قوغۇن

قوغۇن قوغۇن بولسا كاۋا ئائىلىسىدىكى بىر يىللىق ياماشقۇچى ياكى يەر بېغىرلىغۇچى سامان غوللۇق ئۆسۈملۈك  قوغۇننىڭ مېۋىسى بولۇپ، ئەتلىك بولغانلىرى دورىغا ئىشلىتىلىدۇ.تەمى تاتلىق، خۇش پۇراق. 7-،8-،ئايلاردا تولۇق پىشقاندا يىغىۋېلىنىدۇ.شىنجاڭنىڭ ھەممە جايلىرىدا تېرىپ ئۆستۈرۈلىدۇ. ھىندىستان قاتارلىق ئىسسىق بەلۋاغ ئەللىرىدىنمۇ چىقىدۇ.

مېڭىنى قۇۋۋەتلەش، قان كۆپەيتىش، سۈيدۈك ھەيدەش، بەدەنگە ئوزۇق بولۇش، ئاغرىق پەسەيتىش، توسالغۇلارنى ئېچىش، ئۇسسۇزلۇقنى پەسەيتىش، چوڭ تەرەتنى يۇمشىتىش، مېڭە ۋە بەدەندە ھۆللۈك پەيدا قىلىش، تېرىنى سىلىقلاشتۇرۇش، ھەيزنى راۋانلاشتۇرۇش.

خاس تەسىرى

مېڭىنىڭ ماددا ئالمىشىشنى ياخشىلاش، مىڭىنى ۋە ئومۇمىي بەدەننى قۇۋۋەتلەش.

ئەكىس تەسىرى

كۆپ يېسە ئىچنى سۈرىۋېتىدۇ، ئىچكى ئەزالارنىڭ خىزمىتىنى سۇسلاشتۇرىدۇ.

فارماكولوگىيىلىك تەسىرى

 باكتىرىيەلەرنى تورمۇزلاش تەسىرى يوق، لىكىن مەلۇم زەمبۇرۇغلارنى تورمۇزلاش تەسىرى بار.

 تەركىبىدە %2.68 شارچە ئاقسىل، لۇمۇن كىسلاتاسى قاتارلىق ئورگانىڭ كىسلاتالار، β-كاروتېن، ۋىتامىنB،  Cقاتارلىقلار بار.

دورىلىق ئورنى

قوغۇننىڭ مېۋىسى.

مىقدارى

مۇۋاپىق مىقداردا يېيىشكە بېرىلىدۇ.

تۈزەتكۈچىسى

سىركەنجىۋىل،  ئانار سۈيى،  مۇۋاپىق مىقداردا ھەسەل بىلەن  قوشۇپ يېيىش لازىم.

ئورۇنباسارى

تەرخەمەك

مۇراببائى خىربوزە.

مېڭە ۋە نېرۋا ئاجىزلىقى، سۈيدۈك تۇتۇلۇش، سۈيدۈك ئېچىشىپ كېلىش، بۆرەك ۋە دوۋسۇن يارىسى، ھەيز تۇتۇلۇش، كۆپ ئۇسساش، قەۋزىيەت، جىگەر ۋە بۆرەك يوللىرى توسۇلۇش، تېرىنىڭ يىرىكلىشىشى قاتارلىقلارغا ئىشلىتىلىدۇ.^[0]