كۆز ياشاڭغىراش

كۆز ياشاڭغىراشسەۋەبى: بۇ كېسەللىك، زۇكام، قىزىتمىلىق كېسەللىكلەر ۋە كۆز ئاغرىقى سەۋەبىدىن كېلىپ چىقىدۇ.

ئالامىتى: سوغۇق ھاۋاغا چىققاندا ياكى سوغۇقلۇق يېمەكلىكلەرنى ئىستېمال قىلغاندا، كۆزدىن ياش ئېقىش كۈچىيىپ قېلىش ئالامىتى بىلەن ئىپادىلىنىدۇ.

1-رېتسېپ

تەركىبى: ھۆل رەيھان 60 گىرام، نۆشۈدۈر ئۈچ گىرام، بەدىيان، زەنجىۋىل، قارىمۇچ، مامرانچىنى ئالتە گىرامدىن، تۇتىيا ئىككى گىرام.

تەييارلاش ئۇسۇلى: رەيھاننى ئېزىپ، سۈيىنى سۈزۈپ تۇتىيادىن باشقا دورىلارنى چىلاپ مەلۇم مەزگىل ئۆتكەندىن كېيىن سۈزۈپ قۇرۇتۇپ، يۇمشاق سوقۇپ ئۇپا ھالىتىگە كەلگەندىن كېيىن، تۇتىيانى سوقۇپ ئارىلاشتۇرۇپ تەييارلىنىدۇ.

ئىشلىتىش مىقدارى: كۈنىگە بىر قېتىم كۆزگە سۈرمە ئورنىدا تارتىلىدۇ.

2-رېتسېپ

كۆز ياشاڭغىراشتەركىبى: تۇتىيا يەتتە گىرام، بىخ مارجان، سېرىق ھېلىلە پوستى، سەبرە سۇقۇترى ئۈچ گىرامدىن، قارا ھېلىلە، پىلپىل 0. 7 گىرامدىن.

تەييارلاش ئۇسۇلى: تۇتىيانى قىزىتىپ، يەتتە قېتىم ئەرىقى گۇلابتا سۇغىرىپ، ئاندىن باشقا دورىلار بىلەن يۇمشاق سوقۇپ، ئەلگەكتىن ئۆتكۈزۈپ تەييارلىنىدۇ.

ئىشلىتىش مىقدارى: كۈنىگە بىر قېتىم ئۇخلاشتىن ئىلگىرى كۆزگە سۈرمە ئورنىدا تارتىلىدۇ. 

رېتسېپ: ئۆچكە يولىنى پىلتا قىلىپ يەرلىك ئورۇنغا قويسا، كۆزدىن ياش ئېقىشقا داۋا بولىدۇ.

رېتسېپ: قارا قوينىڭ قۇيرۇق يېغىنى ئېگىر بىلەن ياقسا مەنپەئەت قىلىدۇ.

رېتسېپ: خوراز ئۆتىنى ياش ئاقىدىغان كۆزگە سۈرسە شىپا بولىدۇ.

رېتسېپ: قىزىل ئالمىنىڭ ئىچىگە سېرىغ ياغنى تىقىپ خېمىرغا ئوراپ پىشقاندا ئېلىپ، ياغنى كۆزگە تارتسا ياخشى مەنپەئەت قىلىدۇ.

رېتسېپ: كالىنىڭ ئۆتىنى ھەر كۈنى بىر قېتىم كۆزنىڭ سىرتىدىن سۈركەپ بەرسە شىپا بولىدۇ.

پەرھىز: تەستە ھەزىم بولىدىغان، غىدىقلىغۇچى، يەل پەيدا قىلغۇچى، ئاچچىق – چۈچۈك، زىيادە سوغۇق ياكى زىيادە ئىسسىق تەبئىيەتلىك يېمەك – ئىچمەكلەرنى ئىستېمال قىلىش قاتارلىقلاردىن ساقلىنىش، سوغۇق سۇدا يۇيۇنماسلىق، ھاراق ئىچمەسلىك، چاڭ – توزان، ئىس – تۈتەكلىك ئورۇندا تۇرماسلىق، زىيادە ئاچچىقلانماسلىق، چارچىماسلىق، كۆزىنى پاسكىنا نەرسىلەر بىلەن تۇتماسلىق كېرەك. ^[0]