سۆڭەك ئۆسمىسى

سۆڭەك ئۆسمىسىسەۋەبى: بۇ كېسەللىك، زەخىم ۋە باشقا ياللۇغلىنىشلاردىن كېيىن، چوڭ بوغۇملارنىڭ ھەرە كۆنەكسىمان قىسمىنىڭ ئۈستىدىكى كۆمۈرچەكنىڭ پۇلتىيىپ ئۆسۈۋېلىش سەۋەبىدىن كېلىپ چىقىدۇ.

ئالامىتى: ياخشى سۈپەتلىك ۋە يامان سۈپەتلىك دېگەن ئىككى تۈرگە ئايرىلىدۇ، بەدەننى ئورۇقلىتىش، ھەرىكەت ئەزالىرىنىڭ ھەرىكىتىنى توسالغۇغا ئۇچرىتىش، ئاغرىش ۋە كۆرۈنەرلىك شەكىل ئۆزگىرىش قاتارلىق ئالامەتلەر بىلەن ئىپادىلىنىدۇ.

1-رېتسېپ

تەركىبى: قەلەمپۇر 280 گىرام، تۇز 25 گىرام، سۇ 1700 مىللىلىتىر.

تەييارلاش ئۇسۇلى: دورىلارنى سۇس ئوتتا قاينىتىپ تەييارلىنىدۇ.

ئىشلىتىش مىقدارى: يەرلىك ئورۇن سىرتىدىن ياغلىنىدۇ.

2-رېتسېپ

تەركىبى: قۇستە 30 گىرام، پىلپىل، پەرپىيون، ئاقىرقەرھا 12 گىرامدىن، قۇندۇز قەھرى 5. 6 گىرام، كونا مۇسەللەس 300 گىرام، زەيتۇن ياكى كۈنجۈت يېغى 150 گىرام.

سۆڭەك ئۆسمىسىتەييارلاش ئۇسۇلى: قۇستە، پىلپىل، ئاقىرقەرھالارنى چالا سوقۇپ، مۇسەللەسكە بىر سوتكا چىلاپ، 150 گىرام قالغۇچە قاينىتىپ، سوۋۇغاندىن كېيىن دورا تىرىپلىرىنى سۈزۈۋېلىپ، كۈنجۈت يېغى ياكى زەيتۇن يېغىنى قۇيۇپ، مۇسەللەس پارغا ئايلىنىپ، ياغلا قالغۇچە قاينىتىپ، قۇندۇز قەھرى بىلەن پەرپىيۇننى يۇمشاق سوقۇپ تالقانلاپ، قازاندىكى ياغ بىلەن ئارىلاشتۇرۇپ، سوۋۇغاندىن كېيىن سۈزۈپ تەييارلىنىدۇ.

ئىشلىتىش مىقدارى: سىرتىدىن ئاغرىق جايغا چېپىلىدۇ.

3-رېتسېپ

تەركىبى: ئېگىر، سۇمبۇل، دارچىن بەش گىرامدىن، مۇرمەككى سەككىز گىرام، جويۇز ئۇرۇقى، دۇرۇنەج ئەقرەبى ئۈچ گىرامدىن، كەرەپشە ئۇرۇقى، ئادراسمان ئۇرۇقى ئىككى گىرامدىن، ھەسەل دورىلارنىڭ ئۈچ ھەسسىسىگىچە.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، ھەسەل بىلەن ئارىلاشتۇرۇپ تەييارلىنىدۇ.

ئىشلىتىش مىقدارى: كۈنىگە ئىككى قېتىم، ھەر قېتىمدا ئالتە گىرامدىن ئىستېمال قىلىنىدۇ.