تاتلىق ئانار

چۈشەندۈرۈشى 

 ھەممىگە تونۇشلۇق ئانار ئائىلىسىدىكى مېۋىلىك دەرەخ ئانارنىڭ پىشقان مېۋىسىدىن ئىبارەت.تاتلىق ئانار   بولسا  ئانار ئائىلىسىگە تەۋە بۇلۇپ، 9- 10- ئايالاردا پىشقان مېۋىسىنى يىغىۋېلىندۇ . شىنجاڭنىڭ ھەممە يەرلىرىدىن، بولۇپمۇ قەشقەر، خوتەندىن كۆپ چىقىدۇ.

خۇسۇسيىتى

يۈرەك، جىگەر ۋە باھنى قۇۋۋەتلەش، قان كۆپەيتىش، ھارارەت پەسەيتىش، سۈيدۈك ھەيدەش، كۆكرەك ۋە گالنىڭ يىرىكلىكىنى ياخشىلاش، ئوزۇقلۇق تولۇقلاش،سۈيدۈك ھەيدەش، ئىچنى توختىتىش، مەددە قۇرت ئۆلتۈرۈشقاتارلىق خۇسۇسىيەتلەرگە ئىگە.

خاس تەسىرى

يۈرەك مۇسكۇلىنى قۇۋۋەتلەش، ماددا ئالمىشىشنى ياخشىلاش، ئومۇمىي بەدەننى قۇۋۋەتلەش.

ئەكىس تەسىرى

ئاشقازاندا سوغۇق يەل پەيدا قىلىدۇ.  كېزىك بىمارلىرىغا زىيان قىلىدۇ.

ئۈنۈملۈك تەركىبى

مېۋە تەركىبىدە شېكەر، مېۋە شېكىرى، ئالما كىسلاتاسى قاتارلىقلار، ئۇرۇقـىـنـىـڭ تەركىـبــىـدە مـاي، يـوپۇرمـىـقىـنـىـڭ تـەركىبىـدە بىـئـولوگـىيـىلـىـك ئىشـقـار (2-propenyl piperidine plarsenin) لار بار.

1.ئانار دانىسىنى سىقىپ، سۈيى بىلەن شەربەت تەييارلاپ بېرىلسە، يۈرەك، جىگەرنى قۇۋۋەتلەيدۇ ۋە ھارارەتنى پەسەيتىدۇ، كېسەلدىن كېيىنكى بەدەن ئاجىزلىقىنى ياخشىلايدۇ، قاننى نورماللاشتۇرىدۇ.

2.تاتلىق ئانار سۈيىنى ئەرقى كۇل، ئەرقى سەندەل بىلەن ئىچسە يۈرەك چالاڭغۇراشقا شىپا بولىدۇ.

3.تاتلىق ئانارنىڭ سۈيىنى سىركەنجىۋىل ساددە بىلەن بىرگە ئىچسە سېرىقلىق چۈشۈشكە مەنپەئەت قىلىدۇ.

مىقدارى

ئانار سۈيىدىن ياكى شەربىتىدىن 30 ~ 50 مىللىلىتىر

ساقلاش

يېڭى پېتى ئىشلىتىلىدۇ.

تۈزەتكۈچىسى

ئاشقازان كېسەللىكىگە شېكەر، تەپكە زەنجىۋىل، ئاچچىق ئانار سۈيى قوشۇپ بېرىلىدۇ.

ئورۇنباسارى

 ئاچچىق ئانار

كېسەللىك مىسالى

يۈرەك ئاجىزلىقى، جىگەر ئاجىزلىقى، باھ ئاجىزلىقى، يەرقان،ئىسسىقتىن بولغان يۆتەل ۋە گالنىڭ يىرىكلىكى، كەم قانلىق،ئىچى سۈرۈش،تولغاق، سوڭى چىقىپ قېلىش، چىش تۈۋى بوشاپ قېلىش، ئېغىز پىشلاقلىشىش، قۇسۇش، كۆڭۈل ئېلىشىش، كۆپ ئۇسساش، قىچىشقاق قاتارلىقلارغا ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]