فىروزە

فىروزەفىروزە كۆك ياكى يېشىل رەڭلىك، ساپ، سۈزۈك، تىنىقسىز، ئېسىل، ئەتىۋار بىر خىل مىنېرال ماددا. ئۇ ھازىر خەلقئارادا ئەڭ ئېسىل زىننەت بۇيۇملىرىنىڭ بىرى بولغان گۆھەر تاشلىرى قاتارىدا ئەتىۋارلىنىدۇ، باھاسىمۇ ناھايىتى قىممەت، ئۇيغۇر تېبابىتىدە دورىلىق ئۈچۈن ئىشلىتىلىدىغىنى ھەجمى چوڭراق، رەڭگى تەكشى، سۈزۈك، دۇغسىز كەلگىنى ياخشى ھېسابلىنىدۇ. كلاسسىك تېببىي كىتابلاردا فىروزىگە ئىپارنىڭ پۇرىقى تەسىر قىلسا ياكى ياغلىق نەرسە تەگسە، سۈپىتىگە تەسىر يېتىدىغانلىقى، شۇڭا بۇلار بىلەن بىرگە قويماسلىق ئالاھىدە تەكىتلەنگەن. كانادا، رۇمىنىيە قاتارلىق دۆلەتلەردىن چىقىدۇ.

زەھەر قايتۇرۇش، خوشلۇق كەلتۈرۈش، يۈرەك ۋە مېڭىنى قۇۋۋەتلەش، روھنى ئۇرغۇتۇش، ئاشقازاننى قۇۋۋەتلەش، كۆرۈش قۇۋۋىتىنى ئاشۇرۇش خۇسۇسىيىتى بار.

ئەكىس تەسىرى

بۆرەككە زىيان قىلىدۇ.

ئاليومىن ھىدروفوسفور ۋە كوپىروم ھىدروفوسفور بار ۋە ئاز مىقداردا تۆمۈر بار.

فىروزەمېڭە ئاجىزلىقى، يۈرەك ئاجىزلىقى، يۈرەك رېتىمسىزلىقى، مالخولىيا، ئۇنۇتقاقلىق، سەرئى، نېرۋا ئاجىزلىقى، بۆرەك ۋە دوۋساققا تاش چۈشۈش، قان ئازلىق، ئىچى سۈرۈش، ئۈچەي جاراھىتى، كۆرۈش قۇۋۋىتى ئاجىزلىق، ئاشقازان ئاجىزلىقى، ھەر خىل زەھەرلىنىش قاتارلىقلارغا ئىشلىتىلىدۇ.

ئىشلىتىش ئۇسۇلى

1. فىروزە كۇشتىسىنى مۇۋاپىق مىقداردا ئىستېمال قىلسا، چاياننىڭ زەھىرىنى قايتۇرىدۇ. 2. ئىككى گرام فىروزە كۇشتىسىنى ھەسەل بىلەن قوشۇپ ئىچسە، سەرئىگە مەنپەئەت قىلىدۇ. 3. فىروزە كۇشتىسىدىن 1.5 گرام، مەرۋايىت كۇشتىسىدىن 2 گرام ئېلىپ ئارىلاشتۇرۇپ سوپۇپ قىلىپ ئىستېمال قىلسا بۆرەك ۋە دوۋساققا تاش چۈشۈشنى توسىدۇ. 4. 1.4 گرام فىزوزە كۇشتىسىنى ئالما ياكى ئانار شەربىتى بىلەن قوشۇپ ئىچسە، يۈرەك زەئىپلىشىش، يۈرەك رېتىمسىزلىقى، يۈرەك قوزغىلىش قاتارلىقلارغا شىپا بولىدۇ.

مىقدارى

ئىچىدىن كۇشتىسىنى 2 ~ 0.8 گرام، سىرتتىن مۇۋاپىق مىقداردا ئىشلەتسە بولىدۇ.

تۈزەتكۈچىسى

كەتىرا

ئۇرۇنباسارى

زەھرە موھرە، ھېقىق تېشى.

كۇھلى سۈرمە.

^[0]