تۇنجى نۆۋەتلىك ئۇيغۇر PHP ھەۋەسكارلىرى مۇسابىقىسى

uzdil.com

	ئەسسالامۇئەلەيكۇم، ھۆرمەتلىك قېرىنداشلار! كەڭ ئۇيغۇر تورتېخنىكا ساھەسىدىكى ئاتامانلارنىڭ جاپالىق تىرىشىشى ۋە تىنىمسىز ئەجىر سىڭدۈرۈشى نەتىجىسىدە PHP لىق نادىر سېستىمىلار ۋە مۇناسىۋەتلىك فىلىم ۋە PDF لىق دەرسلىكلەر ئۆز ئانا تىلىمىزدا بىز بىلەن يۈز كۆرۈشتى. PHP تېخنىكىسىنىڭ دىيارىمىزدا يەنىمۇ بىر قەدەم تەرەققىي قىلىشىنى ئىلگىرى سۈرۈش ۋە كەڭ PHP ھەۋەسكارلىرىغا ئۆز ئىقتىدارىنى نامايەن قىلىدىغان سەھنە ھازىرلاپ بېرىشنى مەقسەت قىلىپ بىر مەزگىللىك تەييارلىقلاردىن كېيىن ئۇزدىل تورى باشچىلىقىدا «تۇنجى نۆۋەتلىك ئۇيغۇر PHP ھەۋەسكارلىرى مۇسابىقىسى» ئويۇشتۇرۇشنى لايىق تاپتۇق، مۇناسىۋەتلىك ئەھۋاللار تۆۋەندىكىچە، يېقىندىن قوللاپ بېرىشىڭىزلارنى ۋە ئاكتىپ تىزىمغا ئالدۇرۇپ قاتنىشىشىڭىزلارنى قىزغىن قارشى ئالىمىز! «تۇنجى نۆۋەتلىك ئۇيغۇر PHP ھەۋەسكارلىرى مۇسابىقىسى» لايىھەسى (داۋاملىق تولۇقلىنىدۇ...) 1. مۇسابىقە مەزمۇنى ۋە مۇكاپات سوممىسى مۇسابىقە سېستىما گۇرۇپپىسى (A گۇرۇپپا)، ئۇسلۇب گۇرۇپپىسى (B گۇرۇپپا) ۋە ماقالە گۇرۇپپىسى (C گۇرۇپپا) بولۇپ 3 گۇرۇپپا بويىچە ئېلىپ بېرىلىدۇ، ھەمدە ھەربىر گۇرۇپپىغا ئايرىم-ئايرىم مۇكاپات تەسىس قىلىنىدۇ. سېستىما گۇرۇپپىسى (A گۇرۇپپا) PHP+MySQL دا سۆز قالدۇرۇش دەپتىرى تۈزۈش بويىچە مۇسابىقىلىشىدۇ. مۇكاپات سوممىسى 500 يۈەن. ئۇسلۇب گۇرۇپپىسى (B گۇرۇپپا) WordPress بلوگ سېستىمىسىغا ئۇسلۇب تەرجىمە قىلىش(ياكى ياساش)تا مۇسابىقىلىشىدۇ. مۇكاپات سوممىسى 300 يۈەن. ماقالە گۇرۇپپىسى (C گۇرۇپپا) LAMP تېخنىكىسىغا ئالاقىدار ماقالىلەرنى يېزىشتا مۇسابىقىلىشىدۇ. مۇكاپات سوممىسى 100 يۈەن. لايىھە گۇرۇپپىسى: مۇكاپات سوممىسى 100 يۈەن بولۇپ، بۇ قېتىملىق مۇسابىقە ئۈچۈن تۇغ رەسىمى ۋە تەشۋىقات ئېلان رەسىمى لايىھەلەپ بەرگەنلەرگە بېرىلىدۇ. 2. مۇسابىقىگە قاتنىشىش ئۇسۇلى مۇسابىقىگە قاتناشقۇچى ئۆز ئەسىرىنى ئۇزدىل مۇنبىرىنىڭ PHP ھەۋەسكارلىرى مۇسابىقىسى سەھىپىسىگە يوللىسا ياكى باشقا توربېكەت ياكى بلوگلاردا ئېلان قىلسا بولىۋېرىدۇ. لېكىن تۆۋەندىكىدەك ئەسكەرتىش ئۇچۇرى بولۇشى ھەم مۇشۇ تېمىغا ئۇلىنىش قىلىنغان بولۇشى شەرت: تۇنجى نۆۋەتلىك ئۇيغۇر PHP ھەۋەسكارلىرى مۇسابىقىسىگە قاتناشتۇرۇلغان ئەسەر. 3. ئەسەر باھالاش مەخسۇس باھالاش ھەيئىتى ۋە باھالاش ئۆلچىمى بېكىتىلىپ شۇ بويىچە ئىجرا قىلىنىدۇ. 4. پائالىيەت ۋاقىت ئورۇنلاشتۇرۇلۇشى 2013.يىلى 1.ئاينىڭ 5.كۈنىدىن 2013.يىلى 1.ئاينىڭ 31.كۈنىگىچە تەييارلىق خىزمەتلەر ئىشلىنىدۇ. يەنى تەشۋىقات ئېلان رەسىمى لاھىيەلەش، ھەمكارلىق ئورنىتىش، باھالاش ھەيئىتى ۋە باھالاش ئۆلچىمىنى بېكىتىش، تەكلىپ- پىكىر قوبۇل قىلىش قاتارلىقلار. 2.ئاينىڭ 1.كۈنىدىن 4.ئاينىڭ 1.كۈنىگىچە ئەسەر ئېلان قىلىش ۋە تاپشۇرۇش باسقۇچى. 4.ئاينىڭ 1.كۈنىدىن 4.ئاينىڭ 20.كۈنىگىچە ئەسەرلەرنى باھالاش. 4.ئاينىڭ 21.كۈنى نەتىجىنى ئېلان قىلىش ۋە مۇكاپات سوممىسىنى نەقلەشتۈرۈش. ئۇزدىل تورتېخنىكا تورى http://www.uzdil.com يانفون: 15026303509 2013.يىلى 1.ئاينىڭ 4.كۈنى

abdulahad

	قوللايمىز.

yasinawut

	ناھايتى ياخشى ئىش بوپتۇ . كۈچىمىزنىڭ يىتىشچە قوللايمىز ...

nurbolak

	ياخشى ئىشكەن

SORINTO

	قاراپ باقسام مىنىڭ قولۇمدىن ھىچ ئىش كەلمىگۈدەك ، شۇڭا قاراااااپ ئولتۇراي

furkan

	قوللايمەن.

nursoft

	ئەپسۇس  ..   مەن ASP, HTML, JAVA, لاردىن  پايدىلىنىپ ياسىيالايتىم ........

rahmansaykin

	كەچۈرۈڭلار تورداشلار ،تېمىغا مۇناسىۋەتسىز گەپ قىلىپ قويدۇم  . سىلەردە ئۇيغۇرچە 红警  بامۇ ؟  . ماڭا شۇ لازىم بوپقالدى . گەپلىرىنى بەك قىززىق كىرىشتۈرۈپتىكەن . ئوينىغۇم كىپقالدى .  كۆپچىلىك بولسا خاپا بولماي خەۋەر قىلىۋەتسەڭلا .

alpha

	ياخشى ئىش بوپتۇ ، ئاللا خالىسا قاتنىشمەن ..