تاڭنۇر ئاكا مۇشائېرگە مەرھەمەت...

ئۇدۇن ئوغلى

	ئىچكەن ئەخلاق سۈيىنى، ئىگەرلەنگەن غورۇردا، چاپقان ئىسلام يولىدا گويا تايدەك ياشلىقىم.

تاڭنۇر

	قىيىنچىلىق ئالدىدا ، بەلنى ئەگمەي سۈگەتتەك ... سۈكۈت بىلەن جەڭ قىلغان  خۇددى تاغدەك ياشلىقىم .

ئۇدۇن ئوغلى

	گۈزەللىكتە تەڭداشسىز ئالما، ئۈرۈك، ئانالىق، مىۋىزارلىق، گۈلزارلىق گۈزەل باغدەك ياشلىقىم.

تاڭنۇر

	تارىخىمنى ئۇنۇتماي ، غۇلاچ ئېچىپ ئەتىگە ، غاپىلىققا ئۈندىگەن نۇر ماياكتەك ياشلىقىم .

ئۇدۇن ئوغلى

	جاپالارغا تىز پۈكمەس، توغراق روھى مۇجەسسەم، تاللىمايدۇ شارائىت چىم - قىياقتەك ياشلىقىم.

تاڭنۇر

	يىتىم يىسىر ئاجىزغا ، ئاتىغاننى تاشلىغان ، قەھىرتاندا جۇدۇندا ، ياز باھاردەك ياشلىقىم .

ئۇدۇن ئوغلى

	ئەمىسە تىمىنى يۆتكىدىم ئاكا: ئەدەپ - ئەخلاق قۇرالىم، ۋىجدانى بار ئىنسان مەن، تاكامۇلدۇر ئىمانىم ، مەيدانى بار ئىنسان مەن. بۇ ھاياتلىق گۈلزارىم، قەلبى ئوتلۇق بۇلبۇلمەن ، شاختىن - شاخقا قونمايمەن، لەيلاسى بار ئىنسان مەن.

تاڭنۇر

	ساختا شەرەپ ، مەنسەپكە تامايىم يوق ھىچقاچان ، ئويغۇر قېنى ئۇرغىغان ، ۋىجدانى بار ئىنسان مەن ، مىللەت ئۈچۈن بىر ئۆمۈر تۆكۈپ ئەجىر قېنىمنى ، ياشاش ئۈچۈن ئىنتىلگەن ئارمانى بار ئىنسان مەن .

ئۇدۇن ئوغلى

	ئەسلى ۋەسلىم ئۇدۇنلۇق، بىرنى بىر دەپ ياشايمەن، سۈيۈم ئەلۋەك يۇرۇڭقاش دەرياسى بار ئىنسان مەن.

uygurtikin

	ئەسسالامۇ ئەلەيكۇم . مۇشائىرە دېگەن سۇ قۇيۇپمۇ توختاتقىلى بولمىغىدەك دەرىجىدە قىزىپ كىتىپتۇغۇ!.. ئەمما ئادەم قايناپ كەتكەندە بەكرەك دىققەت قىلمىسا بولمايدۇ. سۈرئىتى تىز ماشىنىنىڭ تورمۇزى ياخشى بولمىسا بولمىغاندەك...  تاڭنۇرى ئەپەندىم 34- قەۋەتتىكى يازمىڭىز يولدىن چىقىپ كىتىپ قالغاندەك تۇرامدۇ نېمە؟..