xinjiangدا چىقىدىغان دورىلىق ئۆسۈملۈكلەر 2014 خىل بولۇپ ، 158 تۈر ، 637 ئۇرۇقداشقا تەۋە . ئۇلار قۇملۇقلاردىن تارتىپ ، ئېگىز تاغلارغىچە كەڭ تارقالغان . زاپاس مىقدارى مول ، ئىقتىسادىي ئۈنۈمى ۋە دورىلىق قىممىتى يۇقىرى بولغان دورىلىق ئۆسۈملۈكلەردىن بىرى بولغان چۈچۈكبۇيا شىنجاڭنىڭ ھەممە يېرىگە كەڭ تارقالغان بولۇپ ، تارقىلىش كۆلىمى 933 مىڭ400 گېكتار ، ھەر يىللىق يىغىۋېلىنىش مىقدارى 60 مىڭ توننىغا يېتىدۇ . چۈچۈكبۇيا پۇرچاق ئائىلىسى چۈچۈكبۇيا ئۇرۇقدىشىدىكى كۆپىنىچە تۈز ياكى ئوتتۇرھال ھالەتتە ئۆسىدىغان سامان غوللۇق دورىلىق ئۆسۈملۈك بولۇپ ، توم ھەم كۆپ ئۇچلۇق يىلتىزسىمان غولى بار ، يىلتىزسىمان غولى توغرىسىغا ماڭىدۇ ، كۆپ شاخلايدۇ ؛ ئاساسىي يىلتىزى تۈز ، تۈۋرۈكسىمان ، توم ھەم ئۇزۇن بولىدۇ ، يىلتىز پوستى قىزغۇچ قوڭۇز ياكى قارامتۇل قوڭۇر بولىدۇ . ئىچى قىزغۇچ سېرىق ياكى ئوچۇق سېرىق رەڭدە ، تەمى تاتلىق بولىدۇ . غولى بىر تال ياكى شاخلىق ، تاق سانلىق پەيسىمان نۆۋەتلىشىپ ئۆسكەن مۇرەككەپ يوپۇرمىقى بار ، يوپۇرمىقى 7 ~17 جۈپ ، تۇخۇمسىمان ياكى ئېللىپسسىمان ، گىرۋەكلىرى مۇكەممەل بولۇپ ، ئومۇملاشقان گۈل رېتىدە پۇتاق قولتۇقىدا چېچەكلەيدۇ . چېچىكى سۇس قىزغۇچ سۆسۈن رەڭلىك ، چېچەكلەش مەزگىلى ماي ئېيىدىن ئىيۇل ئېيىغىچە . ئۇزۇن مۆڭگۈزلۈك مېۋىسى يۇمىلاق شەكلىدە بولۇپ ، ئورغاقسىمان ئېگىلىپ ياكى ھالقىسىمان يۆگىلىپ تۇرىدۇ ، ئۇرۇقى شار شەكلىدە بولىدۇ . ئاساسەن سايلىق ئوتلاقلاردا ۋە شورلۇق يەرلەردە ئۆسىدۇ . يىلتىزى ۋە يىلتىزسىمان غولى دورىلىققا ئىشلىتىلىدۇ . ئاساسلىق تەركىبى گىلتسېرىك كىسلاتا ، دىگلېتسېرىك كىسلاتا ، گىلۇكورنىك كىسلاتا ۋە كېتون تۈرىدىكى بىرىكمىلەردىن تەركىب تاپقان . شىنجاڭدا ھەقىقىي دورا قىلىنىدىغان يەنە سىلىق مېۋىلىك چۈچۈكبۇيا ھەم كۆپمە مېۋىلىك چۈچۈكبۇيا قاتارلىقلارمۇ بار .







چۈچۈك بۇيا = 甘草

بىلىۋالدىم رەھمەت

ھىلقى تاق جۈپ دەپ ئوينايدىغان شۇ ئۈسۈملۈكقۇ...........

چۈچۈك بۇيىنى چاي دەملەپ ئېچىپ بەرسە زۇكامنىڭ ئالدىنى ئالىدۇ . ھەر خىل كىسەللىكلەرگە شىپاھ قىلىدۇ .

چايغا دەملەپ ئىچسە ، چاينىڭ تەمى چۈچۈك ، قىرتاق بوپ قالمامدا ؟

توۋا مەن ئاڭلاپ  باقمىغان ئىشكەنغۇ بۇ    

نەقىل

بۇ مەزمون5قەۋەتتىكىسۈبىھىجاننىڭ2009-02-12 23:18دە يوللىغان يازمىسى  :
چايغا دەملەپ ئىچسە ، چاينىڭ تەمى چۈچۈك ، قىرتاق بوپ قالمامدا ؟

چۈچۈك بۇيا شۇنداق تاتلىق ، چۈچۈك بۇيىنىڭ غولىنىمۇ شۇنداقلا يىگۈسى كىلىدۇ . كىشىنىڭ...!!!

مەنمۇ ئاڭلىمىغانلا ئۈسۈملۇككەن بۇ ، بىلىۋالدىم رەخمەت سىزگە .

  نەچچە يىلدىن بېرى يۇرتىمىزدا بۇنىڭ يىلتىزىنى كولايدىغانلار ئاينىپ كەتتى.
     بۇرۇن بىزمۇ كولاپ باققان،
       جان باقماقنىڭ تەسلىكىدە ئاز  قالدى ئۇنىمۇ كولاپ تۈگەتكىلى...

شىنجاڭ قاچاندىن باشلاپ ئۆلكە بولۇپ قالدى. ئەسلىدە شىنجاڭ ئۇيغۇر ئاپتىنوم رايونى ئىدىغۇ؟

يەنە شۇ بىزنىڭ دىيارىمىزدىن چىقىدىكەنغۇ .

ئۇ ھېلىقى بىز پادا باققاندا جۈپ تاغ دەپ ئوينايدىغان بۇژا شۇ ئىكەنغۇ ، مەن تېخى قانداق نەرسىدۇ دەپتىمەن . بۇرۇنغۇبىز پادا باققاندا بەك كۆپتى ھازىر ئازلاپ كەتتى .

يەنە ،مۇشۇ يەركەنغۇ،نامرات كۆپ بولغان بىلەن بايلىقىمىز مول ئىكەن.