شاھتەررە چىنى

شاھتەررەسۈتلۈك ئوتلار ئائىلىسىدىكى بىر يىللىق سامان غوللۇق ئۆسۈملۈك.

دورىلىق ئورنى 

ئۆسۈملۈكنىڭ پۈتۈن چۆپى

ئۈنۈملۈك تەركىبى 

پۈتۈن چۆپىنىڭ تەركىبىدە فىلاۋونىلار، موزا كىسلاتاسى، يوپۇرمىقىنىڭ تەركىبىدە %12.89 تاننن بار.

ساقلىرى ئىلپىس شەكىللىك، ئالدى يۈزى يېشىل، ئارقا يۈزى سۇس يېشىل رەڭدە بولىدۇ. يوپۇرماق ساپىقى قىسقا كېىدۇ. 

قىچىشقاق، تەمىرەتكە، جىگەر، تال توسۇلۇش سۈيدۈك تۇتۇلۇش، چىش مىلىكى بوشاپ كېتىش، ئىشتىھاسىزلىق، سېرلىق چۈشۈش (يەرقان) قان بۇزۇلۇشتىن بولغان ھەرخىل كېسەللىكلەرگە ئىشلىتىلىدۇ.

غەيرى تەبىئىي سەپرا، سەۋدا، بەلغەمنى پوشۇرۇش، قاننى سۇيۇلدۇرۇش، توسالغۇلارنى ئېچىش،قان تازىلاش، سۈيدۈك ھەيدەش، چىش مىلىكىنى چېڭىتىش، غەيرى تەبىئىي خىلىتلارنى سۈرۈش، ئىشتىھانى ئېچىش قاتارلىق خۇسۇسىيىتى بار.

 شاھتىرەنىڭ ھۆل ۋاقتىدىكى شىرىسى، قايناتمىسى ۋە سۇداقاينىتىپ ئىسپىرت بىلەن ئېلىنغان ماددىسى ھەرخىل كېسەل پەيدا قىلغۇچى باكتېرىيەلەرنى كۆرىنەرلىك تۇرمۇزلاش رولىغا ئىگە.

خاس تەسىرى

غەيرى تەبىئى سەپرا خىلىتىنى پشۇرغۇچى دورا.

ئورۇنباسارى

سانا، ھېلىلە سىيا.

ئەكىس تەسىرى

ئۆپكىگە زىيان قىلىدۇ.

تۈزەتكۈچىسى

ھەسەل

ۋەكىل خاراكتېرلىك پىششىق دورا ياسالمىسى

ئىتتىرفىل شاھتىرە، ئەرقى شاھىترە، گۇرۇس شاھتەررە.

1. شاھتەررەچننىڭ سۈيىگە ھەسەل، شېكەر ياكى تەمىرى ھىندى قوشۇپ ئىچىپ بەرسە غەيرى تەبىئىي خىلىتلارنى تازىلايدۇ.

2. شاھتەررە چىننىڭ ئۇساىسىنى چىقىرىپ كۆزگە تىمىتسا ياكى سۈرسە (سۈرمە ئورنىدا كۆزگە تارتسا) كۆزنىڭ كۆرۈش قۇۋۋىتىنى ئاشۇرىدۇ ۋە كۆز ياشاڭغۇراشنى يوقىتىدۇ. چاچ چۈشۈشنى توسىيدۇ. ئېغىز جاراھىتىگە ئېغىز يۇيۇپ بېرىلىدۇ.

3. شاھتەررە چىننى خېنە بىلەن ئارىلاشتۇرۇپ سىرتتىن يەرلىك ئورۇنغا چېپىپ بەرسە قىچىشقاق، قوتۇر كېسەللىكلىرىگە مەنپەئەت قىلىدۇ.

4. شاھتىرە، ئەفىتىمون، قىزىل سەندەل قاتارلىقلاردىن10 گرامدىن ئېلىپ قاينىتىپ ئىچىپ بەرسە قاننى تازىلايدۇ.

5. شاھتەررە 10 گرام، ھېلىلە سىيا 10 گرام، گۈڭگۈرت 2 گرام دورىلارنى قاينىتىپ بەدەننى يۇيسا ھەرخىل تېرە كېسەللىكلىرىگە شىپا بولىدۇ.

مىقدارى

6-10گىرامغىچە.

كۈز پەسلىدە يىغىۋېلىندۇ.

ساقلاش 

يىلتىزىنى ئېلىۋېتىپ قۇرۇتۇپ ساقلايمىز.^[0]