تەۋەككۇل كارمان

تەۋەككۇل كارمان ئايال، 1979-يىلى 2-ئاينىڭ 7-كۈنى تۇغۇلغان، تەۋەككۇل كارمان يەمەننىڭ جەنۇبىدىكى تەئىز شەھرىدە تۇرىدۇ. دادىسى ئىلگىرى پرېزىدېنت ئەلى ئابدۇللا سالىھ ھۆكۈمىتىنىڭ ئىچكى ئىشلار باشقارمىسىنىڭ باشلىقلىق ۋەزىپىسىنى ئۆتىگەن. ئۈچ پەرزەنتى بار.

2005-يىلى تەۋەككۇل كارمان ، يەمەننىڭ كىشىلىك ھوقۇقىنى ئىلگىرى سۈرۈش ئۈچۈن، بولۇپمۇ «ئەركىن ئىپادىلەش ۋە دېمۇكراتىك ھوقۇقنى قولغا كەلتۈرۈش» ئۈچۈن كىشەنسىز ئايال مۇخبىرلار كىشىلىك ھوقۇق تەشكىلاتىنى قۇردى. ئۇ مەزكۇر تەشكىلاتنىڭ گېزىتى ۋە تېلېۋىزىيە ئىستانسىسىدا ئۇچۇر باشقارمىسى چىقارغان WJWC نىڭ قۇرۇلىشىنى چەكلەشنى قوبۇل قىلىشىنى رەت قىلغاندىن كېيىن، ئۇلار تېلېفون ۋە خەت-چەك ئارقىلىق «تەھدىت ۋە قىزىقتۇرۇش» ئېلىپ بارغان.

2007-يىلدىن 2010-يىلغىچە، تەۋەككۇل كارمان دائىم خەلققە رەھبەرلىك قىلىپ سانا ھۆكۈمىتىنىڭ ئالدىدىكى ئەركىن خەلق مەيدانىدا يىغىلىش ئۆتكۈزۈش ۋە ئىستىقامەتتە ئولتۇرۇش پائالىيىتى ئېلىپ بارغان.

2011-يىلى، يەمەندىكى ھۆكۈمەتكە قارشى نامايىشتا، تەۋەككۇل كارمان سانادىكى ئوقۇغۇچىلار ئۇيۇشمىسىنى ئەلى ئابدۇللا سالىھ ھۆكۈمىتىگە قارشى تۇرۇشقا تەشكىللىگەن.

2011-يىلى 1-ئاينىڭ 23-كۈنى، تەۋەككۇل كارمان قولغا ئېلىنىپ، 30 سائەتتىن كېيىن قويۇپ بېرىلگەن.

2011-يىلى 1-ئاينىڭ 29-كۈنى، تەۋەككۇل كارمان يەنە بىر قېتىم «غەزەپلىك كۈن» نامىدىكى نارازىلىق ھەرىكىتىگە رەھبەرلىك قىلغان.

2011-يىلى 3-ئاينىڭ 17-كۈنى، تەۋەككۇل كارمان بىر قېتىملىق نامايىشتا يەنە بىر قېتىم قولغا ئېلىنغان. ئۇ رەھبەرلىك قىلغان بىر قاتار نارازىلىق ھەرىكىتى ئەلجەزىرە تېلېۋىزىيە ئىستانىسى تەرىپىدىن «خەلق ۋە كۈچ«(People and Power) تېمىسىدىكى خاتىرە فىلىم قىلىپ ئىشلەنگەن.

2011-يىلى 10-ئاينىڭ 7-كۈنى، تەۋەككۇل كارمان بىلەن ئېلىن جونسون سېرلىف ۋە لېيماخ گبوۋى «خانىم-قىزلارنىڭ شەخسىي بىخەتەرلىكى ۋە ئاياللارنىڭ تىنچلىق قۇرۇلۇشىغا قاتنىشىش ھوقۇقى ئۈچۈن ئېلىپ بېرىلغان زوراۋانلىق بولمىغان كۈرەش» نامىدىكى نوبېل تىنچلىق مۇكاپاتىغا ئېرىشكەن، 2011-يىلى 32 ياشلىق تەۋەككۇل كارمان تارىختا نوبېل تىنچلىق مۇكاپاتىنىڭ ئەڭ ياش ساھىبى بولۇپ قالغان.^[0]