يۇتقۇنچاق ياللۇغى

يۇتقۇنچاق ياللۇغىسەۋەبى: بۇ كېسەللىك، غىدىقلىغۇچى يېمەكلىكلەرنى كۆپ ئىستېمال قىلىش، زىيادە ھېرىپ-چارچاش، سوغۇق ئۆتۈپ قېلىش، خىمىيەلىك ماددىلار ۋە ئىسپىرت قاتارلىقلاردىن زەھەرلىنىش، ئوزۇقلىنىش ناچارلىشىش، تاماكا چېكىش، سوغۇق يەللىك كېسەللىكلەرنىڭ ئاسارىتى، چاڭ-توزان، زۇكام ۋە نەزلىنىڭ تەسىرى، يۇتقۇنچاقنىڭ مىجەزى بۇزۇلۇش سەۋەبىدىن كېلىپ چىقىدۇ.

ئالامىتى: كۆپىنچە گال قۇرۇش، كۆيگەندەك ئاغرىش، ئېچىشىش، قىچىشىش، بىئاراملىق، يات نەرسە تۇرۇۋالغاندەك سېزىلىش، تولا گالنى قېقىشقا مەجبۇر بولۇش، گالدىن چىقىدىغان ئاجرالمىلار تەستە چىقىش قاتارلىق ئالامەتلەر بىلەن ئىپادىلىنىدۇ.

1-رېتسېپ

تەركىبى: ئانار گۈلى 12 گىرام، كۆكنار تۆت دانە، يۇمغاقسۈت ئالتە گىرام، قۇرۇتۇلغان ئەنگۈر شىپا تۆت گىرام، سۇ 300 مىللىلىتىر.

تەييارلاش ئۇسۇلى: دورىلارنى سۇدا قاينىتىپ، سۈيىنىڭ يېرىمى قالغاندا تىرىپلىرىنى سۈزۈۋېتىپ تەييارلىنىدۇ.

ئىشلىتىش مىقدارى: كۈنىگە 4 ~ 5 قېتىم گال غار-غار قىلىنىدۇ.

2-رېتسېپ

يۇتقۇنچاق ياللۇغىتەركىبى: يىلان، قىزىل قولتۇق پاقا، بىخ مارجان، موزا، چۆپچىنى 30 گىرامدىن.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، تالقان تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا بەش گىرامدىن ئىستېمال قىلىنىدۇ.

3-رېتسېپ

تەركىبى: مۇدەببەر كۇچۇلا 100 گىرام، يىلان گۆشى 360 گىرام، قىزىل سىر 60 گىرام، چايان 20 گىرام، ھەسەل ئۈچ ھەسسە. 

تەييارلاش ئۇسۇلى: دورىلار يۇمشاق سوقۇپ، ئەلگەكتىن ئۆتكۈزۈپ، ئېرىتىلگەن ھەسەل بىلەن ئارىلاشتۇرۇپ مەجۈن تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا 10 گىرامدىن ئىستېمال قىلىنىدۇ.