كۇمۇتا مەنبەلىك تېرە ياللۇغى

يېتىلگەن كۇمۇتا چېقىۋېلىشتىن كېلىپ چىقىدۇ.يېتىلگەن كۇمۇتا پاشىدىن كىچىكرەك بولۇپ، جىگە رەڭ ياكى قارا رەڭدە بولۇپ، ئەركەكلىرىىڭ قان شوراش خۇسۇسىيىتى بولىدۇ. ھەر يىلى 4 − ئايدىن 10 − ئايغىچە بولغان مەزگىللەر كۇمۇتىنىڭ زور مىقداردا كۆپىيىش مەزگىلى بولۇپ مۇشۇ مەزگىلدە كۆپرەك كۆرۈلىدۇ.

ئوچۇق ئورۇنلاردا ئاسان پەيدا بولىدۇ. پاچاق، پۇت دۈمبىسى ۋە باشقا ئورۇنلارنى كۇمۇتا چاققاندىن كېيىن، دەسلەپ سانجىلىپ ئاغرىيدۇ، ئۇزۇن ئۆتمەي قاتتىق قىچىشىدۇ. شۇنىڭ بىلەن بىرگە چېقىۋالغان جايدا قان ئۇيۇش توچكىسى ياكى سۇلۇق ئىششىق خاراكتېرلىك قىزىل داغ پەيدا بولۇپ، كېيىن گۈرۈچ دېنىدىن پۇرچاق دېنىغىچە چوڭلۇقتا بولغان سۇلۇق ئىششىق خاراكتېرلىك خاراكتېرلىك قىزىل داغ پەيدا بولىدۇ، كېيىن گۈرۈچ دېنىدىن پۇرچاق دېنىغىچە چوڭلۇقتا بولغان سۇلۇق ئىششىق خاراكتېرلىك ھۇررەكسىمان تېرە زەخمىسىگە ئۆزگىرىدۇ. كۆپ ساندىكى ئاغرىقلاردا ئاستا − ئاستا يېنىپ كېتىدۇ.

تېرە زەخمىسىنىڭ ئادەتتە 4 − ئايدىن 10 − ئايغىچە بولغان مەزگىللەردە كۇمۇتا چېقىۋېلىشتىن كېيىن پەيدا بولۇش، قاتتىق قىچىشىش، ئوچۇق ئورۇنلاردا ئاسان پەيدا بولۇش قاتارلىقلارغا ئاساسەن دىئاگنوز قويۇلىدۇ.

قىچىشىشنى پەسەيتىش، تىنچلاندۇرۇش مەقسىتىدە دورا ئىشلىتىلىدۇ.

قىچىشىشنى پەسەيتىپ، تىنچلاندۇرۇش مەقسىتىدە خەشخاش ئۇرۇقىدىن 51 گرام ئېلىپ سوقۇپ، 001 مىللىلىتىر ئۈزۈم سىركىسىگە سېلىپ سۇس ئوتتا بىر ئۆرلەتكەندىن كېيىن، سوۋۇتۇپ سۈزۈپ سۈزۈلگەن سۈيى بىلەن كۇمۇتا چاققان ئورۇننى يۇيۇپ سېرىش بىلەن سەللىمازا ساقىيىپ كېتىدۇ. ئەگەر يۇقىرىقى دورىلارنى ئىشلىتىشكە شارائىت بولمىسا، يەرلىك ئورۇنغا مەلھىمى كىبرىتنى سىرتىدىن سۇۋىسىمۇ بولىدۇ.

ئىس قويۇپ بېرىپ كۇمۇتا قاچۇرۇش ئارقىلىق كۇمۇتا چېقىۋېلىشنىڭ ئالدىنى ئېلىش لازىم. بولۇپمۇ كۇمۇتا زىيادە سېزىمچانلىق پەيدا قىلىدىغان كىشىلەر ئوچۇق تۇرىدىغان ئورۇنلىرىغا قەلەمپۇر يېغى سۈرتىۋالسا كۇمۇتا چېقىشنىڭ ئالدىنى ئالغىلى بولىدۇ.^[0]