قىزىل سۇ ئامبىرى

قىزىل سۇ ئامبىرىقىزىل سۇ ئامبىرىنىڭ جەنۇبىي شىنجاڭدىكى ‹‹بىرىنچى سۇ ئۈستى باغچىسى›› دېگەن نامى بار، بۇ ئامبار باي ناھىيە بازىرىنىڭ شەرقىي جەنۇبىغا 50 كىلومېتىر كېلىدۇ. بۇ سۇ ئامبىرىنى تاغلار قورشاپ تۇرغاچقا، گۈزەل تەبىئىي مەنزىرىسى بىلەن غەربىي دىيارنىڭ ئۆزگىچە جۇغراپىيەلىك قىياپىتى ئۆزئارا بىرلىشىپ كەتكەن. قىزىل سۇ ئامبىرى دۆلەتنىڭ نۇقتىلىق سۇ تۈگۈن قۇرۇلۇشى بولۇپ، سۇ ئامبىرى قىزىل كۆلى بىلەن تۇتۇشىدۇ. سۇ مەنبەسى تەڭرىتاغدىن ئېقىپ چۈشكەن قار سۈيى ۋە باي ناھىيەسىدىكى بەش دەريانىڭ سۈيىدىن ھاسىل بولغان. ئومۇمىي كۆلىمى 44.6 كىۋادرات كىلومېتىر كېلىدۇ.

قىزىل سۇ ئامبىرى ئاپتونوم رايونىمىزدىكى كەلكۈندىن مۇداپىئە كۆرۈش، سۇغىرىش، توك تارقىتىش، سەيلە – ساياھەت بىر گەۋدىلەشكەن ئەڭ چوڭ سۇ ئامبىرى بولۇپ، دۆلەت تەرىپىدىن 2 – دەرىجىلىك نۇقتىلىق قوغدىلىدىغان ھايۋان – شىنجاڭ يوغانباش بېلىقىنىڭ ياشاش ماكانىدۇر. ھازىر بۇ جاي ئاپتونوم رايونىمىزدىكى مۇھىم سەيلىگاھقا ئايلانغان.^[1]

قىزىل سۇ ئامبىرى سۇچىلىق مىنىستىرلىكى بىۋاستە مەبلەغ سالغان قۇرلۇش بولۇپ، قىزىل كۆلى بىلەن تۇتىشىدۇ. قىزىل سۇ ئامبىرىنىڭ ئومۇمىي كۆلىمى 44.6 كۋادرات كىلومېتىر، سىغىمچانلىقى 640 مىليون كۇب مېتىر، پايدىلىنىش سۈيىنىڭ سىغىمچانلىقى 477 مىليون كۇب مېتىر، دامبىنىڭ ئېگىزلىكى 44 مېتىر، سۇ ئېلىكتېر ئىستانسىسىنىڭ گېنراتور سىغىمچانلىقى 26 مىڭ كىلوۋات سائەتتىن كۆپرەك. قىزىل سۇ ئامبىرى 1991-يىلى پۈتكەندىن بۇيان، كەلكۈندىن مۇداپىئە كۆرۈش، سۇغىرىش، توك تارقىتىش، ساياھەتچىلىك تۈرى جەھەتتە ئاپتونوم رايونىمىز بويىچە ئەڭ چوڭ سۇ ئامبارلىرىنىڭ بىرىگە ئايلانغان. 

قىزىل سۇ ئامبىرى « 5 - ئىيۇل »، ‹‹ 8 - بەش يىللىق پىلان ›› مەزگىلىدە دۆلەتنىڭ نۇقتىلىق قۇرۇلۇش تۈرى، ئۆگەن دەرياسىنى ھەر تەرەپلىمە تۈزەش ئېچىشتا تىزگىنلەش خاراكتېرلىك قۇرۇلۇش، شۇنداقلا ئاپتونوم رايون قۇرۇلۇپ بولغان كۆلىمى ئەڭ چوڭ دەريا سۇ ئىنشائاتى قۇرۇلۇشى. بۇ قۇرۇلۇش 1984 - يىلى قۇرۇلۇش پىلانلانغان، 1985 - يىلى  

رەسمىي ئىش باشلانغان، 10 يىللىق قۇرۇلۇش ئارقىلىق، 1994 - يىلى پۈتكەن. 

قىزىل سۇ ئامبىرى قۇرۇلۇشى پۈتۈپ، ئەتراپتىكى رايونلارنىڭ سانائەت، يېزا ئىگىلىك ئىشلەپچىقىرىشىنىڭ تەرەققىياتى ۋە شەھەر - بازارلاردىكى سۇ تەمىنلەش ۋە كەلكۈندىن مۇداپىئە كۆرۈش، ئاپەتتىن ئۈنۈملۈك ئىلگىرى سۈرۈش ۋە كاپالەتلەندۈرۈش رولىنى ئوينىغان. ^[0]