شازاندىرا

بۇ شازاندىرا ئائىلىسىدىكى يوپۇرماق تاشلايدىغان، ياغاچلانغان، پېلەك غوللۇق، ئېگىزلىكى 5 ~ 8 مېتىر ئۆسىدىغان ئۆسۈملۈك بولۇپ، بۇ ئۆسۈملۈكنىڭ مېۋىسى شار شەكىللىك، رەڭگى سۆسۈنگە مايىل قىزىل، سىرتى ئادەتتە چاڭلار بىلەن قاپلانغان، مېۋىسى گۆشلۈك، مايلىق، ئىچىدە ئۇرۇقى بار، تەمى ئاچچىق، ئازراق پۇراقلىق بولۇپ،« شازاندىرا » نامىدا دورىغا ئىشلىتىلىدۇ .

ئېلىمىزنىڭ شەرقىي شىمال، شىمالىي جۇڭگو ۋە شەرقىي جەنۇبىي جۇڭگو قاتارلىق جايلاردىن،رايۇنىمىزنىڭ غۇلجا،ئالتاي قاتارلىق جايلاردىن چىقىدۇ.

يىغىش

8-،9-ئايلاردا مېۋىسى قىزىرىپ پىشىقاندا يىغىۋېلىپ،سايىدا يېيىپ قۇرىتىلىدۇ.

ساقلاش 

ئادەتتە 15 كۈن قۇرىتىلسا بولىدۇ، ياكى بىرئاز ئوتقا قاقلاپ قۇرۇتۇپ ساقلىنىدۇ.

مېۋىسى تەركىبىدە %3 ئۇچۇچان ماي بار، قۇرۇق مېۋىسىنىڭ تەركىبىدە %12 لىمون كىسلاتاسى، %10 لىك ئالما كىسلاتاسى، شازاندىرا ماددىسى، بار. ئۇرۇق تەركىبىدە تەخمىنەن %33 ياغ بار.

1.مەركىزىي نېرۋا سىستېمىسىنى قوزغىتىدۇ. 2. يۈرەك قان تومۇرلىرىنى كېڭەيتىدۇ. 3. نەپەسنى قوزغاش تەسىرىگە ئىگە. 4.بالىياتقۇ سىلىق مۇسكۇلىنى قوزغىتىدۇ. 5. ماددا ئالمىشىشنى ئىلگىرى سۈرىدۇ. 6.ئاشقازان سۇيۇقلۇقىنىڭ ئاجرىلىشىنى نورماللاشتۇرىدۇ.

خۇسۇسىيىتى

تىنچلاندۇرۇش، ئۆپكىنى تازىلاش، بۆرەكنى قۇۋۋەتلەش، ئىچ سۈرۈشنى توختىتىش، مەنىي كۆپەيتىش، روھىنى، مېڭە ۋە جىگەرنى قۇۋۋەتلەش.

ئەكىس تەسىرى

ئۈچەيگە قۇرۇقلۇق يەتكۈزىدۇ.

تۈزەتكۈچىسى

 كەتىرا.

ئورۇنباسارى

غارىقۇن

ۋەكىل خاراكتېرلىك پىشىشىق دورا ياسالمىسى

شاراندىراشەربىتى.

يۆتەل، دەم سىقىش، كۆپ تەرلەش، يۈرەك قوزغىلىش، ئۇيقۇسىزلىق، ئېغىز قۇرۇش، بۆرەك ئاجىزلىقى، سېرىقلىق چۈشۈش، جىگەر كېسەللىكى، ئۇزۇنغا سوزۇلغان ئىچ سۈرۈش، نېرۋا ئاجىزلىق قاتارلىقلارغا ئىشلىتىلىدۇ.

1. شازاندىرادىن 9~15 گرام ئېلىپ، مۇۋاپىق مىقداردىكى سۇدا شېكەر قوشۇپ، قاينىتىپ ئىچىپ بەرسە، نېرۋا ئاجىزلىقىغا مەنپەئەت قىلىدۇ. 2. پېچەكگۈل بىلەن شازاندىرادىن 15 گرامدىن، چىلان مېغىزى، ئارچا ئۇرۇقىدىن توققۇز گرامدىن ئېلىپ قاينىتىپ ئىچىپ بەرسە، نېرۋىنى تىنچلاندۇرىدۇ.

 3. شازاندىرا، چاكاندا، جىنكېۋىزىدىن توققۇز گرامدىن ئېلىپ، قاينىتىپ ئىچىپ بەرسە، زىققە كېسىلىگە مەنپەئەت قىلىدۇ.

مىقدارى

 9 ~ 3 گرامغىچە.

دىققەت قىلىدىغان ئىشلار

ئاشقازاننىڭ كىسلاتالىقى ئىشىپ كەتكەنلەر ۋە يۆتەلنىڭ باشلىنىشىدائىشلەتمەسلىك لازىم.^[0]