ﻳﺎﺭﻏﻮﻝ ﻗﻪﺩﯨﻤﻜﻰ ﺷﻪﻫﯩﺮﻯ

ﻳﺎﺭﻏﻮﻝ ﻗﻪﺩﯨﻤﻜﻰ ﺷﻪﻫﯩﺮﻯ
　
ﻳﺎﺭﻏﻮﻝ ﻗﻪﺩﯨﻤﻜﻰ ﺷﻪﻫﯩﺮﻯ __ ﺗﯘﺭﭘﺎﻧﺪﯨﻜﻰ ﺩﯗﻧﻴﺎ ﺑﻮﻳﯩﭽﻪ ﺋﻪﯓ ﭼﻮﯓ، ﺋﻪﯓ ﻗﻪﺩﯨﻤﻜﻰ، ﺋﻪﯓ ﻣﯘﻛﻪﻣﻤﻪﻝ ﺳﺎﻗﻼﻧﻐﺎﻥ ﯞﻩ ﻣﻪﻣﻠﯩﻜﻪﺕ ﺑﻮﻳﯩﭽﻪ ﺑﯩﺮﺩﯨﻨﺒﯩﺮ ﺗﻮﭘﺎ ﻗﯘﺭﯗﻟﻤﯩﻠﯩﻖ ﺷﻪﻫﻪﺭ. ﺩﯙﻟﻪﺕ ﺋﯩﭽﻰ - ﺳﯩﺮﺗﯩﻐﺎ ﻣﻪﺷﻬﯘﺭ ﺑﻮﻟﻐﺎﻥ، ﺗﺎﺭﯨﺨﯩﻲ ﺋﯘﺯﯗﻥ، ﺗﻪﺗﻘﯩﻘﺎﺕ ﻗﯩﻤﻤﯩﺘﻰ ﻳﯘﻗﯘﺭﻯ، ﻗﯘﺭﯗﻟﯘﺵ ﺋﺎﻻﻫﯩﺪﯨﻠﯩﻜﻰ ﺋﯚﺯﮔﯩﭽﻪ، ﻫﻪﺭ ﻳﯩﻠﻰ ﻧﻪﭼﭽﻪ ﺋﻮﻧﻤﯩﯖﻠﯩﻐﺎﻥ ﺳﺎﻳﺎﻫﻪﺗﭽﯩﻨﻰ ﺟﻪﻟﭗ ﻗﯩﻠﯩﯟﺍﺗﻘﺎﻥ ﺩﺍﯕﻠﯩﻖ ﺳﺎﻳﺎﻫﻪﺕ، ﻣﻪﺩﻩﻧﯩﻴﻪﺕ ﻳﺎﺩﯨﻜﺎﺭﻟﯩﻖ ﻧﯘﻗﺘﯩﺴﻰ.
ﻳﺎﺭﻏﻮﻝ ﻗﻪﺩﯨﻤﻜﻰ ﺷﻪﻫﯩﺮﯨﻨﯩﯔ ﺋﺎﻻﻫﯩﺪﯨﻠﯩﻜﻰ ﺷﻪﻫﻪﺭﻧﯩﯔ ﺳﯧﭙﯩﻠﻰ ﻳﻮﻕ، ﺋﯚﻱ - ﺋﯩﻤﺎﺭﻩﺗﻠﻪﺭ ﺳﻮﻗﻤﺎ ﺗﺎﻣﺪﯨﻦ ﺗﻪﺭﻛﯩﺐ ﺗﺎﭘﻘﺎﻥ، ﻧﻪﭼﭽﻪ ﻗﻪﯞﻩﺗﻠﯩﻚ ﺋﯩﻤﺎﺭﻩﺗﻠﻪﺭﻣﯘ ﺋﯩﮕﯩﺰ ﻳﺎﺭﻟﯩﻘﻼﺭﻧﻰ، ﺗﻮﭘﯩﻨﻰ ﻗﯧﺰﯨﺶ، ﺋﻮﻳﯘﺵ ﺋﺎﺭﻗﯩﻠﯩﻖ ﻳﺎﺳﺎﻟﻐﺎﻥ ﺑﻮﻟﯘﭖ، ﺑﯘ ﺧﯩﻞ ﻗﯘﺭﯗﻟﯘﺵ ﺷﻪﻛﻠﻰ ﺩﯗﻧﻴﺎﺩﺍ ﻛﻪﻡ ﺋﯘﭼﺮﺍﻳﺪﯗ. ﺋﯘ ﺗﯘﺭﭘﺎﻥ ﺷﻪﻫﯩﺮﯨﻨﯩﯔ 10 ﻛﯩﻠﻮﻣﯧﺘﯩﺮ ﻏﻪﺭﺑﯩﺪﯨﻜﻰ ﻳﺎﺭ ﻳﯧﺰﯨﺴﯩﻨﯩﯔ ﻳﺎﺭﻏﻮﻝ ﻛﻪﻧﺘﻰ ﺗﻪﯞﻩﺳﯩﮕﻪ ﺟﺎﻳﻼﺷﻘﺎﻥ. ﻗﻪﺩﯨﻤﻜﻰ ﺩﻩﯞﺭﺩﯨﻜﻰ ﺋﺎﻟﺪﻯ ﻗﯘﺵ ﺩﯙﻟﯩﺘﯩﻨﯩﯔ ﭘﺎﻳﺘﻪﺧﺘﻰ. 1961 - ﻳﯩﻠﻰ ﮔﻮﯞﯗﻳﯜﻩﻥ ﻣﻪﻣﻠﯩﻜﻪﺕ ﺑﻮﻳﯩﭽﻪ ﻧﯘﻗﺘﯩﻠﯩﻖ ﻗﻮﻏﺪﯨﻠﯩﺪﯨﻐﺎﻥ ﻣﻪﺩﯨﻨﯩﻴﻪﺕ ﻳﺎﺩﯨﻜﺎﺭﻟﯩﻖ ﺋﻮﺭﻧﻰ ﺩﻩﭖ ﺋﯧﻼﻥ ﻗﯩﻠﻐﺎﻥ.
ﻳﺎﺭﻏﻮﻝ ﻳﯩﺮﺍﻕ ﻗﻪﺩﯨﻤﻜﻰ ﺯﺍﻣﺎﻧﺪﺍ، ﻛﻪﻟﻜﯜﻧﻨﯩﯔ ﺋﯩﻜﻜﻰ ﺗﻪﺭﻩﭘﺘﯩﻦ ﺋﯧﻘﯩﭗ ﻛﯧﻠﯩﭗ ﺋﺎﺧﯩﺮﯨﺪﺍ ﻗﻮﺷﯘﻟﯩﺸﯩﺪﯨﻦ ﻫﺎﺳﯩﻞ ﺑﻮﻟﻐﺎﻥ ﻏﻮﻝ ﺑﻮﻟﯘﭖ، ﺑﯘ ﻏﻮﻟﻨﯩﯔ ﺋﻮﺗﺘﯘﺭﯨﺴﯩﺪﺍ ﺳﯚﮔﻪﺕ ﻳﻮﭘﯘﺭﻣﯩﻘﻰ ﺷﻪﻛﻠﯩﺪﯨﻜﻰ ﺗﯜﺯ ﻛﻪﺗﻜﻪﻥ ﺗﯜﺯﻟﻪﯕﻠﯩﻚ ﺑﺎﺭ. ﺗﯜﺯﻟﻪﯕﻠﯩﻜﻨﯩﯔ ﺷﯩﻤﺎﻟﯩﺪﯨﻦ ﺟﻪﻧﯘﺑﻘﺎ ﺋﯘﺯﯗﻧﻠﯘﻗﻰ ﺗﻪﺧﻤﯩﻨﻪﻥ 1650 ﻣﯧﺘﯩﺮ، ﻛﻪﯕﻠﯩﻜﻰ ﺗﻪﺧﻤﯩﻨﻪﻥ 300 ﻣﯧﺘﯩﺮ ﺑﻮﻟﯘﭖ، ﻗﻪﺩﯨﻤﻜﻰ ﺷﻪﻫﻪﺭ ﻣﯘﺷﯘ ﺋﺎﺭﺍﻟﻐﺎ ﺟﺎﻳﻼﺷﻘﺎﻥ. ﺋﯘﻧﯩﯔ ﺋﻪﺗﺮﺍﭘﯩﻨﻰ ﻏﻮﻝ ﺳﯜﻳﻰ ﺋﺎﻳﺮﯨﭗ ﺗﯘﺭﯨﺪﯗ. ﻳﺎﺭ ﺧﯘﺩﺩﻯ ﻛﯧﺴﯩﭗ ﭼﯜﺷﻜﻪﻧﺪﻩﻙ ﺳﯩﻠﯩﻖ ﺑﻮﻟﯘﭖ، ﺋﯧﮕﯩﺰﻟﯩﻜﻰ 30 ﻣﯧﺘﯩﺮﻏﺎ ﻳﯧﺘﯩﭗ، ﺗﻪﺑﯩﺌﯩﻲ ﻣﯘﻫﺎﭘﯩﺰﻩﺕ ﺗﻮﺳﯩﻘﻰ ﺷﻪﻛﯩﻠﻠﻪﻧﺪﯛﺭﮔﻪﻥ. ﺷﯘﯕﺎ، ﻳﻪﺭﻟﯩﻚ ﺋﺎﻫﺎﻟﯩﻠﻪﺭ ﺑﯘ ﻳﻪﺭﻧﻰ " ﻳﺎﺭﻏﻮﻝ" ( ﻳﺎﺭﺩﺍﯕﻠﯩﻖ، ﻏﻮﻝ ﺋﯜﺳﺘﯩﺪﯨﻜﻰ ﺷﻪﻫﻪﺭ ﺩﯦﮕﻪﻥ ﻣﻪﻧﯩﺪﻩ ) ﺩﻩﭖ ﺋﺎﺗﯩﻐﺎﻥ.
ﻳﺎﺭﻏﻮﻝ ﻗﻪﺩﯨﻤﻜﻰ ﺷﻪﻫﯩﺮﻯ ﺷﯩﻨﺠﺎﯓ ﺑﻮﻳﯩﭽﻪ ﺗﯘﺭﭘﺎﻥ ﺋﻮﻳﻤﺎﻧﻠﯩﻘﯩﺪﺍ ﺳﺎﻗﻠﯩﻨﯩﭗ ﻗﺎﻟﻐﺎﻥ ﺋﯩﻜﻜﻰ ﺋﺎﺗﺎﻗﻠﯩﻖ ﻗﻪﺩﯨﻤﻜﻰ ﺷﻪﻫﻪﺭﻧﯩﯔ ﺑﯩﺮﻯ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺟﻮﯕﮕﻮﻧﯩﯔ ﺗﺎﺭﯨﺨﯩﻲ ﺧﺎﺗﯩﺮﯨﻠﯩﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﺋﯘ ﻣﯩﻼﺩﯨﻴﯩﺪﯨﻦ ﺑﯘﺭﯗﻧﻘﻰ 2 - ﺋﻪﺳﯩﺮﺩﻩ ﻫﯘﻥ ﺋﯩﺘﺘﯩﭙﺎﻗﯩﺪﯨﻜﻰ ﻗﯘﺷﻼﺭ ﺗﻪﺭﯨﭙﯩﺪﯨﻦ ﺑﯩﻨﺎ ﻗﯩﻠﯩﻨﻐﺎﻥ. " ﺗﺎﺭﯨﺨﻨﺎﻣﻪ. ﭘﻪﺭﻏﺎﻧﻪ ﺗﻪﺯﻛﯩﺮﯨﺴﻰ " ﺩﻩ " ﻛﺮﻭﺭﺍﻥ، ﻗﯘﺵ ﺋﻪﻟﻠﯩﺮﯨﺪﻩ ﺷﻪﻫﻪﺭ ﺑﺎﺭ ﺋﯩﻜﻪﻥ، ﺗﯘﺯﻟﯘﻕ ﻛﯚﻟﮕﻪ ﺗﯘﺗﯩﺸﯩﭗ ﺗﯘﺭﯨﺪﯨﻜﻪﻥ" ﺩﻩﭖ ﺧﺎﺗﯩﺮﻟﻪﻧﮕﻪﻥ. "ﺧﻪﻧﻨﺎﻣﻪ. ﻏﻪﺭﺑﯩﻲ ﻳﯘﺭﺕ ﺗﻪﺯﻛﯩﺮﯨﺴﻰ"ﺩﻩ ﺋﺎﻟﺪﻯ ﻗﯘﺵ ﺩﯙﻟﯩﺘﯩﺪﻩ ﭘﺎﺩﯨﺸﺎﻫ ﻳﺎﺭﻏﻮﻟﺪﺍ ﺗﯘﺭﯨﺪﯗ. ﺩﻩﺭﻳﺎ ﺳﯜﻳﻰ ﺋﯩﻜﻜﯩﮕﻪ ﺑﯚﻟﯜﻧﯜﭖ، ﺷﻪﻫﻪﺭﻧﻰ ﺋﺎﻳﻠﯩﻨﯩﭗ ﺋﺎﻗﯩﺪﯗ. ﺷﯘﯕﺎ ﺑﯘ ﺟﺎﻱ ﺟﻴﺎﯞﺧﯥ، ﻳﻪﻧﻰ ﺋﯩﻜﻜﻰ ﺩﻩﺭﻳﺎ ﻗﻮﺷﯘﻟﻐﺎﻥ ﺟﺎﻱ ﺩﻩﭖ ﺋﺎﺗﯩﻠﯩﺪﯗ. ﭼﺎﯕﺌﻪﻧﮕﻪ 8150 ﭼﺎﻗﯩﺮﯨﻢ ﻛﯧﻠﯩﺪﯗ، 700 ﺋﺎﺋﯩﻠﻪ، 6050 ﻧﻮﭘﯘﺱ، 8150 ﻧﻪﭘﻪﺭ ﺑﻮﺯ ﻳﻪﺭ ﺋﯚﺯﻟﻪﺷﺘﯜﺭﯛﺵ ﺋﻪﺳﻜﯩﺮﻯ، ﺩﯙﻟﻪﺕ ﺋﻪﻣﻪﻟﺪﺍﺭﻟﯩﺮﻯ، ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﺋﻪﻣﻪﻟﺪﺍﺭﻟﯩﺮﻯ، ﺋﻮﯓ - ﺳﻮﻝ ﯞﻩﺯﯨﺮﻟﻪﺭ، ﺋﯩﻘﺘﯩﺴﺎﺩﯨﻲ ﺋﺎﻻﻗﻪ ﺗﻪﯕﺸﯩﮕﯜﭼﻰ ﺋﻪﻣﻪﻟﺪﺍﺭﻻﺭ ﺑﺎﺭ" ﺩﻩﭖ ﺧﺎﺗﯩﺮﻟﻪﻧﮕﻪﻥ. ﻣﯘﺷﯘ ﻳﺎﺯﻣﺎ ﺧﺎﺗﯩﺮﯨﻠﻪﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﻗﯘﺷﻼﺭ ﺩﻩﯞﺭﯨﺪﯨﻜﻰ ﻳﺎﺭﻏﻮﻝ ﺩﻩﺭﯨﺠﻪ ﭘﻪﺭﻗﯩﻲ ﺟﻪﻫﻪﺗﺘﻪ ﯞﯨﻼﻳﻪﺕ ﻳﺎﻛﻰ ﻧﺎﺯﺍﺭﻩﺕ ﺑﯩﻠﻪﻥ ﺋﻮﺧﺸﺎﺵ ﺑﻮﻟﻐﺎﻥ. ﺷﯘ ﺯﺍﻣﺎﻧﻼﺭﺩﺍ ﭘﯜﺗﻜﯜﻝ ﺗﯘﺭﭘﺎﻥ ﺭﺍﻳﻮﻧﯩﻨﯩﯔ ﺳﯩﻴﺎﺳﯩﻲ ﺋﯩﻘﺘﯩﺴﺎﺩﯨﻲ، ﻣﻪﺩﻩﻧﯩﻴﻪﺕ، ﻫﻪﺭﺑﯩﻲ ﺋﯩﺸﻼﺭ، ﺩﯦﻬﻘﺎﻧﭽﯩﻠﯩﻖ، ﭼﺎﺭﯞﯨﭽﯩﻠﯩﻖ، ﻗﻮﻝ - ﺳﺎﻧﺎﺋﻪﺕ ﺋﯩﺸﻠﯩﺮﯨﺪﺍ ﻧﺎﻫﺎﻳﯩﺘﻰ ﺯﻭﺭ ﺗﻪﺭﻩﻗﻘﯩﻴﺎﺗﻼﺭ ﺑﺎﺭﻟﯩﻘﻘﺎ ﻛﻪﻟﮕﻪﻥ. ﺑﯘ ﺗﻪﺭﻩﻗﻘﯩﻴﺎﺗﻼﺭ ﺋﻪﻳﻨﻰ ﺯﺍﻣﺎﻧﺪﯨﻜﻰ ﻳﺎﺭﻏﻮﻝ ﺷﻪﻫﯩﺮﯨﺪﻩ ﺋﺎﯞﺍﺕ ﺑﺎﺯﺍﺭﻻﺭﻧﻰ، ﮔﯜﻟﻠﻪﻧﮕﻪﻥ ﺷﻪﻫﻪﺭ ﻣﻪﻧﺰﯨﺮﯨﺴﯩﻨﻰ ﺑﺎﺭﻟﯩﻘﻘﺎ ﻛﻪﻟﺘﯜﺭﮔﻪﻥ. ﻳﺎﺭﻏﻮﻝ ﻗﻪﺩﯨﻤﻜﻰ ﺷﻪﻫﯩﺮﯨﺪﻩ ﻣﯩﻼﺩﯨﻴﯩﺪﯨﻦ ﺑﯘﺭﯗﻧﻼ ﺋﯩﻘﺘﯩﺴﺎﺩﯨﻲ ﺋﺎﻻﻗﻪ ﺋﻮﺭﻧﯩﺘﯩﺶ ﺋﻮﺭﮔﺎﻧﻠﯩﺮﻯ ﺗﻪﺳﯩﺲ ﻗﯩﻠﯩﻨﻐﺎﻥ. ﺩﯦﻤﻪﻙ، ﻫﺎﺯﯨﺮﻗﻰ ﻳﺎﺭﻏﻮﻝ ﻗﻪﺩﯨﻤﻜﻰ ﺷﻪﻫﯩﺮﻯ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﺎﻟﺪﻯ ﻗﯘﺵ ﺩﯙﻟﯩﺘﯩﻨﯩﯔ ﭘﺎﻳﺘﻪﯨﺘﻰ ﻗﯩﻠﯩﻨﯩﭗ ﻛﺮﻭﺭﺍﻥ ﺑﯩﻠﻪﻥ ﺗﻪﯓ ﺗﯩﻠﻐﺎ ﺋﯧﻠﯩﻨﻐﺎﻥ.
ﻣﯩﻼﺩﯨﻴﯩﻨﯩﯔ 460 - ﻳﯩﻠﻰ ﺟﯘﺭﺟﺎﻧﻼﺭ ﻗﻮﭼﻮﻧﻰ ﻫﯘﺟﯘﻡ ﺑﯩﻠﻪﻥ ﺋﯩﮕﯩﻠﻪﭖ، ﻏﺎﻥ ﺑﻮﺟﻮﻧﻰ ﻗﻮﭼﻮ ﭘﺎﺩﯨﺸﺎﻫﻰ ﻗﯩﻠﯩﭗ ﻳﯚﻟﻪﭖ ﺗﯘﺭﻏﯘﺯﺩﻯ، ﻳﺎﺭﻏﻮﻝ ﻗﻮﭼﻮﻏﺎ ﺗﻪﯞﻩ ﺑﻮﻟﺪﻯ. ﻣﯩﻼﺩﯨﻴﯩﻨﯩﯔ 501 - ﻳﯩﻠﻰ ﺟﻮﺭﺟﺎﻧﻼﺭﻧﯩﯔ ﻫﺎﻣﯩﻴﻠﯩﻘﯩﺪﯨﻜﻰ ﻛﯜﻱ ﺟﻪﻣﻪﺗﻰ ﻗﻮﭼﻮﻏﺎ ﭘﺎﺩﯨﺸﺎﻫ ﺑﻮﻟﺪﻯ، ﻗﻮﭼﻮ ﻫﯚﻛﯜﻣﺮﺍﻧﻠﯩﺮﻯ 640 - ﻳﯩﻠﯩﻐﯩﭽﻪ ﻧﯩﺴﭙﯩﻲ ﻣﯘﻗﯩﻢ ﺑﻮﻟﯘﭖ، ﻳﺎﺭﻏﻮﻝ ﻗﻮﭼﻮ ﭘﺎﺩﯨﺸﺎﻫﻠﯩﻘﯩﻨﯩﯔ ﺑﯩﺮ ﺋﺎﻳﻤﯩﻘﻰ ﺑﻮﻟﯘﭖ ﻗﺎﻟﺪﻯ. ﺷﯘﻧﯩﯖﺪﯨﻦ ﺑﯘﻳﺎﻥ ﻗﻮﭼﻮ ﯞﺍﺩﯨﺴﯩﻨﯩﯔ ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﯨﻲ، ﻣﻪﺩﻩﻧﯩﻴﻪﺕ ﻣﻪﺭﻛﯩﺰﻯ ﻳﺎﺭﻏﻮﻟﺪﯨﻦ ﻗﻮﭼﻮﻏﺎ ﻛﯚﭼﺘﻰ. ﻳﺎﺭﻏﻮﻟﻨﯩﯔ ﺗﺎﺭﯨﺨﺘﯩﻜﻰ ﻣﻪﺭﻛﻪﺯﻟﯩﻚ ﺋﻮﺭﻧﻰ ﺋﺎﺳﺘﺎ - ﺋﺎﺳﺘﺎ ﺋﺎﺟﯩﺰﻟﯩﺸﯩﺸﻘﺎ ﺑﺎﺷﻠﯩﺪﻯ.
ﻣﯩﻼﺩﯨﻴﯩﻨﯩﯔ 640 - ﻳﯩﻠﻰ ﺗﺎﯓ ﺳﯘﻻﻟﯩﺴﻰ ﻗﻮﭼﻮﻧﻰ ﺗﯩﻨﭽﯩﺘﯩﭗ، ﻳﺎﺭﻏﻮﻟﺪﺍ ﻧﺎﻫﯩﻴﻪ ﺗﻪﺳﯩﺲ ﻗﯩﻠﺪﻯ. ﻳﺎﺭﻏﻮﻝ ﺋﯩﺴﺘﯩﺮﺍﮔﯩﻴﯩﻠﯩﻚ ﻫﻪﺭﺑﯩﻲ ﺋﯩﺸﻼﺭ ﺋﻮﺭﻧﻰ ﺑﻮﻟﻐﺎﻧﻠﯩﻘﺘﯩﻦ، ﺗﺎﯓ ﺳﯘﻻﻟﯩﺴﯩﻨﯩﯔ ﺋﻪﻧﺸﻰ ﻗﻮﺭﯗﻗﭽﯩﺒﻪﮒ ﻣﻪﻫﻜﯩﻤﯩﺴﻰ ﺗﯘﺭﯗﺷﻠﯘﻕ ﺟﺎﻱ ﺑﻮﻟﯘﭖ ﻗﺎﻟﺪﻯ.
ﻣﯩﻼﺩﯨﻴﯩﻨﯩﯔ 840 - ﻳﯩﻠﻰ ﺋﯘﻳﻐﯘﺭﻻﺭﻧﯩﯔ ﺑﯩﺮ ﺗﺎﺭﻣﯩﻘﻰ ﺷﯩﻤﺎﻟﯩﻲ ﭼﯚﻟﻠﯜﻙ ﻳﺎﻳﻼﻗﻠﯩﺮﯨﺪﯨﻦ ﻏﻪﺭﺑﻜﻪ ﻛﯚﭼﯜﭖ، ﺑﯧﺸﺒﺎﻟﯩﻖ ﯞﻩ ﺗﯘﺭﭘﺎﻥ ﺋﻮﻳﻤﺎﻧﻠﯩﻘﯩﻐﺎ ﻛﯧﻠﯩﭗ ﻗﻮﭼﻮ ﺋﯘﻳﻐﯘﺭ ﺧﺎﻧﻠﯩﻘﯩﻨﻰ ﻗﯘﺭﯗﭖ، ﻗﻮﭼﻮﻧﻰ ﭘﺎﻳﺘﻪﺧﺖ ﻗﯩﻠﺪﻯ. ﻳﺎﺭﻏﻮﻝ ﻗﻮﭼﻮ ﭘﺎﺩﯨﺸﺎﻫﻠﯩﻘﯩﻐﺎ ﻗﺎﺭﺍﺷﻠﯩﻖ ﺑﯩﺮ ﻣﯘﻫﯩﻢ ﻫﻪﺭﺑﯩﻲ ﻗﻮﺭﻏﺎﻥ ﺑﻮﻟﯘﭖ ﻗﺎﻟﺪﻯ.
ﻣﯩﻼﺩﯨﻴﯩﻨﯩﯔ 1275 - ﻳﯩﻠﻰ ﻣﻮﯕﻐﯘﻝ ﺋﺎﻗﺴﯚﯕﻪﻛﻠﯩﺮﯨﺪﯨﻦ ﻗﺎﻳﺪﯗ ﺑﯩﻠﻪﻥ ﺩﯗﯞﺍ ﺗﻮﭘﯩﻼﯓ ﻛﯚﺗﯜﺭﯛﭖ، 12 ﺗﯜﻣﻪﻥ ﺋﻪﺳﻜﻪﺭ ﺑﯩﻠﻪﻥ ﻳﯜﻩﻥ ﺳﯘﻻﻟﯩﺴﻰ ﻣﻪﺭﻛﯩﺰﯨﻲ ﻫﯚﻛﯜﻣﯩﺘﯩﮕﻪ ﺑﻪﻳﺌﻪﺕ ﻗﯩﻠﻐﺎﻥ ﻗﻮﭼﻮ ﺑﯩﻠﻪﻥ ﻳﺎﺭﻏﻮﻟﻨﻰ ﻳﯧﺮﯨﻢ ﻳﯩﻠﺪﻩﻙ ﻣﯘﻫﺎﺳﯩﺮﯨﮕﻪ ﺋﺎﻟﺪﻯ. ﻳﺎﺭﻏﻮﻝ ﺋﯘﺭﯗﺵ ﺋﻮﺗﻠﯩﺮﻯ ﺋﯩﭽﯩﺪﻩ ﺋﯧﻐﯩﺮ ﯞﻩﻳﺮﺍﻧﭽﯩﻠﯩﻘﻘﺎ ﺋﯘﭼﺮﯨﺪﻯ. ﺑﯘﻧﯩﯔ ﺑﯩﻠﻪﻥ ﻳﺎﺭﻏﻮﻝ ﺗﻪﺩﺭﯨﺠﯩﻲ ﺧﺎﺭﺍﺑﯩﻠﯩﻜﻜﻪ ﺋﺎﻳﻼﻧﺪﻯ......
ﻳﺎﺭﻏﻮﻝ ﻗﻪﺩﯨﻤﻰ ﺷﻪﻫﯩﺮﻯ ﺷﻪﺭﻕ ﺑﯩﻠﻪﻥ ﻏﻪﺭﺏ ﻗﺎﺗﻨﯩﺸﯩﻨﯩﯔ ﺗﯜﮔﯜﻧﯩﮕﻪ ﺟﺎﻳﻼﺷﻘﺎﻥ، ﻳﯩﭙﻪﻙ ﻳﻮﻟﯩﺪﯨﻜﻰ ﻣﯘﻫﯩﻢ ﺑﺎﺯﺍﺭ ﺑﻮﻟﯘﭖ، ﺷﻪﺭﻕ ﺑﯩﻠﻪﻥ ﻏﻪﺭﺏ ﻗﺎﺗﻨﯩﺸﯩﻨﯩﯔ ﺗﺎﺭﯨﺨﻰ، ﺟﻮﯕﮕﻮﻧﯩﯔ ﻗﻪﺩﯨﻤﻜﻰ ﺗﺎﺭﯨﺨﻰ، ﺋﻮﺗﺘﯘﺭﺍ ﺋﺎﺳﯩﻴﺎﻧﯩﯔ ﻣﻪﺩﻩﻧﯩﻴﻪﺕ ﺗﺎﺭﯨﺨﻰ ﻫﻪﻣﺪﻩ ﻏﻪﺭﺑﯩﻲ ﺭﺍﻳﻮﻧﻼﺭﻧﯩﯔ ﺗﺎﺭﯨﺨﻰ، ﺩﯨﻨﻰ، ﺳﻪﻧﺌﯩﺘﻰ، ﻣﻪﺩﯨﻨﯩﻴﯩﺘﻰ ﻗﺎﺗﺎﺭﻟﯩﻘﻼﺭﻧﻰ ﺗﻪﺗﻘﯩﻖ ﻗﯩﻠﯩﺸﺘﺎ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ. ﻫﺎﺯﯨﺮ ﺑﯩﺰ ﻛﯚﺭﯛﯞﺍﺗﻘﺎﻥ ﺑﯘ ﻳﺎﺭﻏﻮﻝ ﺩﯙﻟﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻦ ﺳﺎﻳﺎﻫﻪﺗﭽﯩﻠﻪﺭ ﺋﯜﺯﯛﻟﻤﻪﻳﺪﯨﻐﺎﻥ ﻣﻪﺩﯨﻨﯩﻴﻪﺕ ﻳﺎﺩﯨﻜﺎﺭﻟﯩﻘﯩﻐﺎ ﺋﺎﻳﻼﻧﺪﻯ.

ﻣﻪﻧﺒﻪ: ﺋﯚﻣﻪﺭﺟﺎﻥ ﺳﯩﺪﯨﻘﻨﯩﯔ "ﺳﯧﮭﯩﺮﻟﯩﻚ ﺯﯦﻤﯩﻦ ﺗﯘﺭﭘﺎﻥ" ﻧﺎﻣﻠﯩﻖ ﻛﯩﺘﺎﯞﯨﺪﯨﻦ ﺋﯧﻠﯩﻨﺪﻯ