قۇشقاچ مېڭىسى

قۇشقاچ  بولسا ھـەمـمـىـگە تـونـۇش بـولـغـان ئـاق قـۇشـقـاچ(Stenneger Passer montanus saturatus)  نىڭ مېڭىسى بۇلۇپ،رەڭگى ئاقۇچ كۈل رەڭ، پارقىراق سەل بېلىق پۇرىقى پۇرايدۇ.  تەمى تېتىقسىز،3~4-ئايلاردا يېتىلگەن قۇشقاچنى تۇتۇۋېلىپ(ئەركەك قۇشقاچ بولسا تېخىمۇ ياخشى)، بېشىنى كېسىپ، تېرىسى، ئېغىزى ۋە ئارتۇق گۆشلەرنى چىقىرىۋېتىپ، ۋاقتىدا قۇرۇتىلىدۇ.شىنجاڭنىڭ ھەممە جايلىرىدىن تېپىلىدۇ.

خاس تەسىرى

مېڭىنىڭ ماددا ئالمىشىشنى ياخشىلاش، مىڭىنى ۋە ئومۇمىي بەدەننى قۇۋۋەتلەش.

ئەكىس تەسىرى

 ئىسسىق مىزاج كىشىلەرگە زىيان قىلىدۇ.

1.قۇشقاچ مېڭىسىنى ياغ بىلەن قورۇپ يىسە، پالەچ، ئىستىرىخا، ھەر خىل جىگەر كېسىلى، يەرقان، بۆرەك ۋە باھ ئاجىزلىقى قاتارلىقلارغا مەنپەئەت قىلىدۇ.

2. قۇشقاچ مېڭىسى بىلەن تۇخۇم سېرىقىنى زەيتۇن يېغىدا قورۇپ يەپ بەرسە، مەنىي كۆپەيتىدۇ، باھنى قۇۋۋەتلەيدۇ.

3. قۇشقاچ مېڭىسىنى زەپەر بىلەن قوشۇپ پەرجىگە ھەمەل قىلسا، تۇغمىغان ئاياللار ھامىلىدار بولىدۇ.

دورىلىق ئورنى

قۇشقاچنىڭ مېڭىسى

مىقدارى

1 دانىدىن 2 - دانىغىچە

ساقلاش

كۈن نۇرى تەگمەيدىغان ھەم قۇرغاق جايدا ساقلىنىدۇ. ياكى تۇتۇۋېلىنغاندىن كېيىن دەرھال مېڭىسى ئېلىنىپ ئىشلىتىلىدۇ.

تۈزەتكۈچىسى

ئانار، غورا سۈيى،ئاچچىق چۈچۈك مېۋە سۇلىرى،سىركەنجىبىل

ئورۇنباسارى

ئانار، غورا سۈيى،ئاچچىق چۈچۈك مېۋە سۇلىرى،سىركەنجىبىل

 مەجۇنى لوبۇبى كەبىر، ھەبىبە قوشقاچ مېڭىسى.

پالەچ، ئىستىرىخا، پۇت - قول قولۇشۇش،  بۆرەك ئاجىزلىقى، باھ ئاجىزلىقى، كۆپ چۈش كۆرۈش، تۇغماسلىق، قۇلاق گاسلىقى قاتارلىق كېسەللىكلەرگە ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]