بىدئەت ۋە ئۇنىڭغا مۇناسىۋەتلىك مەسىلىلەر

ablikim221

	ئەسسالامۇ ئەلەيكۇم ! مەن تېمىغا مۇناسىۋەتسىز سوئال سورىماقچى ئىدىم . قىز ئوغۇل نىكاھتىن بۇرۇن يېقىنچىلىق قىلىپ قۇيۇپ ، ئاندىن نىكاھلىنىپ توي قىلغان بولسا ، بۇلارنىڭ نىكاھى قۇبۇل بولامدۇ ؟ مۇشۇ توغرىسىدا بىلىدىغانلار بولسا ئۇچۇر بەرگەن بولساڭلار ، رەھمەت !  بۇ ئىشتا ئۇلارنىڭ ئاتا ئانىسىنىڭ خەۋرى يوق ، ئاتا ئانىسى رازى بولۇپ توي قىلغان

izqi0996

	ablikim221 يوللىغان ۋاقتى  2013-2-26 09:25 AM ئەسسالامۇ ئەلەيكۇم ! مەن تېمىغا مۇناسىۋەتسىز سوئال سور ... جەمىيىتىمىزگە قارايدىغان بولساق زىنا - زالالەتنىڭ كۆپلىكىدىن ، خېلى نى- نى مۇڭداشقۇ ئەر - ئاياللارمۇ بىر - بىرلىدىن ئەندىشە قىلىشماقتا ! خېلى ئۇقۇمۇشلۇق كىشىلەرمۇ بۇ يولغا كىرىپ قېلىشلار بىلەن كىشىلەر ۋە ئەر - ئاياللاردا بىر - بىرلىرىگە بولغان ئىشەنچ سۇسلاشماقتا ؛ يەنىلا شۇ ، ھەردەم بىر - بىرىگە ئىشىنىشتىن چەكلىنىپ قېلىشماقتا ! چۈنكى ئىشىنىش چوقۇمكى قارشى تەرەپنى چۈشەنگەنلىكتىن ۋە شۇ چۈشىنىشتىن كىيىنكى ئۆز بەختىگە قارىتا ئىشلىرىنى تاپشۇرۇشتەك قىلالايدىغان قىممىتىنى تۇنىغانلىقتىن روياپقا چىقىدىغان ئامىلدۇر . دېمەك ، ئىشەنچ بولمىغان ئىكەن ، چۈشىنىش بولمايدۇ . چۈشىنىش بولمايدىكەن ، ئۇنىڭغا بولغان كۈيىنىش بولمايدۇ . كۈيىنىش بولمايدىكەن ، شۇ كىشىدە ۋاپا بولمىغان بولىدۇ . ۋاپا بولمىغان ئىكەن ، قارشى تەرەپتىن خۇشلۇق تېپىش بولمايدۇ . خۇشلۇق تاپالمىغان ئىكەن ، چوقۇمكى قارشى تەرەپتىن ماددى ياكى مەنىۋى جەھەتتىن تاشلىۋېتىلگەنلىكى چىقىدۇ . ئەھۋال شۇنىڭدەك ئىكەن ، كۆپىنچە كىشىلەر ئارا بىر - بىرلىرىگە ئىشىنىش بولمايدۇ ، ھە دىگەندە ئىشلىرىدىن قۇسۇر چىقىرىش ، توغرا رەۋىشتە كۈنلەشنىڭ ئورنىغا ئەتەي بىر- بىرلرىنى چېقىۋالىدىغان سۆزلەرنى قىلىش بىلەن ھېچ بىر مۇھەببەتسىز نىكاھلاردا زومىزو بىر ئۆيدە ياشاشتەك ئائىلىلەر كۈنسايىن ئاۋۇماقتا ! بولۇپمۇ ، ئۆزىنى مۇسۇلمان دەپ ئاتايدىغان ۋە ئۆزلىرىنى ئاللاھنىڭ ئەتىۋارلىق بەندىلىرى ، كىيىنكى جەننەتنىڭ ئىگىلىرى دەپ ئانچىكى ئەمەللىرىنى كۆپ ساناپ ئۆزلىرىنى ئۇنتىغان ھاللادا ، نەپسىگە نېمىلەر ياقسا شۇنى قىلىش بىلەن ئاللاھ قانۇنىي قورغان قىلىپ بەرگەن دىنىي چەكتىن چىقىپ كېتىپمۇ يەنىلا خۇدىنى بىلىشمەي ئىسلامغا ئەمەس بەلكى باشقا كۇپپارلارنىڭ ۋە باشقا دىندىلكىلەرنىڭ يوللىرىغا ، شەكلىگە چوقۇنۇش بىلەن ئاتاقتىكى دىنىي پەرۋەرلىكنى ، ئاتاقتىكى ئىنسانىي پەرۋەرلىكنى ۋە شەكلى دىنىي قىممەتنى تۇتقا قىلىۋېلىش بىلەن ھامان ئۆزلىرىنى ئۆزلىرىگە ئەرمەك قىلىۋېلىپ كۆڭلىنى خۇش ئىتىپ يۈرمەكتە . ئۇلار مەيلى نىمىلا ئىش قىلسا مەيلىكى ۋە ئۆزلىرىگە قانداقلا دىشۋارچىلىقلار كەلسە ئۆزلىرىنىڭ ئەمەللىرىنىڭ ۋابالىدىن ئەمەسكى ، ھەر قانداق ياخشىلىق - يامانلىقنى پەقەت ئاللاھ قىلىدۇ . ئاللاھ شۇنداق پۈتىۋەتكەچكە بىز شۇنداق يامان يولدا ۋە يامان ئەمەللەردە بولىمىز دەپ ئاللاھقا ئاشكارا تۆھمەت قىلىش بىلەن ، ئۆز نىيىتى ، ئەمەللىرىگە قارىتا پۈتۈپ بەرگۈچى ، ھەر خىل قىسمەتلەرگە مۇلاقات قىلغۇچى ، ياخشىلىق - يامانلىقلارنىڭ ئەسلى مەنبەسى بولغان ئاللاھنى تەرك ئىتىپ شەيئىلەرنى ئىلاھ قىلىۋېلىش ، مەبۇد قىلىۋېلىشتەك قاراڭغۇلۇق ئىچىدىكى ئادىمىيلىكىدە تۇرىۋېلىپ ئۆزلىرىنىڭ دىنىي ۋە ئىسلامىي چۈشەنچىسىنى ئىسلاھ قىلماسلىقتەك ھاماقەتلىكتە ئۆتىۋەرگەنلىكتىن ئاقىۋەتتە ئۆز شەكلىگە قارىتا ھالاكەتلىك بىر مەۋقەگە يېتىشتى . ئۇلاردا ھېلىھەم شۇنداق بىر ئۇقۇم بولۇپ ، << بىزنى ئاللاھ مۇشۇنداق يارىتىپ قويغان !!! >> دىگەنكى تاپچىلىقتىكى جاھالەتلىك دىنىي تۇنۇش ئىچىدىكى ئۇدۇمىي پۈتۈن ۋۇجۇدىنى قاپلاپ كەتكەن . ئەنە شۇ ئېتىقاد بولۇپ قالغان . ئۇلارغا ئاللاھ ھېچ بىر مەخلۇقلىرىغا بەرمىگەن تەپەككۇرنى ۋە ئەقلى ھۆكۈمنىڭ كۈچلۈك قىممىتىنى بېرىش بىلەن ئىنسانىي تەننى بېرىش بىلەن ۋە ئۇلارنىڭ ھاياتىلىقىدا جىمى شەيئىلەرنىڭ ماھىيىتىنى چۈشەندۈرۈپ بىرىدىغان قۇرئان كېرىمنى ئاساس قىلىشقا ، كىملەر بۇنىڭغا يۈزلىنىش بىلەن ئاللاھ ئەسلى ئىرادە قىلغان مەيداندىن چىقىپ كەتمەسلىك ، كىملەر بۇنىڭ سىرتىغا چىقىۋالىدىكەن ( قەھرىتان سۇغۇقتا كىيىمسىز سىرتلارغا چىقىۋالىدىكەن ) چوقۇمكى ئۆزلىرىگە ئۆزلىرى زۇلۇم قىلغانلىق بولىدىغانلىققىنى ، شۇنىڭ ئۈچۈن ئىنسانلارنىڭ ھاياتىدا دىنىي ۋە ئىسلامىي قورغان قىلىپ بىكىتكەن يولدا مېڭىشى ئۈچۈن ، ھەر بەندىلىرىگە تاللاش ئىختىيارلىقىنى بەرگەن بولۇپ ، ئالدىن پۈتۈپ << قايسى قەۋم ئۆزلىرىنىڭ ئەھۋالىنى ئۆزگەرتمەيدىكەن ، ئاللاھ ئۇلارنىڭ ھالىنى ئۆزگەرتىۋەتمەيدۇ >> دىگەنكى ھۆكمىسىدە قارار ئېلىش بىلەن بەندىلىرىگە تەپەككۇر ، ئەقىل ، ئىسلام ۋە دىننى مۇكەمملەي چۈشۈرۈپ بىرىش بىلەن ھەممىنى ئىختىيارلىقىدا قويدى . بەندىنىڭ ئاۋال ئۆتەشكە تىگىشلىك بۇرچى ، ئاللاھدىن ئالغان ۋە ئاللاھنىڭ ئىرادە قىلغان ئامانىتى دەل ئۆزلىرىنى ئاللاھ ئىرادە قىلغان پاكلىق ، ئىسلام دىنىي قورغانى قىممىتىگە يېتىشتەك سۈپەتكە ، قىممەتكە يەتكۈزۈشتىن ئىبارەت ! كىملەركى بۇ مەيداندىن چەتنەيدىكەن ، چوقۇمكى پۈتۈن ئاسمانلار ۋە زېمىندىكى ھەمدە ئۇنىڭ .ئارىسىدىكى جىمى غەيئىلەر ئاللاھنىڭ كونتىرول قىلىشى ئاستىدا ! ئاللاھ كىملەرنىڭ ئۆزلىرىگە قانداق رەۋىشتە شەكىلنى تىلىمىسۇن ، ئاللاھ ئۇلارغا شۇ خىل رەۋىشتە شەكىلگە قارىتا ياخشىلىق - يامانلىقنى ئىرادە قىلىپ بەرگۈسىدۇر ! يىغىپ ئېيتقاندا يارىتىش ئاللاھدىن ، يارىلىش بولسا ھەقىقەتەن بەندە - ئىنساندىن ! ئاللاھ پۈتۈن بەندىلىرىگە پايدىلىق نەرسىلەرنىڭ ھەممىنى پۈتۈپ بەردى ، بەندە ئۇنى تاللايدۇ . ئاللاھ ئۇلارنىڭ تاللىشىغا قارىتا پۈتۈپ بېرىدۇ ، بەندە شۇ پۈتۈشلەردىن يارىتىلىنىدۇ ! بۇ خىل قورغانىي تەرەپلەر ئىنتايىن نۇرغۇن بولۇپ ، بىز نۆۋەتتە زىنانىڭ يامانلىقى ۋە ئۇنىڭ ئاقىۋېتىنىڭ بەزى يامان تەرەپلىرى بىلەن تۇنىشىمىز ! ئاللاھ سۈرە نۇردا شۇنداق پۈتكەنلىكىنى ۋە شۇ خىل قورغاندىن ھېچ كىشىنىڭ قېچىپ قۇتۇلالمايدىغانلىقىقنى ۋە كىملەر مەيلى قەيەرگىلا بارمىسۇن ، ئاللاھ ئۇلارنىڭ تاللىشىغا قارىتا ھۆكۈم پۈتىدىغانلىقىنى جاكارلاپ شۇنداق ئېيتىدۇ : ( ئۇ ئەگەر مۇسۇلمان بولۇپ زىنا قىلغان بولسا ) زىنا قىلغۇچى ئەر پەقەت ( ئۆزى بىلەن ) زىنا قىلغۇچى ئايالنى ( ئالمىسا ، ئاللاھنىڭ ھېكمىتى شۇكى ۋە نىكاھ غەيىبتۇركى) ياكى مۇشرىك ئايالنىلا ئالىدۇ ، زىنا قىلغۇچى ئايال  پەقەت ( ئۆزى بىلەن ) زىنا قىلغۇچى ئەرگە ( تىگىدۇ ، ئەگەر ئۇنداق قىلمايدىكەن ، بىلىپ قويسۇنكى ، ئاللاھنىڭ دەرگاھىدا قانچە تاللىغىنى بىلەن ئۇلار ) ياكى مۇشرىككىلا تېگىدۇ ، ئۇ ( خىل ، ئاۋال تۇتۇشۇپ بولۇپ ئاندىن نىكاھ توغرىسىدا سۆز ئېچىشىش ۋە شۇ ئىشتىن كىيىن نىكاھلىنىش ) مۆئمىنلەرگە ھارام قىلىندى ( 3 ) نۇر ئايەتتە ئېيتىلغاندەك ، مۇسۇلمان ئەمەلىيەتتە بۇدلارنى مەبۇد ۋە ئىلاھ دەپ چوقۇنمايدۇ ۋە ئۇلارغا ئىبادەت قىلمايدۇ . ھاياتلىقتا بۇ خىل ماقامغا ، قىممەتكە يەتمەكمۇ بەسى مۈشكۈلدۇر ! ئەمما يەتكەن بولۇپ ، ئۆز قىممىتىنى ساقلاشتا ئاللاھ ئۇلارغا بەلگىلىگەن شەكلى ھاياتلىقتىن چەتنەيدىكەن ، چوقۇمكى قىلمىشلىرىنىڭ تىگىشلىك ۋابالىغا قالىدىغانلىقى ئاشكارا جاراڭلىق ھۆكمى بايان ئىتىلگەن . ئەمما كۆپيىنچە مۇسۇلمانلىق ماقامىغا يەتكەنلەر ۋە بىلىپ - بىلمەي شۇ يولغا - نېمەتكە يېتىشىپ قالغانلار دۇنيا ۋە ئاخىرەتتىكى دىنىي پايدا - زىياننى تېتىمىغانلىقى ، تۇنىمىغان ۋە چۈشەنمىگەنلىكى سەۋەبلىك نەپسىگە قۇل بولۇش بىلەن كۆپىنچە ھاللاردا ئىختىيارلىقى تارتقان ئىشلارنى قىلىشقا ئالدىرايدۇ . چۈنكى جىندىن ۋە ئادەمدىن بولغان شەيتانلار ئەنە شۇنىڭدەك تاييار لوقمىنى ئازدۇرۇشقا ئەڭ ئامراق بولىدۇ . چۈنكى بۇنىڭدەك خامۇشلاردا كۈتۈلمىگەن يېڭىچە ھاياجانلىق ئىشلارنىڭ چىقىشى كۆپ بولغانلىقتىن ( خۇددى ئىچەرمەن ياكى بەڭگى يېڭى ئىچەرمەن - چىكەرمەنلەرنى بۇلىشىچە مەس قىلىپ قويۇپ ، ئۇنىڭ كەيپىنى كۆرۈشكە ئامراق بولغاندەك ) ھەممە ئۆزلىرىنىڭ تۇرمۇشىدىن ئاغرىنغان . ئېرىم ئاندىغەي ، خوتۇنۇم ماندىغەي ..........  مەيلى كىملەر قايسى بىر تۇرمۇشقا ئۇلاشمىسۇن ، شۇ شەكلى سۈپەت ئۇنىڭغا ھەقىقەتەن ھەقىلىقتۇر ! ھېچ كىشىنىڭ بۈگۈنى ۋە ئەتىسى ئۈچۈن ئاغرىنىدىغان ھېچ بىر ھوقوقى ، ئاللاھنىڭ ئالدىدا شىكايەت قىلغۇدەك ئىمتىيازى يوقتۇر ! پەقەت ھەممە قىلمىشلىرىنىڭ ئاقىۋېتىنى كۆرگۈسىدۇر ! ئى زىنا قىلغۇچى !!! سىز زىنا قىلغۇچى قىز - ئايالنى ئالماي ، زىنا قىلغۇچى ئەر - يىگىتكە تەگمەي ، يەنىلا ئۆز خاھىشڭىزچە تەقۋا بىر كىشىگە ئۇلشماقچىمىتىڭىز ؟ قارىماققا تەقۋا ئىكەن ، سالىھ ئىكەن دەپ ئۇلاشقىنىڭىز ئاقىۋەتتە قانداق چىقتى ؟ ئالتۇن ئالسىڭىز جا ، قاچۇغا ئالسىڭىز سا چىقتىمۇ ؟ شۇنىڭدەك فاجىرلار جىمى شەكىللىكلەرنىڭ ئىچىدە مەۋجۇتتۇر . چۈنكى مەيلى قايسى بىر يولدا بولمىسۇن ، كاتتىلىرىغا ئۇدۇللا چوقۇنۇش بىلەن ئۇلارنىڭ ئىش - ھەركەتلىرىنى شەكلى جەھەتتىنلا سۇيئىستىمال قىلىۋالىدىغانلار ئىنتايىن كۆپتۇر . سىز ۋە سىزنىڭ كەينىڭىزدىن ئۇلىشىۋاتقانلار ئاللاھنىڭ دىنىنى ئۇيۇن قىلىۋالىدىكەن ، دىنىي ئەھكامىنى ئاۋال چۈشىنىپ تۇرۇپ يول كەزمەيدىكەن ، ھامان تىگىشلىك ۋابالىنى تېتىماي قالمايدۇ . چۈنكى ، ئىسلامدا ھەر كىمنىڭ ئۆز غەكلىدىن غاپىل قېلىشى يوقتۇر . كىملەركى غاپىللىقنى تىلەيدىكەن ، ئۇ چوقۇم ھەر ۋاقىت زىيان تارتقۇچىدۇر ! ئاللاھنىڭ ئايىتىدە ئېيتىلغاندەك ، ئاۋال زىنا قىلىش بىلەن نىكاھقا يېتىش مۆئمىنلەرگە ھارامدۇر ! مۆئمىن بىر كىم بىلەن زىنا قىلغان ئىكەن ، ئۇ توي قىلىش ۋە نىكاھتا موللىلارنى چاقىرىپ ئاۋارە بولمىسۇن ۋە موللىلارنىمۇ گۇناھقا شېرىك قىلمىسۇن . چۈنكى دەموللا بۇ خىل نىكاھقا چاقىرىشنى بۇرۇنلا ئەمەلدىن قالدۇرغاندۇر ۋە ئاللاھنىڭ ئاشكارا ھۆكۈمنى ھەم پىچىپ يەتكۈزىۋاتقاندۇر . ئەمدى قالدىسى سىزلەردە قالدى . كىملەر ئاللاھ ھارام قىلغاننى ھالال قىلالايدىكەن ؟ ئاللاھ ھارام قىلغان نىكاھنى كىملەركى ھالال سانايدىكەن ياكى شۇنڭدەك ھارامدىن يانمايدىكەن ، ئۇنىڭدىن تېپىلغان بالا يەنىلا ھارامدىن بولغان بولىدۇ . شۇنىڭ ئۈچۈن پەتىۋانى بۇلۇڭ - پۇچقاقتىكى گەپدان ، ھېكمەتسىز موللا بولىۋالغان ئالىملاردىن ئەمەس ، بەلكى ھەقىقىي ئىلمىسى بار موللىدىن ئېلىش ئەقىل ئىگىسىنىڭ تۇتقىسىدۇر ! چۈنكى << چالا پەييى ئادەم ئۆلتۈرىدۇ >> ئەھۋالدىن قارىغاندا ئۇ ئىككىسى چوقۇم نىكاھلىنىشى لازىم .

izqi0996

	ئالدىنقى قىسمىمىزدا زىنانىڭ بەزى يامان تەرەپلىرىنى قەيت قىلىپ ئۆتكەن ئىدۇق . ئەمما ، تولىمۇ ئەپسۇس ، بەزى تورداشلار ئۇنىڭدىكى لوقمىلارنى توغرا رەۋىشتە ھەزىم قىلالماسلىق سەۋەبلىرى بىلەن ، ئايەتتىكى ئىلاھىي قانۇنىيەتلىرىدىكى ھېكمەتنى چۈشىنىپ بولالماستىن ئەسلى تىگىشلىك بولغان نىكاھنى ھارامغا چىقىرىشتەك ئەھۋاللار يۈز بەرگەنلىكتىن ، نۆۋەتتىكى تېمىنى ھۇزۇرۇلارغا سۇندۇق . ئاللاھتائالا ئايىتىدە ئېيتقان : ( ئۇ ئەگەر مۇسۇلمان بولۇپ ) زىنا قىلغۇچى ئەر پەقەت ( ئۆزى بىلەن ) زىنا قىلغۇچى ئايالنى ( ئالىدۇ . ئەمما ئۇنى ئالمىسا ئاللاھنىڭ ھېكمىتى شۇكى ۋە نىكاھ غەيىبتۇركى ) ياكى مۇشرىك ئايالنىلا ئالىدۇ ، زىنا قىلغۇچى ئايال پەقەت ( ئۆزى بىلەن ) زىنا قىلغۇچى ئەرگە ( تىگىدۇ . ئەمما ئۇمۇ زىنا قىلغۇچىدىغا تەگمەيدىكەن بۇلار ھەممە ھاياتىدا قانچە تاللىغىنى بىلەن ) ياكى مۇشرىككىلا تېگىدۇ ( ئۇلارغا تاللاش ئىختىيارلىقى بېرىلدى . ئەمما ) ئۇ ( خىل ئاۋال زىنا قىلىپ بولۇپ ئاندىن نىكاھلىنىش ) مۆئمىنلەرگە ھارام قىلىندى ( 3 ) نۇر دېگەنكى بۇ ئايىتى - ھۆكمى - ئىرادىسىنى قايسى رەۋىشتە ئايرىيمىز ؟ دېگەندە ، يەنىلا ئاللاھنىڭ باشقا ئايەتلىرى ئۈستىدىن چۈشىشىمىز ۋە ئۇنىڭ قورغانىغا كىرىشىمىز توغرا كېلىدۇ .   ئاللاھتائالا شۇنداق ئېيتىدۇكى : شۈبھىسزكى ، مۆئمىنلەر ، يەھۇدىيلار ، ناسارالار ( ئارىسىدىن ) ۋە پەرىشتىلەرگە ، يۇلتۇزلارغا چوقۇنغۇچىلار ئارىسىدىن ئاخىرەت كۈنىگە ئىمان كەلتۈرگەن ۋە ياخشى ئەمەللەرنى قىلغانلار پەرۋەردىگارىنىڭ قېشىدا ئۆز ئەجرىدىن بەھرىمەن بولىدۇ . ئۇلار ( دۇنيا ۋە ئاخىرەتتە ) قورقۇنچ ۋە غەم - قايغۇ يوقتۇر ( 62 ) بەقەر كۆپىنچە كىشىلىرىمىز ئىسلامنىڭ شەكلىدىكى بارلىق كىشىلەرنى بىردەك مۆئمىنلىككە نىسبەت بېرىش بىلەن ، ئۆز خىيالىدا بارلىق مۇسۇلمانلارنى پەقەت بىرلا پىرقىگە ، پەقەت بىرلا گوروھقا ، پەقەت بىرلا مەيدانغا ئەكىرىش ئۈچۈن خىزمەت قىلىشىدۇ . ۋە قۇرئان - ھەدىستىكى بارلىق ھۆكۈملەرنى ئۆزلىرى توپلىغان مەيداندىكىلەرگە ئورتاقلاشتۇرۇشقا تېرىشىدۇ ۋە بىردەك ھۆكۈم پىچىشقا ئورۇن ئالىدۇ . ئەمما بۇ خىل ئەقىدە ئۆزلىرىنى سۈنئىي مەزھەپتە دەپ داۋراڭ سېلىشىۋاتقان كىشىلەرگە يات بولۇپ ، بۇ دەل شىيئەچە يول تۇتۇشتۇر . بۇ خىل يول بۇندىن مىڭ يىل بۇرۇنلا ئىسلام دۇنياسىدا ئايرىلىپ بولغان بولۇپ ، ياراتقۇچىنىڭ ھەممىگە تىگىشلىك سۈپەت ئاتا قىلىنغىنىغا قارىتا تىگىشلىك ئەمەل - ئىبادەتلەرگە بۇيرۇش ۋە تاقىتى يېتىدىغان ئەمەللەرگە يىتەكلەش قىلىش ، ئاللاھنىڭ ئەسلى ئىرادە قىلغىنى بويىچە يول تۇتۇشنى ئىختىيار قىلغانلار سۈنئىي مەزھەپ دەپ ئايرىلىپ ، << ياق ! قانداقلا بىر كىشى ئۆزىنى مۇسۇلمان دەپلا ئاتىغان ئىكەن ، ئۇ چوقۇمكى تاقىتى يەتسۇن - يەتمىسۇن پەيغەمبەر ۋە ساھابىيلەرنىڭ ئەمەللىرىگە ، شەكلىگە ئەينەن چۈشىشى كېرەك . ئۇنداق بولمايدىكەن ، ئۇنى مۇسۇلمان دەپ ئېتىراپ قىلمايمىز >> دەپ چىققانلار ئۆز ۋاقتىدىلا شىيئە دەپ ئەسلى قۇرئاننىڭ ۋە ھەدىسنىڭ ھېكمىتىدىن ئايرىلىپ چىققان مەزھەب ئايرىلمىسى بولغان ھاللاردا ئىسلام دىنىدىكىلەر ئەنە شۇنىڭدەك چوڭ ئىككى بۆلەككە ئايرىلغان ۋە ھەممە ئۆزلىرىنىڭ تاللىشىدىن مەمنۇن بولغان . ئەلۋەتتە ، بۇتخانىدىكى راھىبمۇ ئۆزلىرىنىڭ تاللىشىدىن ئىنتايىن رازى - ئەلۋەتتە ! ئاللاھ ئۆزى خالىغان زېمىن كىشىلىرىنى ، مىللەتنى خالىغان بىر ۋاقىتتا خالىغان رەۋىشتە ئۆلتۈرۈش قىلىدۇ ۋە خالىغان بىر ۋاقىتتا ھەم تىرىلدۈرۈش قىلىدۇ . ئەمما شىيئەچە روھ تىكىلەر بۇ خىل ئۆلۈش ۋە تىرىلىشنى ئىنكار قىلىدۇ . ئۇلارنىڭ چۈشەنچىسى پەقەت بىرلا بولۇپ ، ئىنسان ھېچقاچان مىڭ يىلدىن بۇيان ئۆلۈك ھاللاردا ئەۋلاد قالدۇرۇپ كەلگەن ئەمەس ! دېگەنكى ئۆلۈك ۋە تىرىكلىكنى پەقەت تەنگە نىسبەت بېرىش بىلەنلا كۇپايىلىنىپ ، << ئىنسان قىلىمەنلا دېسە قىلالمايدىغان ئىش يوق >> دېگەنكى بۇ ئەقىدىدە ھەممە ئىشقا ، ھەتتا دىنىي ئىشلارغىمۇ تەڭ باراۋەرلىكتە بىر قانچە يىل مابەينىگىلا ئۇرىۋېتىش بىلەن ئۆزلىرىمۇ چۈشەنمەيدىغان ۋە ھېچ ئىشەنمەيدىغان ، شۇنىڭدەك ھېچ تدقىتى يەتمەيدىغان ماددى - مەنىۋىي بولغان ئىنسانىيەتلىككە ئۇرىلىۋېلىش بىلەن بۈگۈننى كۆرۈش ، ئەمما كىيىنكى ئەھۋاللارغا سەل قاراش بىلەن ئەسلى ئۆمرىدە ھېچ تاقىتى يەتمەيدىغان ھەم ئىشلارغا ئارلىشىۋېلىپ ئۆزلىرىگە زۇلۇم قىلىشىدۇ ھەم بۇنى ئاز دەپ شۇ ئۆزىگە يۇقتۇرغان پاساتنى ھەق دەپ تۇنىۋېلىش بىلەن ، ئۆزلىرىگە ئوخشاش ھاماقەتلەرگە << مۆئمىن ئۆزىگە نېمىنى ياخشى كۆرگەن بولسا ، قېرىندىشىغىمۇ شۇنى ياخشى كۆرمىگۈچە مۆئمىن بولالمايدۇ >> دېگەنكى ھەدىسنى قارىسىغىلا سۇيئىستىمال قىلىۋېلىش بىلەن ، ئەمەلىيەتتە توغرا ئىبادەت بولغان ، ئەمما ئۇ ئۆزى چۈشەنمەيدىغان ۋە ھېچ ئىشەنمەيدىغان دىنىي ۋە ئىسلامىي ئىشلارغا ئارلىشىۋېلىپ ، گاھ بىلگەنلىرىدىن نەپسىگە بېرىلىش بىلەن يۈز ئۆرىسە ، گاھ خۇشلۇقى تۇتسا ئىماندار بولىۋېلىش بىلەن دىننى ئۇيۇن قىلىۋلغان ، ئەمما ئۆزلىرى توغرا دەپ ئەمەللىرىنى ياخشى ھېسابلىۋالغانلار ، ھېچ ھېكمەتسىز ، بەركەتسىز يوللارغا بېرىلىش بىلەن باشقىلارغىمۇ ھەم ئۆزلىرىدەك بولۇشنى تىلەش بىلەن ھامان تىگىشلىك بولغان يولدىن تازدۇرىۋېتىشنى مەقسەت قىلىشىدۇ . ئەمما ئۇلارمۇ ئۆزلىرىنى توغرا دىيىشىدۇ . ھالبۇكى ، ئۇلار ياراتمايدىغان چىركاۋدىكى پوپلارمۇ ، ئۆزلىرىنىڭ ئىبادەتخانىلىرىدىكى يەھۇدىيلارمۇ ئۆزلىرىنى توغرا يولدا دىيىشىدۇ . ئاللاھ ئۆزى خالىغان زېمىننى ئۆزىنىڭ ھېكمىتىگە ئاساسەن دىنىي جەھەتتە ھەم ئۆلتۈرۈش قىلىدۇ . ئەمما مەدىنىدىن باشقا يەرنى . بۇ توغرىسىدا رۇسۇللاھ ئېيتىپ : << مەدىنىنىڭ ھەر بىر كىرىش ئېغىزلىرىنى قوغدايدىغان پەرىشتىلەر بار ، مەدىنىگە ۋابا كېسىلى بىلەن دەججال كىرمەيدۇ >> دېگەن . رۇسۇللاھ نېمە ئۈچۈن بۇنداق دەيدۇ ؟ نېمە ئۈچۈن دەججال مەدىنىگە كىرەلمەيدۇ ؟ چۈنكى مەدىنە ئۆز ۋاقتىدىكى ھالىتىدىن ھېچ بىردۆلەت ۋە مىللەتلەرنىڭ قۇللۇقىغا ، زالىملارنىڭ بېسىۋېلىشىغا ئۇچىرىمايدۇ . رۇسۇللاھنىڭ ۋاقتىدا مەدىنە دىنىي جەھەتتە قايسى ھالەتتە قالغان بولسا ، ئۇ شۇ ئىمتىيازىنى ساقلىغان ھاللاردا تاكى ئىنسانىيەت ئالىمى يوقالغۇچە  بىر نوقتىدا تۇرغۇسىدۇر ! ئەھۋال بۇنىڭدەك ئىكەن ، ئۇ زېمىنغا دەججال ئاياق باسالمايدۇ . چۈنكى دەججال رۇسۇللاھنىڭ ئۈممىتى ئارىسىدىن چىقىدىغان بولۇپ ، پەقەت دىنىي جەھەتتە ئۆلگەن ۋە شۇ ماناننىڭ زامانىي ئىش ئىگىلىرى ئۆز قەۋمىنى دىنىي جەھەتتە تىرىلدۈرۈشتە ئۆز يۇرتلىرىنىڭ ئەھۋالىغا بېقىپ دىننى بەرپا قىلىش جەريانىدا ، چوقۇمكى مەدىنىدىكى ئۆز ۋاقتىدا رۇسۇللاھ ۋە ساھابىيلارنىڭ دىن ۋە تەن جەھەتلەردە ئەڭ كۈچلۈك دەرىجىسىدىكى ھالىتىگە قارىتا سۆز - ھەركەتلىرىدىن تاكى شۇ خىل ئىمتىيازغا يەتكۈچە  قايتىپ تۇرۇش بىلەن ، ئۇلارنىڭ ئىلگىركى ھاياتىنى ، دىنىي جەھەتتىكى باسقان يوللىرىنى ئىزدەپ گاھ زامانىغا قارىتا ھىجرىيەنىڭ بىرىنچى يىللىرى ياكى رۇسۇللاھنىڭ مەككىدىكى ۋاقىتلىرىدىكى دىنىي ۋە سىياسىي جەھەتلەردىكى ئىمتىيازىغا قارىتا زامانىنى تەدبىقلىغان ھاللاردا ئىش كۆرۈش ۋە شۇ بويىچە يول يۈرۈشنى ، شۇ خىل ھېكمەتكە يۆلىنىشنى تەيىن قىلىشقان ھاللاردا بەزىدە ئىشنى نۆلدىن باشلاش توغرا كەلگەن زامانلاردا ، شۇنىڭدەك دىنىي چۈشەنچىسى بىرلا تەرەپلىمىلىك بىر كۆزلۈك << دىنىي پەرۋەرلەر >> ھامان بارلىققا كېلىدۇ . ئەنە شۇلار ئالدامچى دەججالاردۇر . ئۇلار ماكانىنىڭ زامانىي مەۋقەسىگە ئاشكارا كاپىر بولغانلىقتىن ، ئۆزلىرىنىڭ شۇئارى مەۋقەسىدە << مەن كاپىر >> دېگەنكى ھەقىقەتنى كۆتۈرۈپ ئۆز يۇرتىدىكى ۋە بارغانلىكى يەردىكى شۇنىڭدەك ئىش ئۈستىدىكىلەرگە ئۇلارنىڭ دىننى بەرپا قىلىشتىكى تاكتىكىلىرى ئۈستىدە ئۇلارنى يامان سۆزلەر بىلەن ئېچىتىپ ۋە سېسىتىپ نۇرغۇنلىغان تۆھمەتلەرنى چاپلاش ۋە تۆۋەندىكى نادان - ھاماقەتلەرنى ئۇلارغا قارشى كۈشكۈرتۈش بىلەن شۇ جەمىيەتنى ناگاھان ، ئازغىنە بىر ۋاقىتتا پىتنە - پاساتقا ئايلاندۇرىۋېتىدۇ . دەججال ئەنە شۇنىڭدەك ، بىر ماكان زامانىي يۆنىلىشتە قاراڭغۇلۇقتىن يۇرۇقلۇققا ، ئۆلۈكلۈكتىن تىرىكلىككە ، تۆۋەنلىكتىن يۇقىرىلىققا يۈكسىلىۋاتقان پەيتلەردە روياپقا چىققۇسىدۇر ! قۇرئان دەسلەپتە ئىماننىڭ نېمە ئىكەنلىكىنى ئەسلا بىلەيدىغان مۇھەممەد ئەلەيھىسسالامغا 23 يىل مابەينىدە ئۇنىڭ ۋە ئۇنىڭغا ئەگەشكەن ساھابىيلارنىڭ دىلىنى ھەقىقىي رەۋىشتە مۇستەھكەم قىلىش ۋە كىملەركى شۇنىڭدەك ھەقىقەتنى نۆلدىن باشلاشنى مەقسەت قىلغان ھاللاردا قۇرئانغا ئېسىلىدىكەن ، ھەممىگە تىگىشلىك بولغان ھېكمەتنى چۈشەندۈرۈش ئۈچۈن تۆۋەنلىكتىن كىيىنكى يۇقىرىلىققا كۈنسايىن يۈكسىلىش بىلەن نازىل بولغان ۋە ماكان ۋە زامان قۇرئاننىڭ يۆنىلىشىدە بولغان . كىملەركى ئىسلام دىنىغا ئېسىلىدىكەن ۋە قۇرئاننى يېتەكچى قىلىدىكەن ، بىر كىشى بولسا بىر ، بىر قەۋم كىشىلىرى بولسا بىر قەۋم ، بىر دۆلەت كىشىلىرى يىتەكچى قىلسا شۇ دۆلەت قۇرئانغا بويسۇنغان ھاللاردا دەۋر قىلىپ ئايلانغۇسىدۇر ! شۇ ۋەجىدىن قۇرئان دىنىي ۋە ئىنسانىي ، سىياسىي ، ئىسلامىي تەرەپلىك ئىشلاردا بارلىق شەيئىنىڭ ئەسلى ماھىيىتىنى ، قەدىر - قىممىتىنى دەلىلى بىلەن ئېتىپ چىقارغۇسىدۇر ! بۇ توغرىلىرىدا مۇشىنچىلىك توختۇتۇلۇپ تۇرساق . گېپىمىزگە كەلسەك ، ئاللاھ ئايىتىدە مۇنداق دەيدۇ : ئاراڭلاردا ئىككى كىشى پاھىشە قىلسا ، ئۇلارنى ئەيىبلەڭلار ؛ ئگەر ئۇلار تەۋبە قىلىپ تۈزەلسە ، ئۇلارنى كەچۈرۈڭلار . ئاللاھ تەۋبىنى بەكمۇ قۇبۇل قىلغۇچىدۇر ، تولىمۇ مېھرىباندۇر ( 16 ) ئاللاھ قۇبۇل قىلىشنى ۋەسە قىلغان تەۋبە يامانلىقنى نادانلىقتىن قىلىپ سېلىپ ، ئاندىن ئۇزۇنغا قالماي ( يەنى تەندىكى ۋە روھىيىتىدىكى ئۆلۈم كېلىشتىن بۇرۇن ئۆزى رازى بولغان رەۋىشتە ) تەۋبە قىلغانلارنىڭ تەۋبىسىدۇر ؛ ئاللاھ ئەنە شۇلارنىڭ تەۋبىسىنى قۇبۇل قىلىدۇ ، ئاللاھ ھەممىنى بىلىپ تۇرغۇچىدۇر ، ھېكمەت بىلەن ئىش قىلغۇچىدۇر ( 17 ) ( ئاللاھنىڭ بۇ كەڭچىلىكىنى ئۆزىنىڭ ھەۋىسىنى قاندۇرۇشقا كوزۇر قىلىپ چۈشىنىۋېلىپ ) داۋاملىق يامان ئىشلارنى قىلىپ بېشىغا ئۆلۈم كەلگەن چاغدا ، ئەمدى تەۋبە قىلدىم ، دېگۈچىلەرنىڭ تەۋبىسى ۋە كاپىر پېتى ئۆلگۈچىلەرنىڭ تەۋبىسى قۇبۇل قىلىنمايدۇ . شۇلارغا قاتتىق ئازاب تەييارلىدۇق ( 18 ) نىسا يەنە ئاللاھ رەھمىتىنى ئېچىپ ئېيتىدۇ : سىلەردىن مۆئمىن ئاياللارنى ئېلىشقا قۇربى يەتمەيدىغانلار قول ئاستىدىكى مۆئمىن چۆرىلەردىن ئالسۇن . ( كىشى كىشىنى مەسخىرە قىلمىسۇن ۋە تۆۋەن كۆرمىسۇنكى ) ئاللاھ ئىمانىڭلارنى ئوبدان بىلىدۇ . ( گەرچە بايلىق ، مەنسەپ ، نەسەب تەرەپلىك ياكى ئۇلارنى نادان ھېسابلاش ، ئىلگىركى بەزى خاتالىق تەرەپلىرىگە ئېسىلىۋېلىش سەۋەبلىك باراۋەرلىكتىكى قىممەت ئورنىنى كۆزدە تۇتقان بولساڭلار ، بېلىڭلاركى ) سىلەر بىر - بىرىڭلار بىلەن دىنداشسىلەر ، ئۇلارنىڭ خوجىلىرىنىڭ قوشۇلىشى بىلەن ئۇلارنى خوتۇنلۇققا ئالساڭلار بولىدۇ ، ئۇلار مەھرىلىرىنى كېمەيتىۋەتمەستىن ۋە كېچىكتۈرمەستىن ( خۇددى رۇسۇللاھ ئىسلامغا قىزىققۇچىلارغا غەنىمەتتىن كۆپ ئۆلۈش بېرىپ ئۇلارنى ئىسلام دىنىغا قىزىقتۇرۇشنى مەقسەت قىلداندەك ، سىلەرمۇ بايلىقتىكى ھېچ خۇۋلۇق كۆرمىگەنلەرنى ئۆزەڭلەرنىڭ مۇھەببىتىگە تارتىش مەقسىتىدە ئاللاھنىڭ بۇ نەسھىتى بويىچە رازى بولۇپ ) بېرىڭلار . لېكىن ئۇلار ئاشكارا زىنا قىلمايدىغان ، يۇشۇرۇن ئاشنا تۇتمايدىغان ئەفىفە بولۇشلىرى كېرەك . ئەگەر ئۇلار ( ئىلگىرى تۆۋەن تەبىقە ئىچىدە ياشىغانلىق ۋە بەزى يامان قىسمەتلەرگە يولۇققانلىق سەۋەبلىك ) ئەرگە تەككەندىن كىيىن ( يەنىلا خۇيىغا قايتىۋېلىپ ئېرىگە خىيانەت قىلىپ ) پاھىشە قىلسا ، ئۇلارغا ( ئىلگىرىدن پاك تەربىيە ۋە ياخشى قىسمەت ئىچىدە قوغدالغان ) ھۈر ئاياللارغا بېرىلىدىغان جازانىڭ يېرىمى بېرىلىشى كېرەك . بۇ ( يەنى چۆرىلەرنى نىكاھلاپ ئېلىش ) ، ئاراڭلاردا زىناغا مۇپتىلا بولۇپ قېلىشتىن قورققان كىشى ئۈچۈندۇر . ( ئەگەر بۇ خىل ئەڭ خەتەرلىك ۋە ئەڭ نازۇك بولغان نىكاھقا قارىتا ئۆزەڭلەرنى تارتىپ ) سەۋر قىلالىساڭلار سىلەر ئۈچۈن ياخشىدۇر . ئاللاھ ناھايتتى مەغپىرەت قىلغۇچىدۇر ، ناھدايتتى مېھرىباندۇر ( 25 ) ئاللاھ سىلەرگە ( نىكاھقا قارىتا شۇنىڭدەك ئەڭ نازۇك بولغان تەرەپلىك ئەھكاملارنى پايدىلىقىڭلار ئۈچۈن ) بايان قىلىشنى ، سىلەردىن بۇرۇنقىلارنىڭ ( شۇنىڭدەك ئەڭ زىل بولغان نىكاھ تەرەپلىك تۇتقا قىلغان ) يوللىرىغا سىلەرنى ( سەپلەپ ) ھىدايەت قىلىشنى ، ( ھىدايەت كەلگۈچە ۋە ھىدايەتكە يەتكۈچە بىلمىگەنلىك سەۋەبلىك ئىلگىرى قىلغان گۇناھلىرىڭلاردىن قىلغان ) تەۋبەڭلارنى قۇبۇل قىلىشنى خالايدۇ . ئاللاھ ( جىمى بەندىلىرىنىڭ ئىلگىركى ۋە كىيىنكى ئەھۋاللىرىنىڭ ) ھەممىنى بىلگۈچىدۇر ۋە ھېكمەت بىلەن ئىش قىلغۇچىدۇر ( 26 ) ئاللاھ سىلەرنىڭ ( ھەقىقەتنى ئىزدەش ۋە ئىلگىركىلەرنىڭ يولىنى تېپىپ ھىدايەتكە يېتىش توغرىسىدا قىلىپ سالغان ئىلگىركى خاتالىقىڭلارغا قارىتا قىلىنغان ) تەۋبەڭلەرنى قۇبۇل قىلىشنى خالايدۇ ( بۇ خىل نېمەت ئاللاھنىڭ رەھمىتىنىڭ كەڭ ئىكەنلىكىنى كۆرسىتىش ئۈچۈن تەكرارلاندى . ئەمما بۇ خىل ئەڭ نازۇك ۋە ئەڭ خەتەرلىك بولغان نىكاھنى ئويۇن قىلىۋالغان ھاللاردا چۆرىلەرنى قولدىن قولغا ئۆتكۈزۈپ ۋە ئۇلارنى بوزەك قىلىش بىلەن ) شەھۋەتلەرگە ئەگىشىدىغانلار ( بۇ خىل نېمەتكە سىلەرنىڭ قارشى تۇرىشىڭلار ۋە ئۆزەڭلەرگە بۇ خىل ھالالنى ھارام قىلىۋېلىشىڭلارنى ۋە ئاللاھنىڭ نېمىتىگە كۇفرىلىق قىلىپ ھالالغا مايىل بولغانلارنى ئۆزلىرىگە ئوخشاش كىشىلەرگە سەت كۆرسىتىپ ) توغرا يولدىن بۇرۇلۇپ كېتىشىڭلارنى خالايدۇ ( چوقۇمكى ، پىتنىڭ ئاچچىقىدا چاپاننى ئوتقا تاشلىماڭلار ) ( 27 )  ئاللاھ سىلەرنىڭ ( تەقۋالىققا مايىللىشىشتىكى يولۇڭلاردا بۇ خىل تەرەپلىك ) يۈكۈڭلارنى يېنىكلىتىشنى خالايدۇ . ( چۈنكى ) ئىنسان ئاجىز يارىتىلدى ( 28 ) نىسا دىن ئىشى ئەنە شۇنىڭدەك ئەڭ مۇرەككەپ ئېلمىنتلارنى ئۆز ئىچىگە ئالغان قورغاندۇر . بۇ قورغاندىكى جەريانلارغا ئىنسان قانچە ئىنسانىي تەپەككۇر قىلغانسېرى شۇنچە خاتالىق سادىر قىلىپ قويغۇسىدۇر ، مەگەر ئول كىشى ئاللاھنىڭ ھىدايىتى ، رەھمىتى نۇرىغا ئېرىشىپ ھېكمەتكە ئىگە بولغانغا قەدەر ....! ئەمدى مۆئمىن قانداق بولىدۇ ، مۇسۇلمان قانداق بولىدۇ ؟ بىز بۇ يەردە بۇ توغرىسىدا يۈزەكى بولسىمۇ ئايرىم توختىلىشىمىز كېرەك بولىدۇ . چۈنكى مۇسۇلمانلىق سىياقتىكىلەرنىڭ ھەممىسىلا مۆئمىن بولىۋەرمەيدۇ ، بەلكى ئۇلارنىڭ ئىچىدىمۇ گەرچە ناماز ئوقۇۋاتقاندەك قىلغان بىلەن تۈپى ئۆزىدىن مۇشرىك ، تۈپى ئۆزىدىن مۇناپىق ، تۈپى ئۆزىدىن كاپىر ۋە باشقا ياخشى - يامان تەرەپلىك سۈپەتدارلىرى بار بولغان بولىدۇ . شۇنىڭ ئۈچۈن مۆئمىن مۆئمىننىڭ خۇددى ئاكا - ئۇكىدەك قېرىنداشلىرى ، ئەمما مۆئمىن باشقىلار بىلەن پەقەت دىنىي جەھەتىكى قېرىنداشلىق ياكى بۇرادەرلىك مۇناسىۋىتىدىلا بولغۇسىدۇر ! شۇنىڭ ئۈچۈن مەيلى قۇل ياكى ھۆر بولسۇن ، باي - گاداي بولسۇن ئەگەر ئۇلار ئۆزلىرىنىڭ ماكانىدىكى ھەر بىر زامانغا خاس يول ئۈستىدىكىلەر ، ئىش ئۈستىدىكىلەرگە ئىتائەت قىلغان ھاللاردا ئەگەشكەنلا بولسا ، ئۇلار مۆئمىن بولغۇسىدۇر ۋە بىر - بىرلىرى بىلەن ئەنە شۇنىڭدەك ئاكا - ئۇكىلىق دەرىجىسىدىكى قېرىنداشلاردىن بولغۇسىدۇر . ئەمما جەمىيىتىمىزدە بىر كىشىنىڭ بېشىغا بىرەر مۇسىبەت كەلسە خۇش بولىدىغان ، ياكى ئۆزىنىڭ بېشىغا كەلگەن مۇسىبەت باشقىلارنىڭ بېشىغا كەلمىسە ئىچى ھارداپ كېتىدىغان ، ياكى باشقىلارنىڭمۇ بېشىغا كېلىشىنى ئۈمىد قىلىدىغان ھېچ بولمىسا ئارزۇ قىلىدىغان كىشىلەرنىڭ بۇ ئەھۋاللىرى ، ئۇلارنىڭ ھەقىقەتتە قېرىنداش ئەمەسلىكىنى ، پەقەت دىنىي جەھەتتىكىلا قېرىنداشلاردىن ئىكەنلىكىنىلا بىلدۈرىدۇ - خالاس ! چۈنكى مۆئمىن ئۆزىنىڭ مۆئمىن قېرىندىشىنىڭ پۇتىغا بىر تال تىكەن كىرسىمۇ ، شۇنىڭغا قارىتا كۆڭلى غەش بولىدىغان مۇھەببەتكە ، شۇنداق بىر تۇيغۇغا كەلگەن بولىدۇ . ئەمما بۇ خىل مۇھەببەتلىك تۇيغۇ بولماي مىڭ شۇئارنى توۋلاپ كۆتېرىۋالغان بىلەن ، ھەقىقەتتە ئۇ سۆزىدە يالغانچىدۇر ! ئەمما زامانىي مەۋقەگە چۈشمىگەن ۋە بۇنىڭدىن غاپىل ھاللاردا ئىبادەتتە بولغانلار بولسا ، ھەممە مۇسۇلمانلىق دائىرىسىگە كېرىدىغانلار بولۇپ ، بۇلار مۇسۇلمانلارنىڭ ئارىسىدا يۇقىرىدىكى ئايەتنىڭ ئىچىدىكى بىر قانچە دائىرىلىك ھاللاردا تەبىئىي ھاللاردا مەۋجۇتتۇر ! يەنى يۇلتۇزلارغا ۋە پەرىشتىلەرگە چوقۇنغۇچى كىشىلەر بولۇپ ، زاماننىڭ دىنىي جەھەتتىكى مەۋقەسىدە ئەمەس ، ئەمما ئىلىم ئېلىش ۋە ھەقىقەت ئىزدەش يولىدا ئىزدىنىۋاتقان ھەر قايسى يوللاردىكى كىشىلەر بولۇپ ، ئۇلار جىن بىلەنمۇ مەلۇم دائىرىدە - مەلئۇنلۇق قالپىقىنى كەيمىگەن ئاساستا بەزى ھەقىقەتنى ئىسپاتلاشتا ھەمكارلىشىش ، ئاستىرونومىيە ئىلمىسىنى تەتقىق قىلىش ۋە شۇ ئارقىلىق يول ئىزدەش ، قۇرئاننىڭ سېھر قىممىتى ئارقىلىق بەزى لەۋھۇلمەھپۇزغا پۈتۈلگەن تەقدىرلەرنى قېزىش ئارقىلىق يول ئىزدەش ...... ھەمدە ( مالائىكە ) لەردىن ئىبارەت << پەرىشتىلەر >> يەنى ئىلىمگەر ، يەنى بەزى ئىلىم ھېكمىتى بېرىلگەن ۋە شۇ ئىلمىسىنى يەتكۈزۈشى ئۈچۈن مەلۇم چەكلىك كۆپلىك ۋە ئازلىق كىشىلەر ئارىسىدا ئاشكارا ۋە يۇشۇرۇن ھاللاردا نام ، شۆھرەت بېرىلگەن ئالىملارغا ئەگىشىش ، ئۆزلىرىنىڭ دىنىي ۋە باشقا ئىشلىرىدا مەسلىھەت ئېلىشتەك ، ئۇلاردىن مەسىلە سوراشتەك شەكلى ھاياتىدا تۇرغۇچىلار بولۇپ ، ئەنە شۇلار تېخى زامانىي مەۋقەگە ئۇلىشىپ بولالمىغانلىق سەۋەبلەردىن يەنىلا مۇسۇلمانلىق دائىرىسىدىلا بولۇپ قالغۇسىدۇر ! يەنە بىر بۆلۈك مەجۈسى ئاتىلىدىغان كىشىلەر بولۇپ ، بۇلار ھېچقانداق بىر يولدا . گوروھتا ئەمەس ، ئەمما خۇدانى تۇنۇيدىغان ، ئۇنىڭغا قىيىنچىلىق يەتسە يىغلىيالايدىغان ۋە ئۇنىڭ ئىشلىرىنى ئاسانلاشتۇرۇپ بېرىشىنى ئۈمىد قىلالايدىغان ، ئاللاھنىڭ بارلىقىغا ۋە مۇھەممەد ئەلەيھىسسالامنىڭ ئاللاھنىڭ پەيغەمبىرى ئىكەنلىكىگە چىن پۈتىدىغان ، ئەمما نادانلىق ، تەربىيەتسىز بولغانلىقتىن گاھى ئىبادەتتە ، گاھىي شەيتاننىڭ ئېزىقتۇرىشى بىلەن ئەيىش - ئىشرەتتە بولۇپ قالىدىغان , شۇنىڭدەك نەپسى نېمىنى خالىسا شۇنى قىلىش بىلەن رازى بولىدىغان كىشىلەر بولۇپ ، بۇلار ھەم مۇسۇلمانلىق قاتارىدىن ئۇرۇن ئالىدىغان كىشىلەردۇر ! مانا بۇ خىل ئۈچ بۆلەكلىك كىشىلەر بىزنىڭ تارىم ۋادىمىزدا كۆرۈنەرلىك دەرىجىدە كۆپ سالماقنى ئۆز ئىچىگە ئالىدىغان بولۇپ ، بۇلار ئىسلامنىڭ ۋە دىننىڭ ھەقىقىي ماھىيىتىنى ، جەننەت - دوزاخنىڭ بارلىقىنى بىلسىمۇ ئەمما تەمىنى ھىس قىلىپ بولالمىغانلىق سەۋەبلەردىن گاھ ھاراق ، گاھ زىنا ، گاھ باشقا گۇناھلىق يامان ئەمەللەردە بولۇپ قالغۇسىدۇر . مانا بۇلارنىڭ كۆپىنچىسى ئۆزلىرىنىڭ قارشى تەرەپتىكى سۆيگىنى ئۈچۈن بارلىقىنى ۋە ئىپپىتىنى سوۋغا قىلىش بىلەن ئىپادىلەشتە بىر قەدەر كۈچلۈك سالماقنى ئىگىلىگەچكە ، ئاللاھ بۇلارغا قارىتا ئىلگىركى ئايەتتە ئېيتىلغاندەك ، كىملەر بىلەن زىنا قىلىشقان بولسا ياكى ئاشنا تۇتۇشقان بولسا ۋە ياكى شەرىئەتنىڭ ھەقىقىي قانۇنىي مەيدانىدىن چىقىپ كەتكەن ( ئەمما ئۆز خۇداسىدىن قورققانلىقتىن ) بىر موللىنى تېپىپ نىكاھ ئوقۇتىۋالغان بولسىمۇ ، ئۇ چوقۇم شۇ كىشىسى بىلەن ، گەرچە بىر قېتىم زىنا قىلىشقان بولسىمۇ شۇ كىشىسىگە تىگىدۇ ياكى شۇ كىشىسىنى ئالىدۇ . ئەگەر ئۇنداق قىلماي ھەددىدىن ئېشىپ ياكى بەزى يەرلىرىنى ياقتۇرماي ئالمايمەن - تەگمەيمەن دىيىشىدىكەن ، ئۇ ئۇنىڭدىنمۇ پەس بولغان دەرىجىدىكى كىشىگە مۇلاقات قىلىنىدۇ . شۇنىڭدەك ، بۇ خىل قورغاندىكى جاۋاپكارلارغا نىسبەتەن ئاتا - ئانا بولغۇچى ۋە باشقىلار بۇلارنىڭ نىكاھلىنىشىغا قارشىلىق قىلىدىكەن ، ئۇلار ھەقىقەتتە ئاللاھنىڭ قانۇنىغا بويسۇنمىغۇچى زالىملاردىن بولۇپ ، چوڭ گۇناھكارلاردىن بولغۇسىدۇر ! شۇنىڭ ئۈچۈن سىز ۋە قارشى تەرەپ بۇ مەيداننىڭ ئىچىدىمىكەنسىز ياكى سىرتىدا مۆئمىنمىكەنسىز ؟ چوقۇم ھەر بىر قانۇننى ئىجرا قىلىشتا ھەقىقەتلەپ ئىش كۆرۈشىڭىز كېرەكتۇر ! مۆئمىن بولمىغان بىر كىشىنى زىنا قىلغىنىغا قاراپلا ساڭا ئۇنىڭ بىلەن نىكاھلىنىش ھارام دەپ ھالالنى ھارامغا ، مۆئمىنلەرنىڭ زىنا قىلغىنىغا قارىتا سەن چوقۇم ئاشۇنى ئالمىساڭ زالىم بولىسەن دەپ تولا ھەددىمىزدىن ئېشىپ كەتمەيلى ! ھەر بىر ھۆكۈمنى پىچقاندا قارشى تەرەپنى چۈشىنىۋاراق پىچايلى ! بولسا بۇ خىل قىممەتتىكى ھېكمەتلەرنىڭ ئالىملىرىنى ، ئىش ئىگىلىرىنى تېپىپ تۇرۇپ ، ئاندىن ئۇنىڭ سورىغان سۇئاللىرىغا سەمىمىي جاۋاپ بېرىپ تۇرۇپ ، ئۇلارنىڭ ھۆكۈم پىچىشى بىلەن ئاندىن بۇنىڭدەك زىل ئىشلاردا قەدىمىمىزنى ئالايلى ! رۇسۇللاھمۇ جىمى زىنا قىلغانلارنى چالما - كېسەك قىلغان ئەمەس ، بەلكى مۆمىنلىكىنى تۇنىغان ۋە ئۆزى شۇ خىل ئۆلۈمگە رازى بولغان كىشىلەرنىلا ئاندىن چالما - كېسەك قىلىپ ئۆلتۈرۈلىشىگە ياكى تېخى ئويلەنمىگەن بولسا 80 دەررە ئۇرۇشقا ھۆكۈم بىرىش بىلەن ۋە بەزىلىرىنى كەچۈرۈم قىلىش بىلەن سۇرۇندىن چىقىرىۋەتكەن . شۇنىڭ ئۈچۈن بىز نېمىلا ئىش بولسا خىيالى ئەقلىمىزگە ، گۇمانىمىزغا ئېسىلىۋالماي ئالىملارنى ۋە چوقۇم ھەقلىق رەۋىشتە ئىش ئىگىلىرىنى تاپايلى ۋە ئاللاھدىن شۇنى تىلەيلى ! ئالىملار بىلەن سۆھبەتلىشىش ۋاجىبتۇر ! ئەمما ئۇلار بىلەن يېقىنلىشىۋېلىپ ئۇلارنى ئۆزلىرىڭلار توغرا دەپ بىلگەن ، ئەمما ھەقىقەتتە خاتا ۋە ئۇلارغا زىيانلىق بولغان ماددى - مەنىۋى جەھەتلەردىكى ئىشلارغا قىستاپ قويۇش ۋە ئېزىقتۇرۇپ قويۇش چوڭ گۇناھتۇر ! ئىش ئىگىلىرىنىڭ شۇنىڭدەك ئازغۇنلارغا قارىتا بەزىدە ئۇلارنىڭ نادانلىقتىن قىلىپ سالغان بىئەدەپلىك تەرەپلىرىگە قارىتا ۋە ئۇلار بىلەن مەلۇم چەك ئايرىش مەقسىتىدە توغرا رەۋېشتە مەغرۇر بولۇش ھېچ گۇناھ ئەمەس ! بۇ خىل مەغرۇرلۇقنىڭ خەيرىتى باردۇر . چۈنكى ، نادانلار ئالىملاردىن تەپ تارتىشى ، ئۇلارنى ھۆرمەتلىشى ۋە ئەيمىنىشى كېرەكتۇر ! ئالىملارمۇ ۋە تەقۋادارلارمۇ پەقەت شۇنىلا قەست قىلمىقى زۆرۈردۇر ! ئۇنىڭدىن ئېشىپ ھەددىدىن ئېشىش زالىملىقتۇر ۋە شەيتانلىقتۇر !

boywatcha

	ablikim221 يوللىغان ۋاقتى  2013-2-26 09:25 AM ئەسسالامۇ ئەلەيكۇم ! مەن تېمىغا مۇناسىۋەتسىز سوئال سور ... http://bbs.meripetyoli.com/forum.php?mod=viewthread&tid=83 ماۋۇ ئىككى تېمىنى سىزگە تەۋسىيە قىلىمەن. بولسا شۇ يەرگە كىرىپ سوراپ بېقىڭ، ئۇستازلارنىڭ جاۋابى چىقىپ قالىدۇ. http://bbs.meripetyoli.com/forum.php?mod=viewthread&tid=640

ihsanjan

	ئامىننى ئۈنلۈك دېيىش توغرىسىدىكى ھەدىسلەر ئىمام بۇخارى رىۋايەت قىلغان 747-ئەبى ھۇرەيرە (ئاللاھ ئۇ كىشىدىن رازى بولسۇن )دىن رىۋايەت قىلىندى .پەيغەمبەر ئەلەيھىسسالام مۇنداق دىگەن؛ئىمام ئامىن دىسە سىلەرمۇ ئامىن دەڭلار كىمنىڭ ئامىن دىيىشى پەرىشتىلەرنىڭ ئامىن دىگىنىگە ئۇدۇل كىلىپ قالسا ئۇ كىشنىڭ ئىلگىركى گۇناھلىرى كەچۈرۈم قىلىنىدۇ . باشقىلىرىمۇ مۇشۇ ھەققىدىكى ھەدىسلەر

ihsanjan

	ئامىننى ئۈنلۈك دېيىش توغرىسىدىكى ھەدىسلەر ئىمام بۇخارى رىۋايەت قىلغان 747-ئەبى ھۇرەيرە (ئاللاھ ئۇ كىشىدىن رازى بولسۇن )دىن رىۋايەت قىلىندى .پەيغەمبەر ئەلەيھىسسالام مۇنداق دىگەن؛ئىمام ئامىن دىسە سىلەرمۇ ئامىن دەڭلار كىمنىڭ ئامىن دىيىشى پەرىشتىلەرنىڭ ئامىن دىگىنىگە ئۇدۇل كىلىپ قالسا ئۇ كىشنىڭ ئىلگىركى گۇناھلىرى كەچۈرۈم قىلىنىدۇ . باشقىلىرىمۇ مۇشۇ ھەققىدىكى ھەدىسلەر

ihsanjan

	ھەققانى. يوللىغان ۋاقتى  2013-2-26 04:51 PM سىز بىدئەت دىگەن گىپىڭىزنى ئۇچۇرۇۋەتسىڭىز قېرىندىشىم  ئامىننى دىيىشنى بىدئەت دەپ مەن دىمىگەن دىمەن