لىمۇن

يۇپۇرمىقى 

لىمۇنلىمۇن دەرىخى كىچك دەرەخ بولۇپ، شاخلىرى كۆپ، تىكەنلىك، يۇمران يوپۇرمىقى ۋە گۈل بىخى ھەرقايسى جايلىرىغا قاناتسىمان يوپۇرماقلىقلىرى كەڭ تارقالغان، يوپۇرمىقى قېلىن بولۇپ، تۇخۇم شەكىللىك ياكى ئېللىپس شەكىللىك، ئۇزۇنلۇقى 8 ~ 14 سانتىمېتىر، كەڭلىكى 4 ~ 6 سانتىمېتىر ئۆسىدۇ، ئادەتتە قىسقا ئۇچلۇق، گىرۋەكلىرى روشەن دىقماق.

گۈلى (چېچىكى)

لۇمۇننىڭ چېچىكى يەككە گۈللۈك بۇلۇپ، گۈل كاسىسى رومكا شەكلىدە، 4-5 تېيىز ھەرە چىشىسىمان سىزىقچىكلىرى بار. گۈل بەرگىسى ئۇزۇنچاق 1.5 ~ 2 سانتىمېتىر، سىرتى سۇس قىزغۇچ سۆسۈن رەڭلىك، ئىچى ئاچ رەڭلىك بولىدۇ؛ دائىملىق چېچىكى تاق جىنسلىق؛ ئاتىلىقى 20-25 ياكى ئۇنىڭدىن كۆپ؛ ئانىلىقى كانايسىمان ياكى باك شەكىللىك، ئۈستى قىسمى سەل تار، ئانىلىق تۇمشىقى باشاقسىمان.

مېۋىسى 

لىمۇنمېۋىسى ئېللىپس ياكى تۇخۇم شەكىللىك، ئىككى ئۇچى تار، ئۇچى ئادەتتە بىر قەدەر تار ۋە ئۇزۇن ھەم ئۇچلۇق توپچىسىمان ئۆسۈكچە بار، مىۋىسىنىڭ پوستى قېلىن بولۇپ، ئادەتتە يىرىك، لىمون مېۋىسىنى ئاجرىتىش تەس، لىمون پوستىدا پۇراقلىق ماي تەركىبى مول، شىرنە پۈۋەكچىسى سۇس سېرىق رەڭلىك بولىدۇ، مېۋە شەربىتى چۈچۈمەل ئاچچىق.

ئۇرۇقى

لىمۇن مېۋىسىنىڭ ئۇرۇقى كىچىك، تۇخۇمسىمان، ئۇچى ئۇچلۇق بولىدۇ؛ ئۇرۇق پوستى سىلىق، ئۇرۇق ياپرىقى ئاق رەڭلىك، ئادەتتە يەككە ياكى كۆپ تۆرەلمىلىك.

4-5-ئايلار چېچەكلەش مەزگىلى بۇلۇپ، 9-11-ئايلار بولسا مېۋىلەش مەزگىلى.

لىمون ئادەتتە ئىسسىق سايىگە چىداملىق، سوغوققا چىدامسىز، ئىسىقىتىن قوقمايدۇ، شۇنىڭ ئۈچۈن سۇبتروپىك بەلباغ رايونلاردا ئۆستۈرۈشكە ماس كېلىدۇ. لىمۇننىڭ مۇۋاپىق يىللىق ئوتتۇرىچە ھاۋا تېمپېراتۇرىسى ℃17-19، يىللىق ئۈنۈملۈك جۇغلانما تېمپېراتۇرىسى ℃5500 يۇقىرى، 1-ئايدىكى ئوتتۇرىچە تېمپېراتۇرىسى ℃6-8، مۇتلەق ئەڭ تۆۋەن تېمپېراتۇرا ℃3-يۇقىرى بولىدۇ؛ يىللىق ھۆل-يېغىن مىقدارى 1000 مىللىمېتىردىن يۇقىرى، يىللىق كۈن نۇرىنىڭ چۈشۈش ۋاقتى يۇقىرى كەڭلىكتىكى رايونلارنىڭكىدىن 1000 سائەت بولىدۇ.  

لىمۇن دەرىخىنىڭ ئەڭ مۇۋاپىق تۇپراق PH قىممىتى بولسا 5.5-7.0 ئارىلىقىدا بولىدۇ. لىمۇن ئۆسۈملۈك تۈپىنىڭ ئۆسۈشى بىر قەدەر تېز، دەرىخىنىڭ ئېگىزلىكى 3 ~ 6 مېتىر بولۇپ، ئېھتىياجلىق ئوغۇت مىقدارى بىر قەدەر كۆپ، بىر يىل ئىچىدە كۆپ قېتىم شاخلاپ، گۈل ئېچىلىپ، مېۋە بېرىدۇ. باشقۇرۇشنىڭ ياخشى-يامانلىقىغا قاراپ مەھسۇلات مىقدارى پەرقى بىر قەدەر چوڭ.  

لىمۇن ئەسلىي ماكانى مالايسىيا، ئامېرىكا، ئىتالىيە، فرانسىيە، ئوتتۇرا دېڭىز بويلىرى، شەرقىي جەنۇبىي ئاسىيا ۋە ئامېرېكا قىتئەسى قاتارلىق جايلارنىڭ ھەممىسىگە تارقالغان. جۇڭگو نىڭ تەيۋەن، فۇجيەن، گۇاڭدۇڭ، گۇاڭشى قاتارلىق جايلاردا ئۆستۈرۈلۈشكە باشلىغان. 

خۇسۇسىيتى

ئاساسلىقى قۇرۇق ئىسسىق كەيپىياتلارنى تەڭشەش. سەپرانىڭ ئۆتكۈرلۈكىنى پەسەيتىش، ئۇسسۇزلۇقنى پەسەيتىش، يۈرەكنى قۇۋۋەتلەش ئىشتىھانى ئېچىپ، ھەزىمنى ياخشىلاش، غەيرى تەبىئىي خىلىتلارنى تازىلاش ۋە تېرىنى پارقىرىتىش قاتارلىق خۇسۇسىيىتى بار.

خاس تەسىرى

خىلىتسىز قۇرۇق ئىسسىق كەيپىياتنى تەڭشىگۈچى دورىلار

ئەكىس تەسىرى

سوغۇق مىجەزلىك كىشىلەرگە، پەي نېرۋىلارغا زىيان قىلىدۇ.^[0]