قاشتېشى

قاشتېشى بولسا ھەممىگە تونۇشلۇق بولغان قاشتېشى بۇلۇپ،سۈزۈك ياكى يېرىم سۈزۈك پارقىراق، قاتتىق، ۋەزنى ئېغىر بولۇپ، كۆك، ئاق، سېرىق، يېشىل رەڭلەردىكى تاشتىن ئىبارەت. تاغ رايونلىرىدىكى قاشتېشى كانلىرىدىن قاشتېشىنى قېزىپ يىغۋىلىنىدۇ . شىنجاڭ خوتەن، چىڭخەي، جىلىن، لياۋنىڭ قاتارلىق جايلاردىن چىقىدۇ.

يۈرەك، مېڭە، جىگەر، تال، بۆرەك، ئاشقازان قاتارلىق ئەزالارنى قۇۋۋەتلەش، كۆرۈش قۇۋۋىتىنى ئاشۇرۇش خۇسۇسىيىتى بار.

خاس تەسىرى

يۈرەك مۇسكۇلىنى قۇۋۋەتلەش، ماددا ئالمىشىشنى ياخشىلاش، ئومۇمىي بەدەننى قۇۋۋەتلەش.

ئەكىس تەسىرى

كۇشتە قىلماي ئىشلىتىلسە دوۋساقنى ئاجىزلاشتۇرىدۇ.

1. 1 گرام قاشتېشىنى كۇشتە قىلىپ، بېھى شەربىتى بىلەن قوشۇپ ئىچسە، يۈرەك ئاجىزلىقى، يۈرەك سېلىش، سەپرادىن بولغان ئىچى سۈرۈش، ئاشقازان ۋە جىگەر ئاجىزلىقى، تۇتقاقلىق كېسىلى، ئۇنۇتقاقلىق، مالىخۇلىيا، ھىستېرىيە قاتارلىق كېسەللىكلەرگە مەنپەئەت قىلىدۇ.

2. قاشتېشىدا داغمال سۈيى تەييارلاپ ئىچىپ بەرسە، رەئىس ئەزالارنى قۇۋۋەتلەش بىلەن بىرگە كۆرۈش قۇۋۋىتىنى ئاشۇرىدۇ.

دورىلىق ئورنى

كۈشتە قىلغان جىسمى

مىقدارى

2~1  گرام

ساقلاش

 يېپىشىۋالغان قۇم توپا ۋە باشقا ئارىلاشمىلار چىقىرىپ ساقلىنىدۇ.

تۈزەتكۈچىسى

 ھەسەل

ئورۇنباسارى

ياقۇت

مۇپەررىھى يەشەب،مۇپەررىھى ياقۇت، خېمىرى مەرۋايىت.

تاجسىمان قان تومۇرىنىڭ قېتىشىشى، ھەر خىل يۈرەك كېسەللىكلىرى، نېرۋا كېسەللىكلىرى، كۆرۈش قۇۋۋىتى ئاجىزلىق قاتارلىقلارغا ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى.^[0]