بۆرەك جامى ياللۇغى

بۆرەك جامى ياللۇغىبۆرەك جامى ياللۇغى ئۆتكۈر خاراكتېرلىك بۆرەك جامى ياللۇغى ۋە سوزۇلما بۆرەك جامى ياللۇغى دەپ ئىككى تۈرگە ئايرىلىدۇ. 

سەۋەبى: بۇ كېسەللىك، بۆرەك جامىنىڭ يۇقۇملىنىشى سەۋەبىدىن كېلىپ چىقىدۇ.

ئالامىتى: ئۆتكۈر بۆرەك جامى ياللۇغى باشلانغاندا قىزىتما، توڭۇپ تىترەش، بەل ئاغرىش، پات-پات سۈيدۈك قىستاش، سۈيدۈك مىقدارى ئاز بولۇش، سۈيدۈك ئېچىشىپ كېلىش، سىيگەندە ئاغرىش قاتارلىق ئالامەتلەر؛ سۇزۇلما ھالەتكە ئۆزگەرگەندە بولسا، قىزىتما، بەل ئاغرىش، ماغدۇرسىزلىق ئالامەتلىرىگە قوشۇلۇپ قان بېسىمى ئۆرلەپ قېلىشتەك ئالامەتلەر بىلەن ئىپادىلىنىدۇ.

1-رېتسېپ

تەركىبى: قىزىلگۈل سەككىز گىرام، سۇمبۇلتىپ، مەستىكى رۇمى تۆت گىرامدىن، غاپەسنىڭ سۈيى، رەۋەن، زەپەر، ئىزخىرمەككى، ئورىدان، ئارپىبەدىيان، ئود خام ئىككى گىرامدىن، ئود بىلسان بىر گىرام.

تەييارلاش ئۇسۇلى: زەپەردىن باشقا دورىلارنى قايناق سۇغا چىلاپ، سۈزۈپ، قۇرۇتۇپ، يۇمشاق سوقۇپ، ئەلگەكتىن ئۆتكۈزۈپ، زەپەرنى ئايرىم يۇمشىتىپ، باشقا دورىلار بىلەن دورا يۇغۇرۇپ مەجۈن تەييارلىنىدۇ.

ئىشلىتىش مىقدارى: كۈنىگە ئىككى قېتىم، ھەر قېتىمدا 10 گىرامدىن ئىستېمال قىلىنىدۇ.

2-رېتسېپ

بۆرەك جامى ياللۇغىتەركىبى: كاكنەچ، تاۋۇز ئۇرۇقى مېغىزى، بادام مېغىزى، رۇببىسۇس، نىشاستە، خۇنسىياۋشان، سەمىغى ئەرەبى، كەتىرا 350 گىرامدىن، كەرەپشە ئۇرۇقى 110 گىرام، كۆكنار 10 گىرام.

تەييارلاش ئۇسۇلى: كۆكنار، رۇببىسۇستىن باشقا دورىلارنى يۇمشاق سوقۇپ، ئەلگەكتىن ئۆتكۈزۈپ، رۇببىسۇسنى ئېرىتىپ، باشتا كۆكنارنى، ئاندىن باشقا دورىلارنى قوشۇپ، ئەرىقى گۇلاب بىلەن يۇغۇرۇپ، تۈگمىدەك چوڭلۇقتا توقىچاق (قۇرس) تەييارلىنىدۇ.

ئىشلىتىش مىقدارى: كۈنىگە ئىككى قېتىم، ھەر قېتىمدا ئالتە تالدىن ئىستېمال قىلىنىدۇ.

3-رېتسېپ

تەركىبى: بەدىيان يىلتىزى، كاسىنە ئۇرۇقى، چىلان، قىزىلگۈل، قۇرۇق ئۈزۈم 30 گىرامدىن، تەرخەمەك ئۇرۇقى، كاكنەچ، شاھتەررە 15 گىرامدىن، سېرىق ئوت، گاۋزىبان، سېمىز ئوت ئۇرۇقى 10 گىرامدىن، كاسىنە يىلتىزى 60 گىرام، شېكەر 300 گىرام، سۇ 300 گىرام.

تەييارلاش ئۇسۇلى: دورىلارنى سۇدا قاينىتىپ، ئۈستىگە شېكەرنى سېلىپ شەربەت تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا 80 گىرامدىن ئىستېمال قىلىنىدۇ.