز. 89. باشقىلارنى تۈزىتىشتىن ئىلگىرى ئۆزىڭىزدە خاتالىق بارمۇ - يوق؟ تەكشۈرۈپ كۆرۈڭ. 90. ئۆزىڭىز قىلىشقا مۇۋاپىق بولغان ئىشلارنى قىلىپ ئۆز رولىڭىزنى ياخشى ئېلىڭ، ئەڭ ياخشى ئۆزىڭىز بولۇڭ، باشقىلارنى دورىماڭ. 91. تۇرمۇشتىكى بىئاراملىق ۋە ئۈمىدسىزلىكنى يېڭىش ئۈچۈن، ئاۋۋال ئۆزىڭىزنىڭ خوجايىنى بولۇشنى ئۆگىنىۋېلىڭ. 92. يەككە - يىگانىلىق ۋە ئەلنىڭ نەزەرىدىن چۈشۈپ قېلىش ـــــ ئەڭ قورقۇنچلۇق نامراتلىقتۇر. 93. ئىلگىرى ئېرىشكەنلىرىڭىزنى ئۇنۇتماڭ. ھازىر ئىلكىڭىزدە بولغانلىرىنى قەدىرلەڭ. ئۆزىڭىزگە تەۋە بولغانلىرىدىن ۋاز كەچمەڭ. ئېرىشمەكچى بولغانلىرىڭىز ئۈچۈن بار كۈچىڭىز بىلەن تىرىشىڭ. قولدىن بېرىپ قويغانلىرىڭىزنى ئەسلىمە ئورنىدا كۆرۈڭ. 94. ھېسسىيات ئەقىلنى ئەمەس، ئەقىل ھېسسىياتنى باشقۇرۇشى كېرەك. 95. بىز خۇدا ئەمەس، پۈتكۈل دۇنيانى ئۆزگەرتەلمەيمىز. ئەمما ئۆزىمىزنىڭ مەۋجۇد بولغانلىقىدىن بۇ دۇنيانى تېخىمۇ رەڭدارلىققا ئىگە قىلالايمىز. 96. ئوقۇش، خىزمەت، نىكاھ،، ئائىلە ــــ ھاياتنىڭ تۆت چوڭ مەزمۇنى، ھەممىسىگە تەڭ ئېتىبار بېرىش كېرەك. قايسى بىرسىگىلا كۈچەپ، قالغانلىرىنى تاشلاپ قويۇشقا بولمايدۇ. 97. ئەگەر بىز ھاياتىمىزنىڭ ئەڭ ئاخىرقى نۇقتىسىدا تۇرۇپ، كەينىمىزگە قارايدىغان بولساق، بىزنىڭ ئۇرۇق - تۇغقان، دوست - بۇرادەرلەر بىلەن بىرگە بولغان ۋاقتىمىزنىڭ ئىنتايىن چەكلىك ئىكەنلىكىنى بايقايمىز. بۇنى بىلىپ تۇرۇپ بىز يەنە ئۆزئارا ئازارلىشامدۇق؟ 98. دۇنيادا گۈزەللىك كەم ئەمەس، كەم بولغىنى گۈزەللىكنى بايقايدىغان بىر جۈپ نۇرلۇق كۆز. 99. باشقىلار مېنى ھۆرمەتلىسۇن دېسىڭىز، ئالدى بىلەن ئۆزىڭىز باشقىلارنىڭ ھۆرمىتىگە لايىق ئادەم بولۇڭ. 100. تىرىشچانلىق كۆرسەتتىڭىز، ئەمما چوقۇم غەلىبە قازىنالىشىڭىز ناتايىن، بىراق ئەگەر ۋاز كەچسىڭىز چوقۇم مەغلۇب بولىسىز. 101. نىكاھ بىر جۈپ ئۆتۈك. پۇتنى قىستىغان ياكى قىستىمىغانلىقىنى پەقەت كىيگەن ئادەم بىلىدۇ. 102. نىكاھ - ئائىلە تۇرمۇشىدا، ھەر ۋاقىت قارشى تەرەپنى ئۆزگەرتىشكە ئورۇنغاندىن كەڭ قورساقلىق بىلەن ئۆزىنى ئۆزگەرتىپ قارشى تەرەپكە ماسلىشىش ئەڭ ئاقىلانىلىقتۇر. 103. ھەممە ئىشنى ياخشى تەرەپكە تارتىپ ئويلاڭ، ئىش بەلكىم سىز ئويلىغاندەك ئۇنداق ئوسال بولماسلىقى مۇمكىن. 104. سىزنىڭ توغرا بولغاندىن كېيىن ئاچچىقلىنىشنىڭ ھاجىتى يوق، سىزنىڭ خاتا بولغان ئەھۋال ئاستىدا ئاچچىقلىنىشقا تېخىمۇ ھەققىڭىز يوق. ئۇنداقتا يەنە نېمىشقا ئاچچىقىڭىزنى بېسىۋالالمايسىز؟ 105. باشقىلارغا كەڭ قورساقلىق قىلغانلىق ئەمەلىيەتتە ئۆزىنى ئاسرىغانلىق. 106. تاللاش خۇشاللىق ئىش، چۈنكى تاللاش ئارقىلىق سىز ئۆزىڭىزگە ئەڭ ماس كېلىدىغىنىغا ئېرىشەلەيسىز، شۇنداقلا تاللاش يەنە ئازابلىق ئىش، چۈنكى تاللاش جەريانىدا ئۆزىڭىز تاللىغانلىرىدىن باشقىلىرىدىن ۋاز كېچىشكە توغرا كېلىدۇ. 107. ئامال بار ئۆزىڭىز ياخشى كۆرگەننى تاللاڭ، شۇنداقلا تاللاپ بولغان ئىكەنسىز، چوقۇم ئۆزىڭىز تاللىغىنىڭىزنى ياخشى كۆرۈڭ. 108. بىز ئۆزىمىز تۇرغان مۇھىتنى ئۆزگەرتەلمەسلىكىمىز مۇمكىن، ئەمما بىز ئۆزىمىزنىڭ ئاشۇ ناچار مۇھىتقا بولغان قارىشىمىزنى ئۆزگەرتەلەيمىز. 109. ئەڭ ئاز پۇشايمان بىلەن ئۆتمۈشىڭىزگە يۈزلىنىڭ. ئەڭ ئاز ئىسراپخورلۇق بىلەن بۈگۈنىڭىزگە يۈزلىنىڭ. ئەڭ كۆپ ئارزۇ - ئۈمىدلەر بىلەن كەلگۈسىڭىزگە يۈزلىنىڭ.         110. ياخشى كىشىلىك مۇناسىۋەتنى ساقلاش كېرەك. 111. مىننەتخۇرلۇقنى تاشلاپ، مىننەتدار بولۇشنى ئۈگىنىۋىلىش، كەڭ قورساق بولۇش ياخشى پەزىلەتنى يىتىلدۇرگەنلىكنىڭ ئىپادىسى.

bugaltir

	ئاياللارنىڭ بەختكە ئېرىشىشتىكى 10 سىر 1-رۇخسار ۋاقىتلىق،ئەقىل مەڭگۈلۈك دادام مېنىڭ چىراي -تۇرۇقۇم ئۈچۈن ھەسىرەت چېكىۋاتقانلىقىمنى كۆرۈپ:<<قىزىم،رۇخسار ۋاقىتلىق،ئەقىل مەڭگۈلۈك>>دەپ نەسىھەت قىلغانىدى.ئۇ ماڭا ئادەم ئۈچۈن زېرەك كاللا،كۈچلۈك قىزىقىش ۋە بىلىمگە ئىنتىلىش روھىنىڭ ھەممىدىن  زوربايلىق ئىكەنلىكىنى ئېسىمدە تۇتۇشنى دائىم ئەسكەرتەتتى.شۇڭلاشقىمىكىن،مەن باشقىلارنىڭ مېنى دۆت دېيىشىنى ئەڭ زور خورلۇق دەپ قارايتتىم. دېمىسىمۇ شۇنداققۇ؟ ھەر قانچە ياخشى مودىلمۇ ھامان بىر كۈنى <<سابىق مودىل>>بولۇپ قالىدۇ.ھالبۇكى، سىزدىكى ئەقىل -پاراسەت،غەيرەت،ىاسلىق يوقالمىسىلا سىز مەڭگۈ <<سابىق پالانى>>ياكى <<ئىلگىرىكى پوكۇنى>>گە ئايلىنىپ قالمايسىز.تاشقى سۈپەتلەر مەڭگۈلۈك بولمايدۇ.شۇڭا سىز ئۆزىڭىزنى تولۇقلىشىڭىز،ئۆزىڭىزنى مۈكەممەللەشتۈرىشىڭىز،ئىچكى جەزىبىدارلىقىڭىزنى ئاشۇرۇپ تۇرۇشىڭىز كېرەك. 2-ئۆزىڭىزنى نىقاپلىماڭ نامايەن قىلغۇدەك ئقتىدارىڭىز بولسىلا ھەرگىز يوشۇرماڭ، ئۇنى يۈرەكلىك جارى قىلدۇرۇڭ.پەرۋاز  قىلىشقا قۇرۇبىڭىز يەتسە ھەرگىز ئۆمىلەپ ماڭماڭ.باشقىلارنىڭ سىزنى نېمە دېيىشى بىلەن كارىڭىز بولمىسۇن.ئۇلار  سىزنى مەنمەنچى دىسىمۇ ،ئەركەكزەدەك ەېسىمۇ مەيلى، ئۇنداق گەپلەرگە كۈلۈپلا قويۇڭ.بىز ئاياللار ئەرلەرنىڭ ئالدىدا نىقاپلىنىۋېلىپ ھەمىشە ئۆزىمىزنى چۈشەپ قويىمىز. ياسالمىلىق قىلماڭ،مايمۇن ئويۇنى ئوينىماڭ،ئۆزىڭىزنى ئالدىماڭ.ئەگەر بىرسى سىزگە ھەقىقى قىزىقمىسا، بۇ  ئۇنىڭ سىز ئىزدىمەكچى بولغان ئادەم ئەمەسلىكىنى چۈشەندۈرىدۇ. سىز يۇمۇرۇستىك، مەسئۇليەتچان، باشقىلارنى چۈشىنىدىۈان، ھېسىياتقا باي، چوڭقۇر بىلىملىك ئەرلەرنى ئۆزىڭىزنىڭ تاللاش نىشانى قىلىڭ. ئاندىن ئاشۇ خىلدىكى ئەرلەرگە يېقىنلىشىڭ ۋە ئۇلارنىڭ ھۆرمىتىگە ئېرىشىڭ. 3-بەختنى جىنىسقا باغلىۋالماڭ جىنىسى لاتاپەت ئاياللارغا ھەرگىزمۇ ئۈستۈنلۈك ئېلىپ كېلەلمەيدۇ.ھالبۇكى نۇرغۇن ئاياللار ئۆزىنى بۇ جەھەتتە ئەرلەردىن ئۈستۈن تۇرىمىز دەپ قارايدۇ.بۇ نېمە ئۈچۈن؟چۈنكى بىز ئەرلەرگە ئۆز ئۆيىمىزدە بېرىشكە تېگەشلىك نەرسىلەرنى بەرسەكلا باشقا ئىشلارنى ھەل قىلىپ كەتكىلى بولىدۇ دەپ قارايمىز.ئاچا-سىڭىللار، شۇنى ئېسىڭلاردا تۇتۇڭلار سىلەرنىڭ بەدىنىڭلار  سىلەرنىڭ مۇقەددەس قەسىرىڭلار،ئۇ پەقەت ئۆزۈڭلارگىلا مەنسۈپ. بۇ مۇقەددەس جايغا بىرسىنى باشلاپ كىرىش ئۈچۈن يېتەرلىك سەۋەپ بولۇشى كېرەك.ھەرگىزمۇ شېكەر شەنبىدىكى ئاددى ئۇچۇرشىش ئۈچۈنلا ياكى بىر قېتىملىق جەڭگى-جىدەلدىن ساقلىنىش ئۈچۈنلا يېنىكلىك قىلماسلىقىمىز كېرەك. جىنىسى لاتاپەت ئارقىلىقلا بىر ئەرگە ئېرىشىش سىزگە ھېچنىمە بېرەلمەيدۇ، شۇنداقلا سىزنى ھەقىقى تۈردە قانائەتلەندۈرەلمەيدۇ خالاس. 4-ئۆزىنى ئالداش بەختنى رەت قىلغان بىلەن باراۋەر ئاياللار ئۆزىنى ئالداش ماھىرى.ئالداش دەپ نېمىنى دەيمىز؟يۈرگۈنىڭىز سىزدىن پۇل قەرز ئېلىپ سىزگە تويلۇق ئۈزۈك ئېلىپ بەرمەكچى بولسا ، ئۇنىڭغا پۇل بېرىسىز؛سىزنىڭ خوتۇن باللىرى بار دوستىڭىز سىزگە:<<مەن ئايالىم بىلەن بىللە بولمىغىلى سەككىز يىل بولدى>>دېسە ، گەرچە ئۇنىڭ ئىككى ياشتىن ئاشقان بالىسى تۇرسىمۇ ،سىز شۇ گەپكە ئىشىنىسىز؛سىز ياخشى كۆرىدىغان ئەر سىزگە بالىلىق بولغۇم يوق دېسىمۇ ، سىز ئۇنىڭ بىلەن توي قىلىسىز، چۈنكى سىز ئۇنى قارارىنى ھامىنى ئۆزگەرتىدۇ، دەپ ئويلايسىز .ئۆزىنى ئالداش بىر خىل خەتەرلىك كېسەل.ئەمەلىيەتتە ككپ ساندىكى ئاياللار ئەرلەرنىڭ دىگەن گەپلىرى ،قىلغان ئىشلىرىنى كۆڭلىدە ئېنىق بىلىپ تۇرىدۇ-يۇ، بىراق ئىتىراپ قىلىشنى خالىمايدۇ خالاس.ھالبۇكى ، ھامان بىر كۈنى ئۇ پەردە يىرتىلىپ، ھەممە ئىش ئايدىڭ ئايدىڭ بولىدۇ. ئۇ ۋاقىتتا سىز قىيامەت قايىم بولغاندەك ھېس قىلىسىز، رىئالىقنى قوبۇل قىلالماي قالىسىز. ئەگەر سىز بىر كۈنى سەھەردە ئويغۇنۇپ ئۆزىڭىزدىن:<<قارغۇ بولۇپ قالدىممۇ قانداق؟>>دەپ سوراپ باقسىڭىز ، مېنىڭ دىگەنلىرىمنى تەبىئىيلا چۈشۈنەلەيسىز. ئاياللار دائىم مۇشۇنداق قارىماققا چىدىغىلى بولمايدىغان شارائىتتا ياشاۋېرىدۇ.بۇنىڭدىكى ئاساسىي سەۋەپ ئۇلار يالغۇزلۇقتىن قورقىدۇ. نۇرغۇن ئاياللار مەيلى ئەسكى ۋە ياكى ياخشى بولسۇن ، يېنىدا بىر ئەرنىڭ بولۇشى بولمىغاندىن ياخشى دەپ قارايدۇ.<<تۈتۈننىڭ ئاچىقىنى مۇرا بىلىدۇ>>دىگەن گەپ بار . بېشىغا ئىش كەلمىگەن ئادەمگە بۇلارنى سۆز بىلەن چۈشەندۈرۈش ئىنتايىن قىيىن.ئەگەر سىز ئۆزىڭىزنىڭ ئېھتىياجى ۋە ئارزۇسىدىن ئالدىراپ-تىنەپ ۋاز كەچسىڭىز، ئۇنى ھېس قىلغان ۋاقىتتا ئاللىقاچان كېچىككەن بولىسىز. 5- ھەر ئىشنىڭ يولى، پىچاقنىڭ سېپى بولىدۇ. ئەگەر خىزمەتتە مۇۋاپىقيەتكە ئېرىشمەكچى بولسىڭىز، شۇ ئىشنىڭ ئېپىنى بىلۋالسىڭىز خىز،ەتنى ھەتتا ئەرلەردىنمۇ ئۆتە ياخشى قىلالايسىز. زېرەك بولۇڭ، ئىدىراكىڭىزنى، ئاياللارغا خاس تۇغما سەزگۈرلىقىڭىزنى ۋە ئىقتىدارىڭىزنى ياخشى ئىشلىتىڭ. خۇددى بۇلۇت سۇ سۈمۈرگەندەك، بارىلىق ئۇچۇرلارنى سۈمۈرۈۋېلىڭ، قىلىۋاتقان خىزمىتىڭىزنىڭ ھەر قايسى تەرەپلىرىنى ياخشى چۈشۈنىڭ. بۇ باسقۇچتىكى پىلاننى غەلبىلىك ئورۇنداپ بولسىڭىز، كېيىنكى قەدەمگە تۇتۇش قىلىڭ، باشلىقىڭىزغا ئۆزىڭىزنىڭ تېخىمۇ مۇھىم ۋەزىپىلەرنى ئۈستىڭىزگە ئالالايدىغانلىقىڭىزنى ھەتتا كەسىپى ئىشلاردا ئۆزىڭىزنىڭ كەم بولسا بولمايدىغان ئادەملىكىڭىزنى بىلدۈرۈپ قويۇڭ. چوقۇم ئۆزىڭىزگە ئىشىنىڭ، تەشەببۇسكار بولۇڭ،  بىراق ئىش بىجىرگەندە زېرەك بولۇڭ، ئەركىن-ئازادە بولسىڭىز بولىدۇ، بىراق خىزمەتكە كەلگەندە دىققىتىڭىزنى يىغىشىڭىز، ھەرگىز بىخۇتلۇق قىلماسلىقىڭىز كېرەك. 6-ئۆزگىدىن ساخاۋەت كۈتمەڭ. ئېسىڭىزدە بولسۇن، بىز ئاياللار چوڭقۇر يىلتىز تارتقان باراقسان دەرەخكە ئوىشايمىز.دەرەخ پەرۋىشكە مۇھتاج، پەرۋىش بولغاندىلا ھەر قانداق كۆچەتمۇ چوڭ دەرەخ بولالايدۇ. ئۇنداقتا ئاياللارنى زادى كىم پەرۋىش قىلىپ ئاسىراۋاتىدۇ؟كىم قوغداۋاتىدۇ؟سىز ئۆزىڭىزگە:<<مەن چوقۇم ئۆزۈمنى ئۆزۈم كۈتۈشۈم كېرەك>>دېيىشىڭىز كېرەك. ئەگەر باشقىلار سىزگە كۆڭۈل بۆلسە، ئۇنى تەلىيىم ياكى باشقىلار ماڭا ياردەم بېرىۋېتىپتۇ، دەڭ. بىراق بۇنداق ياخشى ئىشنىڭ دائىم بولۇشىدىن ئۈمىد كۈتمەڭ. يىلتىزىڭىزنى ئاسىراشقا ئۆزىڭىز مەسئۇل بولسىڭىز، سىز مەزمۇت چوڭىيالايسىز. پەقەت شۇندىلا، سىزنىڭ تەقدىرىڭىز باشقىلارنىڭ(ئەرلەرنىڭ)چاڭگىلىغا چۈشۈپ قالمايدۇ. 7-بۇقىغا ئۇسۇل ئويناشنى ئۈگىتىمەن دىيىش سېپى ئۆزىدىن خام خىيال. يىگىتىڭىزنى ئۆزگەرتىشكە ئۇرۇنىشىڭىز ئۆمرۈڭىزنى زايە قىلغانلىق، چۈنكى ئۇ ئۆزگەرمەيدۇ،ئۆزگىرىشنىمۇ خالىمايدۇ.تۇرمۇشتا ئورتاقلىقنى قەدىرلەپ، خاسلىققىمۇ ھۆرمەت قىلىش كېرەك. قارشى تەرەپنى ئۆزگەرتىشنى ئەڭ ياخشىسى ئويلىمىغان تۈزۈك. ئەر كىشىنى ئۆزگەرتىشكە ئۇرۇنۇش بۇقىغا ئۇسۇل ئويناشنى ئۈەۈتۈشتىنمۇ قىيىن. مەسئۇليەت ۋە مەجبۇرىيەت جەھەتتە ئەر-ئايالنىڭ 100% باراۋەر بولۇشى مۈمكىن .ئەمەس. ھەر ئىككى تەرەپ مۇناسىۋېتىدىكى گۈزەل نەرسىلەرنى كۆپرەك كۆرۈشى كېرەك. تەلىيىڭىز بولسا ھەمراھىڭىز دائىم سىزگە كۈلۈپ تۇرىدۇ. ئۇ سوغۇق كېچىلەردە بەدىنىڭىزنى ئىسسىتىپ قويسا، سىزگە كۆڭۈل بۆلسە، سىزمۇ ئۇنىڭغا كۆڭۈل بكلسىڭىز؛ئۇ  سىزەە ئىشەنسە، سىزمۇ ئۇنىڭغا ئىشەنسىڭىز، ئۆزىڭىزنى ئىنتايىن تەلەيلىك ھېس قىلسىڭىز بولڭدۇ. ئېسىڭىزدە بولسۇن، مۇھاببەت ۋە نىكاھدا ئەر بىلەن ئايال مەسئۇليەتنى چوقۇم 50% !50% بويىچە ئۈستىگە  ئېلىش كېرەك،دەپ قاراش ئۇچچىغا چىققان ئەخمەقلىق. ئەگەر شۇنداق قەلىمەن دەپ تۇرۇۋالسىڭىز، زىياننى چوقۇم ئۆزىڭىز تارتىسىز. 8-تىللىسام تۈزىلەر دەپ خام خىيال قىلماڭ. ئاتا-ئانىنىڭ مۇھىم مەسئۇلىيىتىنىڭ بىرى بالىلىرىغا ھەر خىل پائاليەتلەردە ئۆزىنى كۆرسىتىش پۇرسىتى يارىتىپ بېرىشكە كاپالاتلىك قەلەش. مەسىلەن، باشقا بالىلار بىلەن قانداق ئويناشنى ئۆگىنېۋېلىش؛كىتاپ ئوقۇشنى، ساناق ساناشنى، رەڭ بېرىشنى، خەت يېزىشنى ھەمدە خۇشاللىقتىن تەڭ بەھرەمەن بولۇش  ۋە مەسئۇليەتنى تەڭ ئۈستىگە ئېلىشنى ئۆگىنېۋېلىش قاتارلىقلار. ئۆزىڭىزنىڭ بالا چېغىڭىزدا نېمىگە ماھىر، نېمىگە ماھىر ئەمەسلىكىڭىزنى ئېسىڭىزگە ئالالامسىز؟سىز سىناپ بېقىڭ، بالىڭىز قايسى تۈرلەرگە ماھىر ھەم قايسى تەرەپلەردىكى قابىليىتىنى يېتىلدۈردى؟بالىڭىزنىڭ كەمچىلىكىگە نىسبەتەن يېتەرلىك دەرىجىدە كۆيۈمچان، سەۋرچان ۋە ئەپۇچان پوزىتسىيىدە بولىشىڭىز كېرەك. ئائىلە باشلىقلىرىنىڭ خاپا بولۇش، ئاچچىقلىنىش ياكى زېرىكىش قاتارلىق كەيپىياتتا بولۇشى بالىلارغا ئىنتايىن قاتتىق زەربە بولىدۇ. كۆپ ۋاقتتا ئۇلار بەرداشلىق بېرەلمەي ھەر قانداق ئىشتىن تېخىمۇ رايى يېنىپ كېتىدۇ ياكى سىز بىلەن سوزلىشىشنى خالىمايدىغان بولۇپ قالىدۇ. ئەگەر بالىڭىزنى دائىم ئەخمەق، دۆت دەپ تىللاۋەرسىڭىز، بالىڭىزنىڭ ئىپادىسىنىڭ ياخشى بولۇشىدىن ئۈمىد كۈتكۈلى بولامدۇ؟ 9-باغلاقلىق ئىت ئوۋغا يارىمايدۇ. بالا تەربىيىلەش، ئۇلارنىڭ كۈندىن -كۈنگە چوڭ بولۇۋاتقانلىقىنى ،ئۆگىنىۋاتقانلىقىنى كۆرۈش ھەقىقەتەن ئادەمنى  خۇشال قىلىدىغان ۋە قانائەتلەندۈرىدىغان ئىش. ئەمما بالا تەربىيىلەش شۇنچىمۇ ئاسان ئىش ئەمەس.ئەگەر قۇشنى  پەرۋاز قىلسۇن دىسىڭىز، قەپەستىن بوشىتىۋېتىڭ؛ئاتنى ئەركىن چاپسۇن دېسىڭىز، ئۇنى باغلاقتىن يېشىۋېتىڭ؛ ئەگەر بالىڭىزنىڭ كەلگۈسىنىڭ پارلاق بولۇشىنى خالىسىڭىز، ئۇنى ئۆز ئەركىگە قويۇۋېتىڭ، ئەكىن تەرەققى قىلسۇن. شۇنداق قىلسىڭىز ئۆزىڭىزنىمۇ ئازاد قىلىپ، تۇرمۇشنىڭ پەيزىنى سۈرگۈدەك ۋاقىت ۋە زېھىن ئاجرىتالايسىز. 10-ھەر كىم ئۆز تەقدىرىنىڭ ياراتقۇچىسى ھايات مۇساپىڭىزدە بىرلا ھېكايە سۆزلەنگەن بولىدۇ، بۇ ھېكايىنىڭ باش قەھىرمانى دەل ئۆزىڭىز. مەيلى سىز يالغۇز بولۇڭ ياكى ئۆيلۈك-ئوچاقلىق بولغان بولۇڭ، بالىڭىز بار ياكى يوق بولسۇن مەيلى چىرايلىق بولۇڭ ياكى سەت بولۇڭ، بۇ ھېكايە پەقەت سىزنى مەركەز قىلىدۇ، ھېكايىنىڭ خاتىمىسى قانداق بولىدۇ، بۇ پۈتۈنلەي ئۆزىڭىزگە باغلىق. شۇنىڭ ئۈچۈن، بىرەر باتۇر ئەزىمەتنىڭ غايىپتىن كېلىپ سىزنى قۇتۇلدۇرۇشنى ساقلاپ تۇرماي، ئۆزىڭىزنى ئۆزىڭىز قۇتۇلدۇرۇڭ. بەختنىڭ ئاسماندىن چۈشۈشىنى، ئالدىڭىزغا ئاق ئاتلىق شاھزادىنىڭ پەيدا بولۇشىنى كۈتۈپ تۇرماي، ئۆزىڭىز تىرىشىپ ياراتقان كارامەت نەتىجىلىرىڭىزدىن پەخىرلىنىڭ. https://uyghur-archive.com/misranim/thread-98989-1-1.html

bugaltir

	ئەقىللىق خوتۇن ۋە ئەقىلسىز خوتۇن ئەقىللىق خوتۇن ياستۇق بېشىدا ئېرىنىڭ خاتالىقىنى قاتتىق ئەيىپلىگەن تەقدىردىمۇ ، ئاممىۋى سورۇنلاردا ھەمىشە ئېرىنىڭ ئارتۇقچىلىقىنى ماختايدۇ . ئەقىلسىز خوتۇن ياستۇق بېشىدا ئېرىدىن ناھايىتى مەمنۇن بولسىمۇ ، ھەمىشە ئاممىۋى سورۇنلاردا ئېرنىڭ كەمچىلىكىنى ئاشكارىلايدۇ  . ئەقىللىق خوتۇن ھەمىشە ئرتۇقچىلىقىنى باشقا ئەرلەر بىلەن شېلىشتۇرۇدۇ ، سېلىشتۇرغانسېرى خوشال بولۇدۇ ، سېلىشتۇرانسېرى ئۆزىنى بەخىتلىك ھىس قىلىدۇ ، سېلىشتۇرغانسېرى ئېرىنى ياخشى كۆرىدۇ . ئەقىلسىز خوتۇن ھەمىشە ئېرىنىڭ كەمچىلىكىنى باشقا ئەرلەر بىلەن سېلىشتۇرۇدۇ ، سېلىشتۇرغانسېرى ئۈمۈتسىزلىنىدۇ ، سېلىشتۇرغانسېرى زىرىكىدۇ ، سېرلىشتۇرغانسېرى ئېرىنى كۆزگە ئىلمايدۇ  . ئەقىىلق خوتۇن ئېرىنىڭ كەسپىنى ئۆزۈمنىڭ كەسپى ، دەپ قاراپ ، كۆپ ياردەم بىرىدۇ . ئۇ تاغ - دەريالاردا بىر - بىرىگە يۆلەنچۈك بولۇدۇ ، تاغ قانچە ئىگىز بولسا ، سۇمۇ شۇنچە كۆپ بولۇدۇ ، دەپ ئويلايدۇ . ئەقىلسىز خوتۇن ئېرىنىڭ كەسپىگە قىزىقمايدي ۋە قوللىمايدۇ . ئۇ تاغ قانچە ئىگىز بولسا ، سۇنىڭمۇ سۇنىڭمۇ شۇنچىلىك كۆپ بولۇشىنى تەلەپ قىلىدۇ . مەنبە  : ‹‹ بەخىتلىك ئائىلە قۇرۇش يولى ›› ناملىق كىتاب 126 - بەت  .

akku公主

	ياخشى يىزىلغان تىمكەن تىخمۇ تىرشىڭ

bugaltir

	ئەرگە تەگمەك ئاسان ئۇنى تۇتۇپ تۇرماق  تولىمۇ تەس مىھرى- مۇھاببەت گۈلگە ئوخشايدۇ، سىز پەرۋىش قىلسىڭىز ئۆسۈپ بارىدۇ، پەرۋىش قىلمىسىڭىز قۇرۇپ كىتىدۇ. ياشلار توي قىلغىچە ئىنتىلىدۇ، مۇھاببەت گۈلىنى پەرۋىش قىلىدۇ، شىرىن ئارزۇ ئىستەكلەرگە چۆمىدۇ، غايىۋىي رۇمانتىكلىق دەرياسىغا غەرق بولىدۇ، ئەمىلىيەتتىن چەتنەپ كىتىدۇ، توي قىلغاندىن كىيىن مۇرادىمغا يەتتىم دەپلا ئويلاپ ئارىدىكى مىھرى مۇھاببەتنى پەرۋىش قىلىشنى ئۇنتۇپ قالىدۇ، شۇنىڭ بىلەن رەھىمسىز رىياللىققا، رىياللىقتىكى ئەمىلىي تىمىلارغا يىنىپ كىلىدۇ دە، ھەر ئىككەيلەن بىر -بىرىدىن نارازى بولىدۇ، مۇھاببەت گۈلى سولىشىدۇ. توي قىلماق تولىمۇ ئاسان، (ئەلۋەتتە كۆڭۈلدىكى لايىق بولسىلا) سىز مىنىڭ بەختىم كەلدى دەپ ئويلىغان ئادەم ئۆيىڭىزنىڭ سۇغاق كىرىدىغان يۇچۇقلىرىنى ئىتىشكە تىرىشماي نىمىشكە يۇچۇقنى چوڭايتىۋىتىسىز؟ كۆڭۈل كۆڭۈلدىن سۇ ئىچىدۇ، كۆڭلى سىزدىن ئۆسمىگەن يولدىشىڭىز  تالادىن سۇ ئىزلىمەي، يىنىڭىزدا قاغجىراپ ئولتۇرامدۇ؟ ئەشۇ بىركۈن سىزنىڭ ئائىلىڭىز ۋە تۇرمۇشىڭىزغا قانچىلىك قورقۇنۇچلارنى ئىلىپ كىلەر مەن دىمىسەممۇ ئەلۋەتتە چۈشىنىسىز، ئۇنداقتا سىز تۇرمۇشىڭىزنى قانداق قىلىپ تۇتۇپ تۇرۇشنى  ئويلاشتىڭىزمۇ؟ 1. ئائىلىڭىزنى رەتلىك پاكىز، مەدىنىي بىزەڭ. 2. مىڭىش- تۇرۇش كىيىنىشىڭىزگە ئېتىۋار بىرىڭ، ئاددى بولسىمۇ رەتلىك ياراشتۇرۇپ ماسلاشتۇرۇپ مەدىنىي كىيىڭ. 3. تاماقنى ۋاختىدا ئىتىپ يولدىشىڭىزنى ساقلاپ تۇرۇڭ، يولدىشىڭىز ئۆيگە كىرىپلا  ئائىلىنىڭ پاكىز، سىزنىڭ رەتلىك، تامىغىنىڭ تەييارلىغىدىن دىلى سۆيىنىپ، سىزنىڭ كۈلكە يىغىپ تۇرغان چىھرىڭىزگە قاراپ، خۇددى باغچىغا كىلىپ قالغاندەك يىنىكلەپ، مۈرىسىنى بىسىپ تۇرغان تۈرلۈك تۈمەن بىسىملارنى تاشلىۋەتسۇن. 4.ۈيولدىشىڭىزنى ھۆرمەتلەڭ، بولۇپمۇ ئۇرۇق تۇققان، خولۇم- خوشنا، دۇست- يارەنلىرى ئالدىدا تولىمۇ ھۆرمەتلەڭ. 5. بىشەم بولماستىن كەڭ قوساق، ئەپۇچان ، ئىغىر بىسىق بولۇڭ. يەنى يولدىشىڭىزنىڭ ياخشى دۇستى،كۆيۇمچان"ئانىسى" ۋاپادار يارى ، ياخشى مەسلىھەتچىسى بولۇڭ ،يولدىشىڭىز سىزگە قەلبىدىكى ھەممە گىپىنى دىيەلەيدىغان بولسۇن. 6.يولدىشىڭىزنىڭ ئاتا-ئانا ۋە قىرىنداشلىرىنى ھاقارەتلىمەڭ، كۇنىلار ياخشى گەپ ئىستقۇ،يان گەپ سويۇتقۇ دەپ تۇغرا ئىيىتقان. 7. يولدىشىڭىز ھىرىپ ئاچقاندا، ئۇيقىسى كەلگەندە جىلى بولغاندا سۇكۇتنى ساقلاڭ. 8. ئەركىشى ھامان ئەر كىشى. جاۋاپ ياندۇرۇپ تەڭ بولماڭ. 9.يولدىشىڭىزنى باشقىلارغا سىلىشتۇرماڭ، غورۇرىنى چۇشۇرمەڭ. 10. ئىقتىساتنى مەسلىھەت بىلەن باشقۇرۇپ،ئىقتىسادىي بىسىمنى ئاۋۇتماڭ. 11. ئورۇنسىز كۇنلەپ ئوزىڭىز ۋە مىھرى مۇھاببىتىڭىزگە بولغان ئىشەنچنى يوقىتىپ قويماڭ. 12.ئارىدىكى ئىشەنچنى كۇچەيتىپ، چىقىمچى، سۇخەنچىلەرگە ئارىدىن ئۇرۇن بەرمەڭ. 13.كۇلۇشنىمۇ بىلىڭ، كۇلكە ئاتا قىلىشنىمۇ بىلىك. كۇلكىنىڭ پەيزىنى سۇرۇشنىمۇ بىلىڭ، مانا بۇ ھەقىقى بەخت. 14. ۋاپادار،كۆيۇمچان، مىھرى شەپقەتلىك، تىرىشچان، غورۇرلۇق بولۇڭ. 15.ھەممە جەھەتتە مۇكەممەل يولدىشىڭىز سىزدىن پەخىرلەنگىدەك بولۇڭ. 16. يولدىشىڭىز باشقىلارغا قىزىقسا، سىز ئۇنىڭغا خاپا بولماي باشقىلارنىڭ سىزنى بىسىپ چۇشكىدەك ئارتۇقچىلىغىنى ئۇگىنىڭ. 17.سىز يولدىشىڭىزنىڭ قانۇنلۇق ئايالى بولغاندىن كىيىن، ئەتىدىن كەچكىچە سۆزلەپ تاپا-تەنە بىلەن قاۋاۋەرمەي، مەيلى قانداقلا ئۇسۇل  بولسۇن تارتىنماي كۆڭلىنى ئۇتۇشقا تىرىشىڭ، سىزنى ھىچكىم زاڭلىق قىلمايدۇ. يولدىشىڭىزنىڭ قەدىرلىشىگە ئىرشەلمىسىڭىز كىم سىزنى قەدىرلەيدۇ.بارغانلا يىرىڭىزدە بىر ئەرنىڭ نىنى تۇتۇپ يەممىگەن قانداق قىزبالا ئۇ دىگەن سۆزلەرنى ئاڭلاۋاتقانسىز، ھازىرقى  قىيىن ئانىلارنىڭمۇ بۇرۇنقىدەك ياۋاش يۇمشاق دەپ كىلىن تاللىماستىن، جەمىيەت بۇزلۇپ كەتتى، ئۇغلۇمنىڭ كۆڭلىنى ئالالىغىدەك بولمىسا بولمايدۇ دىگىنىنىمۇ ئاڭلىمىدىڭىزمۇ؟ ياكى چوڭلۇق قىلىپ ئەردىن چىقىپ ئەرگە تىگىشنى  شەرەپ دەپ قالدىڭىزمۇ؟سىز يەنە قايتا توي قىلسىڭىز توغرا سىزنى ئەر ئالىدۇ، بىراق مەڭگۇ قارا كىگىز بولماستىن كىر كۆتەرمەيدىغان ئاق كىگىز بولۇپ ياشايسىز، قايسىنى تاللىغۇڭىز بار؟ سىز يۇقارقىلارنى قىلالىسىڭىزلا يولدىشىڭىز سىزنى بىشىدا كۆتىرىدۇ، سىزنىڭ مىنى تاشلاپ كىتەرمۇ دەپ ئەنسىرشىڭىز ئورۇنسىز، يولشىڭىزنى مىنى تاشلاپ كەتسە قانداق قىلارمەن دىگەن ھالغا چۈشۈرۈپ قويىسىز. قىزچاق توي قىلشتىن بۇرۇن بۇلارغا نىسبەتەن كاللىڭىزدا سان بولسۇن، ھىچ بولمىغاندا  ئەرگە تەگمەكنىڭ  ئاسان ئۇنى تۇتۇپ تۇرماق  تولىمۇ تەسلىگىنىنى بىلسىڭىزلا بولدى. https://uyghur-archive.com/misranim/thread-101363-1-1.html

bugaltir

	ئانا مۇھەببىتى ھەممىدىن ئۇلۇغ    ئانا مۇھەببىتى ھەممىدىن ئۇلۇغ، چۈنكى بۇ خىل مۇھەببەتنىڭ ئورنىنى ھېچقانداق نەرسە باسالمايدۇ. ئانا مۇھەببىتى ھەممىدىن ئۇلۇغ، چۈنكى بۇ خىل مۇھەببەت تولىمۇ ساپ، ھەقىقىي، شەخسىيەتسىز بولىدۇ. ئانا مۇھەببىتى ھەممىدىن ئۇلۇغ، چۈنكى بۇ خىل مۇھەببەت ناھايىتى پاك، يالقۇنلۇق، نۇرلۇق بولۇپ مەڭگۈ ئۆچمەيدۇ. ئانا مۇھەببىتى ھەممىدىن ئۇلۇغ، چۈنكى بۇ خىل مۇھەببەتكە ئانىلارنىڭ جەسۇرلۇقى، قەيسەرلىكى، چىۋەرلىكى، ئىشچانلىقى، ئاقكۆڭۈللۈكى...مۇجەسسەملەنگەن. ئانا مۇھەببىتى ھەممىدىن ئۇلۇغ، چۈنكى ئانىمىز بىزگە ھاياتلىق ئاتا قىلغان، بىزنى يورۇق دۇنياغا كۆز ئاچقۇزۇپ، يېمىگەننى يېگۈزۈپ، كىيمىگەننى كىيدۈرۈپ ئارزۇلاپ بېقىپ چوڭ قىلغان. ئانا مۇھەببىتى ھەممىدىن ئۇلۇغ، چۈنكى ئانىمىزنىڭ يۈرىكى ھەر ۋاقىت پەرزەنت ئۈچۈن توختاۋسىز سوقىدۇ. ئانا مۇھەببىتى ھەممىدىن ئۇلۇغ، چۈنكى ئانىمىز بىزگە ياشاشنى، ئادەم بولۇشنى ئۆگەتكەن. ئانا مۇھەببىتى ھەممىدىن ئۇلۇغ، چۈنكى بۇ خىل مۇھەببەت ناھايىتى چوڭقۇر دېڭىزدەك، شۇنداقلا ئۆركەشلەۋاتقان دەريادەك مەڭگۈ داۋاملىشىپ تۇرىدۇ. ئانا مۇھەببىتى ھەممىدىن ئۇلۇغ، چۈنكى، بىز ئانىمىزنى پاساھەتلىك سۆزلەر بىلەن داستان قىلىپ مەدھىيەلەپ تەرىپلىسەكمۇ مەڭگۈ تۈگىمەيدۇ.