ئاپتاپ : ئانا تىل يولىدا كىم نىمە قىلدى .....

iltebir

	بۇ تېما ئادەمنى ھەقىقەتەن ئويغا سالىدىكەن.دىمىسمۇ ئانا تىل كۆزگە ئوخشايدۇ. باشقا تىللار كۆزئەينەك،دوربۇن .....دىگەندەك. كۆز ساق بولمىسا يەنىلا بىكار.

abduhelil70

	مېنڭچە ‹‹ئې›› ھەرىپىنى ئۆز ئورنىدا ئىشلەتمەسلىك (قاتتىق ئې   نى دېمەكچىمەن) لاتىن يېزىقىغا كۆنۈپ قالغانلىق بىلەن مۇناسىۋەتسىزمىكىن .ئىملايىمىزنى توغرىلايمەن ،دەيدىكەنمىز  چوقۇم ئۇيغۇر تىلى فۇنىتىكىسىنى ياخشى ئۆگىنىشىمىز ،بولۇپمۇ فۇنىتىكىدىكى ئەڭ مۇھىم قائىدە بولغان ‹‹تاۋۇشلارنىڭ ئاجىزلىشىشى،تاۋۇشلارنىڭ چۈشۈپ قېلىشى ۋە تاۋۇشلارنىڭ قوشۇلۇپ قېلىشى ››....دېگەنگە ئوخشاش مۇھىم قائىدىلەرنى پۇختا ئۆگىنىش كېرەك.شۇنداق قىلغاندىلا پەرزەنتلىرىمىزگە توغرا يېزىش،توغرا ئوقۇشنى ئۆگىتەلەيمىز.

bagu-bostan

	ئانا تىلنى قوغداش ئېڭىمىزنى كۈچەيتىشىمىز كېرەك،بۇنىڭغا سەل قارىساق بولمايدۇ.

uyghardis

	قاچانغۇچە دۆلەت تىلى دەۋىرىمىز،دۆلتىمىزدە دۆلەت تىلى دەپ تىل يوق، ماۋزدۇڭمۇ بەلگىلمىگەن بەزى بىر ئاتالغۇلارنى سىللەرنىڭ ‹‹دۆلەت تىلى››غا كۆتۈردىغانغا نىمە ھەققىڭلار بار.خەنزۇتىلى ئىلىمزدىكى ئىشلتىلىش دائىرىسى ئەڭ كەڭ تىل، بىراق دۆلەت تىلى ئەمەس.

شاگىرت

	baywetqe يوللىغان ۋاقتى  2013-1-5 04:29 PM ئانا تىل ھەققىدە سۆزئاچقانلارنىڭ ئاغزىغا ناۋات!ئانا ت ... ئانا تىل ھەققىدە سۆزئاچقانلارنىڭ ئاغزىغا ناۋات!ئانا تىل ئۈچۈن تەۋرىگەن قەلەملەرگە قېنىمىز سىياھ بولغاي... ھەرقانداق ئادەم ئوزئانا تىلىدا تەپەككۇر قىلسا ئەڭ ياخشى تەپەككۇر قىلالايدۇ؛بالىللىرىمىز ئۇيغۇر تىلىنى پۇختا ئىگەللىگەن ئاساستا باشقا تىللارنى قانچىلىك دەرىجىدە ئۇگىنەلىشى ئوزىنىڭ تىرىشچانلىقى ۋە بىزلەرنىڭ قوللىشىمىز ياخشى بولسىلا يۇزدە-يۇز ئۇگۇنۇپ كىتەلەيدۇ؛شۇڭا باللىرىمىزنى چوقۇم كىچىكىدىن تارتىپ باشقا تىلدا تىلىنى چىقىرىشىمىزنىڭ ھاجىتى يوق!!

bayhenim

	مەنمۇ تىرىشىمەن ،رەھمەت تىمىڭىزغا، ئانا تىلىمىزنى ھۆرمەت قىلىش مىللىتىمىزنى ئۆزىمىزنى ھۆرمەتلەش دىمەكلىكتۇر

tewelgha

	ئانا تىلنى قوغداشنىڭ ئەڭ ياخشى چارىسى ئانا تىل ۋە يېزىغىمىزنى ياخشى ئۆگىنىش ،ئەۋلاتلارغا ئۆگىتىش . تىل -يېزىق ئۆگىتىشنى مەكتەپنىڭ (ھۆكۈمەتنىڭ ) ئىشى دەپ قارىۋالساق توغرا بولمايدۇ ،ئۇ دەل ھەر بىر ئائىلىنىڭ چوڭ ئىشى . بىزدە تا ھازىرغىچە ئانا تىلىمىزنى توغرا ئىشلىتەلمەيدىغان ،يېزىغىمىزنى يازالمايدىغان كىشىلەر خېلى نۇرغۇن . بۇ تېمىدا مىسال قىلىنغان ھېلىقى خەنزۇغا 32ھەرىپنى تولۇق يېزىپ بېرەلمىگەن كىشى قوش تىللىق مائارىپنىڭ مەھسۇلاتى ئەمەس ،چۈنكى ئۇلار تېخى دۇكان ئېچىپ سودا قىلغىدەك بولمىدى . ئانا تىل-يېزىقنى بىلمەيدىغانلارنىڭ  بىر قىسمى قوش تىل مائارىپىنىڭ تەسىرى تۈپەيلىدىن يېڭىدىن سەپكە قوشۇلىۋاتقانلار بولسا ،كۆپ قىسمى (يەنى چوڭلار )مەكتەپ يۈزى كۆرمىگەن ،تۇرمۇش ھەلەكچىلىگىدە  مەكتەپكە كىرمەي ياكى بۇرۇن چېكىنىۋىلىپ ، بىر ئۆمۈر ئۇيان-بۇيان قاتىراپ ئۆزىنى ساۋاتسىز قويغانلاردۇر .شۇڭا بىزدە مىليونىر ساۋاتسىزلار بەك كۆپ ،بۇ كىشىلەرمۇ مىللەتنىڭ كەلگۈسى ئۈچۈن تىل ۋە يېزىغىمىزنى ياخشى ئۆگىنىشى كېرەك .ئۇيغۇرچە گەپ قىلالىسىڭىزلا ئۇيغۇر ھېساپلانمايسىز  ،موھىمى ئۇيغۇرچە تەپەككۇر قىلىش( ئۇيغۇر مەدەنىيىتى ،تىل -يېزىغىمىز بىلەن تەپەككۈر قىلىش ) ،ئۇيغۇرچە ياشاش ۋە ئۇنى  ئەۋلاتلارغا ئۆتكۈزۈپ بېرىشتۇر .