قارىغا ئېتىش

1896-يىلى تۇنجى نۆۋەتلىك ئولىمپىك تەنھەرىكەت يىغىنىدا، قارىغا ئېتىش رەسمىي مۇسابىقە تۈرىگە كىرگۈزۈلگەن. ئەينى ۋاقىتتا ئۆزى تاللىۋالغان چوڭ كالىبرلىق مىلتىق تۈرى بولغان. بۇ خىل مىلتىقنىڭ باھاسى يۇقىرى، قارىغا ئېتىش مەيدانىغا بولغان تەلىپى يۇقىرى بولغاچقا، قانات يايدۇرۇش ئەپسىز بولغان. كىچىك كالىبرلىق مىلتىق ئىشلىتىشكە ئەپلىك بولغانلىقى ئۈچۈن، بۇخىل مۇسابىقە تۈرى مەيدانغا كەلگەن ھەمدە1929-يىلى شۋېتسىيىدە كىچىك كالىبرلىق مىلتىق دۇنيا لەۋھە تالىشىش مۇسابىقىسى ئۆتكۈزۈلگەن. ئەينى ۋاقىتتا پەقەت ياتما ۋە ئۆرە ھالەتلىك ئىككى خىل شەكلى بولغان. 1930-يىلىدىن باشلاپ تىزلىنىپ ئېتىش تۈرى قوشۇلغان. ئېتىش نىشانى دىئامېتىرى20 مىللىمېتىرلىق10-ھالقىسى بار ھالقا بولغان. 1958-يىلىدىن باشلاپ نىشاننىڭ دىئامېتىرى 4.12 مىللىمېتىرغا ئۆزگەرتىلگەن. 1907-يىلى خەلقئارا قارىغا ئېتىش بىرلەشمىسى قۇرۇلۇپ، 1915-يىلى تارقىلىپ كەتكەن. 1921-يىلى قايتىدىن قۇرۇلغان، باش ئورگىنى گېرمانىيىنىڭ ميۇنخېن شەھىرىدە. خەلقئارا قارىغا ئېتىش بىرلەشمىسىنىڭ ئاساسلىق مۇسابىقىلىرىدىن دۇنيا لەۋھە تالىشىش مۇسابىقىسى ۋە ئولىمپىك قارىغا ئېتىش مۇسابىقىسى بار. دۇنيا لەۋھە تالىشىش مۇسابىقىسى تۆت يىلدا بىر نۆۋەت ئۆتكۈزۈلىدۇ.

ھازىر خەلقئارا قارىغا ئېتىش بىرلەشمىسى ئېتىراپ قىلىدىغان دۇنيا رېكورت تۈرلىرىدىن ئەرلەرنىڭ 46 تۈرى، ئاياللارنىڭ 14 تۈرى(كوللېكتىپ مۇسابىقىنىمۇ ئىچىگە ئالىدۇ) بار. خەلقئارا قارىغا ئېتىش بىرلەشمىسى قارار چىقىرىپ، دۇنيا لەۋھە تالىشىش مۇسابىقىسى، ئولىمپىك تەنھەرىكەت يىغىنى ۋە شتاتلار ئارا ئۆتكۈزۈلگەن رەسمىي مۇسابىقىلەردىكى يېڭى رېكورتلارلا دۇنيا رېكورتى بولىدىغانلىقىنى بەلگىلىگەن.

ئېلىمىز 1952-يىلى قارىغا ئېتىشنى مەملىكەتلىك مۇسابىقە تۈرىگە كىرگۈزگەن. 1981-يىلى 10-ئايدا ئارگېنتىنانىڭ تۇكۇمان شەھىرىدە ئۆتكۈزۈلگەن دۇنيا ئۇچار تەخسە ئېتىش لەۋھە تالىشىش مۇسابىقىسىدە ئېلىمىز ماھىرلىرى ۋۇ لەنيىڭ، فېڭ مېيمېي، شاۋ ۋېيپىڭلار بىرلىكتە قوش يۆنىلىشلىك ئۇچار تەخسە ئېتىش ئاياللار كوللېكتىپ مۇسابىقىسىنىڭ كوللېكتىپ چېمپىيونى بولغان. بۇ، ئېلىمىز تەنھەرىكەتچىلىرىنىڭ قارىغا ئېتىشتا ئالغان تۇنجى دۇنيا چېمپىيونلۇقىدۇر. 1984-يىلى 7-ئايدا ئامېرىكىنىڭ لوس-ئانژېلېس شەھىرىدە ئۆتكۈزۈلگەن 23-نۆۋەتلىك ئولىمپىك تەنھەرىكەت مۇسابىقىسىدە ئېلىمىز ماھىرى شۈ خەيفېڭ ئەرلەرنىڭ ئۆزى تاللىۋالغان تاپانچىدا ئاستا ئېتىش تۈرى بويىچە ئالتۇن مېدال ئالغان، بۇ ئېلىمىز تەنھەرىكەتچىلىرى قولغا كەلتۈرگەن تۇنجى ئولىمپىك چېمپىيونلۇقىدۇر.