ئەنزۇرۇت

بۇ پۇرچاق ئائىلىسىدىكى ئۆسۈملۈك ئەنزىروت دەرىخىنىڭ يېلىمى بولۇپ، «ئەنزىرۇت» نامىدا دورا ئورنىدا ئىشلىتىلىدۇ. دانىچىسىمان ياكى تالقانسىمان شەكىلدە، رەڭگى قىزىلغا مايىل سېرىق، تەمى ئاچچىق كېلىدۇ .

زەھىرى بار بولۇپ، ئادەتتە سىرتتىن ئىشلىتىلىدۇ. ئىچىدىن ئىچكەندە 15 گرام دىن ئېشىپ كەتسە زەھەرلىنىش ھەتتا ئادەم ئۆلۈشنى كەلتۈرۈپ چىقىرىدۇ. زەھەرسىزلەندۈرگەندىن كېيىن ئەرەب يىلىمى، بادام يېغى بىلەن قوشۇپ ئىشلىتىش كېرەك، يالغۇز ئىستېمال قىلىشقا بولمايدۇ.

يىرىڭلىق جاراھەتلەر، بوغۇم ئاغرىقى، ئولتۇرغۇچ نېرۋا ئاغرىقى، ھەر خىل ناسور، يىرىڭلىق چاقا، سىبلىس، قۇلاق ئاغرىقى، قۇلاق ئېقىش، كۆز ياشاڭغۇراش، ھەر خىل قاناشلارغا ئىشلىتىلىدۇ.

1. 3 گرام ئەنزىرۇت تالقىنىنى ھەسەلگە ئارىلاشتۇرۇپ، مۇۋاپىق مىقداردا ئىچسە، قۇلاق يىرىڭداش، قان ئېقىش ۋە قۇلاق ئاغرىقىغا شىپا بولىدۇ.

2. ئەنزىرۇت، مامرانچىنى، مەرۋايىت، سۈرمىلەرنى 3 گرامدىن ئېلىپ، سوفۇپ تەييارلاپ، كۆزگەتارتسا كۆز ياشاڭغۇراشقا مەنپەئەت قىلىدۇ. 3. مۇقەل، ھېلىلە، بەلىلە، ئامىلە، توربۇتتىن 7 گرامدىن، ئەنزىروتتىن 3 گرام ئېلىپ، سوقۇپ سوفۇپ تەييارلاپ ئىچسە، بۇۋاسىر تۈگۈنچىلىرىنى يوقىتىدۇ.

ۋەكىل خاراكتېرلىك پىششىق دورا ياسالمىسى

ھەببى ئەنزىرۇت، سوفۇرى سەرتان.

ھەرقانداق ۋاقىتتا دەرەخ تۆشۈكلىرىدىن چىققان يىلىمنى يىغىۋېلىپ قۇرۇتۇپ قۇرغاق جايدا ساقلىنىدۇ.^[0]