ئاقتۇ بازىرى

ئاقتۇ بازىرى ئاقتۇ بازىرى كۈسەن دەرياسى يەلپۈگۈچسىمان ئېقىن چۆكۈندىسىنىڭ ئوتتۇرا قىسمىغا جايلاشقان بولۇپ، يەر شەكلى غەربىي جەنۇبتىن شەرقىي شىمالغا پەسىيىپ بارىدۇ، شىمالدا بەشكەنىت ئۆستىڭىنى پاسىل قىلىپ، پىلال يېزىسى بىلەن قوشنا، شەرقىي جەنۇبى ئۈجمە يېزىسى بىلەن تۇتىشىدۇ، غەربىي بارىن يېزىسى بىلەن قوشنا. شەرقتىن غەربكە كەڭلىكى 11 كىلومېتىر، جەنۇبتىن شىمالغا ئۇزۇنلۇقى 16 كىلومېتىر، ئومۇمىي كۆلىمى 136 كۋادرات كىلومېتىر. ئاقتۇ ناھىيەسىنىڭ سىياسىي، ئىقتىساد، مەدەنىيەت، قاتناش مەركىزى. ناھىيىگە قاراشلىق توققۇز مەمۇرىي كەنت، 57 كەنت ئاھالىلەر گۇرۇپپىسى بار. ئاقتۇ بازىرىنىڭ نوپۇسى 5391 ئائىلە، 20840 ئادەم، ئۇيغۇر، قىزغىز، خەنزۇ، خۇيزۇ قاتارلىق تۆت مىللەتتىن تەركىب تاپقان.

ئاقتۇ بازىرىئاقتۇ بازىرى ئوتتۇرا ھېساب بىلەن دېڭىز يۈزىدىن 1400-1300 مېتىر ئېگىز، تىپىك مۆتىدىل بەلباغنىڭ قۇرۇقلۇق تىپىدىكى قۇرغاق كىلىماتىغا كىرىدۇ، تۆت پەسىل ئېنىق، قۇرغاق، يامغۇر ئاز ياغىدۇ، يىللىق ئوتتۇرىچە ھاۋا تېمپېراتۇرىسى 11.2 گىرادۇس، قىروسىز مەزگىلى 221 كۈن. ئېتىز-ئېرىق ناھىيە بازىرىنىڭ ئەتراپىدا، ئاھالىلەر تېرىلغان كۆكتات، مېۋە-چىۋىلەر ناھىيە بازىرى خەلقنىڭ تۇرمۇش ئېھتىياجىنى ئاساسىي جەھەتتىن قاندۇرىدۇ.

ئاقتۇ بازىرى ئاقتۇ بازىرىغا قاراشلىق توققۇز مەمۇرىي كەنت، 57 كەنت ئاھالىلىرى گۇرۇپپىسى بار. قاراشلىق توققۇز كەنت ئاھالە كومىتېتى : ياغىچاق كەنتى، نوقۇتچى ئېرىق كەنتى، قايچا ئېرىق كەنتى، ئوردا ئېرىق كەنتى،بارىنئېرىق كەنتى، يىڭچىكە ئېرىق كەنتى، چېقىر تېرەك كەنتى، يانچىمەھەللە كەنتى، گۈمبەز ئېرىق كەنتى قاتارلىقلار.^[0]