بالىياتقۇ قاناش

بالىياتقۇ قاناشسەۋەبى: بۇ كېسەللىك، بالىياتقۇ مىجەزى بۇزۇلۇش، قان سۇيۇلۇپ كېتىش، ئۇيۇشۇشچانلىقى تۆۋەنلەش، بالىياتقۇنىڭ قۇۋۋىتىنى تەڭشىگۈچى تەبىئىي قۇۋۋەتنىڭ خىزمىتى قالايمىقانلىشىش، شۇنداقلا بەدەن ئاجىزلىق، ئوزۇقلۇق يېتىشمەسلىك، غەم-قايغۇ، قاتتىق چارچاش قاتارلىق روھىي ئامىللار سەۋەبىدىن كېلىپ چىقىدۇ.

ئالامىتى: خەلق ئارىسىدا خۇن تەۋرەش، خۇن كېسەللىكى دەپ ئاتىلىدۇ. ئاياللارنىڭ جىنسىي يولىدىن قەرەلسىز خۇن كېلىش، ھەيز كۆرۈش ۋاقتى ئۇزىراپ كېتىش، خۇننىڭ مىقدارى كۆپ بولۇش، كۆزى قاراڭغۇلىشىش، ماغدۇرسىزلىنىش، يۈرەك سېلىش، ئىشتىھاسىزلىق، ئۇيقۇسىزلىق، ئىنچىكە بەل بىلەن تۆۋەنكى قورساق قىسمى تېلىپ ئاغرىش، ئاقىۋىتىدە كەم قانلىق قاتارلىق ئالامەتلەر بىلەن ئىپادىلىنىدۇ.

1-رېتسېپ

تەركىبى: چۆپچىنى 30 گىرام، بەدىيان، ئامىلە، سېرىق ھېلىلە پوستى، قارا ھېلىلە، كابۇل ھېلىلىسى پوستى، جۇۋىنە، شاقاقۇل، جويۇز، بوزىدان، سەۋزە ئۇرۇقى، ئۇد ھىندى، دارچىن، بەسباسە، سۇمبۇل، ئاسارۇن، قەلەمپۇر، سۆرۈنجان مىسىرى، خولىنجان، سۆئدى كۇپى، پىلپىل، زەپەر، كۇندۇر، زەنجىۋىل 10 گىرامدىن، ھەسەل ئۈچ ھەسسە.

تەييارلاش ئۇسۇلى: دورىلار يۇمشاق سوقۇپ، ئەلگەكتىن ئۆتكۈزۈپ، ئېرىتىلگەن ھەسەل بىلەن ئارىلاشتۇرۇپ مەجۈن تەييارلىنىدۇ.

ئىشلىتىش مىقدارى: كۈندە ئىككى ۋاخ، ھەر قېتىمدا بەش گىرامدىن بېرىلىدۇ.

2-رېتسېپ

بالىياتقۇ قاناشتەركىبى: كەھرىۋا 15 گىرام، گىلى ئەرمەنى، سەمغى ئەرەبى، خۇنسىياۋشان، تاباشىر، نىشاستە، كەتىرا، ئاقاقىيا، ئانارگۈلى، بىخ مارجان، كۇندۇر، پوستى خەشخاش 10 گىرامدىن، ئەنجىبار 15 گىرام.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، مېۋە قىيامى بىلەن ئارىلاشتۇرۇپ، پۇرچاقتەك چوڭلۇقتا كۇمىلاچ تەييارلىنىدۇ.

ئىشلىتىش مىقدارى: كۈنىگە ئىككى قېتىم، ھەر قېتىمدا 3 ~ 6 تالدىن ئىستېمال قىلىنىدۇ (بالىلارغا ئازايتىلىدۇ) .

3-رېتسېپ

تەركىبى: بۇغا مۈڭگۈزى كۈلى 80 گىرام، كەھرىۋا 20 گىرام، پىل غوزىسىنىڭ كۈلى 15 گىرام، فۇپەل، موزا 30 گىرامدىن، ئانار پوستى 80 گىرام، ئانار گۈلى 60 گىرام، قارا شېكەر 200 گىرام.

تەييارلاش ئۇسۇلى: قارا شېكەردىن باشقا دورىلارنى يۇمشاق سوقۇپ، ئەلگەكتىن ئۆتكۈزۈپ، قارا شېكەر بىلەن ئارىلاشتۇرۇپ تالقان تەييارلىنىدۇ.

ئىشلىتىش مىقدارى: كۈنىگە ئىككى قېتىم، تاماقتىن كېيىن ئىككى گىرامدىن ئىستېمال قىلىنىدۇ.