ئۆتكۈر ئاشقازان-ئۈچەي ياللۇغى

ئۆتكۈر ئاشقازانئۈچەي ياللۇغىسەۋەبى: بۇ كېسەللىك، تاماقنى زىيادە كۆپ ۋە ئارىلاش يېيىش ياكى بۇزۇلغان ۋە بۇلغانغان يېمەكلىكلەردىن زەھەرلىنىش سەۋەبىدىن كېلىپ چىقىدۇ.

ئالامىتى: كېسەللىك تېز باشلىنىپ، قورساق ئاغرىش، جىددىي قۇسۇش، ئىچ سۈرۈش، قايتا-قايتا قۇسۇش ۋە سۇدەك ئىچ سۈرۈش نەتىجىسىدە بەدىنى سۇسىزلىنىپ، ھوشىدىن كېتىش قاتارلىق بىرقاتار ئۆتكۈر كېسەللىك ئالامەتلىرى بىلەن ئىپادىلىنىدۇ.

1-رېتسېپ

تەركىبى: نىشاستە، ئانار ئۇرۇقى 80 گىرامدىن، پاقيوپۇرمىقى ئۇرۇقى 40 گىرام، كۆكنار شاكىلى 20 گىرام، پىستە پوستى 80 گىرام، شېكەر 500 گىرام.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ تالقان تەييارلىنىدۇ.

ئىشلىتىش مىقدارى: كۈنىگە ئىككى قېتىم، ھەر قېتىمدا 5 ~ 10 گىرام ئىستېمال قىلىنىدۇ.

2-رېتسېپ

تەركىبى: سىقىلغان بېھى سۈيى بىر كىلوگرام، شېكەر ئىككى كىلوگرام.

تەييارلاش ئۇسۇلى: بېھىنى توغراپ، سىقىپ سۈيىنى ئېلىپ، شېكەر بىلەن قاينىتىپ قىيام قىلىپ تەييارلىنىدۇ.

ئىشلىتىش مىقدارى: كۈنىگە بىر قېتىم، ھەر قېتىمدا 100 گىرامدىن (بالىلار 5 ~ 10 گىرام) ئىستېمال قىلىنىدۇ.

3-رېتسېپ

ئۆتكۈر ئاشقازانئۈچەي ياللۇغىتەركىبى: ئۈزۈم ئۇرۇقى 90 گىرام، ھەببۇلئاس 180 گىرام، خەرنۇپ، ئانارگۈلى، گەزمازەج، جويۇز 30 گىرامدىن، كۇندۇر، جۇۋىنە، سۆئدى كۇپى، سۇمبۇل، مەستىكى 15 گىرامدىن، شېكەر 730 گىرام.

تەييارلاش ئۇسۇلى: دورىلاردىن ئۈزۈم ئۇرۇقىنى بىر كېچە-كۈندۈز سىركىگە چىلاپ سۈزۈۋېلىپ، سايىدا قۇرۇتۇپ، چالا قورۇپ، يۇمشاق سالايە قىلىپ، قالغان دورىلارنى يۇمشاق سوقۇپ، شېكەرنى ئەرىقى گۇلابتا قىيام قىلىپ، دورىلارنى ئارىلاشتۇرۇپ تەييارلىنىدۇ.

ئىشلىتىش مىقدارى: كۈنىگە بىر قېتىم، ھەر قېتىمدا سەككىز گىرامدىن ئىستېمال قىلىنىدۇ (بالىلارغا ئازايتىلىدۇ)