چېدىر يېزىسى

چېدىر يېزىسىچېدىر يېزىسى شىنجاڭ ئۇيغۇر ئاپتونوم رايونى بايىنغۇلىن موڭغۇل ئاپتونوم ئوبلاستى نىڭ بۈگۈر ناھىيەسى ناھىيە بازىرىنىڭ شەرقىگە 60 كىلومېتىر كېلىدىغان جايدا بولۇپ، خەن سۇلالىسى دەۋرىدە غەربىي يۇرت قورۇقچىبەگ مەھكىمىسى تۇرۇشلۇق جاي بولغان. مىنگونىڭ 31-يىلى (1942-يىلى) چېدىر يېزىسى بۇلۇپ قۇرۇلغان، 1958-يىلى گۇڭشې بۇلۇپ قۇرۇلغان، 1984-يىلى قايتا تەسىس قىلىنغان. ناھىيە بازىرىنىڭ شەرقىي شىمالىغا جايلاشقان، ناھىيە بازىرى بىلەن بولغان ئارىلىقى 58 كىلومېتىر. ئومۇمىي ئائىلە سانى 1423، نوپۇسى 5995 ئادەم، ئۇيغۇر لار %99.5 كە يېتىدۇ. 

چېدىر يېزىسىقارىمىقىدا تۆت ئاھالە كومىتېتى بار: سايباغ كەنتى، دوسمەت كەنتى، چىگىلىك كەنتى، چېدىر يېزىسى چارۋىچىلىق كەنتى. 

ئىقتىسادى يېزا ئىگىلىكىنى ئاساس قىلىدۇ، چارۋىچىلىق قوشۇمچە قىلىنىدۇ. ئاساسلىقى زىرائەتلەردىن بۇغداي، كېۋەز، قوناق، مايلىق ئاپتاپپەرەس، قىزىلگۈل، كەندىر، زىغىر ۋە كۆكتات قاتارلىقلار بار. قۇرۇق مېۋىلەردىن نەشپۈت، ئۆرۈك، شاپتۇل، ئۈزۈم، ئۈجمە ۋە قوغۇن كۆپ چىقىدۇ. 

2007-يىلى يېزا ئىگىلىك ئىشلەپچىقىرىش ئومۇمىي قىممىتى 4225 تۈمەن يۈەن، دېھقان-چارۋىچىلارنىڭ ئوتتۇرىچە ساپ كىرىمى 4905.8يۈەن، 2006-يىلدىكىدىن ئايرىم-ئايرىم ھالدا 396 يۈەن، 8.8 % ئاشقان. بۇنىڭ ئىچىدە تېرىقچىلىق كىرىمى 76.62 يۈەن، چارۋىچىلىق كىرىمى 80.84 يۈەن، ئەمگەك كۈچىنى يۆتكەشتىن قىلغان كىرىم 155.71 يۈەن، 2-، 3-كەسىپ كىرىمى 61.12 يۈەن، باشقا كىرىم 16.09 يۈەن ئاشقان.

قەدىمىي يادىكارلىقلاردىن ئازغان قەدىمىي قەلئەسى، ئولپان دۆڭ قەدىمىي شەھىرى، ئاگېلاق قەلئەسى، ئاقدۆڭ قەلئەسى، مىڭ ئۆي خارابىسى ۋە چىغانلىق جىلغىسى قاتارلىقلار بار. ^[0]