ئالتۇن كېسەك تۆت دۆلەت

ئالتۇن كېسەك تۆت دۆلەت<ئالتۇن كېسەك تۆت دۆلەت> : برازىلىيە ، رۇسىيە ، ھىندىستان ۋە جۇڭگودىن ئىبارەت يېڭىدىن گۈللىنىۋاتقان تۆت ئىقتىسادى گەۋدە دۆلىتىنى كۆرسىتىدۇ . تۆت دۆلەتنىڭ ئىنگىلىزچە ناملىرىنىڭ باش ھەرىپىنى قىسقارتىپ يازغاندا BRICs بولىدۇ ، ئوقۇلۇشى <كېسەك> (birck) بىلەن ئوخشاپ كىتىدىغان بولغاچقا شۇنداق ئاتىغان . بۇ يىل 11 - ئاينىڭ 20 - كۈنى تۆت دۆلەتنىڭ رەھبەرلىرى ۋاشنگتوندا ئېچىلغان 20 دۆلەت گۇرۇھىنىڭ دۇنيا پۇل - مۇئامىلە ۋە ئىقتىساد يۇقىرى قاتلامدىكىلەر يىغىنىدا قاتناشتى .

نېمە ئۈچۈن بۇ تۆت دۆلەت بىر قاتاردا قويۇلىدۇ ؟ ئادەتتە ، بۇ گاۋشىڭ شىركىتىنىڭ 2003 - يىلى 10 - ئاينىڭ 1 - كۈنى ئېلان قىلغان< BRICs بىلەن بىللە ئارزۇ قىلىش > تېمىسىدىكى دۇنياۋىي ئىقتىساد دوكلاتى بىلەن مۇناسىۋەتلىك دەپ قارىلىدۇ . دۇكلاتتا : 2050 - يىلىغا بارغاندا دۇنيانىڭ ئىقتىسادى ۋەزىيىتى قاتتىق رەتلىنىدۇ . جۇڭگو ، ھىندىستان ، برازىلىيە ، رۇسىيىلەر ئامېرىكا بىلەن ياپونىيە بىلەن بىللە دۇنياۋىي يېڭى ئالتە چوڭ ئىقتىسادىي گەۋدە بولۇپ قەددىنى كۆتۈرىدۇ ، دەپ كۆرسىتىلگەن .

ئالتۇن كېسەك تۆت دۆلەتنۆۋەتتە <ئالتۇن كېسەك تۆت دۆلەت> نىڭ تاشقى پېرېۋوت ئومومى زاپىسى تەخمىنەن 3 تىرليون ئامېرىكا دوللىرى بولۇپ ، ئىقتىسادىي ئومومى مىقدارى تەخمىنەن ئامېرىكىنىڭكىدىن يېرىمىغا تەڭ كىلىدۇ . ھازىرقىدەك ئامېرىكىدىكى ئىككىلەمچى قەرز كېرزىسى يەر شارى خارەكتىرلىك پۇل - مۇئامىلە كىرزىسىنى كەلتۈرۈپ چىقىرىۋاتقان ئەھۋال ئاستىدا ، گەرچە ئىقتىسادمۇ تەسىرگە ئۇچرىغان بولسىمۇ ، لېكىن <ئالتۇن كېسەك تۆت دۆلەت> نىڭ ئەمەلىي كۈچى ۋە يوشۇرۇن كۈچى يەنىلا دۇنيانى ئۆزىگە يېڭىچە نەزەر بىلەن قاراتماقتا .