رەسىمسىز ھالەت
|
ئۇسلۇب ئالماشتۇرۇش
|
باش بەت
»
سىز تېخى كۇلۇبقا
كىرمەپسىز
تىزىملىتىش
|
تەۋسىيە
|
ئىزدەش
|
مۇلازىمەتلەر
|
بانكا
|
ياردەم
|
ULY
كۇلۇب مۇلازىمىتى
قورال مەركىزى
ئۇسلۇب ئالماشتۇرۇش
blue
gray
green
moon
movie
pink
wind
wind5
yellow
قىسقا ئۇچۇر
خەت ساندۇقى
يوللاش ساندۇقى
ئۇچۇر ئىز قوغلاش
قىسقا ئۇچۇر يېزىش
كونترول تاختا
كونترول تاختا باش بېتى
ماتېرىيال تەھرىرلەش
ماتېرىيال كۆرۈش
دوستلار تىزىملىكى
ئەزا ھوقۇقىنى كۆرۈش
سودا تەڭگىسى باشقۇرۇش
جۇغلانما ئالماشتۇرۇش
ئالاھىدە گورۇپپا سېتىۋېلىش
ساقلىغۇچ
تېمىلىرىم
سىتاتسىتكا
ئاساسىي سىتاتسىتكا
IP سىتاتسىتكىسى
باشقۇرۇش قوشۇنى
باشقۇرۇش سىتاتسىتكىسى
توردىكىلەر سىتاتسىتكىسى
ئەزالار قاتارى
سەھىپە قاتارى
يازما قاتارى
ئورخۇن مۇنبىرى
»
دۇنيا تارىخى
»
تۆت قېتىملىق ئوتتۇرا شەرق ئۇرۇشى
>> ئۇيغۇرلارنىڭ قەدىمقى زامان تارىخى
|- رىۋايەتلەردىكى تارىخ
|- ئوتتۇرا ئەسىردىكى ئۇيغۇرلار
|- شانلىق مەدەنىيەت دەۋرى
|- كېيىنكى ئوتتۇرا ئەسىردىكى ئۇيغۇرلار
>> ئۇيغۇرلارنىڭ يېقىنقى زامان تارىخى
|- خوجىلار دەۋرىدىكى ئۇيغۇرلار
|- داۋالغۇش ئىچىدىكى ئۇيغۇر جەمىيىتى
>> ئۇيغۇرلارنىڭ ھازىرقى زامان تارىخى
|- ياڭ زېڭشىن، جىن شۇرېن ۋە شېڭ شىسەي
|- ئۈچ ۋىلايەت ئىنقىلابى
|- شانلىق دەۋر
>> ئۇيغۇر مەدەنىيەت تارىخى
|- ئۇيغۇرلاردا دىن
|- ئۇيغۇرلاردا تىل - يېزىق
|- ئۆرپ - ئادەت
|- ھۈنەر - كەسپ
>> جاھاننامە
|- تارىخى ئاتالغۇلار
|- كونا - يېڭى كىتاپلار
|- ئۇيغۇرشۇناسلار ۋە دۇنيادىكى ئۇيغۇرشۇناسلىق تەتقىقا
|- ئۇيغۇرلاردىكى مەشھۇر شەخسلەر
|- جۇڭگو تارىخى
|- دۇنيا تارىخى
|- ئۇنۋېرسال سەھىپە
|- يەر ــ جاي ناملىرىمىز
>> ئۇنۋېرسال سەھىپە
سودا
راي
بۇ بەتتىكى يازما :
تۆت قېتىملىق ئوتتۇرا شەرق ئۇرۇشى
بېسىپ چىقىرىش
|
بۇ تېمىنى ساقلىۋېلىش
|
تېما ئۇلانمىسىنى كۆچۈرىۋېلىش
|
تېما ساقلىۋېلىش
|
ئالدىنقى تېما
|
كېيىنكى تېما
niyazdixan
دەرىجىسى :
كۇلۇب باشلىقى
نادىر يازمىلار :
يوللىغان تېما :
شۆھرىتى:
0 نومۇر
پۇلى:
سوم
تۆھپىسى:
نومۇر
توردىكى ۋاقتى : 0(سائەت)
تىزىملاتقان ۋاقتى : 2007-01-22
ئاخىرقى كىرگىنى : 1970-01-01
كىچىك
نورمال
چوڭ
تۆت قېتىملىق ئوتتۇرا شەرق ئۇرۇشى
1 - قېتىملىق ئوتتۇرا شەرق ئۇرۇشى
ئىسرائىلىيە دۆلىتىنىڭ قۇرۇلغانلىقى جاكارلىنىش بىلەن ئىسرائىلىيە ئەتراپىدىكى مىسىر ، تاشقى ئىئوردانىيە ، ئىراق ،
سۈرىيە ، لىۋاندىن ئىبارەت بەش دۆلەت بۇرۇن يولغا قويىدىغانلىقىنى بىلدۈرگەن " ھەل قىلغۇچ ۋاستە ' نى قوللىنىپ ، پەلەستىنگە ئەسكەر چىقاردى . ئەرەپلار بىلەن يەھۇدىلار ئوتتۇرىسىدىكى ئۇرۇش پارتلىدى . بۇ قېتىمقى ئۇرۇش 1948 - يىلى 5 - ئاينىڭ 15 - كۈنى باشلىنىپ . 1949 - يىلى 7 - ئاينىڭ 20 - كۈنى ئاخىرلىشىپ تارىختا بىرىنجى قېتىملىق ئوتتۇرا شەرق ئۇرۇشى ياكى پەلەستىن ئۇرۇشى دىيىلدى . ئىسرائىلىيە " مۇستەقىللىق ئۇرۇشى ' دىدى .
بىرىنجى قېتىملىق ئوتتۇرا شەرق ئۇرۇشىنىڭ پۈتۈن جەريانىنى ئۈچ باسقۇچقا بۆلۈشكە بولىدۇ . 5 - ئاينىڭ 15 - كۈنىدىن 6 - ئاينىڭ 11 - كۈنىگىچە بىرىنچى قېتىم ئۇرۇش توختىتىش باسقۇچى بولدى . بۇ باسقۇچتا ئەرەپ دۆلەتلىرى ئاۋال قول سېلىپ ، ئۈستۈنلىكنى ئىگىلىدى . 7 - ئاينىڭ 9 - كۈنى ئۇرۇش يەنە باشلانغاندىن 7 - ئاينىڭ 19 - كۈنى ئىككىنچى قېتىملىق ئۇرۇش توختىغۇچە ئىككىنچى باسقۇچ بولدى . ئىككى تەرەپ تىركىشىش ھالىتىدە تۇردى . لېكىن ، ئىسرائىلىيە ئۈستۈنلۈككە ئۆتۈشكە باشلىدى . 10 - ئاينىڭ 15 - كۈنىدىن 1949 - يىلى 7 - ئاينىڭ 20 - كۈنى ئىسرائىلىيە بىلەن سۈرىيە ئۇرۇش توختىۇتۇش كېلىشىمىگە ئىمزا قويغۇچە ئۈچىنچى باسقۇچ بولدى . ئىسرائىلىيە يوف ئۇرۇشى ، ھىلام ئۇرۇشى ۋە خوخون ئۇرۇشى ئارقىلىق ئومۇمىيۈزلۈك قايتۇرما ھۇجۇمغا ئۆتۈپ ، مىسىر ئارمىيەسى ۋە باشقا ئەرەپ دۆلەتلىرىنىڭ ئارمىيىلىرىنى نىگاپ قاتارلىق جايلاردىن قوغلاپ چىقىرىپ ، ئۇرۇشنىڭ ئاخىرقى غەلىبىسىنى قولغا كەلتۈردى . 1949 - يىلىى 2 - ئاينىڭ 24 - كۈنى ئىسرائىلىيە بىلەن مىسىر ئۇرۇش توختۇتۇش كېلىشىمى ئىمزالىدى . ئۇنىڭ كەينىدىن 3 - ئينىڭ 23 - كۈنى لىۋان ، 4 - ئاينىڭ 3 - كۈنى تاشقى ئىئوردانىيە ، 7 - ئاينىڭ 20 - كۈنى سۈرىيە ئىسرائىلىيە بىلەن ئۇرۇش توختۇتۇش كېلىشىمى ئىمزالىدى . 15 ئاي داۋاملاشقان بىرىنچى قېتىملىق ئوتتۇرا شەرق ئۇرۇشى شۇنىڭ بىلەن ئاخىرلاشتى .
يېڭى قۇرۇلغان ئىسرائىلىيە ئارمىيىسى ئۇرۇشنىڭ سىنىقىدىن ئۆتتى ، ئارمىيىنىڭ كۈچى ۋە جەڭ قىلىش تەجرىبىسى كۈچەيدى ، شۇنىڭ بىلەن بىللە ئۇرۇش مەزگىلىدە ئىسرائىلىيە دۇنيانىڭ ھەرقايسى جايلىرىدىكى يەھۇدى ئىجتىمائىي تەشكىلاتلىرى بىلەن بولغان ئالاقە يوللىرىنى تېز ئېچىپ ، كېيىن ئىسرائىلىيىنىڭ مۇشۇ يوللاردىن پايدىلىنىپ دىپلوماتىيە ھۇجۇمى قوزغاشقا شارائىت ھازىرلىدى ، تېخمىۇ مۇھىمى شۇكى ، ئۇرۇشتا يەھۇدىلارنىڭ ئەمەلىي كونترول قىلغان زىمىنى زور دەرىجىدە كېڭەيتىلىپ ، نۇرغۇن يېڭى كۆچمەننىڭ ئىسرائىلىيىگە كېلىشىگە ئاساس سېلىندى . يىغىپ ئېيتقاندا ، بىرىنجى قېتىملىق ئوتتۇرا شەرق ئۇرۇشى يېڭىدىن دۇنياغا كەلگەن بۇ دۆلەتنى مەھكەم پۇت تىرەپ تۇرالايدىغان قىلدى . شۇڭا ئىسرائىلىيىلىكلەرگە نىسبەتەن ئېيتقاندا ئىسمى جىسمىغا لايىق " مۇستەقىللىق ئۇرۇشى ' بولدى .
بىرىچى قېتىملىق ئوتتۇرا شەرق ئۇرۇشى ئەرەپلەرنىڭ مەنپەتىگە ئېغىر زىيان يەتكۈزۈپ ، ئىككى تەرەپنىڭ قارشىلىقىنى تېخىمۇ كۈچەيتىۋەتتى . پەلەستىن رايونىدا نۇرغۇن يېڭى مەسىلىلەرنى پەيدا قىلدى . ئالدى بىلەن ، زىمىن مەسىلىسىگە تاقالدى . ئىسرائىلىيە ئۇرۇش ئارقىلىق ئىوردان دەرياسىنىڭ ئىككى قىرغىقى ۋە گازا رايونىدىن باشقا پەلەستىننىڭ ھەممە زىمىنىنى ئىشغال قىلىۋېلىپ ، كۆلىمى 20 مىڭ 700 كۋادرات كىلومېتىرغا يېتىپ ، پەلەستىن رايونىنىڭ %80 تىگە يەتتى . ئىككىنچىدىن مۇساپىرلار مەسىلىسى بولدى . ئۇرۇشتىن كېيىن پەلەستىندىكى 700 مىڭ ئەرەپ يۇرتىدىن ، يېرىدىن ، تىرىكچىلىكىدىن ئايرىلىپ ، مۇساپىر بولۇپ قالدى . ئۈچىنچىدىن ، پەلەستىدىكى ئەرەپلەرنىڭ ئۆز تەقدىرىنى ئۆزى بەلگىلەش مەسىلىسى بولدى . بولۈپ باشقۇرۇش قارارىدا پەلەستىدىكى ئەرەپلەر ئايرىپ بېرىلگەن يەرلەرنى ئۇرۇشتا ئىسرائىلىيە ۋە قوشنا ئەرەپ دۆلەتلىرى بۆلۈۋالدى . پەلەستىدىكى ئەرەپلەر دۆلەت قۇرىدىغان زىمىنى يوق بولۇپ قېلىپ ، ئۆز تەقدىرىنى ئۆزى ھەل قىلىش ھوقۇقىدىن ئايرىلىپ قالدى . مۇشۇ مەسىلىلەر تۈپەيلىدىن ئەرەپلەر بىلەن ئىسرائىلىيە ئوتتۇرىسىدىكى توقۇنۇشلار ئۈزۈلمىدى ، پەلەستىن ھەتتا پۈتكۈل ئوتتۇر شەرق خاتىرجەم بولالمىدى .
بىرىنچى قېتىملىق ئوتتۇرا شەرق ئۇرۇشى ئاجىزلار كۈچلۈكلەرنى يېڭىدىغان تىپىك ئۇرۇش بولدى . ئۇرۇش پارتلىغاندا ئەرەپ دۆلەتلىرىنىڭ ئارمىىيىسى سان ۋە قورال ياراق جەھەتلەردە روشەن ئۈستۈنلۈكنى ئىگەللەيتتى ، ئەرەپ دۆلەتلىرىنىڭ ئومۇمى ئەسكىرىي كۈچى 42 مىڭ بولۇپ ، 40 تانكىسى ، 200 بىرونىۋىكى ، 140 دالا زەمبىرىكى ، 220 زېنت توپى ، 131 ئايرۇپىلانى بار ئىدى . شۇ چاغدىكى ئىسرائىلىيە تەرەپنىڭ 30 مىڭدىن كۆپرەك قوراللىق ئادەم ، بىر تانكا ، ئىككى بىرونىۋىك ، بەش دالا زەمبىرىكى ، 24 زېنت توپ ، 28 يېنك تىپتىكى ئايرۇپىلانى بار ئىدى . دۇنيادىكى نۇرغۇن ھەربىي كۈزەتكۈچىلەر 30 مىليون ئەرەپنىڭ 600 مىڭ يەھۇدىغا تاقابىل تۇرالىشى ھىچ گەپ ئەمەس دەپ قارىغاندى . ئۇرۇشنىڭ نەتىجىسى ئاجىزلار كۈچلۈكلەر ئۈستىدىن غەلىبە قىلىش بولدى . بۇنىڭ ئىچىدىكى غەلىبە قىلىش ، مەغلۇپ بولۇش سەۋەپلىرىنى مۇھاكىمە قىلىپ بېقىشقا ئەرزىيدۇ . بىرىنچىدىن ، ئەرەپلەر قارىماققا كۈچلۈك كۆرۈنسىمۇ ، لېكىن دۈشمەنگە سەل قارىغانلىقتىن ، بولۇپمۇ دۆلەت ئىچىدە زىددىيەت ئېغىر بولغانلىقتىن ، بىرلىككە كەلگەن قوماندانلىق شەكىللەنمىگەن ، شۇنىڭ بىلەن ئۇرۇش قىلىدىغان كۈچلەر بىر - بىرىدىن ئايرىلىپ كېتىپ ھەمكارلىشىپ جەڭ قىلمىغان . ئىككىنچىدىن ، ئىسرائىلىيە ئۇرۇش توختىغان پۇرسەتنى چىڭ تۇتۇپ ، ھەربى تەشكىللىرىنى كۆپ قېتىم ئۆزگەرتىت تەشكىللىگەن ۋە كۈچەيتكەن . شۇنىڭ بىلەن ئىسرائىلىيە قوماندانلىق شىتابىنىڭ ئومۇمىي جەھەتتىن قوماندانلىق قىلىش ئىقتىدارى تېز يۇقۇرى كۆتۈرۈلگەن . ئۈچىنچىدىن ، ئىككىنچى دۇنيا ئۇرۇشى مەزگىلىدە يەھۇدىلار ناتسىست گېرمانىيەسى تەرىپىدىن قىرغىن قىلىنغاچقا ، خەلقارا جەمىيەت يەھۇدىي مىللىتىگە ۋە ئىسرائىلىيە دۆلىتىگە كۈچلۈك ھىسداشلىق قىلغان . دۇنيانىڭ ھەرقايسى جايلىرىدىكى يەھۇدىلارمۇ ئاكتىپلىق بىلەن پۇل بېرىپ ، كۈچ چىقارغان . ئامېرىكا بىلەن سوۋېت ئىتتىپاقىمۇ ئىسرائىلىيە دۆلىتىنى ئوخشاشمىغان مەقسەتتە زور كۈچ بىلەن قوللىغان ، نەتىجىدە ئىسرائىلىيە ئۈزۈلمەي كېلىۋاتقان قورال - ياراققا ئىگە بولۇپ كۈچىنى ئاشۇرغان .
( داۋمى بار )
Posted: 2007-11-18 22:39 |
[ئاپتور]
niyazdixan
دەرىجىسى :
كۇلۇب باشلىقى
نادىر يازمىلار :
يوللىغان تېما :
شۆھرىتى:
0 نومۇر
پۇلى:
سوم
تۆھپىسى:
نومۇر
توردىكى ۋاقتى : 0(سائەت)
تىزىملاتقان ۋاقتى : 2007-01-22
ئاخىرقى كىرگىنى : 1970-01-01
كىچىك
نورمال
چوڭ
2 - قېتىملىق ئوتتۇرا شەرق ئۇرۇشى
ئىككىنچى قېتىملىق ئوتتۇرا شەرق ئۇرۇشى 1956- يىلى 10-ئاينىڭ 29-كۈنى پارتلاپ ، 11- ئاينىڭ 6-كۈنى ئاخىرلاشتى . سۈۋەيىش قانىلى ئۇرۇشى دەپمۇ ئاتالدى . ئىسرائىلىيە بۇ ئۇرۇشنى سىناي ئۇرۇشى دەپ ئاتىدى .
1952-يىلى << ئىيۇل ئىنقىلابى >> دىن كېيىن جامال ئابدۇل ناسىر باشچىلىقىدىكى ئەرەب مىللەتچىلىرى مىسىرنىڭ رەھبەرلىك ھوقۇقىنى قولغا ئېلىپ ، ئەنگليىنىڭ كۈچلىرىنى مىسىردىن قوغلاپ چىقىرىشقا تۇتۇش قىلدى . مىسىر بىلەن ئەنگليە بىر يىلدىن كۆپرەك سۆھبەتلىشىش ئارقىلىق 1954- يىلى 10- ئايدا << سۈۋەيىش قانىلى بازىسى ھەققىدىكى كېلىشىم >>نى ئىمزالىدى . ئەنگليىنىڭ ئاخىرقى بىر تۈركۈم ئارمىيىسى 1956- يىلى 6- ئاينىڭ 12- كۈنى چېكىنىپ چىقىپ ، مىسىرنى ئەنگليە 74يىل ئىشغال قىلغان تارىخقا خاتىمە بېرىلگەنلىكى جاكارلاندى . شۇنىڭ بىلەن بىللە مىسىر ئوتتۇرا شەرق ئىشلىرىدا ئەنگليە، ئامېرىكا قۇرغان غەربپەرەس باغدات شەرتنامىسى تەشكىلاتىغا قەتئىي قارشى تۇرۇپ ، سوۋېت ئىتتىپاقى ، جوڭگو قاتارلىق سوتسىيالىستىك دۆلەتلەر بىلەن بولغان مۇناسىۋىتىنى راۋاجلاندۇرۇشقا باشلىدى . جامال ئابدۇل ناسىر 7- ئاينىڭ 26-كۈنى سۈۋەيىش قانىلىنى دۆلەت ئىگىلىكىگە ئۆتكۈزۈۋېلىپ ، قانالدىن كىرگەن كىرىمنى خەجلەپ ئاسىۋان توسمىسىنى ياسايدىغانلىقىنى جاكارلىدى . مىسىرنىڭ بۇ بىر قاتار ھەرىكەتلىرى غەرب دۇنياسىنى خاتىرجەمسىزلەندۈردى . بولۇپمۇ كونا مۇستەملىكىچى ئەنگليە ، فرانسىيە ئىنتايىن ئالاقزادە بولۇپ ، مىسىرغا قورال كۈچى ئىشلىتىشكە تەييارلاندى . شۇنىڭ بىلەن بىللە مىسىرنىڭ ھەربىي كۈچىنىڭ ئېشىشى ، بولۇپمۇ سوۋېت ئىتتىپاقى بىلەن مىسىر مۇناسىۋىتىنىڭ تەرەققىي قىلىشى بىلەن ئىسرائىلىيە ناھايىتى چوڭ تەھدىت ۋە بېسىم ھېس قىلدى . 1955-يىلى 9-ئايدا ۋە 1956-يىلى 3-،6- ئايلاردا مىسىر بىلەن چېخ- سلوۋاكىيە 400مىليۇن ئامېرىكا دوللىرىلىق ھەربىي ئەشيالار كېلىشىمى تۈزدى . مىسىر م گ كۈرەشچى ئايروپىلانلىرىنى ئۆز ئىچىگە ئالغان ئىلغار ھەربىي ئۈسكۈنىلەرگەئىگە بولدى . ۋەھالەنكى ، بۇ چاغدا ئامېرىكىنىڭ ئەرەب دۆلەتلىرنى يېنىغا تارتىپ ، سوۋېت ئىتتىپاقىغا قارشى تۇرىدىغان باغدات شەرتنامىسى تەشكىلاتىنى ئۇيۇشتۇرۇشقا ئۇرۇنۇشى تۈپەيلىدىن ئىسرائىلىيە بىلەن ئامېرىكا مۇناسىۋىتى سوغۇق ۋە تۇراقسىز ھالەتكە چۈشۈپ قالدى .ئامېرىكىدىن ئىلغار قوراللارغا ئىگە بولالمىغان ئىسرائىلىيە غەربىي ياۋروپا دۆلەتلىرى ، بولۇپمۇ ، فرانسىيە بىلەن بولغان ھەربىي ھەمكارلىقنى كۈچەيتتى . شۇنىڭ بىلەن ئەنگلىيە ، فرانسىيە ، ئىسرائىلىيىدىن ئىبارەت ئۈچ دۆلەت ئۆز مەقسىتىنى ئاساس قىلىپ ، مەخپىي كېڭىشىپ ھەربىي ھەرىكەت قوللىنىپ ، مىسرغا ئەجەللىك زەربە بېرىشنى پىلانلىدى .
1956 - يىلى 10 - ئاينىڭ 29 - كۈنى ئىسرائىلىيە سىناي يېرىم ئارىلىغا تۇيۇقسىز ھۇجۇم قىلدى . ئىككىنچى قېتىملىق ئوتتۇرا شەرق ئۇرۇشى پارتلىدى . ئىسرائىلىيە ئەسكىرىي كۈچنى مەركەزلەشتۈرۈپ ئاۋال قول سالدى . لېكىن ، مىسىر ئارمىيىسىنىڭ كۈچلۈك قارشىلىقىغا ئۇچرىدى . مىتلا تاغ ئېغىزى ئۇرۇشى ۋە ئابۇئوگرا ئۇرۇشىدا مىسىر ئارمىيىسى ئىسرائىلىيە ئارمىيىسىنىڭ ھۇجۇمىنى مۇۋاققىيەتلىك توسۇۋالدى . ئەتىسى ئىسرائىلىيە ئارمىيىسى سۇۋەيىش قانىلىغا ھۇجۇم قىلغاندا ، ئەنگىلىيە ، فىرانسىيەلەر مىسىرغا ئۇلتىماتوم تاپشۇرۇپ ئىككى تەرەپتىن دەرھال ئۇرۇش توختۇتۇش ھەمدە قانالنىڭ ئىككى قىرغىقىدىن ھەر تەرەپ ئون كىلومېتىرچە كەينىگە چېكىنىشنى ، ئەنگىلىيە ، فىرانسىيە ئارمىيىلىرى قانالغا كىرىپ جەڭ قىلىشنى ئايرېۋىتىشنى تەلەپ قىلدى . بۇ تەلەپ مىسىر تەرىپىدىن رەت قىلىنغاندىن كېيىن ئەنگىلىيە بىلەن فىرانسىيە 10 - ئاينىڭ 31 - كۈنى چۈشتىن كېيىن 100 پاراخوت ۋە 200 دىن ئارتۇق ئايرۇپىلان چىقىرىپ ، مىسىرنىڭ قاھىرە ، ئالىكساندىرىيە قاتارلىق شەھەرلىرىنى بومباردىمان قىلدى . مىسىرنىڭ بىر قىسىم ھاۋا ئارمىيەسىنى ۋەيران قىلىۋەتتى . ئەنگىلىيە فىرانسىيەلەرنىڭ مىڭدىن ئارتۇق پاراشوتچى ئەسكىرى ، دېڭىز ئارمىيىسىنىڭ قۇرۇقلۇقتا جەڭ قىلىدىغان 22 مىڭ ئادىمى 11 - ئاينىڭ 5 - كۈنى سەئىد پورتىدىن قۇرۇقلۇققا چىقىپ ، قانالنىڭ بىر قىسىم رايونىنى ئىشغال قىلىۋالدى . نەتىجىدە مىسىر ئارمىيىسىنىڭ ئاسسى كۈچى چېكىنىشكە مەجبۇر بولدى ، ئىسرائىلىيە مۇشۇ پۇرسەتتىن پايدىلىنىپ پۈتكۈل سىناي يېرىم ئارىلىنى تارتىۋالدى . مىسىر ئارمىيىسى قىيىن ئەھۋالدا قارشىلىق كۆرسىتىپ ، قانالدىكى پاراخوتلارنى پارتىلىتىپ چۆكتۈرىۋېتىپ ، قانالنى قامال قىلدى .
ئۇرۇش پارتلىغاندى كېيىن خەلقارا جەمىيەت ئەنگىلىيە ، فىرانسىيە ، ئىسرائىلىيىلەرنىڭ تاجاۋۇزچىلىقىنى ئەيپلەپ ، مىسىر خەلقىنىڭ ئۆزىنى قوغداش كۈرىشىگە مەدەت بەردى . ئەنگىلىيە بىلەن فىرانسىيەنىڭ ئامىېرىكىغا خەۋەر قىلماي ، بىلگىنىچە ھەركەت قىلغىنىدىن ئامېرىكا نارازى بولدى . شۇنىڭ بىلەن بىللە ئەرەپ دۆلەتلىرىنى قولغا كەلتۈرۈش ئۈچۈن ، ئۈچ دۆلەتنىڭ ھەربىي ھەركىتىگە كۈچلۈك قارشى تۇرىدىغانلىقىنى بىلدۈردى ھەمدە ب د ت نىڭ جىددى يىغىنىنى ئېچىپ ، قارار ماقۇللاش ئارقىلىق ئۇرۇشنى دەرھال توختۇتۇش چەتئەل قوشۇنلىرىنى مىسىردىن ئېلىپ چىقىپ كېتىشنى تەلەپ قىلىشقا ھەيدەكچىلىك قىلدى . ئامېرىكا پىرىزدىنتى ئامېرىكا ئارمىيىسىگە تەييار تۇرۇش ھالىتىگە ئۆتۈش توغرىسىدا بۇيرۇق چۈشۈرۈپ ، ئۈچ دۆلەتكە بېسىم ئىشلەتتى . سوۋېت ئىتتىپاقى 5 - چىسلا ئامېرىكا بىلەن ئورتاق ھەركەت قوللىنىشنى تەكلىپ قىلىپ ، ئەنگىلىيە بىلەن فىرانسىيەنى ب د ت يىغىنىنىڭ قارارىنى قوبۇل قىلىشقا مەجبۇرلىدى . ئەنگىلىيە ، فىرانسىيە ئىسرائىلىيىلەرگە زۆرۈر تېپىلغاندا يادرو قوراللىرىنى ئىشلىتىدىغانلىقى توغرىسىدا ئاگاھلاندۇرۇش بەردى . خەلقارا جەمىيەتنىڭ ، بولۇپمۇ ئامېرىكا بىلەن سوۋېت ئىتتىپاقىنىڭ بېسىمى ئاستىدا ، 11 - ئاينىڭ 6 - كۈنى چۈشتىن كېيىن ئەنگىلىيە ۋە فىرانسىيە ئۇرۇش توختىتىش قارارىنى قوبۇل قىلىشقا مەجبۇر بولدى . ئىسرائىلىيىمۇ 11 - ئاينىڭ 8 - كۈنى سىناي يېرىم چىقىپ ئارىلىدىن كېتىشكە ماقۇل بولدى .
ئىككىنچى قېتىملىق ئوتتۇرا شەرق ئۇرۇشى ئوتتۇرا شەرق رايونىنىڭ ئىستىراتېگىيىلىك ھالىتىنى ئۈزۈل - كېسىل ئۆزگەرتىۋەتتى . ئەنگىلىيە ، فىرانسىيە پاجىئەلىك مەغلۇۈبىيەتكە ئۇچرىدى . ئامېرىكا بىلەن سوۋېت ئىتتىپاقىنىڭ تەسىرى كۈچەيدى . شۇنىڭدىن كېيىن ئامېرىكا بىلەن سوۋېت ئىتتىپاقىنىڭ ئوتتۇرا شەرقتىكى ئېلىشىشىنىڭ يېڭى دەۋرى باشلاندى . تاجاۋۇزغا ئۇچرىغان مىسىر ھەربىي ۋە ئىقتىسادىي جەھەتلەردىن غايەت زور زىيانغا ئۇچرىغان بولسىمۇ ، لېكىن سىياسى جەھەتتە زور غەلىبىگە ئېرىشتى . شۇنىڭدىن كېيىن مىسىر ئەرەپ مىللەتچىلىك ھەركىتىنىڭ مەركىزى ۋە ئىسرائىلىيىنىڭ ئاساسىي رەقىبى بولۇپ قالدى .
ئىسرائىلىيە بىر غېرىچ زىمىنغا ئىگە بولالمىغان بولسىمۇ ، لېكىن ئۇرۇش قىلىش مەقسىتىگە ئاساسى جەھەتتىن يەتتى . ئىسرائىلىيە بىلەن مىسىر ئوتتۇرىسىدا خەلقارا كاپالەتكە ئىگە بولغان ئارىلىق رايون قۇرۇۋالدى . بەزى كۈزەتكۈچىلەرنىڭ قارىشىچە ، سىناي ئۇرۇشى ئاياقلاشقاندىن كېيىن ئىسرائىلىيىنىڭ چېگرىسى نىسبىي جىم بولدى . ئەرەپ دۆلەتلىرىنىڭ ئىسرائىلىيىگە شەكىللەندۈرمەكچى بولغان يېرىم مۇھاسىرە چەمبىرىكى پىلانىنى ئاشۇرۇشمۇ تەس بولدى . شۇنىڭدىن كېيىنكى ئون يىلدا ئىسرائىلىينىڭ چېگرىسى مۇقىم ۋە تىنىچ بولدى .
Posted: 2007-11-18 22:40 |
1 -قەۋەت
niyazdixan
دەرىجىسى :
كۇلۇب باشلىقى
نادىر يازمىلار :
يوللىغان تېما :
شۆھرىتى:
0 نومۇر
پۇلى:
سوم
تۆھپىسى:
نومۇر
توردىكى ۋاقتى : 0(سائەت)
تىزىملاتقان ۋاقتى : 2007-01-22
ئاخىرقى كىرگىنى : 1970-01-01
كىچىك
نورمال
چوڭ
3 - قېتىملىق ئوتتۇرا شەرق ئۇرۇشى
ئۇچىنچى قېتىملىق ئوتتۇرا شەرق ئۇرۇشى 1967 - يىلى 6 - ئاينىڭ 5 - كۈنى پارتلاپ 6 - ئاينىڭ 10 - كۈنى ئاخىرلاشتى . شۇڭا " 5 - ئىيۇن ' ئۇرۇشى ياكى " 6 كۈنلۈك ئۇرۇش ' دەپمۇ ئاتالدى .ئىككىنچى قېتىملىق ئوتتۇرا شەرق ئۇرۇشى ئاخىرلاشقاندىن كېيىن چېگرادا بەزى سۈركىلىشلەر بولۇپ تۇرسىمۇ ، لېكىن ئىسرائىلىيە بىلەن ئەرەپلەر ئاساسەن تىنچلىقتا بىللە ئۆتتى . 1965 - يىلىغا كەلگەندە ئىككى تەرەپنىڭ قوراللىق توقۇنۇشى تەدرىجى كۆپەيدى ، بولۇپمۇ 1966 - يىلنىڭ كېيىنكى يېرىمىدا چېگرا ۋەزىيىتى جىددىيلىشىشكە يۈزلەندى ، پەلەستىننى ئۇرۇش تۇمانلىرى قاپلاشقا باشلىدى .
بۇ قېتىمقى ۋەزىيەتنىڭ جىددىيلىشىشىدە چوڭقۇر خەلقارالىق ئارقا كۆرۈنۈش بار ئىدى . بىرىنچىدىن ، ئىككىنچى قېتىملىق ئوتتۇرا شەرق ئۇرۇشىدىن كېيىن ئوتتۇرا شەرق ئامېرىكا بىلەن سوۋېت ئىتتىپاقى قوراللىق ئېلىشىدىغان دەۋرگە كىردى . سوۋېت ئىتتىپاقىنىڭ تەسىرىنى چەكلەش ئۈچۈن ئامېرىكا " بوشلۇقنى تولدۇرىدىغان ' ئېزىنخۋېرىزىمنى ئوتتۇرىغا قويۇپ ، ئەنگىلىيە ، فىرانسىيە چىقىپ كەتكەندىن كېيىن قېپقالغان بوشلۇقنى سوۋېت ئىتتىپاقىدىن ئىلگىرى تولدۇرىۋېلىشقا ئۇرۇندى . ئېزىنخاۋېرىزىمنىڭ مۇھىم نۇقتىسى ئىسرائىلىيىنى قوراللاندۇرۇش ، ئەرەپ دۆلەتلىرىدىكى ئامېرىكاپەرەس كۈچلەرنى يېنىغا تارتىپ ، ناسىرىزىم ۋە سوۋېت ئىتتىپاقىنىڭ ئىلگىرىلىشىنى توسۇش بولدى . سوۋېت ئىتتىپاقى بولسا مىسىر ، سۈرىيە ۋە ئىراق قاتارلىق سوۋېتپەرەس دۆلەتلەرگە ئىقتىسادىي ۋە ھەربىي ياردەم بېرىپ ، ئامېرىكا بىلەن قارشىلاشتى . سوۋېت ئىتتىپاقى بىلەن ئامېرىكىنىڭ ئېلىشىشى ئوتتۇرا شەرق رايونىدىكى ھەربىي قارشىلىقنى ۋە ھەربىي ھازىرلىقلار رىقابىتىنى كۈچەيتىۋەتتى . ئىككىنچىدىن ، ئەرەپ دۇنياسىنىڭ ئىچىدىكى ئۆزگىرىش ، بولۇپمۇ پەلەستىن ئازاتلىق تەشكىلاتىنىڭ قۇرۇلۇشى ئارقىسىدا ، ئىسرائىلىيە بىلەن ئەرەپلەرنىڭ مۇناسىۋىتى تېخىمۇ جىددىيلىشىشكە يۈزلەندى . ئىراقتىكى غەرپپەرەس فايسال خاندانلىقى 1958 - يىلى 7 - ئايدا ئاغدۇرۇلۇپ ، باغدات شەرتنامىسى تەشكىلاتىنىڭ ئۆمرى ئاخىرلاشتى .ئوتتۇرا شەرقتە ناسىرىزىمنىڭ تەسىرى بارغانسېرى چوڭىيىپ ، ئىسرائىلىيە ئەرەپلەردىن كېلىدىغان بېسىمنى تېخىمۇ چوڭقۇر ھىس قىلدى .1964 - يىلى 5 - ئايدا پاتاخ قاتارلىق سەككىز تەشكىلاتتىن ئۇيۇشقان پەلەستىن ئازادلىق تەشكىلاتى قۇرۇلۇپ ، پەلەستىن خەلقىنىڭ ئازادلىق ھەركىتى كۈچلۈك رەھبەرلىك يادروسىغا ئىگە بولدى . پەلەستىن ئازادلىق تەشكىلاتى قولدىن كەتكەن زىمىننى قايتۇرىۋېلىش ئۈچۈن سىياسىي ۋە ھەربىي پائالىيەيلەرنى ئاكتىپ قانات يايدۇردى . بولۇپمۇ ياسىر ئارافات رەھبەرلىك قىلغان ' پاتاخ ' 1964 - يىلى 12 - ئاينىڭ 31 - كۈنى ئىسرائىلىيىگە قارشى تۇنجى ئوقنى ئاتتى . شۇنىڭدىنى كېيىن پەلەستىن ئازادلىق تەشكىلاتى ئىسرائىلىيىگە ئىئوردىنىيە ۋە لىۋاندىن ئۈزلۈكسىز ھۇجۇم قىلىپ ، ئىسرائىلىيىگە بىۋاستە تەھدىت بولۇپ شەكىللەندى . ئىسرائىلىيە بۇنىڭغا قارىتا ئۆچ ئېلىش ھەركەتلىرىنى قوللاندى . شۇنىڭ بىلەن توقۇنۇش كۈنسايىن كۈچەيدى .1966 - يىلى 11 - ئايدا ئىسرائىلىيە ئارمىيىسى پەلەستىن قوراللىق كۈچلىرىنىڭ بازىسىنى تازىلاشنى باھانە قىلىپ ، چېگرىدىن ئۆتۈپ ئىئوردان دەرياسىنىڭ غەربىي قىرغىقىدىكى ھىبرون رايونىنىڭ سام كەنتىگە ھۇجۇم قىلىپ ، ئەسكەرلەر پۇقرالاردىن بولۇپ 150 تىن ئارتۇق ئادەمنى ئۆلتۈردى ۋە يارىدار قىلدى . ئۇنىڭ كەينىدىن ئىسرائىلىيە بىلەن سۈرىيە ئوتتۇرىسىدا 1967 - يىلى 4 - ئايدا چوڭ كۆلەملىك ھاۋا ئۇرۇشى بولدى . شۇنىڭدىن كېيىن ئىسرائىلىيە بىلەن ئەرەپلەرنىڭ مۇناسىۋىتى جىددىيلىشىپ ، ئومۇمىيۈزلۈك ئۇرۇش پارتلاش شارائىتى شەكىللىنىپ بولدى . 1967 - يىلى 5 - ئاينىڭ 12 - كۈنى سوۋېت ئىتتىپاقى مىسىر ۋە سۈرىيىگە ئىسرائىلىيىنىڭ شىمالىي قىسمىدا ئەسكەر توپلاۋاتقىنىنى ، 5 - ئاينىڭ 17 - كۈنى سۈرىيىگە ھۇجۇم قىلىدىغانلىقى توغرىسىدىكى يېقىندا قولغا چۈشەرگەن يەتكۈزۈپ بەردى . مىسىر زوڭتوڭى جامال ئابدۇل ناسىر بۇنىڭدىن خەۋەر تېپىپ ، 15 - چىسلا دەرھال قارار چىقىرىپ ، سىناي يېرىم ئارىلىغا ئەسكەر كۆپەيىتتى ھەمدە ب د ت نىڭ تىنچلىق ساقلاش قىسىملىرىنى چېكىندۈرۈپ كېتىشنى تەلەپ قىلدى . ب د ت نىڭ باش كاتىپى ئۇدەن 18 - چىسلا مىسىرنىڭ تەلىپىنى قوبۇل قىلىپ ، تىنىچلىق ساقلاش قىسىملىرىنى چېكىندۈرۈپ كەتتى . شۇنىڭ بىلەن ئىسرائىلىيە ۋە مىسىرنىڭ ئارىسىدىكى ئارىلىق رايون مەۋجۈت بولماي قالدى . جامال ئابدۇل ناسىر 5 - ئاينىڭ 22 - كۈنى تىران بوغۇزىنى قامال قىلىدىغانلىقىنى جاكارلىدى . شۇنىڭ بىلەن ئىسرائىلىيە ، مىسىر چېگراسىدىكى نىسبىي مۇقىم ھالەت ئاخىرلاشتى . 5 - ئاينىڭ 27 - كۈنى جامال ئابدۇل ناسىر بىر قېتىملىق ئاممىۋى يىغىلىشتا : ' بۇ قېتىمقى ئۇرۇشنىڭ مەقسىتى ئىسرائىلىيىنى يوقىتىشتىن ئىبارەت ' دىدى . شۇنىڭدىن كېيىن سۇدان ، ئالجىرىيە ، ئىئوردانىيە قاتارلىق دۆلەتلەرمۇ ئەسكەر ئەۋەتىپ مىسىرغا ياردەم بېرىدىغانلىقىنى بىلدۈرۈشتى .
ئىسرائىلىيە تەشۋىقاتتا چوڭ گەپ قىلمىغان بولسىمۇ ، لېكىن ئەمىلىيەتتە ئۇرۇش قىلىشقا پۇختا تەييارلىنىپ قويدى . ئەتراپلىق پىلانلاپ ، ئامېرىكىنىڭ سۈكۈت قىلىشى بىلەن ئاۋۋال قول سېلىپ ، خەۋپسىزلىكىگە بولغان تەھدىتىنى يوقاتماقچى بولدى . 6 - ئاينىڭ 5 - كۈنى ئىسرائىلىيە 500 دىن ئارتۇق ئايرۇپىلان ۋە سەككىز تانكا بېرىگادىسىنى چىقىرىپ ، بىر - بىرلەپ تارمار قىلىش ، تېز ھۇجۇم قىلىپ تېز غەلىبە قىلىش تاكتىكىسىنى قوللىنىپ ، ئەرەپ دۆلەتلىرىگە " چاقماق ئۇرۇشى ' قوزغىدى .ئۈچىنچى قېتىملىق ئوتتۇرا شەرق ئۇرۇشى پارتلىدى . ئالتە كۈنلۈك جىددىي جەڭ قىلىش ئارقىلىق ، مىسىر ۋە باشقا ئەرەپ دۆلەتلىرى ئېغىر چىقىم تارتقان ئەھۋال ئاستىدا ، ئۇرۇش توختىتىش تەلىپىنى ئوتتۇرىغا قويۇشقا مەجبۇر بولدى . 6 - ئاينىڭ 10 - كۈنى ئىسرائىلىيە بىلەن ئەرەپلەر ب د ت نىڭ ئۇرۇش توختىتىش قارارىنى قوبۇل قىلدى . ئۈچىنچى قېتىملىق ئوتتۇرا شەرق ئۇرۇشى ئالتە كۈن داۋاملىشىپ ئىسرائىلىيىنىڭ غەلىبە قىلىشى بىلەن ئاخىرلاشتى .
ئۈچىنچى قېتىملىق ئۇرۇش ئەرەپلەرنى چوڭ زىيانغا ئۇچراتتى . ئۇرۇشتا مىسىر قاتارلىق دۆلەتلەرنىڭ 10 مىڭدىن ئارتۇق ئادىمى ئۆلدى ، 400 مىڭدىن ئارتۇق ئادىمى مۇساپىر بولۇپ كەتتى ، مىڭغا يېقىن تانكىسى ، 400 دىن ئارتۇق ئايرۇپىلانى زىيانغا ئۇچرىدى . ئىسرائىلىيە بولسا ئىئوردان دەرياسىنىڭ ئىككى قىرغىقى ، گازا رايونى ، گولان ئىگىزلىكى ۋە سىناي يېرىم ئارىلىنى ئۆز ئىچىگە ئالغان 80 مىڭ كۋادىرات كىلومېتىر ئەرەپ زىمىنىنى تارتىۋالدى ھەمدە ئېروسالىم كونا شەھىرىنى ئىشغال قىلىۋالدى .
1967 - يىلى 11- ئاينىڭ 22 - كۈنى ب د ت خەۋپسىزلىك كېڭىشى 242 - نومۇرلۇق قارار ماقۇللاپ ، ئىسرائىلىيىدىن " 5 - ئىيۇن ئۇرۇشى ' دا ئىشغال قىلىۋالغان ھەممە زىمىندىن چېكىنىپ چىقىشىنى تەلەپ قىلدى ، بۇ رايوندىكى دۆلەتلەردىن بارلىق ئۇرۇشخۇمار سۆزلەرنى ۋە ئۇرۇشۇش ھالىتىنى ئاجىزلاشتۇرۇپ ، بۇ رايوندىكى دۆلەتلەرنىڭ ئىگىلىك ھوقۇقىغا زىمىن پۈتۈنلۈكىگە ۋە سىياسىي مۇستەقىللىقىگە ھۆرمەت قىلىشنى ھەمدە ئۇلارنىڭ قورال ئىشلىتىش ياكى قوراللىق تەھدىت سېلىشىغا ئۇچرىمىغان ، ئىشەنچلىك ۋە ئېتىراپ قىلىنغان چېگرا ئىچىدە تىنىچ ياشاش ھوقۇقىنى كاپالەتلەندۈرۈشىنى تەلەپ قىلدى . بۇ قاراردا ئىسرائىلىيىدىن 1967 - يىلى ئىشغال قىلىۋالغان زىمىندىن چىقىپ كېتىش تەلەپ قىلىنغان بولسىمۇ ، ئەرەپلەردىنمۇ ئىسرائىلىيە دۆلىتىنىڭ ياشاش ھوقۇقىنى ئېتىراپ قىلىش تەلەپ قىلىندى . ئەمەلىيەتتە ، ئىسرائىلىيە دۆلىتىنىڭ 1967 يىلىدىن ئىلگىرىكى چېگرىسى ئېتىراپ قىلىندى ، پەلەستىننى بۆلۈپ باشقۇرۇش توغرىسىدىكى قارار تەڭشەلدى . شۇڭا ئىسرائىلىيىنىڭ 1967 - يىلىدىكى چېگرىسى ئەمەلىيەتتە ، خەلقارانىڭ ئېتىراپ قىلىشىغا ئېرىشتى .
ئۈچىنچى قېتىملىق ئوتتۇرا شەرق ئۇرۇشىنىڭ نەتىجىسى ئىسرائىلىيە بىلەن ئەرەپلەر ئوتتۇرىسىدىكى ئۆچمەنلىك ۋە قارشىلىشىشنى تېخىمۇ كۈچەيتىۋەتتى . شۇنىڭ بىلەن بىللە ، ئىسرائىلىيە دۆلىتى ئىچىدىكى " بۈيۈك ئىسرائىلىيە ' پىكىر ئېقىمى يۇقۇرى دولقۇنغا كۆتۈرۈلدى . ئىسرائىلىيە 1967 - يىلى ئىشغال قىلىۋالغان زىمىندىن چىقماي تۇرۇۋالدى . ئەرەپلەر قىساس ئېلىشقا قەسەم ئىچىپ ، قولدىن كەتكەن زىمىننى تارتېۋىلىشقا تەييارلاندى .
Posted: 2007-11-18 22:40 |
2 -قەۋەت
niyazdixan
دەرىجىسى :
كۇلۇب باشلىقى
نادىر يازمىلار :
يوللىغان تېما :
شۆھرىتى:
0 نومۇر
پۇلى:
سوم
تۆھپىسى:
نومۇر
توردىكى ۋاقتى : 0(سائەت)
تىزىملاتقان ۋاقتى : 2007-01-22
ئاخىرقى كىرگىنى : 1970-01-01
كىچىك
نورمال
چوڭ
4 - قېتىملىق ئوتتۇرا شەرق ئۇرۇشى
تۆتىنچى قېتىملىق ئوتتۇرا شەرق ئۇرۇشى 1973 - يىلى 10 - ئاينىڭ 6 - كۈنى پارتلاپ ، 10 - ئاينىڭ 24 - كۈنىگىچە 18 كۈن داۋاملىشىپ ، " ئۆكتەبىر ئۇرۇشى ' دەپ ئاتالدى . بۇ ئۇرۇشنى ئەرەپلەر " رامزان ئۇرۇشى ' دەپ ئاتىدى . ئىسرائىلىيىلىكلەر " گۇناھىنى يۇيۇش كۈنى ئۇرۇشى ' دەپ ئاتىدى .
ئۈچىنچى قېتىملىق ئوتتۇرا شەرق ئۇرۇشىدىن كېيىن ئىسرائىلىيە جىمجىت ھالەتتە مۇداپىئە كۆرۈش ئىستىراتىگىيەسىنى يولغا قويدى . سىناي يېرىم ئارىلىدا 238 مىليون ئامېرىكا دوللىرى سەرپ قىلىپ ، 160 كىلومېتىر ئۇزۇنلۇقتا بار - لېۋ مۇداپىئىە لىنىيىسى ، گولان ئىگىزلىكىدە تانكىغا قارشى سېستىما ياساپ ، مىسىر ، سۈرىينىڭ ھۇجۇمىنى توسۇشقا تەييارلاندى . ئەرەپ دۆلەتلىرى بولسا ئىنتىقام ئېلىشقا قىلىچ بىلەپ ، ئارمىيىنى كېڭەيتىپ ئۇرۇشقا تەييارلىق كۆرۈپ ، قولدىن كەتكەن زىمىنلارنى قايتۇرىۋېلىشقا بەل باغلىدى . سوۋېت ئىتتىپاقىنىڭ قوللىشى بىلەن مىسىرنىڭ ھەربىي كۈچى ئۇرۇشتىن ئىلگىرىكى سەۋىيەگە يەتتى ، بەلكى ئۈسكۈنىلىرى تېخىمۇ ئىلغارلاشتى . شۇنىڭ بىلەن بىللە ئەرەپ دۆلەتلىرىمۇ ئۆتكەنكى ساۋاقلارنى قوبۇل قىلىپ ، ئىتتىپاقلىقنى كۈچەيتىپ ، ئۆزئارا ياردەملەشتى . مىسىر ئىئوردانىيە قاتارلىق ئالدىنقى سەپ دۆلەتلىرى لىۋىيە ، كۇۋەيت ، سەئۇدى ئەرەبىستانى قاتارلىق نېفىت بايلىقى مول دۆلەتلەردىن نۇرغۇن مالىيە ياردىمى ئالدى . 1970 - يىلى 9 ئايدا جامال ئابدۇل ناسىر ۋاپات بولۇپ ، مۇھەممەد ئەنۋەر سادات مىسىرغا زوڭتوڭ بولدى . سادات تەخىتكە چىققاندىن كېيىن ئىسرائىلىيىنى يەڭگىلى بولمايدۇ ، دەيدىغان ئەپسانىنى بىتچىت قىلىۋېتىشكە بەل باغلىدى . پۇختا تەييارلىق قىلغاندىن كېيىن ئەتراپلىق ئويلىنىپ 1973 - يىلى كۈزدە سۈرىيە بىلەن بىرلىشىپ ، ئىسرائىلىيەگە چاقماق تېزلىكىدە ھۇجۇم قىلىشنى بەلگىلىدى . ھۇجۇم كۈنىنى 10 - ئاينىڭ 6 - كۈنى _____ يەھۇدىلارنىڭ گۇناھىنى يۇيۇش كۈنىگە بېكىتتى . بۇ كۈن يەھۇدىلارنىڭ ئەنئەنىۋى دىنىي بايرام كۈنى بولۇپ ، ئىسرائىلىيە قائىدە بويىچە كۈندىلىك ھەممە پائالىيەتلىرىنى توختىتاتتى ، ئارمىيىسىمۇ دەم ئالاتتى . دەل شۇ كۈنى مىسىر 80 مىڭدىن ئارتۇق ئارمىيىنى جەڭگە ئاتلاندۇرۇپ ، 300 دىن ئارتۇق ئايرۇپىلان ۋە تۆت مىڭدىن ئارتۇق زەمبىرەكنىڭ ھىمايىسىدە قانالنىڭ شەرقىي تەرىپىگە تۇيۇقسىز ھۇجۇم قىلدى . ئوق ئاۋازى بايرام كۈنىدىكى جىمجىتلىقنى بۇزىۋەتتى . ئىسرائىلىيىلىكلەر خۇدىغا كەلگەندە مىسىر ئارمىيەسى بار - لېۋ مۇداپىئىەسىنى بىتچىت قىلىۋەتكەن ، سۈرىيە ئارمىيە سىمۇ گولان ئىگىزلىكىنىڭ شەرقى قىسمىدىكى زىمىنلارنى قايتۇرىۋالغاندى . ئۈچىنچى قېتىملىق ئوتتۇرا شەرق ئۇرۇشىنىڭ غەلىبىسىدىن ئېسەنكىرەپ كەتكەن ئىسرائىلىيە مانا شۇ چاغدا ئىشنىڭ چاتاقلىقىنى تونۇپ يەتتى . مۇشۇنداق ھايات - ماماتلىقنىڭ جىددى پەيتىدە ئىسرائىلىيە ئارمىيىسى ئىلاج بولمىغاندا يادرو قوراللىرىنى ئىشلىتىشكە تەييارلاندى . غەرپ مۇتەخەسىسلىرىنىڭ ئېيتىشىچە ، ئىسرائىلىيە زوڭلىسى مېيىر خانىم ئون دانە ئاتوم بومبىسىنى ئامباردىن ئېلىپ چىقىشقا ھەم ئالاھىدە قۇراشتۇرۇلغان بومباردىمانچى ئايرۇپىلانغا ئورۇنلاشتۇرۇش توغرىسىدا بۇيرۇق بەرگەن ، ئامېرىكا بۇ ئەھۋالنى ئۇققاندىن كېيىن ئىسرائىلىيىدىن ئاتوم قورالى ئىشلەتمەسلىكنى تەلەپ قىلغان ھەمدە پۈتۈن كۈچى بىلەن ئىسرائىلىيەگە ياردەم بېرىشكە ۋەدە بەرگەن . ئۇرۇشنىڭ ھالقىلىق پەيتىدە ئامېرىكا ئىسرائىلىيىگە مىسىرنىڭ ئالدىنقى قوشۇنلىرى ئوتتۇرىسىدا بوشلۇق پەيدا بولغانلىقتەك مۇھىم ئاخباراتنى يەتكۈزۈپ بەردى . ئىسرائىلىيە بۇنىڭدىن خەۋەردار بولغاندىن كېيىن دارھال ئارىئېل شاروننى خىللانغان قوشۇننى باشلاپ ئاشۇ بوشلۇقتىن مىسىر ئارمىيىسىنىڭ مۇداپىئە لىنىيىسىگە ئىچكىرىلەپ كىرىپ ، مىسىر ئارمىيىسىنى كېسىپ مۇھاسىرە قىلىشقا ئەۋەتىپ ، ئۇرۇشنىڭ تەشەببۇسكارلىق ھوقۇقىنى قولغا كەلتۈردى .
ئۇرۇشنىڭ داۋاملىق كېڭىيىپ كېتىشىنى ئۈمىد قىلمىغان ئامېرىكا بىلەن سوۋېت ئىتتىپاقى 10 - ئاينىڭ 21 - كۈنى ب د ت خەۋپسىزلىك كېڭىشىگە ئىككى تەرەپنىڭ ئۇرۇشنى دەرھال توختىتىشىنى ، 242 - نومۇرلۇق قارارنى ئىجرا قىلىشنى تەلەپ قىلىش توغرىسىدا لايىھە سۇندى . 10 - ئاينىڭ 22 - كۈنى خەۋپسىزلىك كېڭىشى بۇ لايىھىنى ماقۇللاپ 338 - نومۇرلۇق قارار ماقۇللىدى . مىسىر ، سۈرىيە ، ئىسرائىلىيە 24 - چىسلا ئۇرۇش توختىتىشنى قوبۇل قىلدى ، تۆتىچى قېتىملىق ئوتتۇرا شەرق ئۇرۇشى ئاخىرلاشتى . بۇ قېتىمقى ئۇرۇشتا ئىسرائىلىيە بىلەن ئەرەپلەر 700 مىڭدىن ئارتۇق ئەسكەر ئالتە مىڭدىن ئارتۇق تانكا ، 1500 دىن ئارتۇق ئايرۇپىلان ئىشلەتتى 4000 دىن ئارتۇق باشقۇرىلىدىغان بومبا ئاتتى بۇ سانلار بۇ قېتىمقى ئۇرۇشنىڭ جىددىلىك دەرىجىسىنى تولۇق ئەكس ئەتتۈرۈپ بېرىدۇ . ئۇرۇش ئارقىلىق ئىسرائىلىيە قانالنىڭ غەربىي قىرغىقىدىكى كىچىك بىر بارچە زىمىننى ئىشغال قىلىۋالدى . مىسىر سىناي يېرىم ئارىلىنىڭ كۆپ قىسىم زىمىنىنى قايتۇرىۋالدى . سۈرىيە بولسا قايتۇرىۋالغان گولان ئىگىزلىكىنىڭ بىر قىسىم يېرىدىن يەنە ئايرىلىپ قالدى .
تۆتىنچى قېتىملىق ئوتتۇرا شەرق ئۇرۇشى " ئىسرائىلىيىنى يەڭگىلى بولمايدۇ ' دىگەن ئەپسانىنى بىچتىت قىلىۋەتتى . ئىسرائىلىيىگە تىنىچلىققا ئىگە بولۇش ئۈچۈن ئەرەپ دۆلەتلىرىنىڭ تەلىپىگە ئەھمىيەت بېرىش كېرەكلىكىنى تونۇتتى . شۇنىڭ بىلەن بىللە ئەرەپ دۆلەتلىرىمۇ ئىسرائىلىيىنى قورال كۈچى بىلەن يوقاتىلى بولمايدىغانلىقىنى ، ئىسرائىلىيە دۆلىتىنىڭ مەۋجۈت بولۇش ھوقۇقىنى ئېتىراپ قىلىش كېرەكلىكىنى تەدرىجى تونۇپ يەتتى . ئۇرۇش جەريانىدا نېفىت چىقىدىغان ئەرەپ دۆلەتلىرى " نېفىت ئېكىسپورت قىلىش ' ئىتتىپاقىغا ئەزا دۆلەتلەرنىڭ ياردىمى ئارقىسىدا نېفىت قورالىدىن پايدىلىنىپ كۈرەش قىلىپ ، مىسىر سۈرىيەلەرنىڭ ھەربىي كۈرىشىگە ياردەم بېرىپ ، ئەرەپ مىللىتىنىڭ ئىناقلىقىنى نامايەن قىلىپ ، دۇنيانى زىلزىلىگە سالدى . بۇ قېتىمقى ئۇرۇش ۋە ئۇنىڭدىن پەيدا بولغان دۇنياۋى نېفىت كىرىزىسى ئارقىلىق ، ئامېرىكىمۇ ئىسرائىلىيە بىلەن ئەرەپلەر ئوتتۇرىسىدىكى تىنىچلىقنى ئىلگىرى سۈرۈش ئۆزىنىڭ تۈپ مەنپەتىگە ئۇيغۇن كېلىدىغانلىقىنى تونۇپ يەتتى . 1973 - يىلىنىڭ ئاخىرىدىن 1974 - يىلىنىڭ باشلىرىغىچە ئامېرىكىنىڭ دۆلەت ئىشلىرى كاتىپى كېسىگىر مىسىر بىلەن ئىسرائىلىيە ۋە سۈرىيە بىلەن ئىسرائىلىيە ئوتتۇرىسدا خىزمەت ئىشلەپ . ئۇلارنى ھەربىي جەھەتتىن ئۇچرىشىپ قېلىشتىن قۇتۇلۇش توغرىسىدا كېلىشىم ئىمزالاتقۇزدى . 1977 - يىلىى تەختكە چىققان كات ھۆكۈمۈتى " ئوتتۇرا شەرق مەسىلىسىنى ئومۇمىيۈزلۈك ھەل قىلىش ' نى ئامېرىكىنىڭ دىپلوماتىيە سىياسىتىنىڭ بىر مۇھىم نۇقتىسى قىلىپ ،ئىسرائىلىيە بىلەن ئەرەپلەرنىڭ تىنچلىق سۆھبىتىنى پائال ئىلگىرى سۈردى .
Posted: 2007-11-18 22:41 |
3 -قەۋەت
يازما كۆرۈلۈش خاتىرىسى
سەھىپە كۆرۈلۈش خاتىرىسى
سەھىپە يۆتكىلىش
>> ئۇيغۇرلارنىڭ قەدىمقى زامان تارىخى
|- رىۋايەتلەردىكى تارىخ
|- ئوتتۇرا ئەسىردىكى ئۇيغۇرلار
|- شانلىق مەدەنىيەت دەۋرى
|- كېيىنكى ئوتتۇرا ئەسىردىكى ئۇيغۇرلار
>> ئۇيغۇرلارنىڭ يېقىنقى زامان تارىخى
|- خوجىلار دەۋرىدىكى ئۇيغۇرلار
|- داۋالغۇش ئىچىدىكى ئۇيغۇر جەمىيىتى
>> ئۇيغۇرلارنىڭ ھازىرقى زامان تارىخى
|- ياڭ زېڭشىن، جىن شۇرېن ۋە شېڭ شىسەي
|- ئۈچ ۋىلايەت ئىنقىلابى
|- شانلىق دەۋر
>> ئۇيغۇر مەدەنىيەت تارىخى
|- ئۇيغۇرلاردا دىن
|- ئۇيغۇرلاردا تىل - يېزىق
|- ئۆرپ - ئادەت
|- ھۈنەر - كەسپ
>> جاھاننامە
|- تارىخى ئاتالغۇلار
|- كونا - يېڭى كىتاپلار
|- ئۇيغۇرشۇناسلار ۋە دۇنيادىكى ئۇيغۇرشۇناسلىق تەتقىقا
|- ئۇيغۇرلاردىكى مەشھۇر شەخسلەر
|- جۇڭگو تارىخى
|- دۇنيا تارىخى
|- ئۇنۋېرسال سەھىپە
|- يەر ــ جاي ناملىرىمىز
>> ئۇنۋېرسال سەھىپە
ئورخۇن مۇنبىرى
»
دۇنيا تارىخى
Total 0.066395(s) query 4, Time now is:12-05 17:55, Gzip disabled
ICPNo : 新06003667
Powered by
PHPWind
v6.0
Certificate
Code © 2003-07
PHPWind.com
Corporation
Uyghur Version Powered by Sazgur Code © 2007-2008
Yadikar.com
Corporation